اخي الكريم المسالة سهلة وما بيها اي تعقيد
اول شي تكمل الفورمة اون لاين و من تكملها اون لاين راح تطلعلك صفحة بيها معلوماتك وانه كلشي كامل تطبعها وتحطها على صفحة
ثاني شي تروح تكمل عدم المحكومية اللي اطول عشرة ايام يلة تكمل و الافضل باجر من الصبح تروح عليها ورة عشرة ايام او اسبوعين بالزايد تروح تستلمها وهمين تحطها على صفحة
ثالثا اكيد انت دزيت اوراقك لنبراسكا وطبعا من دزيتها اكو الترجمة مال الدنسية وشهادة الجنسية و صورة القيد مو؟؟ انت دزيتلهم نسخة بقت النسخة الثانية همين تحطها على صفحة وهذا الحجي يشمل عائتلك اذا وياك بالملف يعني كل واحد بيكم شهادة الجنسية و الجنسية المترجمة و صورة القيد همين
رابعا تحضرلك صورتين قياس 5سم X 5 سم لكل شخص موجود بالمعاملة.... تروح لاي مصور تكلة اريد صورة مال فيزا اميركا و هوة يعرف الباقي
خامسا الفحص الطبي بعيادة اور ورة السفارة الالمانية سابقا - تقاطع المسبح - بالملف اللي متكدر تحملة بي كل المستمسكات المطلوبة, تخابر العيادة وتحجز موعد, الفحص يطول يوم كامل يعني من ال8 الصبح انت يمهم بال1 او 2 الظهر تستلم الظرف.... طبعا انتظر ايميل تحديد موعد المقابلة وعلى اساسها روح للفحص واذا تريد من هسة سوي و كملة
سادسا ظرف دي اج ال لكل جواز تاخذة وياك للمقابلة
كل الفقرات اعلاه تاخذها وياك للمقابلة وكل شخص تحضرلة هاي الفقرات و ترتبها ظرف وتاخذها وياك بيوم المقابلة
بالمناسبة العيادة راح تنطيك ظرف ابيض تاخذة للمقابلة و الظرف الاسمر اللي بي الاشعة هذا تاذة وياك من تسافر بخير وسلامة
طبعا هذا كل اللي اتذكرة واكيد الاخوان اذا يشوفون اكو نقص راح يكملون ويصححون
وانت حاول تنزل الملف اللي همة دازي لانه بي كلشي
الف مبروك موعد المقابلة وان شاءالله يوم السفر
