شباب منو يكدر يساعدني وينطيني جواب مقنع ... الله يخليكم لان المحلفة دمرتني

[David.wolfe]

شباب البارحة كملت المقابلة الثانية بعد طول انتظار دام سنتين ونص .....
السؤال اني بصمت المشكلة انو اني راجع من اوروبا ومبصم وماخذ جواز اوروبي .... ومكلت للمنظمة بانو اني جنت برة وعندي جواز
والمحلفة كالت هاي البصمات راح ننشرهة باروبا وبكل الدول الي تعطي لجوء للعرايقين
برايكم راح تطلع بصماتي وانرفض اني والعائلة لو بس اني الي راح ينرفض
ارجوكم جاوبوني لان ميت قهر

[ألن في بلاد العجائب]

بيها احتمالين

الاول - متطلع لان سستم البصمات مال امريكا غير عن اوربا
الثاني- من الممكن تبين بالتجييك الامني

اما جازما اي او لا محد يكدر يكولك

[steven_siv]

ليش جذبت

[الطيار العراقي]

اولا : اي تطلع لان اكو سستم مشترك وهذا شغل مخابرات وشرطة فدرالية ........ اكيد راح تطلع
ثانيا : ليش كذبت ؟  النجاة في الصدق
ثالثا: اذا عندك جواز اوربي شكو تزاحم غيرك ؟
رابعا : بدون اي مجاملة وبدون ما اغشك ( الرفض راح يجيك يهلهل )

[Edy Simon]

والمحلفة كالت هاي البصمات راح ننشرهة باروبا وبكل الدول الي تعطي لجوء للعرايقين

عزيزي السائل الكريم,
مثل ماذكرو انه سوف ينشرون طبع اصابعك في اوربا ودول
اللي تقبل اللاجئيين في العالم...
وهو مركز اليو ان في سويسرا مركزه,
وعندما يكتشفون انك عراقي ومقدم الى دولة
وقبلت لجوئك فسوفه يرفض لجوئك لانه انته غير محدد
وملتجئ الى بلد امن....
واد ان اعلمك هناك حكمة تقول ......
النجاة في الصدق......وحبل الكذب قصير...

تحياتي
جوسي البغدادي استشاري اللاجئيينوالمهاجرين المانيا

[David.wolfe]

شكرا لكم جميعا
ليش كذبت .... لان الربع حذروني بان لا اكوللهم اني جنت برة لان راح تنرفض فلذلك اتحفضت على الموضوع
 على العموم رفض قبول ميهم لان صراحة طفرت روحي من القضية

[David.wolfe]

الاخ طيار العراقي مو اني  الي مقدم  اهلي القدمو
واصلا امريكا مجانت على بالي بس علمودهم جانو ناطين اسمي وللمقابلة رادوني رجعت
اتمنى بانو الفكرة وصلتك تحياتي

[اوباما الابن]

الله يكون بعون اهلك, بس ليش اهلك حطوا اسمك وياهم!!!!!!!!!!!!!!!!!!!

[steven_siv]

يعتي من حجينالك الحق صارت امريكا هسة كخة مو لعد اذ انت مامهتم وماجانت علبالك ليش رجعت ماعرف من وين هسة بهالحجي انت دا تجذب على روحك مع احترامي 2 شي اذا انت مامهتم بامريكا ليش نزلت الموضوع اصلا جنت لاتهتم لان انت تكول رفض قبول ميهمني بس لاتزعل مو

[David.wolfe]

اخ ستيفن هي من زمان ما مهتملهة  لامريكا لو مهتملهة جنت رحت قبل ما اروح لاوروبا والموضوع نزلته علمود اهلي مو لسواد عيوني
على العموم شكرا للردود

[steven_siv]

زين مادام السالفة مو لسواد عيونك راح افيدك بسالفة وتاخذها مال من خضار عيوني لان عين اخوك خضرة والحمدللة
اذا انت اي او ام برايي واسوء الاحوال راح تنرفض وحدك والاهل تمشي معاملتهم عادي وخصوصا لو كان ارقام الكيس كلها مو وحد يعني بالزايد راح تاثر على زوجتك باعتبارك اامقدم الرسمي للمعاملة بس لو كنت مو انت المقدم الرسمي مثلا كان احد افراد عايلتك فراح يرفضوك انتة ويمشوهم همة لان ارقام الكيسات تكون مختلفة وكلمن يمشوه حسبها
بس لاتزعل زين