ممكن توضيح اخوكم SIV

[bob2011]

السلام عليكم اخوتي اخواتي العيناكاويين :

تم ارسال رسالة لي قبل مؤتمر القمة يريدون تجديد الفحص الطبي سويته ودزيته يوم 1/4/2012 وصل الفحص الطبي يوم 9/4/2012 طبعا تابعته على الد اج ال عن طريق  DHL Tracking system  وراهاا شكد تتوقعون انه يجاوبني ودزيتلهم ايميلات اثنين اسال اذا استلمو الظرف مال فحص الطبي لو لااا لانه بصراحة قلبي لاعب مادري ليششش احسه مواصل اريد توقعاتكم لو شنوو مع العلم انه  اكو ويايه عالم دزة واستلمت الفيز هل تتوقعون انه اكو مشكلة لو احتمتال الظرف مواصل ولو دوختكم ويايه .


شكراااا للجميع

[steven_siv]

انت جوازك وين

[superhamoshy]

والله اني ما افيدك  بعدي لحد هسه لا اعادة فحص و لا هم يحزنون هسه الشباب تكعد و تجاوبك

[bob2011]

عزيزي الغالي اني جوازي بالسفارة

[سارة43]

الاخ bob2011
اني نفس حالتك سويت الفحص الطبي قبل القمة ودزيته يوم 1-4-2012 عن طريق الDHL ووصل للسفارة يوم 9-4-2012 طبعاعرفت وصل للسفارة عن طريق ال DHL tracking system  ولحد هسه كلشي ماكو  ,علما اني مقابلتي كانت في شهر كانون الثاني 2011 SIV ,والجواز يمهم  . ان شاء الله تسمع خبر مفرح بالايام الجاية ونفرح وياك بعون الله

[bob2011]

اشكرك اخي العزيز وربي يفرح الجميع يالله وربي نسمع اخبار كلش زينه للجميع يالله

[مروه فائق]

اخوية لح عليهم بالايميلات وهم يردون الك جواب اني بوكتها مردوا وبقيت ادزلهم ايميلات لحد مردوا وكالو استلامنا الفحص واوراقك بالمعالجه الادارية

[محارب]

اخوية لح عليهم بالايميلات وهم يردون الك جواب اني بوكتها مردوا وبقيت ادزلهم ايميلات لحد مردوا وكالو استلامنا الفحص واوراقك بالمعالجه الادارية
[/




لح عليهم

[علشحن]

اخي كلنا في الهوى سوى ---- بسبب توقف الحياة لمدة تسعة ايام من القمه لذلك كان الزخم كبير جدا على السفاره وهمه الله يسلمهم بلايه شي شغلتهم هوسه ---- لست وحدك في الساحه إطمئن فخلفك جيش جرار من المنتظرين للظهور السريع للفيزا عجل الله فرجها وسهل مخرجها

[steven_siv]

اذا جوازك بالسفارة اذن من شنو خايف لابالعكس هي بس مسالة وقت بس تعرف شنو اخي صارت شوي خربطة بسالفة هل انت سني ام شيعي على ماظن وهواي اعضاء اجالهم الايميل هذا ولحد هسة مطالعين