ارجو المساعدة بحيرة

[رماد الحب الضائع]

السلام عليكم ورحمة الله وبركاته :

         اخواني اخواتي , تعرفون انه الان في سي تحدد مقابلة بعيدة بعد ارسال المستمسكات ...سؤالي

اني مثل ما اتعرفون خارج العراق للعلاج ....سؤالي عدم المحومية الي عددي  استحصلتها من 1\10\2011 .يعني مدتها 7 اشهر  ومقابلتي  هذ الشهر ...منو قابل وكانت عدم المحكومية مدتها 7 اشهر وما كلوله شي ....واشكد مدة يستلموها من عددي بالمقابلة ....اعرف ولد يكول كلوله بالمقابلة نستلمها لمدة سنة .......


                 انتظر ردكم

                      بقلق وحيرة لان عدم المحكومية تاخذ من 10 الى 15 يوم واني خارج العراق



                     اخوكم ابو زينب

[gustavo]

اخونا الغالي ليش هل الحيرة..
فدوة اروحلك مو اكو نت دزلهم ايميل وشوف شنو ردهم واذا انكليزيتك مو زينة انطي خبر اهنا بالمنتدى ..
وانشالله احنا بخدمتك ...
على شنو امدوخ نفسك والحل بيدك..
تحياتي ..

[رماد الحب الضائع]

حبي عمري انت ....اول شي اني اول تالي مراح اسوي عدم محكومية جديدة  لان ما عددي وقت والمقابلة جدا قريبة واني خارج العراق ...ثانيا اني ما اريد ادزلهم رسالة وانبهم لان ذوله مزاجييين .....


          اني ردت اسوي وحدة جديدة بس للاسف اهنا بعينكاوة انطوني معلومات خطا كلولي السفارة تستلم  العدم محكومية لمدة سنة واللي حجاها لا واحد ولا اثنين ....وامس كنت اسال عن شي ثاني وشخص بالصدفة حجى شغلة العدم محكومية ....ويكول اكسباير 3 اشهر ...........


                       قشمروني العينكاويين لو لا

                                        راح ابقى ابقلق ليوم المقابلة

[gustavo]

واله شقولك ...
بس اني من طلعتها العام قالوا الي اهناك مدتها 6 اشهر..
اذا جايه تعليمات جديدة بعد ماعرف...
على كل حال يجوز الجماعة هم سامعين ومامتاكدين ..
اخويه العزيز ..
انته اخذ العدم محكومية الي عندك وروح واذا صار شي وقالوا لازم اتبدلها عود بدلها بوقتها..
وبالمناسبة انته اول وتالي اتطلع وحده جديدة ...
اتمنى الاعضاء الي موخرا امطلعين عدم المحكومية يشاركون بالموضوع ..
بالتسهيل انشالله ..وخليها ع الله ..

[رماد الحب الضائع]

 
حبيبي اذا متدري ان الامريكان ميريدون ايطلعونه فاني اكولك ميريدون ومثل اللي حجى احجاية وابتلى .......ايريدون بس حجة .......


                 بس اني عتبي على الناس اللي اتقابل لا واحد ولا اثنين اللي كولي متحتاج اتجددها


                      الله كريم

[steven_siv]

وانتة كلتها اني خارج العراق يعني اذا انت سافرت وبلغت الجماعة يمكن مراح يسالؤ منك على عدم محكومية جديد من العراق بس اذا بقيت بالمكان اللي انت هسة بي لاكثر من 6 اشهر فلاترجع الاوبايدك عدم محكومية جديد مناك لان هيج صار وياي
تحياتي 

[رماد الحب الضائع]

حبيب عمري اني ما حبقه اكثر من شهرين او تلاثة ....سؤالي ياحبي عن العدم محكومية اللي استحصلتها يو 1\10\2011 ...هسا صارلها تقريبا 6 اشهر ونص ....هل احتاج ان استحصل عدم محكومية جديدة .......لان من دزيتها  للان في سي دزيتها يوم 2\10\2011 لكن مقابلتي حددولي اياها بعيده بالرابع ...هذا سؤالي احتاج استحصل عدم محكومية جديد من لعراق علما اني اسكن بغداد ....وسفرتي للعلاج ومراح اتطول اكثر من 3 اشهر



                        اريد جواب شافي ..... منو قابل وسلم عدم المحكومية وكانت مدتها 7 اشهر

                                     ابو زينب

[رافت العراقي]

عيني اني رحت للادله الجنائيه قبل كم يوم حته اطلع عدم محكوميه وفعلا الاكسباير صار 3 اشهر مو 6 مثل قيل
بس تكدر انته تقابل وبعدين ادزلهم عدم محكوميه جديده اذا طلبوا منك,,, هسه انته ليش دايخ روح والله كريم بلكت تمشي
بالتوفيق ان شاءالله

رافت