مني ومنج يا بنت الحلال اتزوج واكعد بالعراق ..
علاواه اني بنية جان خلصت من الهم والغم اللي اني بي .
واضل دائما اقول البنية كلشئ على الحاضر و الولد الله يساعدهم .
واكيد فهمتي قصدي .
في امان الله
اني مريضة مرض عافاكم الله وابدل دم باستمرار .... واريد ان اخرج من العراق حتى ارتاح واريح اهلي اللي متعذبين ......
ما تقليلي شنو اللي تريحين منهم رحمه لأبيج
هو انتي وياهم و ما مدبرته لأنج مريضة ..انوبة تريدين تطلعين وحدج بعد قلبي .
الشفا من رب العالمين .اكو دكتور يداوي بالاعشاب ادليج عليه بالشمال و ان شاء الله اجيبلج رقمه فد يومين
هذا ما شاء الله عليه حتى السرطان يقدر يعالجه بس على شرط ما تكون حالته متقدمه ,
بالنسبة للسفر ما يفيدج والله .
واني ما كاعد اخرب واهسج . بسم الله الرحمن الرحيم وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ
فيا خيتي اذا صارت صارت يجوز علاجك على حسابهم واذا ما صارت قدمي طلب للحكومة العراقية بحالتج المرضية وهم يسفروج على حساب الدولة لتركيا او للهند بس الاجرأءت تطول .
هسه تقوليين منين عرفت هاي المعلومات
الجواب اني اتبهذلت لمن عرفت المعلومات هاي لانه والدي تمرض بسرطان المرئ و قصور حاد بالرئة والتهاب القصبات المزمن وجان يدخن 50 سنه ما تركها الا بعد فوات الاوان وابويه الله يرحمه ما مات من ورة السرطان بس مات من وره الرئة لانها مفحمة تفحم من ورة الجكاير
والله المستعان .
