عضو جديد ومحتاج معلوماتكم .. ارجو الدخول

[saif salih]

اخواني في عنكاوة
السلام عليكم
انا عضو جديد في المنتدى وجدته بالصدفة عن طريق البحث على الكوكل واذا بي اتفاجىء بوجود مثل هكذا منتدى عملاق واعضاء كثيرين وغزارة في المعلومات وفعلا انه موقع يستحق التسجيل والمشاركة فيه
انا مقدم على برنامج الاس اي في يعني الهجرة الخاصة وحاليا انا في طور انتظار الفيزة لانني سلمت جوازي الى السفارة قبل شهر تقريبا وكل شيء منتهي عندي الفحوصات والموافقات الامنية وقبل يومين وصلني ايميل من السفارة جوابا على ايميل بعثته لهم حول تحديد المدينة لي كوني لااملك كفيل ولااعرف احد في امريكا فاجابوني بانني ساكون في ولاية NEW MEXICO مدينة ALBUQUERQUE وحيث انني لااملك اية معلومات عن هذه المدينة فارجو ممن لدية اية معلومات او يسكن فيها ان يسعفني بها من ناحية كل شيء واكون شاكر لكم تعاونكم علما باننا عائلة اب وام وثلاث اطفال.

اخيكم  سيف   بغداد

[محارب]

اهلا و100 هلا ومرحبا

اولا جماعة البوكركي ماراح يقصرون بايفادك بالمعلومات وانت تكدر تدور بالبحث
هسه نبدي نحقق وياك
مرحبا بيك مع المحقق ابو سمسوم
اولا   منو قابلك
ثانيأ  شكد كالولك وتطلع الفيزا
ثالثأ شنو نوع الاسئله
؟؟؟؟؟؟؟؟؟؟؟؟؟؟
هاي المرحله الاولى من التحقيق
ومرحبأ بيك مره ثانيه وراح تشوف الك اخوان بهذا المنتدى يكونون وياك لللوحه

احترامي
اخوك
ابو سمسوم

[saif salih]

اهلا و100 هلا ومرحبا

اولا جماعة البوكركي ماراح يقصرون بايفادك بالمعلومات وانت تكدر تدور بالبحث
هسه نبدي نحقق وياك
مرحبا بيك مع المحقق ابو سمسوم
اولا   منو قابلك
ثانيأ  شكد كالولك وتطلع الفيزا
ثالثأ شنو نوع الاسئله
؟؟؟؟؟؟؟؟؟؟؟؟؟؟
هاي المرحله الاولى من التحقيق
ومرحبأ بيك مره ثانيه وراح تشوف الك اخوان بهذا المنتدى يكونون وياك لللوحه

احترامي
اخوك
ابو سمسوم

شكرا اخونة انتة
لكن اني ما افتهمت شتقصد منو قابلني؟؟؟
بالنسبة وشكد تطلع الفيزة فاني سالتهم كالولي انتظر من شهر الى 4 اشهر هذا حسب كلامهم
بالنسبة للاسئلة فكانت اسالة عادية عن العمل السابق والخدمة العسكرية وقضية التهديد مالتي وبعض الاسئلة الخاصة عني يعني لاشيء مثير فيها

اخوك   سيف

[محارب]

منو قابلك يعني

1- الصينيه
2- البنيه الشكره
3- الولد ابو اللحيه
او غير واحد

[yasir fakhri]

اخواني في عنكاوة
السلام عليكم
انا عضو جديد في المنتدى وجدته بالصدفة عن طريق البحث على الكوكل واذا بي اتفاجىء بوجود مثل هكذا منتدى عملاق واعضاء كثيرين وغزارة في المعلومات وفعلا انه موقع يستحق التسجيل والمشاركة فيه
انا مقدم على برنامج الاس اي في يعني الهجرة الخاصة وحاليا انا في طور انتظار الفيزة لانني سلمت جوازي الى السفارة قبل شهر تقريبا وكل شيء منتهي عندي الفحوصات والموافقات الامنية وقبل يومين وصلني ايميل من السفارة جوابا على ايميل بعثته لهم حول تحديد المدينة لي كوني لااملك كفيل ولااعرف احد في امريكا فاجابوني بانني ساكون في ولاية NEW MEXICO مدينة ALBUQUERQUE وحيث انني لااملك اية معلومات عن هذه المدينة فارجو ممن لدية اية معلومات او يسكن فيها ان يسعفني بها من ناحية كل شيء واكون شاكر لكم تعاونكم علما باننا عائلة اب وام وثلاث اطفال.

اخيكم  سيف   بغداد

الاخ صاحب الموضوع اولا مبروك عليك هذه الانجاز ومن خلال معلوماتي مراح يفيدك احد غير اخونا العزيز ابو سارة الكرخي لانه هو ساكن بهذه المدينة وايضا هنالك عضو اخر اسمه العرب اهل الكرم يسكن  هذه المدينة ايضا
بالتوفيق انشاءالله وحتى اذا مكدرت تحصلهم حاليا ممكن ترجع لمواضيعهم السابقة خصوصا مواضيع ابو سارة
اخوك ياسر

[saif salih]

ههههههههههههههه
والله عمي من صدك ضحكتني
لاعيني ولاواحد من هذولة قابلني اللي قابلني واحد امريكي عادي يعني بين قوسين من هذولة الحمر الشكر بدون لحية وكان لابس على مااتذكر قميص يمكن يمكن لونه ازرق فاتح !!

[محارب]

اوكي راح نسميه ابو قميص الازرك

المهم انته الله خلصك من الصينيه

[espero]

كثروا 

[saif salih]

اخ ياسر  شكرا جزيلا وانا بعثت رسائل للاخوين اللي ذكرتهم على بريدهم الخاص اتمنى انه ايجاوبوني وراح ابحث اكثر في المنتدى  شكرا مرة ثانية

[saif salih]

ليش بيهة الصينية اخوية  كلش حباب؟

[محارب]

زين هذا اذا نزع القميص شلون  

خلي نشوف جاره لهذا الجديد اخوان مساعده اكو عنصر جديد بالسفاره

[محارب]

ليش بيهة الصينية اخوية  كلش حباب؟

شبيهه الصينيه مو

اتفظل شوف شلون سوتنه طرشي تفظل اخويه تفظل
http://www.ankawa.com/forum/index.php?topic=563130.0

[saif salih]

زين هذا اذا نزع القميص شلون  

خلي نشوف جاره لهذا الجديد اخوان مساعده اكو عنصر جديد بالسفاره

اخوية شنو السالفة اشو انتم خوفتوني حيل .. اكو شي اني مااعرفه؟
علما ان مقابلتي كانت يوم الاربعاء 7 اذار 2012

[saif salih]

اخ كلش حباب
الف الف الف الحمد لله على انه اني ماقابلتني هاي الصينية واليوم اروح اجيب طلي واذبحه لوجه الله شكر
بس اني اللي قابلني كان كلش جدي وياي ووية اطفالي وابدا ماضحك ولا اي ابتسامة بالعكس كان كلش متنك ووجه معبس عبالك يطلبني ثار وبالاخير حتى ماسلم عليه ومن سالته شكد وتجيني الفيزة باوع بالاوراق مالتي شوية وكلي من شهر الى 4 اشهر وبعد مااعرف اشو صار عندي اسهال من ورة الموضوع مالتك


اخوك  سيف

[محارب]

عمومأ اخي انت خليك ويانه عالخط

[كوكي 2004]

مرحبا بحضرتك آخي سيف

بالنسبة لولاية نيو مكسيكو هي ولاية بالجنوب تقريبآ وتقع بين ولاية تكساس وولاية أريزونا
ورخيصة وحلوة
وأخونه ياسر فخري ذكرلك أخونه أبو سارة يقصد ( الأخ صفاء الكرخي ) وان شاء الله يدخل ومرح يقصر وياك هو والأخوة الساكنين بهذه الولاية

بالتوفيق وتوصل بالسلامة


                          أختك كوكي

[SIV NASSA]

مبروك المقابلة بس والله صدمة معقولة كلولك الفيزا  تصدر خلال شهر الى اربعه يلله بلكي فاتحه خير لان ماعتقد اكو احد بلغوه بهيج رقم الكل يكلولهم من سته الى ثمانية اشهر ‏
ام ديما

[مايكل اندريه85]

اهلا وسهلا بيك بين اهلك واحبابك ‏

[گازه]

اخي صاحب الموضوع
اني اخي راح مع برنامج فولبرايد و جانوا بمدينة بوكركي اني سالته عليها كال كل شي بوزتيف بس مشكلة الويلايات الجنوبية قريبة من الحدود المكسيكية نسبة الجرائم و تجار المخدرات و لاجئين غير شرعيين فيها اكثر مقارنة بولايات اخرى...
و ان شاء الله اخوان العايشين مناك يفيدوك.....
تحياتي

[rezgar-77]

اخ سيف يساعدك,

اني مثل حضرتك هم امقدم SIV ومقايلتي الشهر الجاي و عندي سؤال بلا زحمة : انت اخذت اطفالك للمقابلة وياك؟ لان اني بالايميل مال موعد مقابلتي يكولون الاطفال اللي اعمارهم جوه 13 سنة ما يحتاجوهم بالمقابلة! ارجو الاجابة وشكرا.

[saif salih]

اخ rezgar-77
اني عندي اولاد اثنين توام عمرهم 14 سنة تقريبا راحوا وياي وعندي طفل صغير عمره سنتين اخذناه ويانة لانه ماعدنة احد نتركه يمه ...


اخواني اني بعثت رسالتين على الخاص للاخوة صفاء الكرخي و الاخ العرب اهل الكرم ولحد الان ماجاوبوني فارجو ممن عنده رقم تلفونهم ان يبعثه لي حتى اتصل بيهم ارجوكم

اخيكم سيف

[yasir fakhri]

منا لما تصير شغلتك قريبة اكدر اساعدك اكثر من خلال الاتصال بالاخ صفاء ابو سارة ومحاولة تقديم الشئ اللي يكدر عليه

وابو سارة معروف بحبه لمساعدة الواصلين الجدد ومنا لذاك اليوم يصير خير انشاءالله

ونصيحتي الك ان تسوي بحث على المواضيع اللي انذكرت عن هذه الولاية وتسوي صورة كاملة عنها واي شئ ثاني المنتدى

واعضائه انشاءالله موجودين ومراح يقصرون وياك

اخوك ياسر

[saif salih]

منا لما تصير شغلتك قريبة اكدر اساعدك اكثر من خلال الاتصال بالاخ صفاء ابو سارة ومحاولة تقديم الشئ اللي يكدر عليه

وابو سارة معروف بحبه لمساعدة الواصلين الجدد ومنا لذاك اليوم يصير خير انشاءالله

ونصيحتي الك ان تسوي بحث على المواضيع اللي انذكرت عن هذه الولاية وتسوي صورة كاملة عنها واي شئ ثاني المنتدى

واعضائه انشاءالله موجودين ومراح يقصرون وياك

اخوك ياسر

بارك الله بك اخ ياسر
لكن اني استغرب لماذا الاخوين صفاء الكرخي والاخ العرب اهل الكرم لم يردوا على رسائلي التي بعثتها لهم ؟؟
انا محتاج اعرف اشياء كثيرة عن المدينة وهل من المعقول انه لايوجد احد غيرهم في المنتدى يعيش او يعرف شيئا عن هذه المدينة؟؟

اخيكم   سيف

[yasir fakhri]

اخي طول بالك عليهم لانه كلمن ومشاغله الخاصة بيه وهم اصحاب عوائل يعني معندهم وقت مثل اللي عايش بوحده ومثل مكتلك من تحتاجهم هم موجودين انشاءالله واقصد بالكلام الاخ العزيز صفاء الكرخي
لازم تعود نفسك على الصبر قبل متوصل لاميركا ولتكلي ليش لانه اذا جاوبتك راح تتصاعد اصولت المعارضة ضد اللي يحجي على الوضع السائد باميركا

[rezgar-77]

السلام عليكم

اخويه العزيز سيف اشكرك على الاجابة وهذا الرابط بيه تقريبا كل المعلومات العامة بخصوص المدينة اللي اتروحلها و من الممكن ان يساعدك بتكوين فكرة عامة عن المدينة وانشالله تستفاد منها



http://www.bestplaces.net/city/new_mexico/albuquerque