سؤال الى جميع اخواني في عينكاوا محتاج خبرتكم

[ssomeda]

الى اصدقائي في عينكاوا الغالين
قبل سبع سنين اشتريت مبرده نوع برفاب وكان بوكته فد شي كلش مفرح اول موصلت للبيت ونزلته من البيكب والجيران جانت تباوع علية بين نظرة حسد وبين نظرة حرمان .طبعا السبع عيون رسمته على الكارتونه مالته وتكرمون احذيه عتيكه علكت عليه ..تدرون العين ومن تصيب .وعاشت هاي المبرده الحلوه والمره ويايه ويوم الي قدمت بيه للهجره كانت يمي تشتغل وكانت معارضه على تقديمي للهجره !خوفا من ان اتركها لابو العتيك ..فكانت تزعجني بصوته العالي فاضطريت اطفيهه وما اسمع رأيها .ومشت الايام وبديت الرحله الطويله لمشوار التقديم وكانت (برفاب)خير صديق اشكيله همومي وهيه هم جانت تشكيلي همومه من واتر بم وحلفه و..... وكبرنه سوه وبين عليه الشيب وهيه هم بين عليها الزنجار !!!
يعني وصلت الفكرة اشكد عزيزه عليه !
سؤالي : اكدر اخذ المبردة ويايه لامريكا؟ زين شلون ابلغهم بالمقابلة لو ادز ايميل وهل تحتاج كفيل ؟
وسؤال اخير :تأثر على الامنيه مالتي ؟ بعتبارها ايرانية المنشأ !
انتظر اجاباتكم بفارغ الصبر ولكم مني كل الشكر
اخوكم علي

[*George*]

هههههههههههههههههههههههههههههههههههههههههههههههه
اتوقع ما ممكن لان لازم تسوي عدم محكومية من ايران
ولازم تسوي فحص طبي  وبما انو هي مزنجرة  يعني السالفة تعبانة

[برنسيسة]

ههههههههههههههههههههههه
روح انت سافر لامريكا ومناك سويلها لم شمل
واذا ماكدرت قبل لاتسافر فصخها وحطها بالجنطة
لو اكلك سويها جنطة ومحد راح يعترض
 

[Edy Simon]

عزيزي ابو على الورد,
اتصور انته من دتحجي على الواتر بمب والحلفة..
تقصد بالاير كولر....مو ايركونديشن....
بالحقيقة هيى عزيزة عليك بس النقليات راح اتكلفك
اكثر من تشتري ابمريكا ايركونديشن...
اقترح عليك ولو انه راح تزعل من كلامي...
اهديها لناس طيبين كرايب جوارين اللي حسدوك مثلاً...

تقبل مروري..

جوسي البغدادي

[ssomeda]

هههههههههههههههههههههههههههههههههههههههههههههههه
اتوقع ما ممكن لان لازم تسوي عدم محكومية من ايران
ولازم تسوي فحص طبي  وبما انو هي مزنجرة  يعني السالفة تعبانة

وجه نظر صحيحه اشكرك اخويه جورج على النصيحه 

[مايكل اندريه85]

هههههههههههههههههههههههههههههههه

ههههههههههههههههههههه

علاوي شسويت هسه انت دسافر لامريكا وعوف المبردة بحالها  

[ssomeda]

ههههههههههههههههههههههه
روح انت سافر لامريكا ومناك سويلها لم شمل
واذا ماكدرت قبل لاتسافر فصخها وحطها بالجنطة
لو اكلك سويها جنطة ومحد راح يعترض
 

هلو برنسيسه نورتي   افكارج عظيمه وخليه بالحسبان

[abo shams]

هههههههههههه ...
اني اريدد اخذ المولد مالنه .. همزين صيني مو ايراني

[ssomeda]

عزيزي ابو على الورد,
اتصور انته من دتحجي على الواتر بمب والحلفة..
تقصد بالاير كولر....مو ايركونديشن....
بالحقيقة هيى عزيزة عليك بس النقليات راح اتكلفك
اكثر من تشتري ابمريكا ايركونديشن...
اقترح عليك ولو انه راح تزعل من كلامي...
اهديها لناس طيبين كرايب جوارين اللي حسدوك مثلاً...

تقبل مروري..

جوسي البغدادي

اخي جوسي اني مو من مشجعي المكيفات !! لان تمرض شكرا للنصيه

[ssomeda]

هههههههههههههههههههههههههههههههه

ههههههههههههههههههههه

علاوي شسويت هسه انت دسافر لامريكا وعوف المبردة بحالها  

حبيبي ماركوس مشتاقلك
ما اكدر اعوفه ...احبه 

[يمتة الفرج]

اخوية ولا يهمك فصخها واشحنها لانه هاي تحملت الظيم والقهر والعجاج وفوكها ظيم الانتضار مال امنية مالتك لازم تريحها وتاخذها لاميركا بس اني خايف اهناك من تشوف 24 ساعة الكهرباء تنصدم بالواقع والواتر بمب يحترك
بس اكو شغلة ثانية حلفة منين تجيبلها مناك 
اخوية هاي شغلة مصيرية فجيب ورقة وقلم واحسبها حساب عرب وان شاء الله تفرج عليك وعالكل 

[/size][/font][/color]

[ssomeda]

اخوية ولا يهمك فصخها واشحنها لانه هاي تحملت الظيم والقهر والعجاج وفوكها ظيم الانتضار مال امنية مالتك لازم تريحها وتاخذها لاميركا بس اني خايف اهناك من تشوف 24 ساعة الكهرباء تنصدم بالواقع والواتر بمب يحترك
بس اكو شغلة ثانية حلفة منين تجيبلها مناك 
اخوية هاي شغلة مصيرية فجيب ورقة وقلم واحسبها حساب عرب وان شاء الله تفرج عليك وعالكل 

[/size][/font][/color]

اراء صحيحه وهسه حبدي احسبهه
شكرا يمته الفرج

[ssomeda]

هههههههههههه ...
اني اريدد اخذ المولد مالنه .. همزين صيني مو ايراني

فكره عظيمه .... اكدر اكتب عليه صنعت في الصين واغير اسمه من برفاب الى شانك يونك ؟؟
شكرا اخويه ابو شمس 

[ABO GADA]

خالي  اته الياولاية رايح مو  اكو ولايات  هنه مبردة متحتاج واكو ولايات الجنوبية مثل تكساس  ونيومكسيكو هاي  لا  مبردة ولا  ابو المبدرة تفيد  بيهه اتصور هناك الكهرباء  بهاي الولايات  بلاش لعد  شكد  حارة سولفلي
اعتقد البرنسيسة وانحني  كدامهه  انطتك التعليق  المناسب اللي مكدر احد  يطيك مكدة مع تحياتي واحترامي


                      اخوك  ابو غادة

[محارب]

اخذلها صوره وخلي شركه امريكيه تسويلك وحده مثلها

[ABO SARAH]

كلبت علية المواجع

السنة الماضية من نظفت المبردة وذبيت الحلفة مالتهه كلت ايييييييييييييي ان شاء الله الصيف الجاي اني بامريكا واخلص منج.
قبل اسبوعين وبنفس الطريقة وبنفس البرهان مال كل سنة حلفة جديدة وتنظيف ورجعنه على الحر.


تحياتي الك
ابو سارة

[ام تسنيم1]

هههههههههه  شر البليه مايضحك    والله متنلام اني هم مثلك كل مابدي موسم صيف لو شته اكول ان شاء الله سنه الجايه بامريكا  والى هسه نراوح بمكاننا    بس ضروري قبل لتسافر  تاخذ ايميلهه  حتى من ييصير بيك الهوم سك تلكه اللي تبثه اشتياقك     تحياتي اخونا العزيز تفرج عليك وعلينه ان شاء الله

[angel_2012]

لا ادوخ اخوية  AIRCONDITION  مالتنا متجنس  فاتحته بالموضوع يكول ماعنده مانع يتزوجها ويسحبها حتى لو  مزنجره     اخذ رائيها وانطينا الجواب قبل ما يغير رائيه  

[ssomeda]

شكرا للاخوه والخوات ولردودكم الجميله ...
ABO GADA اني المفروض نيو جرسي بس هناك ما اخليه تشتغل اريحهه
كلش حباب اخويه الحبيب التقليد مو مثل الاصلي 
ابو ساره الله لايجيب مواجع وانشاء الله كله تنحل وتاخذ مبرداتها وياها 
ام تنسيم تحياتي الحاره والله يفرجه على الكل
angel_2012 زين زوجناهم شرح ايخلفون ؟؟ بنكه عاموديه لو ثلاجه 

[رافت العراقي]

 والله يا اخي ضحكتني هواي
 ان شاء الله بالتوفيق

[ssomeda]

والله يا اخي ضحكتني هواي
 ان شاء الله بالتوفيق

انشاء الله ضحكة خير

[مهاجرين بلا حدود]

عيوني اخذلها صور من كل جانب واوكف بصفها واخذ الكاتلوك مالتها للذكرى (اكيد بعدك محتفظ بي)

زين من تشغلها وين تحس نفسك باي مكان (قم لو اصفهان لو طهران ) عليك الله جاوب هههههه

[ssomeda]

عيوني اخذلها صور من كل جانب واوكف بصفها واخذ الكاتلوك مالتها للذكرى (اكيد بعدك محتفظ بي)

زين من تشغلها وين تحس نفسك باي مكان (قم لو اصفهان لو طهران ) عليك الله جاوب هههههه

والله يا اخي بس اكلك ....من قلة الخيل شدو على ....الخ . لعد شنو برفاب وشنو سمند وهاي الخيسه والى حد الان 45 مليار دولار صادرات ايران الى العراق ...الله كريم
شوف زعلت عليه برفاب وكامت تمسلت ...اهوووووووووو

[الطيار العراقي]

عذرا اخي ممكن نترك مساحة للمنتدى لطرح ماهو مهم وذو فائدة

[ssomeda]

عذرا اخي ممكن نترك مساحة للمنتدى لطرح ماهو مهم وذو فائدة

اي طبعا ممكن ليش لا
ليش مستعجل الايام طويله

[Banjamen]

ما بيهة شي هواي مرات الانسان يتعلق بأشياء يحبهة ,, اني انصحك اذا كان موضوعك جاد مو للضحك ان تاخذهة وياك لامريكا عن طريق الشحن بس ان اكيد متستخدمهة هناك مو؟

[ssomeda]

ما بيهة شي هواي مرات الانسان يتعلق بأشياء يحبهة ,, اني انصحك اذا كان موضوعك جاد مو للضحك ان تاخذهة وياك لامريكا عن طريق الشحن بس ان اكيد متستخدمهة هناك مو؟

هههههههههههههههههههههه والله حبيتك على كلبك الابيض
انت شتكول موضوعي جاد لو شقه ؟؟
اشكر مرورك ونصيحتك ياغالي

[Banjamen]

ما بيهة شي هواي مرات الانسان يتعلق بأشياء يحبهة ,, اني انصحك اذا كان موضوعك جاد مو للضحك ان تاخذهة وياك لامريكا عن طريق الشحن بس ان اكيد متستخدمهة هناك مو؟

هههههههههههههههههههههه والله حبيتك على كلبك الابيض
انت شتكول موضوعي جاد لو شقه ؟؟
اشكر مرورك ونصيحتك ياغالي

 
اني احجي صدك والله ,, لان اني طبعي هيج واني صغير ليهسة مثل العجايز حوايجي هواي  شمدريني عبالي انت مثلي

[ssomeda]

ما بيهة شي هواي مرات الانسان يتعلق بأشياء يحبهة ,, اني انصحك اذا كان موضوعك جاد مو للضحك ان تاخذهة وياك لامريكا عن طريق الشحن بس ان اكيد متستخدمهة هناك مو؟

هههههههههههههههههههههه والله حبيتك على كلبك الابيض
انت شتكول موضوعي جاد لو شقه ؟؟
اشكر مرورك ونصيحتك ياغالي

 
اني احجي صدك والله ,, لان اني طبعي هيج واني صغير ليهسة مثل العجايز حوايجي هواي  شمدريني عبالي انت مثلي

اتمنى اكون مثلك.... ياغالي

[ssomeda]

ههههههههههههههههههههههههههههههههه اقوى شي اني بين علية الشيب وهي بين عليها الزنجار هههههههههههههههههه صدك انقرهت بهل اللحظة ..
اخوية ما اعرف شكولك .. ما عندي حل لمبردتك  .. بس انت ذكرتني من جنت صغير جان عدنة برازيلي واني من انولدت هي عدنا .. وتقريبا بصف رابع او ثالث ما اتذكر .. بعناها واشترينا كرونة مال معوقين .. فبليل الوالدة عود دتتشاقة كالت ايبااااااااااه هسة البرازيلي باقية بهذاك الكراج وحدها .. جان اني واخوية الصغير نكوم نبجي .. شوف الموقف من كد ما مؤثر لحد الان باقي ببالي .. مرات الواحد صدك يتعلق بشغلة 

عاشت ايدك على تغير الجو .. تسلم

ايدك العايشه 
بس قصتك تقهر اكثر ......اوف الماضي اشكد حلو ...احلى من المضارع 

[espero]

اشحنهاوانت مو اول واحد
مره رحت يم خالتي في بريد العلاوي ..واحد جان جايب تنور على الغاز يريد يشحنه لامريكا .....كالوله يكلف ..كاللهم شنو يعني ...المهم اخذ التنور ويايه ..شفت بعيني محد كالي 

[ssomeda]

اشحنهاوانت مو اول واحد
مره رحت يم خالتي في بريد العلاوي ..واحد جان جايب تنور على الغاز يريد يشحنه لامريكا .....كالوله يكلف ..كاللهم شنو يعني ...المهم اخذ التنور ويايه ..شفت بعيني محد كالي 

ههههههههههه كلشي يطلع من عدنه !  زين شنو منشاء التنور ؟لان مشكلتي بالمنشاء؟

[كوكي 2004]

علاوي ياعلاوي

آآآخ هيجت المواجع والله مو شقه عندي سلاحف ثثنين الذكر والأنثى وحايرة بيهن لأن الأولاد متعلقين بيهن
ودا أفكر شلون ناخذهن ويانه اذا ربك سهلهه علينه وعلى الجميع يارب

تحياتي وموضوعك يقهر 
بس شغلة المنشأ شوية 

[ssomeda]

كوكي ياكوكي يالغالية شلونج
يعني بكد ما الموضوع مزحه بس بيه قصد صدكيني كل واحد من عدنه عنده غراض عزيزه عليه وبصراحه نقله مو سهل ...قصدي المشكله عامه ..مثل حضرتج ويه السلحفات بصراحه ماعندي معلومات عن نقل الحيوانات يعني بسهوله لو اله طريقه خاصه مثل الكلاب تحتاج الى جواز ؟
بصراحه اني هسه ويه نقلتي الى اربيل لاحظت هاي المشكله (مشكلة نقل الغراض العزيزه) وفكرت كلت زين اذا صارت الهجره شلون ؟
طبعا شفت شغله فيي احدى سفراتي مشكله مجنت متصوره مشكله بنقل اغراض .. صعد يمي شخص وياه كيتار اكو مشكله ؟تكولون لا !!!
اي مشكله وفعلا عشر دقايق مناقشه ويه المضيفات وين ايخلي الكيتار لان بعض قوانين الشركات ميصير تخلي غراض كبيرة الحجم يمك وميكدر ايدزه ويه الجنطه الكبيره لان يتكسر
يعني فد شي بسيط بس هو مشكله
على العموم اني قررت اكص وصله صغيره للمبرده وسويه مداليه للذكرى

[جورجيا]

هههههههههههههههههههه
تره موتتني ضحك
واني واقره هم دا اذكر ابمبردتنه ههههههههههههههههههههه
نفس حال برفابك امورها تعبت وتحتاج تجديد
وكل سنه انكول بلكي السنه اتفض وانسافر وتبقى هي صامده على الشباك تنعشنا بهوائها الشسواري في تموز الجميل
وتشمر علينه زنجارها الذي انهكني بمسحه وكسر جتوفي لان يوميه الكي جواها متساقط كثلوج مشكن وزخات مطر نورث كارولينا وبرد اريزونا
فتحيه حب لبرفابك وتحيه وفاء لبرفابنا ولتسقط زخات مطر نورث كارولينا وبرد اريزونا وثلوج مشكن وليحيازنجار برفابنا
تحياتي
جورجيا
 

[ssomeda]

هههههههههههههههههههه
تره موتتني ضحك
واني واقره هم دا اذكر ابمبردتنه ههههههههههههههههههههه
نفس حال برفابك امورها تعبت وتحتاج تجديد
وكل سنه انكول بلكي السنه اتفض وانسافر وتبقى هي صامده على الشباك تنعشنا بهوائها الشسواري في تموز الجميل
وتشمر علينه زنجارها الذي انهكني بمسحه وكسر جتوفي لان يوميه الكي جواها متساقط كثلوج مشكن وزخات مطر نورث كارولينا وبرد اريزونا
فتحيه حب لبرفابك وتحيه وفاء لبرفابنا ولتسقط زخات مطر نورث كارولينا وبرد اريزونا وثلوج مشكن وليحيازنجار برفابنا
تحياتي
جورجيا
 

هلا بالورده جورجيا
عاشت ايدج على هالكلمات الحلوه الى برفاب قريتله كلماتج الحلوه ارتاحت وكامت تضحك (شلون عرفت ؟) لان كامت طلع صوت عالي اتصورت القايش انكطع ..اثاري صوت ظحكهه ...طبعا حطبعه وعلكه عليه

[جورجيا]

صموده عيني نسينه شغله ضروريه
الامبيريه مال برفابك مترهم ويه امبيريه امريكا بويا
فشوفلك عتاك تنطي فوكاها فلوس حتى يشيلها 
جورجيا

[ssomeda]

صموده عيني نسينه شغله ضروريه
الامبيريه مال برفابك مترهم ويه امبيريه امريكا بويا
فشوفلك عتاك تنطي فوكاها فلوس حتى يشيلها 
جورجيا

لاولله عزيزتي جورجيا (انتي جمع ورد جوري) مناسي الفولتيه بامريكا 110 واني البرفاب مالتي 220 اوووووووووووووووووف
اذا انطيه لابو العتيك يعني رح انطيه وصله من كلبي

[كلي امل]

ههههههههههه اني مع رأي اختي برنسيسه روح وسويلهة لم شمل لتعوفهة لخاطر شيباتهة

[ssomeda]

ههههههههههه اني مع رأي اختي برنسيسه روح وسويلهة لم شمل لتعوفهة لخاطر شيباتهة

زين شكلهم ... اتصير خالتي ؟؟؟؟

[كلي امل]

گلهم گرايبنا همة شعليهم خوش والله

[ssomeda]

مو هيه اصله ايراني واني عراقي ميكلولي شلون ..... ؟ ولو هسه الايراني ابو الكاع واحنه غربه بارضنه ............اهووووووووووووووو
ما اريد احجي

[كلي امل]

ميخالف عود نطلعها قجغ ليظل بالك عليهة

[IRAQ.CA]

 

[جورجيا]

مو هيه اصله ايراني واني عراقي ميكلولي شلون ..... ؟ ولو هسه الايراني ابو الكاع واحنه غربه بارضنه ............اهووووووووووووووو
ما اريد احجي

خليها سكته
مو زين انعموا علينه بنعمه برفاب 

[الريم 2000]

UP

[ssomeda]

مزقت وثيقة الصلح ..... لان الظاهر النفوس بعده ممتصافيه
نرجع لل مبرده ..... اشكيله الي ديصير بين الاعضاء والمشاكل بلكي تلكي حل ؟