منتدى الهجرة واللجوء > مواضيع الحياة العامة في بلاد المهجر (امريكا)

السوشيل سكيرتي نمبر أهم ما تملك في امريكا ... تفاصيل مهمة

(1/22) > >>

أبو قمر:
ملاحظة :

أذا كنت ممن تسبب مواضيع ابو قمر الحاسية لديه الرجاء الابتعاد عن الموضوع .
اذا كنت من عشاق مخالفة الرأي والنقد من اجل النقد او الانتقاص فانت في المكان الخاطء الرجاء الابتعاد
اذا كنت ممن يبحث عن ما يفيده فقط من المعلومات فعنوان الموضوع واضح فلا تتعب نفسك بقرائة مالايفيدك .

أذا كنت ممن يبحث عن المعلومة ويرغب في زيادة رصيده من معلومات فمرحبا بك في هذا الموضوع .
أذا كنت من قراء مواضيع ابو قمر فمرحبا بك بالموضوع وابو قمر كله امل ان ينال الموضوع اعجابك وان تستفاد من المعلومات
اذا كنت انسان مثقف ومحترم وترغب في الانتقاد البناء والمشاركة في الراي فمرحبا بك فانت في المضوع المناسب

ما كتبته واكتبه لا امن به على احد بل هو واجبي تجاه كل انسان فقد تعلمت منذ صغري بان قيمة الانسان تزداد بمقدار ما يقدمه لابناء جلدته وان المجتمعات ترتفع وترتقي بمقدار تفاعل ابنائها ومساعدتهم لبعضهم البعض , وكلي احترام وتقدير لكل كلمة تكتب في موضوعي , ولكل محب كتب عني على العام وعلى الخاص اكيد اكيد لن اخذلكم ولن اقف صامتا او متجاهلا لطلباتكم كلي احترام وتقدير لكل ما كتبم وشرف لي ان يكون لي هذا الكم من الاخوى والاخوات والاهل الطيبين المحترمين ..  [/size]



السوشيل سكيورتي نمبر  اتكلمت عنه سابقا وذكرت فائدته وبعض المخاطر الي قد تتعرضلها بسبب معرفت الاخرين لهذا السوشيل نمبر , هنا راح احاول ان افصل الموضوع بدقة اكبر لكي تكون الصورة واضحة للجميع ,
السوشيل سكيورتي نمبر هو عبارة عن 9 ارقام تكون الدليل على اي شخص مقيم داخل امريكا اقامة دائمية سواء كانت اقامة كرين كارت او كانت فيزة عمل او كانت اقامة لاجء او مهاجر مؤقته او اذا كان الشخص امريكية الجنسية او مولود جديد في امريكا , اذن الجميع يجب ان يملك هذا الرقم ماعدى من هو مقيم اقامة مؤقته كالافراد المقيمين بفيزة زيارة ,
ماهو هذا السوشيل وما فائدته : مثل ما ذكرت هو عبارة عن 9 ارقام تم تقسيمها الى 3 مجاميع , لو بدائنا من اليسار الى اليمين المجموعة الاولى ستتكون من 3 أرقام  , تبدأ من 000 وتنتهي ب999  وهذه الثلاث ارقام  يمثل كود المنطقة التي تم التقديم من خلالها على السوشيل نمبر او المنطقة التي ولد فيها المولود الجديد , ولهذا غالبا ما تلكه افراد اسرتك الارقام الثلاثة الاولى  في السوشيل من جهة اليسار تكون متقاربة جدا يعني ممكن احد الافراد يكون 900 الاخر يكون902  اكثر او اقل شوية لانكم جميعا مقدمين في منطقة واحدة , ترتيب هذه الارقام عادة ما تكون بشكل تصاعدي من الساحل الشرقي الى الساحل الغربي  يعني الي ساكن في ولايات الساحل الشرقي راح تكون الارقام اصغر من الي ساكن في الساحل الغربي وتبدا تتصاعد باتجاه الغرب هذا الكلام كله يتحدث عن الارقام الثلاثة الاولى , الجزء الثاني من السوشيل هو رقم المجموعة  وهو عبارة عن رقمين يكونون في المنتصف , فائدة هذه الرقمين هي عملية تنضيم الارقام الثلاثة الي تكلمنا عنها التي تمثل ارقام المنطقة في مجموعات حتى تسهل عملية الترتيب والادارة ,  اخر جزء من السوشيل هو اخر اربعة ارقام في السوشيل وهذه غالبا ما تطلب منك في الدوائر والشركات للتاكد من شخصيتك والي تسمى السريال نمبر وهذه عبارة عن اربع ارقام عشوائية , اذن فهمنا الان الرقم كبنية تسع ارقام على ثلاث مجموعات , طبعا الي ذكرته من معلومات كثير من الامريكان ميعرفه لكن ذكرته حتى تكون مطلع اكثر على الموضوع ومو مطلوب منك تحفض الاجزاء واسمائها المطلوب منك ان تحفظ الرقم كامل ..
نجي هسه لاستخدامات هذا الرقم وليش كل مواطن لازم عنده هذا الرقم , في امريكا انت كمواطن عبارة عن رقم وهو السوشيل سكيورتي نمبر هذا الرقم سوف يكون  المكان الذي يخزن فيه كل تاريخك الاداري والمالي والامني , ببساطة لا يمكنك ان تقدم على عمل من دون ان يكون عندك هذا الرقم , لا يمكنك ان تقدم على اغلب شركات الخدمات الى ميكون عندك هذا الرقم , هذا الرقم راح يكون في بيانات الحكومة وراح يخزن تحته اي اجراء امني اتخذ ضدك او اي خطا امني ارتكبته , ايضا هذا الرقم سيكون عند شركات الكردت الثلاثة المسئولة عن التقييم المالي ( الكردت كومبني Equifax , Experian , transunion ) والتي سوف تنشىء تقرير كامل عن تاريخك المالي او تعاملاتك المالية واي جهة راح تركتب وياها مشاكل مالية سوف ترسل لهذه الشركات وهذه الشركات سوف تضع هذه المخالفة في هذا التقرير والي راح يكون تحت رقم السوشيل سكيرتي الخاص بيك , ايضا هذا الرقم راح يكون موجود مع دائرة IRS وهي الدائرة الخاصة بالضرائب والي ايضا راح يكون الك ملف فيها والي يجب عليك كل سنة ان ترسل اقرارك الضريبي لها والي راح يكون تحت السوشيل نمبر مالتك , وغيرها كثير من الدوائر والشركات يعني ببساطة الجميع يتعامل معك كرقم الي هو السوشيل نمبر ..
طيب نجي للخطورة والكلام الي دائما يقال ان تحافظ على السوشيل مالتك ومتخلي احد يعرفه غيرك ليش هذا الكلام وشلون ممكن يضرك ؟؟
في امريكا اغلب المعاملات والخدمات تقوم بشكل الكتروني او عن طريق البريد , اغلب الخدمات ما تطلب حضورك الشخصي او هويتك , اغلب الخدمات تتطلب  4 معلومات اساسية :
1-   اسمك الاول واسمك الاخير
2-   السوشيل سكيرتي نمبر مالتك
3-   تاريخ ميلادك
4-   عنوانك
اي شخص يعرف هذه المعلومات ممكن ان يقدم على اي خدمة من اي شركة , يعني ممكن اقدم على هاتف نقال , ممكن اقدم على انترنت ممكن اقدم على كهرباء , يعني ممكن اذا احد عرف عنك هذه المعلومات الاربعة ان يستخدم اسمك وياخذ خدمات وميدفع الفواتير وهذا الضرر كله راح يروح للكردت ريبورت مالتك الي هو تحت السوشيل مالتك , طبعا البعض منكم راح يكول مو العنوان هو عنوانك فالخدمة المفروض تجي الى عنوانك للاسف لمن تشترك باي اشتراك سواء انترنت او كهرباء راح يكون هناك عنوانين مختلفين عنوان الخدمة وعنوان الفاتورة وممكن ايضا يكونون نفس العنوان ويكونون غير عنوانك محد يدقق بهذا الموضوع , طبعا الي ذكرته سابقا  لاشيء مقارنة بما راح اذكره الان .
اذا كنت تعرف هذه المعلومات الاربعة بامكانك التقديم على كردت كارت في البنك عن طريق الموقع الالكتروني لاي بنك واذا كان الشخص الي دتستخدم السوشيل مالته صاحب كردت جيد فممكن تاخذ كردت كارت ب 5000 او 10000 دولار , طبعا ببساطة تستخدمها عن طريق الشراء بالانترنت او تسحب عن طريق البنك كاش لان كل كردت كارت راح يكون بيه مبلغ معين ممكن تسحبه كاش , يمكن الشراء من المحلات يكون فيه خطورة لان غالبا ما تطلب المحلات الدرايفر لايسنس مالتك حتى تقارنها بالكارت وكثير من المحلات متسوي هذا الشي , اذن لازم احافظ كلش زين على معلوماتي وما اخلي اي شخص يعرفها هل هذه كل المخاطر ؟؟؟ لا اكو الاكبر وكالتالي :
اغلب المهاجرين الغير شرعيين يستخدمون سوشيلات غيرهم واسماء غيرهم للعمل ؟؟؟ شلووووون .
عند النقديم للعمل في الشركات البسيطة او في المحلات البسيطة لايتم التقدقيق على الهوية او الدرايفر لايسنز , التدقيق دائما يكون على ورقة التقديم للعمل الي عبيتها الي بيها السوشيل مالتك ومعلوماتك , ولهذا الكثير من المكسيكان يقوم بشراء معلومات غيره او يتفق مع غيره من الاشخاص الذين يملكون اوراق رسمية على المشاركة في الاوراق وبالذات لمن يكون الشبه كبير , حادثة حدثت وياي بالشركة وانا ذكرتها سابقا , كان عدنا عاملة تعمل بالوير هاوس بنفس القسم الي مسئول عنه , عملت ويانا 3 سنوات وعلى لحظة اتفاجئنا بأن هذه الموظفة اكتشفتها الشركة انها تستخدم معلومات غيرها وتم فصلها , يعني اتضح النا ان هاي البنية الي اسمها ماريا طلع اسمها اسم اخر وان المعلومات الي عبتها كانت معلومات لامرأة اخرى تعطيها 30 بالمية من الراتب مالتها ..
هذه الحالة الي ذكرتها غالبا ما تكون بالاتفاق ويمكن من النادر ان تحدث الي او الك لان اغلب الشركات تطلب الدرايفر لايسنز , لكن مع هذا اكو كثير طرق ملتوية وكثير شركات تتغاضة عن الدرايفر لايسنز من باب معرفه او من باب اخطاء ادارية ..
اذن السوشيل الخاص بيه لازم ما اخلي  جهة غير رسمية تعرفه بالاضافة الى معلوماتي الاخرى , يعني مو كلما ادخل موقع انترنت انزل بياناتي اتاكد من الموقع هل هو من جهة رسمية او موثوقة ام لا , نفس الاشي في الحياة العامة ...
طبعا كثير منكم يكلك طيب مو من نروح لدكتور او نقدم على عمل او خدمة راح يطلبون السوشيل والمعلومات , نعم اكيد لان بدون السوشيل مراح تكدر اتسوي اي تعامل لكن العبرة بالجهة الي تاخذ معلوماتك اذا كانت جهة موثوقة مثل عيادة طبيب او شركة خدمات معروفة او شركة موثوقة  فما اكو اي اشكال بوضع معلوماتك , لان هذه الجهات ستكون محاسبة ومراقبة من قبل الحكومة واي تسريب لمعلوماتك راح تسببلهم مشاكل كبيرة جدا سواء للشركة او للموظف نفسه , طبعا بعض الشركات يكلك اني انطيهم بس اخر اربع ارقام , وهذا مفهوم خاطىء , عملية التقديم راح تحتاج رقم السوشيل مالتك كامل عملية التوثيق او التاكد من انك الشخص نفسه اذا ما اتصلت بيهم لاحقا راح يطلبون منك اخر اربع ارقام فقط , ولهذا لمن تتصل بشركة خدمات وعندك مشكلة بالخدمة راح يسئلوك عن اسمك وعنوانك واخر اربع ارقام من السوشيل , لكن عند التقديم لاي خدمة او لاي عمل لازم تضع السوشيل كاملا ..
طيب البعض يكلك اني بعدني مو مطمئن اخاف احد يستخدمه بدون ان اعلم ؟؟؟ عادي بما انك عراقي راح تظل قلق ولهذا اكو حل بسيط اعمله اني والكثير من الامريكان ايضا , ان تقوم بتجييك الكردت ريبورت مالتك بشكل دوري كل سنة او كل 6 اشهر وراح يبين بيه اذا كان احد فاتح خدمة على اسمك او اذا كانت ماخذ كردت كارت باسمك او اي شي غريب راح تشوفه كدامك وممكن تتصل بالشركة وتعالج الموضوع وهذه التفاصيل ذكرتها سابقا وينرادلها موضوع كامل ..
تحياتي للجميع
أبو قمر

زرزور بغداد:
ألف رحمة على والديك ,,,,,,, ياطيب يا أبن الطيب

ألله يوفقك بالدنيا والاخرة ,,,,,,, والله يومية ندعيلك

أنت مثلي الاعلى أخي العزيز

مــودي:
تسلم استاذنا الغالي والطيب والمتعاون والاصيل واللي عكست صورة حلوة النا بولايتك

وتقبل مني باقة الورد

espero:
مرحبا بك اخونه المحترم بعودتك .....الله يديم المعروف بيناتنا

usaforever:
شكرا جزيرا اخي العزيز ابو قمر

وجزاك الله الف خير

وممنونيين جدا على الجهد الاستثنائي المبذول

تصفح

[0] فهرس الرسائل

[#] الصفحة التالية

الذهاب الى النسخة الكاملة