السلام عليكم اخوان
عندي استفسار بخصوص سؤال بالاستمارة مال ال iom وهو ( هل تم احتجازك والتحقيق معك من قبل السلطه العراقيه او اى سلطه اخرى ف العالم طوال حياتك حتى ولو لم يتم توجيه تهمه اليك ) . واني عام 2005 سافرت للبنان اني و3 اصدقاء واحد منهم اجر سيارة نفتر بيه ابيروت وتيهنا الطريق ولزمونا الامن الاستقصائي ساعة وحده بليل ولي كان باسمه اوراق استاجر السياره باقي بالشقة وطبعا كنا مشيالين جوازاتنا ويانا واخذونا وسلمونا لمركز الشرطة( بس هم شلون شرطة واحد يكل للثاني انت ذبهم بالحجز يستحون
) لان جانت شغلتنا ممستاهله وبرى ساعتين صاحبنا جابنا الجوازات واوراق استاجار السيارة وطلعونا بس همه يمكن فتحوا محضر لان سئلونا شكم سوال وبعدين ذبونا بالنظارة الى ان اجت جوازاتنا .
هل اذكر هاي الحادثة وللعلم هي كلها مطولة 3 ساعات, لو اغلس
واكو شغله اقدم منها بس حتى مااذكر ياسنة يعني لو 2000 لو 2001 جانوا الشرطة والانضباط العسكري مسوين حملة واخوكم هم مجان شايل كلشي وياه لهويه لدفتر خدمة مع العلم اني جان موقفي سليم من الخدمة لان جنت مسوي معاملة لجان طبية , المهم لزموني الشرطة بس هم عني شلون شرطة الله ليسلطهم ....., و3 ايام شفت النبي عربي الى ان جابو مستمساكاتي بس هاي بعد ما راحت اوراقي للقاضي وصارة قضية .
فحبيت انو اخذ رايكم بهل حادثتين يعني لازم اذكرهن, واذا ماذكرتهن يعني معقولة عدهم هيجي مقدرة انو يعرفون عنها ؟؟
