سلمت نتيجة اعادة الفحص الطبي بيدي لسفارهsiv

[smart4iraq]

مرحبا شباب قبل 5 ايام رحت لسفاره وسلمت  نتيجة اعاده الفحص الطبي وسالت الولد راح استلم الفيزا اليوم كلي اي وره ساعه جاب الجوازات وسالني اسله عامه وسالته الموافقه الامنيه جاي كال نعم لكل العائله والك هم جايه وره 3ساعات شاف بنات وعاف معاملتي وراها ذاع اسمي وكلي تستلم الجواز مالتك بين 5ايام الى 3 اسابيع كتله ليش شكو كلي منكدر نطبع الفيزا اليوم كتله ليش  كلي مااكدر اكلك اكو واحد ايفهمني شنو سالفه

[ألن في بلاد العجائب]

حرام اذا افتهمت شي 

[*George*]

السلام عليكم
اخوية رحمة لوالديك شوية تفاصيل ترة صرت مثل الاطرش بالزفة ماكو ربط بالحجي
ممنون اخوية

[ميخالف]

هو انته بيا مكان اصلا ببغداد لو وين ؟

[smart4iraq]

اني بغداد وشنو الي مفتهمتوا اخواني

[ABO-SULTAN]

احتمال ماعدهم فيز كافيه لشهر نيسان / ابريل
شوف الرابط
http://www.travel.state.gov/visa/bulletin/bulletin_1360.html

[steven_siv]

سالمين 
عيني صارلنة سنين منتظرين هالكشرة واول واحد انت كايليلة ننطيك الفيزة ورة ساعة وبعدين ماعرف شنو اشو مداتدخل دماغي سالفتك

[rmadi]

اخوان علكيفكم
الي عنده هوية دخول للمنطقة الخضراء يكدر يدز للسفارة ويكلهم اني أريد أوصل الفحص الطبي بايدي او استلم الجوازات بايدي يوافقون مباشرة ويكولولة حطينة اسمك على قائمة الدخول مال فلان يوم تعال راجع. واني ورة المقابلة من احتاجيت جوازتي رحت استلمتها بنفسي.

اني عندي زميل بالعمل نفس الشي عاد الفحص الطبي وراح وصلة يوم الخميس الي قبل القمة بحيث طلع من السبعة الصبح وصل للسفارة بالوحدة.
سلمهم الفحص والجوازات وهم انتظر. وكالولة فد اسبوعين ثلاثة واحتمال تستلم فيزتك بس فاجاني اني المحلف كلة ارفع ايدك واقسم المعلومات الي بملفك كلها صح.
وخلة يوقع ورقة اول متصدر الفيزا يستقيل ويسافر!!!!!!!!

[rmadi]

بس حبيت اضيف انو قبل مدة احد الاخوة كتب موضوع انهو سلم الجوازات بايدة وكلهم اني اروح ماعدكم شي وياية؟ الموظف كله لا انتظر علمود نحطلك الفيز وتأخذ الجوازات وبالعل استلم الفيزا نفس اليوم بس اسم الاخ مدا يحضرني

أرجوكم لاتستعجلون بالاستهزاء وتكذيب الناس

[smart4iraq]

اخواني الي ميعرف شي خلي يكرمنه بسكوته وشكرا للاخوان الي جاوبوني بدون استهزاء

[**Sally**]

اي الحمدالله المهم معاملتك كامله
3 اسابيع ولا تظل تنتظر

بالتوفيق

[smart4iraq]

اي الحمدالله المهم معاملتك كامله
3 اسابيع ولا تظل تنتظر

بالتوفيق

يعني شنو ماانتظر

[smart4iraq]

ها ماكو اجوبه مساعده

[ABO-SULTAN]

اخويه تره الشغله روتينيه همه يكلون الك من خمسه ايام الى ثلاثة أسابيع والأغلب تستلمها بعد اسبوع ان شاء الله و واحد بالميه بعد هذي الفتره فانت اخي لتستعجل من تستلم الفيزا بيدك ابدي أتحرك وصفي أمورك وان شاء الله الموفقيه بالحياة الجديده

[malak.ali]

اخي انت ليش قلق لهالدرجه

يعني لو اكو مشكله بالفيزا قابل يستحون منك

والله اسهل شي عدهم يكولولك روح عيني وامسح ايدك بالحايط

مادام كلولك 3 الى 5 ايام انتظرهن وشوف شنو القصه انت صبرت كل هالفتره مراح تكدر تصبر اقل من اسبوع وتشوف نتيجتهم

[فنكوش]

اخي اني بوكته استلمت الفيزه من السفاره واكو ولد ويايه مثل حالتك كلوله راح نطبعلك الفيزه بعدين ملحكوا وكالو انه خلال اسبوع يستلمهه يعني لتخاف شغلة روتينيه والله يسهل امرك

[rmadi]

عزيزي المهاجر
اني مسامع يكولون جيب كتاب من دائرتك.....
بغض النظر عن كونك موظف حكومي او قطاع خاص يكولولك استقيل مو لسبب قانوني يمنع الفيزا او السفر بوجود الوظيفة
بس همة يريدون من تصدر الفيزا انتة تسافر قبل نهاية صلاحية الفيزا والا راح اما تعيد المعاملة من جديد احتمال ما تستلم فيزا بعد
وهذا كله وقت وكلفة عليهم

[ABO SARAH]

معلينه من العركات هسه يعني اذا طلعت فيزتك تكول لو لا بس صارحنه ودير بالك ترة اني من هسه بديت احط عيني على فيزتك والله يستر.
لك عيني اني صارلي سنة و3 اشهر يعني عيني حارق خارق مال واحد شبعان انتظار وقهر.



ابو سارة

[ابو سمر]

اني اعرف ولد مدبلج السفارة اتصلو بي وكلولة تعال وقع اوراق واحتمال ننطيك فيزتك بنفس اليوم
راح ووقع اوراق وكلولة كم يوم ونشحن فيزتك للدياج ال
والصراحة متصلت بي علمود اعرف استلمها لو بعده لان ملتهي بشغلي
هذا الحجي جان قبل اسبوع
اليوم اتصلةبي واشوف

[smart4iraq]

يمعودين خو ماكو شي هالحجي صارله 3 اشهر خو  ماكو شي سالمين اني ايست بعد