اريد اسوي فيزا ؟؟ وهل حقا ب$40 من مكتب بالعلاوي

[جوني رماح]

اخواني السلام عليكم البارحة رحت للمكتب ابكراج العلاوي بعد ما نصحوني الاخوان بالموقع بالذهاب الة المكتب صاير بالعلاوي طبيت وسئلت الموظف اهناك وكلي فيزا ب 40 دولار للاردن بس انطيني نسخة من الجواز مالك  سؤالي هل هذه فيزا مضمونة    وايضا كلي الموظف خلال اسبوع تطلع وهي بيهه شهرين بعدين سالني ليش اتريدد اتسوي فيزا ؟   واني كتلةاريد اشتري سيارة من العقبة بالاردن  طبعا لازم اكذب   اخواني اريد نصيحة واجوبة  اني اخاف لا تنرفض  الفيزا لان الرفض صار صديقي بالحياة اسئلتي اذا صار السفر اشئجيب وياية من وثائق خلال سفري لعمان انشا الله اشئجيب وياية فلوس والله وفلوسي قليلة  اشئجيب وياية من اغراض مثل لاب توب وغير  اما مسئلة طرح وتعليك فهاي مو مشكلة لان اني لا هاي ولا هاي  وشكرا مع احترامي لكل الطوائف

[رماد الحب الضائع]

انشالله يساعدوك الاخوان ...وماطول عددك ارادة وتريد تهاجر صدكني توصل ....


                    up للمساعدة

[جوني رماح]

شكرا ابو زينب بارك الله بيك ويطول عمرك انتة والله اخ وانعم منك

[مــودي]

اخي جوني اني احجيلك عن اصدقائي حصلوا الفيزا من شارع 52 مجاور الجامعة التكنلوجيا ..راح تلكي 4-5 مكاتب مختصة لاصدار فيز الاردن وبسرعة لابأس بها

[جوني رماح]

اي صديقي العزيز مودي شكرا الك والله ما رحت لهاي المكاتب   لو تعرف  اشكد مكاتب  ابغدا  مال سفر ابشارع فلسطين ساحة بيروت ب 52 يم معرض بغداد الدولي بالمنصور ابغداد الجديدة الي اني بيهه   بالكرادة  بس كلولي ارخص واحسن هو الي بالعلاوي  وكلولي البقية غالية وما مرتبطة بالدولة والله هذا الي وصلني واني خبرتي بالسفر قليلة جدا والله شاهد هاي اول مرة انوي السفر  لان تعبت من العراق  وعلى كولة  الامام علي  الغنى في الغربة وطن  والفقر في الوطن غربة

[مــودي]

توكل على الله ..وكول يارب والله يسهل امرك..مع تمنياتي للجميع بتحقيق الهدف المنشود

[رافت العراقي]

بالتوفيق ان شاءالله اخ جوني ان شاءالله توصل بالسلامه وتحقق هدفك

[yasir fakhri]

بالتوفيق أخي جوني اسال الله سبحانه وتعالى ينطيك على كد نيتك لكن نصيحتي لك احسبه مرة واثنين وثلاثة مرات قبل متقرر مثل هذا القرار لانه مراح تكدر تتوقع اللي راح تشوفه وتواجهة خارج بلدك  وانت بتصورك كلشي زين خارج العراق اني اكلك لا
عموما ادعو  ربي ان يسهل لك امورك وان يرزقك من اوسع ابوابه انه سميع مجيبب
ياسر

[جوني رماح]

 رحم الله والديكم اخواني مثل ما تعرفون اني عزابي وماعندي مكان ابغدا للسكن وسويت هاي الحالة مظطر والله

[ميمي2010]

ان شاء الله اخويه ربك يسهل عليك وتطلع الفيزة مال الاردن بس مثل مكالو الاخوة احسبها زين اخويه لان الحياة اهنا بعمان غاليه والشغل مو بسهولة تحصل عليه
واي سؤال خاضرين وان شاء الله منقصر وياك
وربي يسهل امورك ان شاء الله
اختك ميمي

[Aiham_]

جوني انتة و حظك هاي الفيزا , اذا طالع قبل نسبة قبولك 80 بالمية اذا ما طالع احجيلكياها و بصراحة اذا محافظات جنوبية نسبة قبول 30 % و اذا بغداد و شمالية 50% .

[جوني رماح]

شكرا اخواني لردودكم الطيبة واتمنى تحقيق امانيكم جميعا بس سؤالي اني هسة دفعت الرسوم مال الفيزا اذا انرفضت الفيزا مال الاردن ترجعلي فلوسي لو اشلون وشكرا والله نسيت اسئل هذا السؤال لابو المكتب  وانا سكني الحاليي ابغداد ونفوسي بغداد

[Aiham_]

لاع ما ترجعلك

[Banjamen]

اخي ادعو الله ان يسهل امورك وينور طريقك وتوصل بالسلامة لعمان

[Aiham_]

بس اني مقدم من الجت و محصل فيزا اكثر من مرة 

[azzawi1982]

شلونك اخويه والله احجيلك الصراحه اني قدمت  من مكتب كاتب فيزه سريعه للاردن ب 6 ايام كله هاي هيه طكينه وطبعا اب 100 دولار من غير 25 الف مال التقرير الطبي اول مره انتظرته اسبوعين وهوه كاتب 6 ايام المهم اول وحده رفض الثاني كلي حسويه شراء سياره وهم سبوعين ورفض وهاي صارت 250 دولار واني مضحوك عليه واخر شي ولد اصحبي كلي يابه شركة جت بنص كراج العلاوي وكلي احجيلي الصدك شعندك بالاردن كتله حولت على الاي او ام كلي عندك ايميل منهم كتله اي رفقنه الايميل مالت الاي او ام الي انتطتني الكيس نمبر مالتي والسبب مقابله بالاي او ام سفر الى امريكا هيج كتبنه وقدمناها على شركة جت وداعتك سبوعين بالتمام خابرني كالي تعال استلم الفيزه و ب 45 دولار لاغير من فرحتي اني انطيته 100 الصاحبي ههههه تره الداخليه اللاردنيه كلشي تعرف يعني انطي السبب للزياره ونصيحه روح على شركة جت

[superhamoshy]

كول يا الله

[مرجانه]

 اخي آني قدمت قبل 3 اسابيع عن طريق مكتب قصر الروان في شارع الربيعي مقابل الجامع .. وطبعا الاخوه بهذا المنتدى نصحوني بيه
الفيزا عن طريق الجو 75 دولار
الفيزا عن طريق البر 60 دولار
طبعا" أنا قدمت تقرير طبي وطلعتلي الفيزا خلال اسبوع الحمدلله واعتقد هما يطلعوها عن طريق شركه (جت الاردنيه) اللي بالعلاوي ...
تحياتي وتمنياتي بالتوفيق

[espero]

اخي آني قدمت قبل 3 اسابيع عن طريق مكتب قصر الروان في شارع الربيعي مقابل الجامع .. وطبعا الاخوه بهذا المنتدى نصحوني بيه
الفيزا عن طريق الجو 75 دولار
الفيزا عن طريق البر 60 دولار
طبعا" أنا قدمت تقرير طبي وطلعتلي الفيزا خلال اسبوع الحمدلله واعتقد هما يطلعوها عن طريق شركه (جت الاردنيه) اللي بالعلاوي ...
تحياتي وتمنياتي بالتوفيق

مثل ماسوت الاخت مرجانه انت سوي تقرير طبي وروح قدمه للجت وخلي ال 60 دولار بجيبك

[كوكي 2004]

  أخي مثل مكالوا أكثر الأخوة والأخوات

 سوي تقرير طبي وأرفقه ويه نسخة الجواز وروح قدم من شركة جت الي بالعلاوي

تحياتي وبالتوفيق

[فارس العراق 90]

اخويه العزيز 80 الف عراقي اتروح شركه الشارقه بلمنصور يم معرض بغداد الدولي ويسولك تاشيره لغرض العلاج ومضمونه
بتوفيق انشاء الله

[Abnaa Al-Iraq]

أخي توكل على الله وتعال بس فكر زين باتخاذ القرار بحيث يكون مصيري في السفر لان المدة مجهولة وعمان غالية ... اما بخصوص شركة السفر اني عن طريق جت وطولت تقريباً 17 يوم وجانت بوقتها تاخذ 100 الف على ما اعتقد ... وبالتوفيق اخي

[ArUsH]

اخوان احد يكدر ينطينه رقم شركة جت