شنو قصة ال IOM اشو ما يجاويون عالايميلات؟

[دزمند]

مرحبا شباب
صارلي اكثر من اسبوع دزيت رسالة للمنظمة و لهسه ماكو رد شنو القصة؟ و حتى اكو جماعة هنا هم دازيلهم ايميلات بهاي الفترة و ما مجاوبيهم
الظاهر جاي يجابون بس عالشغلات الضرورية لان شفت اعضاء عندهم تبليغ او انكوايري جاي يجابوهم بس الاستفسارات مغلسين عليها شنو القصة ما اعرف
اكو واحد بيكم دازلهم استفسار بهالايام و مجاوبيه؟
تحياتي

[هذا عراقي]

صار اسبوع دزيتلهم ايميل والبارحة من الصبح هم راسلتهم والبارحة الظهر جابوا نفس الجواب المابي معنة تجيك امني

لو ما مجاوبين احسن عاد الواحد يحس اكو تغير بلكي شي بي خير

[دزمند]

مو بس انت اخ دزمند هوايه ناس تشكي 



http://www.ankawa.com/forum/index.php/topic,570118.0.html

اي ادري و ما اعرف شنو الفلم

[روزة اليرموك]

اي اخ دزمند اني هم نفس الحالة دادازلهم ايميلات ومديجابون وحتى دادخل علموقع ومديفتح مداعرف شنو القصة

[دزمند]

اي اخ دزمند اني هم نفس الحالة دادازلهم ايميلات ومديجابون وحتى دادخل علموقع ومديفتح مداعرف شنو القصة

بالنسبة للوقع دزيلهم رسالة باليوزر و الباسوورد و هم يدزولج ايميل يرجعون تفعيله لكن المشكلة انتي تكولين ما جاي يجابون

[gustavo]

الموقع ينفتح يمي..
بس الاستفسارات ماعرف.

[espero]

طكت روحهم  ...هو الموضف يباوع على موقع المعلومات وعنده كليشه يسويلها فورورد
 

[هذا عراقي]

بالنسبة الية اني اكيف ميجاوبون احسن بلكت عدهم نظام جديد لو راح يبدون يمشون معاملات يارب لو بلكت راح يبدون يجاوبون جواب بشر يعني يتفاعلون وية المقابل مو نفس الجاوب كوبي ..... بيست والحك ربعك (التجيك الامني)

[احمد سلطان]

انى هم دزيتلهم وماكو جواب وحسب اعتقادى اى واحد مجاوبوة راح يجيبولة تذاكر الطائرة لباب البيت ويسوولة مفاجاة هههههه

[دزمند]

يمعودين كولوا غيرها اخاف عندهم فاتحة؟

[iven francis]

اخوان اني قدمت اوراقي عن طريق الايميل و جاوبوني
Dear Sir,
 
Thank you for your email.
 
This is to confirm that we have received your brother’s application.
 
We will be reviewing all of your documents, and once everything is clear we will contact you regarding his case number
 
Kind Regards,
IOM Info Center
و هايه اسبوعين ماكو اي جواب ولا الكيس نمبر ؟

[ايام زمان]

لالالالا يجاوبون اني دزيت قبل 5 ايام واجاني اليوم رد بس الظاهر ال كوبي والبيست عاطلة بالكيبورد ف يتاخرون حتى يلزكولك الرد مالهم الجاهز بانو انتظر تجيكات ثم ليش ادزون ايميل اني هم بطران قابل حيكولولك (((مبروك نسينا انكلك عندك موعد سفر بعد اسبوع)))) ههههه

[iven francis]

هههههههههه يعني راح انتضرلي فت شهرين تلاثه حته بس ينطوني الكيس نمبر ؟

[AntiVirus]

احلى شئ يجئ يوم وكل دول العالم تطلب لجوء للعراق . وما يحصلو الا بموافقة امنية وفحص طبي وكل السوالف التعبانة مالتهم نسويها بيهم . والجنسية العراقية تكوم ما تتحصل الا بعد 10 سنين .ههههههههههه

[Ali leo]

السلام عليكم والله انا بالنسبة الي دزيت استفسار عن حالة القضية مالتي وين اشو كلشي ماكو هنوب لا ابو علي ولا مسحاتة يمعودين ياهل الغيرة وينكم الله يخليكم شنو مو زنجرت والزنجار صعد علية كلشي ماكو صار ا3 اسابيع بين يوم ويوم هم نعم الله على الاوتوربلي ايرد الوحشة وضليت هنوب خايف اتوقعت واحد يرد علية بايميل ويكلي لخاطر الله انت شكد ملحة وما تستحي وليش ما عندك صبر هاي السافة مليوصة مليوصة الا اموتهم ادز ايميلات وارجع وين اتريد اتصير خلي اتصير .


اخوكم علي ليو

[ام مهند]

نفس المشكله والله

رسالتين وماكو شي 

[SIRAQS]

شباب دزيت ايميل قبل 3 ايام واجاني بس اوتو ربلي ماكو رد

[SIRAQS]

شنو الموضوع

[SIRAQS]

هنوب حتى على الاتصالات ما يدون  شنو الفلم

[دزمند]

اخاف زعلانين؟

[سهم التميمي]

اخاف زعلانين؟

هههههههههههههههههههههههههههههههههههههههههههههههههه    والله  ضحكتني اخ دزمند صار هواية مضاحك

[engineermech]

احلى شئ يجئ يوم وكل دول العالم تطلب لجوء للعراق . وما يحصلو الا بموافقة امنية وفحص طبي وكل السوالف التعبانة مالتهم نسويها بيهم . والجنسية العراقية تكوم ما تتحصل الا بعد 10 سنين .ههههههههههه

اكثر شي عجبني هذا الكلي شلون ماي جاي يجري بي شوكت اشوغ مثل هيج كلي يمشي الماء بي مثل الي بالصورة

[ورد الشام]

اني دزيتلهم قبل كم يوم جاوبوني نفس الكليشة مال (A careful review of our records) وماكو غير شي حتى قلت راح ادزلهم فد ايميل مايخصهم اشوف راح يجاوبوني نفس الجواب ههههههههههههههههههه
شر البلية مايُضحك

[SIRAQS]

اني اصلا دزيت ايميل قبل اربع ايام واجني بس اتوربلي ووكلشي ماكو بعد لا رد ولاشي  شسافه

[دزمند]

هسه انا صارلي تقريبا اسبوعين من دزيت ايميل و لهسيه ماكو رد

[SIRAQS]

ولله ما ادري