المحرر موضوع: كل ما يخص جماعة سورية (زيارة 297509 مرات)

العجيلي33 · « **رد #2000 في:** 06:47 07/12/2012 »

والله احنا جنا كاعدين شخصين وصلت الرساله لاثنينه بنفس الوقت معناه ان هم دازيه جماعي بس ليش ماوصلت للاخ العزاوي الله اعلم

الخديدي 2008 · « **رد #2001 في:** 11:01 07/12/2012 »

مقتبس من: العزاوي 55 في 15:47 06/12/2012

الحمد لله والشكر ان شاء الله يستمرون بعملهم المعتاد
واهم شي يصرفون المبالغ الخاصه بالغذائيه لانه اكو ناس عايشين عليه
بس احنه ليش ما يدزونه هاي الرساله بس لوفاء والخديدي الله ربكم اكيد عدكم عرف هههههههههههههه

ههههههههههه اي اخويه عندي عرف
هو لو جان عندي عرف ما جان صرت طرشي 5 سنين ههههههه
بس صدك الحجي الي انت نشرته عن سحب الموضفين الغير الاساسين معناتها مو اشاعه وهاي الرساله الي اجت هيه تاكيد انو اكو قسم منهم طلعوهم
بصراحه بنسبه لقناه الخنزيره وغيرها ماكمت اشوفهم اصلا واضوج منهم وماسحهم من القنوات لان همه الي دمرو بلدنا الثاني
تحياتي

وفاء علي · « **رد #2002 في:** 11:30 07/12/2012 »

صحيح اخ خديدي2008 اتفق معاك بالنسبه لقناة العبريه والخنزيره هم احد اسباب الدمار ومشاركين به وبكل ماحصل ويحصل في الدول العربيه

ببثهم للسموم وليس للأخبار .

وفاءعلي/سوريا/2009

الاصيل1 · « **رد #2003 في:** 16:30 07/12/2012 »

يجى اخذ العلم ان جميع نشاطات وساعات عمل مكتب المفوضية السامية لشوؤن اللاجئين مستمرة بالشكل المعتاد

هذه ثاني مرة لليوم الثاني على التوالي تجيني على الموبايل

احنا نريد الامنية تجي الفيزا تجي السفر يجي
صخم الله وجوهكم على هاي الدكة
سبع سنين ننتظر
يارب الفرج على عبادك والله ملينه

الله كريم الله
ابو مريم

maraliano · « **رد #2004 في:** 18:09 07/12/2012 »

السلام عليكم جماعة سوريا
هسة قريت ب الهجرة و اللاجئين (IOM) ب الفيسبوك انه تم العثور على جواز عراقي و هاي التفاصيل:

لقد تم العثور على جواز ات سفر لعائلة عراقيه في مخيم اليرموك باسم علي حمودي وزوجته سجى رشيد من اهالي سامرا ممن يعرفهم تبليغهم والاتصال على الرقم 0932713775 مع مستمسكات مهمه الرجاء النشر بنطاق واسع لايصال المعلومه لصاحب الجواز مع الشكر

العزاوي 55 · « **رد #2005 في:** 21:33 07/12/2012 »

شكرا على نقل الخبر بس منزلين موضوع عن نفس الاشخاص بالمنتدى
ما خابرتي للهجره علمود موعدكم لو خليتيه سكته مثل حالتي

maraliano · « **رد #2006 في:** 23:37 07/12/2012 »

والله يا اخي العزاوي اني لمن نقلت الخبر ما شفته ب المنتدى منزليه لان هلكد ما خط الانترنيت ضعيف مدة يتحدث يمي
مرات ثاني يوم يلا التعليقلت الجديدة تطلع يمي

ĈAŃDŶ · « **رد #2007 في:** 02:44 08/12/2012 »

مرحبا شلونكم يارب بخير
عمو عزاوي الاخوة الاعضاء في سوريا شنو اخباركم بالنا عدكم وندعيلكم كل يومية انو توصلون بسلامة يم اهلكم

العزاوي 55 · « **رد #2008 في:** 09:40 08/12/2012 »

هلو عمو شلونكم انتو احنه نحمد الله على كل حال
حاليا السفر متوقف بسبب الظروف الحاليه خاصه مشكلة طريق المطار
اني انطوني موعد يوم 10 بس شنو الفائده تم تاجيل مواعيد السفر التي سبقتني الى اشعار اخر
واكيد انا ومواعيد يوم 12 ويوم 18 طبعا الذين اعرفهم ابلغوهم بالتوقف والله ارحم الراحمين

ام راما · « **رد #2009 في:** 10:50 08/12/2012 »

مرحبا اخوان اخوان انشاء اللة الجميع بخير
يوم الخميس وصل زوجي لمطلر دمشق واجا للبيت تقريبا
ساعة 12 بالليل يعني طريق للمطار امن بس المشكلة ان طيران متوقف
ماكو بس الطيران السوري انشاء الله تنحل الامور ويسهل السفر ياذن اللة
اختكم ام راما

ĈAŃDŶ · « **رد #2010 في:** 14:45 08/12/2012 »

مقتبس من: العزاوي 55 في 09:40 08/12/2012

هلو عمو شلونكم انتو احنه نحمد الله على كل حال
حاليا السفر متوقف بسبب الظروف الحاليه خاصه مشكلة طريق المطار
اني انطوني موعد يوم 10 بس شنو الفائده تم تاجيل مواعيد السفر التي سبقتني الى اشعار اخر
واكيد انا ومواعيد يوم 12 ويوم 18 طبعا الذين اعرفهم ابلغوهم بالتوقف والله ارحم الراحمين

الله يساعدكم صعبةةةةةة كلش اعرف نشكرر الله اكو نت نطمن عن اخباركم الله يحميكم

العزاوي 55 · « **رد #2011 في:** 22:19 08/12/2012 »

احبتي الكرام قبل نص ساعه احد الشباب العراقيين بمركز النور يشتغل شافني كلي عمو مبروك
المطار راح يعمل من يوم الثلاثاء ان شاء الله طبعا سالته شلون ومنو كلك فنادا على شاب اخر سالته كال
جيراني يوم 3 كان موعد سفرهم الى كندا وتاجلو واليوم العصر خابروهم حضرو نفسكم ان شاء الله الرحلات الجويه
تبدأ اعتبارا من يوم الثلاثاء والله اعلم
يا رب ان شاء الله خير

نورضياء · « **رد #2012 في:** 22:53 08/12/2012 »

ان شـــاء الله وتبــشرنـــــه بســــــــــفـرك
يـــــــــــارب

وفاء علي · « **رد #2013 في:** 11:14 09/12/2012 »

ندعو الله عزه وجله يفرجها علينه وعلى جميع المنتظرين يارب يسر امورنا ,

يارب,يارب فرج همنا,امين .

وفاءعلي/سوريا/2009

** AL SHAEEA ** · « **رد #2014 في:** 14:23 10/12/2012 »

   السلام عليكم ورحمة الله وبركاته

   من أدعية الرسول صلى الله عليه وسلم دعاء جميل جداً..

   وهو من أدعية الكرب.


   اللهم إليك أشكو ضعف قوتي وقلة حيلتي
   وهواني على الناس , يا أرحم الراحمين..
   أنت رب المستضعفين، وأنت ربي..
   إلى من تكلني؟ إلى بعيديتجهمني
   أم إلى عدو ملكته أمري ؟!
   إن لم يكن بك غضب عليَّ فلا أبالي،
   غير أنّ عافيتك هي أوسع لي..
   أعوذ بنور وجهك الذي أشرقت له الظلمات،
   وصــلح عـليه أمـر الـدنيا والآخـرة
   أن يحل علي غضبك , أوأن ينزل بي سخطك،
   لك العتبى حتى ترضى
   ولا حول ولا قوة إلا بك..

   ولهذا الدعاء قصه وهي :

أنّ النبي صلى الله عليه وسلم .. رغب في نشر الدعوة خارج "مكة " لعله يجد نصيرًا له ومؤيدًا ، خاصة بعد ما لاقى من المشركين في "مكة" من العذاب والإيذاء ، فقرر الذهاب إلى "الطائف" لعرض الإسلام على "ثقيف" لعلها تؤمن بدعوته ، أو يؤمن بعض أهلها بما يدعو إليه .
لكن النبي – صلى الله عليه وسلم- لم يجد ما كان يأمله هناك ، فقد وجدهم أكثر عنادًا من "قريش" ، فرفضوا دعوته التي عرضها عليهم بالحكمة والموعظة الحسنة ، ولم يتوقفوا عند ذلك ، بل سبوه وأهانوه وسلطوا عليه السفهاء والصبيان ، فضربوه بالحجارة حتى دميت قدماه الشريفتان ، وكان وقع ذلك شديدًا على النبي – صلى الله عليه وسلم- وما كاد يلتقط أنفاسه ، ويبتعد عن الطائف حتى لجأ إلى الله بالدعاء في حرارة قائلاً :اللهم إليك أشكو.....

وبعد أن انتهى الرسول – صلى الله عليه وسلم- من دعائه نزل إليه "جبريل" – عليه السلام- ومعه ملك الجبال الذي قال له : إن شئت أن أطبق عليهم الأخشبين (وهما جبلان في مكة) – فعلت .

لكن النبي – صلى الله عليه وسلم- رفض ذلك ، وقال: "بل أرجو أن يخرج الله من أصلابهم من يعبد الله لا يشرك به شيئا" . ودعا لهم قائلاً: " اللهم اهد قومي فإنهم لا يعلمون ".

اللهم ارزقنا شفاعة نبيك محمد وأوردنا حوضه، وارزقنا مرافقته في الجنة، اللهم صلى وسلم وبارك أطيب وأزكى صلاة وسلام على رسولك وخليلك محمد وعلى آله وصحبه أجمعين.

نسأل الله ان يتقبل منا الدعاء وينجي الجميع من هذه المحنة

واسأل الله ان يتم سفر كل العراقين في سوريا

وفاء علي · « **رد #2015 في:** 15:09 10/12/2012 »

بارك الله بك .

يا اخي ماعدنه غير الدعاء للباري عزه وجله يفرج علينه وعلى جميع منتظري السفر.

الكل تعبانه ومتأذيه وبس الله يفرجها .يارب امين.

وفاءعلي/سوريا/2009

ArUsH · « **رد #2016 في:** 15:42 10/12/2012 »

عمي الـعزاااااوي

اليوم كعدت من النوم وببالي موضوع احد الاعضاء ديبشرنه انو نطوك موعد سفر جديد
ودااتذكر بشرت صديقتي انو السفر رجع

هسه داادور علموضوع ماكو !!!
فتحت ارشيف المحادثه ويه صديقتي وكلشي ماكو !!!

اعتقد حلمانه

والله من كثر مبالنه يمكم ومتابعين اخباركم صرنه نتخيل ونحلم ونصدك

ان شاءالله يكون فال خير يارب

تره صار يومين اكو حركه بمطار دمشق فـ يارب يتحددلكم موعد جديد هلايام
هاي رحلات اليوم
http://www.sana-syria.com/ara/article/299.htm
اليومين الي فاتو جانت رحله لمصر ورحله أو رحلتين للامارات
اليوم 4 رحلات للامارات ( 3 خطوط اماراتيه - 1 خطوط سوريه ) ورحلتين لمصر ( 1 خطوط المصريه - 1 خطوط سوريه )

ان شاءالله الفرج قريب

اذا صار اريد البشاره

العزاوي 55 · « **رد #2017 في:** 16:56 10/12/2012 »

حبيبتي أروشه الغاليه
شكرأعمو هذا من اصلك الطيب ربي يبارك بيج ويسلمكم ويا رب السفر السريع لكي وللجميع
وتدللين والله البشاره توصلك ان شاء الله واني الممنون
وبالنسبه للجول اتصور والله اعلم مو صحيح لانه لو كان صحيح لكان سافر احد من الي تأجلو
والله كريم ننتظر وان شاء الله تفرج

برنسيسة · « **رد #2018 في:** 17:02 10/12/2012 »

مقتبس من: العزاوي 55 في 16:56 10/12/2012

حبيبتي أروشه الغاليه
شكرأعمو هذا من اصلك الطيب ربي يبارك بيج ويسلمكم ويا رب السفر السريع لكي وللجميع
وتدللين والله البشاره توصلك ان شاء الله واني الممنون
وبالنسبه للجول اتصور والله اعلم مو صحيح لانه لو كان صحيح لكان سافر احد من الي تأجلو
والله كريم ننتظر وان شاء الله تفرج

الله يفرجها عليك عمي العزاوي صدك انت تعذبت هواية
الله يعوض صبرك خير انشالله

نورضياء · « **رد #2019 في:** 19:18 10/12/2012 »

مقتبس من: العزاوي 55 في 16:56 10/12/2012

حبيبتي أروشه الغاليه
شكرأعمو هذا من اصلك الطيب ربي يبارك بيج ويسلمكم ويا رب السفر السريع لكي وللجميع
وتدللين والله البشاره توصلك ان شاء الله واني الممنون
وبالنسبه للجول اتصور والله اعلم مو صحيح لانه لو كان صحيح لكان سافر احد من الي تأجلو
والله كريم ننتظر وان شاء الله تفرج

ان شـاءالله ينــفتح السـفر وتسـافر وترتاح والله افــكر بيــك دائـما

العزاوي 55 · « **رد #2020 في:** 21:59 10/12/2012 »

برنسيسه الرائعه ونور العيون ربي يسلمكم وييسر امركم والله كلامكم ودعائكم يخفف عني هوااااااااااااااااااااااااااااااااايه
اليوم الصبح المفروض احنه بالمطار بس اني ساكت ما اريد ازعج العائله اكثر من ما همه مزعوجين اسمع ابني يكوله
لاخوه هسه احنه المفروض بالمطار لو طايرينما تعرفون هذا التاجيل شكد يدمر والمصيبه احنه اصلا تاجلنه وباقي على
السفر 5 ايام هاي عام 2011 وبعد كل المعانات توصل للحلك وينطونه موعد سفر وتطلعنه شغلة المطار اولاد الحرام
صارلنه سنه و8 اشهر مؤجلين من وصل موعد سفرنا قطعتو الطريق لا حول ولا قوة الا بالله

ankawa_2010 · « **رد #2021 في:** 22:15 10/12/2012 »

مقتبس من: العزاوي 55 في 21:59 10/12/2012

برنسيسه الرائعه ونور العيون ربي يسلمكم وييسر امركم والله كلامكم ودعائكم يخفف عني هوااااااااااااااااااااااااااااااااايه
اليوم الصبح المفروض احنه بالمطار بس اني ساكت ما اريد ازعج العائله اكثر من ما همه مزعوجين اسمع ابني يكوله
لاخوه هسه احنه المفروض بالمطار لو طايرينما تعرفون هذا التاجيل شكد يدمر والمصيبه احنه اصلا تاجلنه وباقي على
السفر 5 ايام هاي عام 2011 وبعد كل المعانات توصل للحلك وينطونه موعد سفر وتطلعنه شغلة المطار اولاد الحرام
صارلنه سنه و8 اشهر مؤجلين من وصل موعد سفرنا قطعتو الطريق لا حول ولا قوة الا بالله

الله يكون بعونكم اخي ابو سرمد
كل شدة وراها فرج بأذن الله
ادري ودا احسن الحالة الي انتو بيها الله شاهد وكلمن وقسمتة وانت تعرف اخونة الي كان متأجل وياكم سافر يوم 27 وجمعاتة يوم 29 تأجلو للاسباب الي تعرفها وليومنة هذا بعدهم ينتظرون
ادعيلك من كل قلبي ان تفرج خلال الايام الجاية وتسافرون ةتصير سوالف

العزاوي 55 · « **رد #2022 في:** 22:27 10/12/2012 »

اشكرك حبيبي ابو ليث الله يسلمك ويبارك بيك ويا رب تفرج على الجميع عراقيين وسوريين ان شاء الله

وفاء علي · « **رد #2023 في:** 22:35 10/12/2012 »

   اخ عزاوي ما اعرف شكول ومنريد نزيد همك ,ونكول الله يساعدكم ويفرجها عليكم ويبعد عنكم كل مكروه ,وان شاء الله تفرج عليكم بأسرع وقت,



   وفاءعلي/سوريا/2009

غرام وغزل · « **رد #2024 في:** 22:37 10/12/2012 »

اخوية العزيز العزاوي
ادعو من الله يعوضك خير انشاء الله ويسهل سفركم باذن الله باسرع وقت

والله كريم وتفرج علينا كلنا انشاء الله

العزاوي 55 · « **رد #2025 في:** 22:47 10/12/2012 »

غرام وغزل الله يبارك بيكم ان شاء الله يا رب تفرج على الجميع

ArUsH · « **رد #2026 في:** 00:53 11/12/2012 »

مقتبس من: العزاوي 55 في 16:56 10/12/2012

حبيبتي أروشه الغاليه
شكرأعمو هذا من اصلك الطيب ربي يبارك بيج ويسلمكم ويا رب السفر السريع لكي وللجميع
وتدللين والله البشاره توصلك ان شاء الله واني الممنون
وبالنسبه للجول اتصور والله اعلم مو صحيح لانه لو كان صحيح لكان سافر احد من الي تأجلو
والله كريم ننتظر وان شاء الله تفرج

عمي مادام هدت الوضعيه شويه ان شاءالله صحيح

وتره اذا رجع السفر مومباشرة ترجع رحلات الـiom
يعني مثل متعرف الجماعه منظمين جداً

وكلش يخافون عله سلامتنه

<< يعني يكولون هيج

فـ ان شاءالله هلاسبوع تفرج يارب

alnassry · « **رد #2027 في:** 11:57 11/12/2012 »

العزيز ابو سرمد
كل مانع بي خير يارب الك ولعائلتك
بس بقوة الله وقبل نهاية هاي السنة ( 2012 ) انت تكون بأمريكا
وان شاء الله السفر لكل المؤجلين ولكل المنتظرين

العزاوي 55 · « **رد #2028 في:** 12:41 11/12/2012 »

عمو اروش ان شاء الله تفرج قبل كنت اكول بس خل ينطونه موعد حتى لو بعد شهر اكثر بس حاليا الوضع يزداد سؤ وممكن ينفتح الطريق كم يوم وهم ترجع الوضعيه كما هي بس الامل بالله جبير

حبيبي النرسي الله يسلمك ويبارك بيك احنه شنريد الله كريم بس قبل كنا نسمع يكلك خوفك من المغطايات وما نعرف معناهن هسه تطلعلك الف مغطايه ههههههههه

ابو مودي · « **رد #2029 في:** 16:56 11/12/2012 »

اخونا العزيز العزاوي 55
حسبنا الله ونعم الوكيل
خير ان شاء الله .. والله كريم

العزاوي 55 · « **رد #2030 في:** 21:23 11/12/2012 »

أخي الغالي ابو مودي نحمد الله على كل حال

وفاء علي · « **رد #2031 في:** 21:56 11/12/2012 »

اخ عزاوي ان شاء الله تفرج عليكم وتسهل اموركم وتوصلون بالسلامه وان شاء الله يهون عليكم هاي الايام الصعبه ,ولو احنه هسه بهذه الظروف

هنا بس الواحد ديفكر بالسلامه من هذه الاوضاع ,وندعو الله ان تفرج علينه وعلى جميع المنتظرين .

وفاءعلي/ سوريا/2009

حامل المسك · « **رد #2032 في:** 22:19 11/12/2012 »

ندعيلكم اخواننا في سوريا ان يحفظكم الله تعالى من كل مكروه ...وان يفرج عنكم ويعوض صبركم خير كثير واجر عظيم

الاصيل1 · « **رد #2033 في:** 22:48 11/12/2012 »

يارب تفرج عن جميع عبادك بالسفر القريب
يارب ...يارب....يارب

ابو مريم

ArUsH · « **رد #2034 في:** 05:33 12/12/2012 »

الـسلام عليكم

* اليوم اكو تطور

حركة الوصول والمغادرة في مطار دمشق الدولي
الثلاثاء11-12-2012

- 4 رحلات الى القاهره = 2 خطوط المصريه + 2 خطوط السوريه
- 3 رحلات الى الامارات = الـ3 على الخطوط الاماراتيه

تقدم ملحوظ

يارب ترجع قوافل الـIOM هلأيام

خليكم متفائلين اهلنا

maraliano · « **رد #2035 في:** 09:51 12/12/2012 »

السلام عليكم

نعم اروش الحمد لله من البارحة اكو تغيير ب حركة الطائرات
بس مع الاسف المصرية لغت رحلاتها
بس الحمد لله طيران العربية بدت

http://esyria.sy/flight/?page=flights&type=1

القطيفيه · « **رد #2036 في:** 16:55 12/12/2012 »

السلام على كل الصابرين الي بسوريا

اهم شي الحمد لله ع سلامتكم وسلامة سوريا واهلها والله يحفظها ويحفظ ترابها لان مننسى عشنا بيها

اما السفر فعلى رب العباد

العزاوي 55 · « **رد #2037 في:** 18:10 12/12/2012 »

وعليكم السلام ورحمة الله وبركاته عمو القطيفيه
اكيد السفر على رب العباد وكذلك السلامه الله هو الحافظ
ربي يحفظكم جميعأ وييسر امركم ان شاء الله

العجيلي33 · « **رد #2038 في:** 11:27 13/12/2012 »

لا كهربا لانت لاخطوط مبايل بعد شنريد حتى تكمل علينا هاي اخر اخبار الي يسالون على اهل سوريا ولحمد لله على كل شي

متأمل · « **رد #2039 في:** 11:54 13/12/2012 »

مرحبااا اخي انشاء الله مابقى شي البارحة سمعتالمطار مفتوح وديروحوله من غير طريق انشاء الله يفرج عليك وعلينا وعلى الجميع تحياتي

العزاوي 55 · « **رد #2040 في:** 13:33 13/12/2012 »

اخي المتأمل بعثتلك رقم تلفوني على الخاص حسب طلب حضرتك واني بالخدمه

maraliano · « **رد #2041 في:** 19:32 13/12/2012 »

مرحبا
نعم اخي المتأمل الطريق مفتوح بس لي هسة مو امين , هليوم الصبح احنة ب التكسي وطلعنا من نهاية شارع باسل و بدت الاشتباكات من جهة بيت سحم ب الكوة نفذنا همزين ما جتي طلقة علينا
بس اكو طريق ثاني اطول اتطول ساعتين الى ان توصل للمطار

وفاء علي · « **رد #2042 في:** 22:56 13/12/2012 »

اخت maraliano حسب مفتهمت ملفكم يبدأ ب 107 واحنه ايضا ملفنه 107 يعني انتوا من جماعة 2009.

وفاءعلي/سوريا/2009

maraliano · « **رد #2043 في:** 23:18 13/12/2012 »

هلو اخت وفاء نعم اني رقم ملفي 107 و من جماعة 2009 , لكن كان عندي رفض لان جماعة اقربائ كانوا مفتنين علينا انه عدنا جنسية ارمنية احنة كان عدنا اقامة مال ارمينيا , و الى ان سوينا استئناف و قدمت الهم الاوراق انه عدنا اقامة مو جنسية
و ب 2010 اخذنا الموافقة

وفاء علي · « **رد #2044 في:** 23:34 13/12/2012 »

عزيزتي اخت maraliano

الله يفرجها على الجميع لأن الكل هنا صدك انظلمت يعني التقديم من كل الدول احسن من حالنه لأن كل الاجراءات الي مرينا

بها بالقطاره .

   وين حقوق الانسان ,شنو ذنب هاي العالم المتبهذله والكل خايفه ,الي مر علينه بالعراق ديمر علينه هسه , هسه بس دنريد نسلم على

ارواحنا .



   وفاءعلي/سوريا/2009

maraliano · « **رد #2045 في:** 23:53 13/12/2012 »

نعم عزيزتي وفاء الله يفرجها و يعوض تعبنا
ماكو حقوق انسان احنة اني و امي و حدنا وين الاولوية للنسوان (امراء في خطر)
اي والله اهم شئ السلامة
هليوم دا اروح للاقامة و احنة ب التكسي نهاية شارع باسل و بدت الاشتباكات مال بيت سحم و الله خلصنا ما جتي طلقة علينا
واذا تحجين شئ للمنظمة يكولون انتوا العراقيين متعودين

ام محمد و احمد · « **رد #2046 في:** 14:36 14/12/2012 »

السلام عليكم
يارب الجميع بخير وربي يفرج عنا جميعا

سمعتو اخر اشاعه
البارحه كنا بلعباسين لاستلام مبلغ الغذائيه وسمعنا هوايه امور منها :

قيام اليون باجلاء العراقين منتظري السفر الى لبنان والاردن بلباصات احد سمع هل خبر او هذه الاشاعة!!!!!!

واحنا احد اصدقائنا مخلص كلشي هو على امريكا اتصلو به الاربعاء اليوان سئلو انت فلان كل عائلتك موجودين كلهم نعم غلقو الاتصال فهل ياترى هل هذا له علاقه بخبر الاجلاء ام ماذا ؟؟
ولماذا لم يتم الاتصال بالجميع حتى الاجلاء على ناس وناس حسبنا الله ونعم الوكيل

اخوانا شاركونا بماتسمعون عسى ولعل فد يوم وشي يطلع صدك

والسلام عليكم

العزاوي 55 · « **رد #2047 في:** 15:15 14/12/2012 »

والله يا محمد واحمد نسمع بالشارع هاي الاشاعه بس هل هي حقيقه أم من نسج خيال العراقيين الله واعلم

ابو سلسبيل · « **رد #2048 في:** 00:44 15/12/2012 »

السلام عليكم اخواني واخواتي والله يااختي وضع اهلنا العراقيين في سوريا صعب وماساوي جدا انفكر بهذولة الاطفال شنو مصيرهم بهاي الضروف الصعبة وهذولة اليؤن اللي ميخافون من الله مديفكرون بينة ومنعرف شنو مصيرنا بس انكول الله كريم وحسبي الله ونعم الوكيل اخوكم ابو سلسبيل من سوريا

ام محمد و احمد · « **رد #2049 في:** 09:45 15/12/2012 »

مقتبس من: ام راما في 20:27 04/12/2012

مساء الخير عليكم اخوان
اليوم الصبج اجاني اتصال من iom رديت عليهم كالت اريد
زوجك كتلها ماموجود سالتني من حضرتج كتلها زوجة طلبت اسمي الثلاثي
ومواليدي وبعدين وجعت سالتني على زوجي فكتلها امسافر سالتني وين الامارات
سالتني انت والاولا بسوريا نعم اني والاولاد بسوريا وخبرتها ان هو اتصل بيهم اخذ موافقة يلة سافر كالت اوكي باي
طبعا بعد ملحيت عليها خبرتني اكو ورقة تخصكم محتاجين ايوقعها من يرجع خلي يتصل بينا
اخوان سامعين شي عن هاي الورقة علما هم اتصلو بينا قبل اسبوع لتاكد من وجودنا بسورياهل تخص الفحص الطبي
لان احنا صارعدنا تاخير بالفحص
اختكم ام راما

السلام عليكم
اختي ام راما طمنينه اصار ويه زوجج بمنظمة الهجرة بخصوص الورقه ويارب خير بس حبينه نعرف بلكي تفيد الباقيين

وربي يسهل سفر كل الصابرين بسوريه

ام راما · « **رد #2050 في:** 11:26 15/12/2012 »

صباح الخير على كل الاخوة والاخوات
اختي ام محمد واحمد
راح زوجي اوقع الورقة وهي عبارة عن 3 فورمات
بالانكليزي سالها للموظفة ان ترجملة مقابلة مخبرتا
ان هاي الورقة توقيعها ابصالحك لان كان اكو اشكالات بالملف
وبعد الالحاح مخبرتا ان توقيع الورقة راح ايسرع الملف
فشيسوي وقع ورجع والله اعلم بعد شراح ايسوون بينا
اختك ام راما

ام محمد و احمد · « **رد #2051 في:** 20:15 15/12/2012 »

اشكرك اختى على الاجابه وربي اسهل سفركم وبلكت تطلع صدك المعلومه الي سمعناها مال اجلاء على اساس كلمن عنده كارت اخضر اودو الى مصر لحد متنتهي معملته بلكت الله اسهل امر الجميع انه قادر على كل شي

العجيلي33 · « **رد #2052 في:** 06:44 16/12/2012 »

انشالله كلامج صحيح يا اختي ام محمد والله عايشين على اعصابنا هنا وخصوصا هنا بليرموك القذائف مستمره وتوكع عامي شامي مثل ميكولون وحتى علمدارس والاخبار يمنا مطمئن والله اليستر فانشالله كلامج ايكون صحيح بخصوص مصر والله ايسهل علجميع

nosa87 · « **رد #2053 في:** 19:46 16/12/2012 »

يعني حتى لو موضوع مصر صحيح

ليش هي مصر مستقرة مو هم مشتعلة نار عدهم صايرة كاتل ومكتول بالشوارع

الله يكون بعونة يالعراقيين وين منروح كَِلبنة مشلوع

العزاوي 55 · « **رد #2054 في:** 22:39 16/12/2012 »

والله يا ام محمد هذا الكلام ما اصدك بيه ابدأ لانه لو صحيح الامم المتحده مهتمين بالاجئين كان الي فيزهم راح تخلص وماكو طيران من سوريه
يرسلوهم الى لبنان او الاردن عن طريق البر حتى يسافرون وشكد يطلع العدد مو اكثر من 10 عوائل هذوله ما يهمهم احد ناس ياخذون رواتب
بمليين الدولاارات براس الاجئين وخلي الاجئ الي معلق بين المطرقه والسندان يطبه مرض حشاكم
والله لو الاجئين مو عراقيين كان طلعوهم خلال شهر واحد من بدية الازمه السوريه بس المن تحجي والمن تشتكي ماكو غير الله نشكو اليه
حسبا الله ونعم الوكيل

العزاوي 55 · « **رد #2055 في:** 12:18 17/12/2012 »

مقتبس من: العجيلي33 في 06:44 16/12/2012

انشالله كلامج صحيح يا اختي ام محمد والله عايشين على اعصابنا هنا وخصوصا هنا بليرموك القذائف مستمره وتوكع عامي شامي مثل ميكولون وحتى علمدارس والاخبار يمنا مطمئن والله اليستر فانشالله كلامج ايكون صحيح بخصوص مصر والله ايسهل علجميع

اخي العجيلي بشرنا عنكم جماعة اليرموك يارب بردأ وسلامأ ان شاء الله

رفة عين · « **رد #2056 في:** 16:31 17/12/2012 »

مقتبس من: العجيلي33 في 06:44 16/12/2012

انشالله كلامج صحيح يا اختي ام محمد والله عايشين على اعصابنا هنا وخصوصا هنا بليرموك القذائف مستمره وتوكع عامي شامي مثل ميكولون وحتى علمدارس والاخبار يمنا مطمئن والله اليستر فانشالله كلامج ايكون صحيح بخصوص مصر والله ايسهل علجميع

الله يعينكم اخواني العراقيين في سوريا والله كلوبنا وياكم ...حتى احنه بالعراق والله اليوم حركزنا حرك بالمفخخات

الله يحفظكم ويحفظنا ويحفظ جميع العراقيين

ابو مودي · « **رد #2057 في:** 16:58 17/12/2012 »

مقتبس من: العزاوي 55 في 12:18 17/12/2012

مقتبس من: العجيلي33 في 06:44 16/12/2012
انشالله كلامج صحيح يا اختي ام محمد والله عايشين على اعصابنا هنا وخصوصا هنا بليرموك القذائف مستمره وتوكع عامي شامي مثل ميكولون وحتى علمدارس والاخبار يمنا مطمئن والله اليستر فانشالله كلامج ايكون صحيح بخصوص مصر والله ايسهل علجميع
اخي العجيلي بشرنا عنكم جماعة اليرموك يارب بردأ وسلامأ ان شاء الله

السلام عليكم
غادرت اليرموك قبل اسبوع .. وصباح اليوم علمت ان الاهالي غادروا المنطقة جميعا .. الله يحفظ الجميع في كل مكان ..

حامل المسك · « **رد #2058 في:** 17:26 17/12/2012 »

الله يعينــــــــــــــــــــــــــكم .والله احنا العراقيين وين مانروح ..البهذلة تروح ويانا..ندعو الله ان تكون هذه تهاية الازمة وترجع المياه الى مجاريها

ankawa_2010 · « **رد #2059 في:** 16:13 18/12/2012 »

ماكو اي جديد ؟؟؟

ابومريم البغدادي · « **رد #2060 في:** 09:51 19/12/2012 »

االسلام عليكم اخواني اني تعرفون من جماعة 2010 شهر 11 مستلم الموافقة وكل يوم اجيك الملف مالتي وهو الاتي
واليوم اصبح الملف عدي الفحص الطبي فعال وهو الاتي ارجو من الاخوة الاستفسار هل هذا مؤشر جيد لملفي علما ان هذا الفحص هو الثالث والموقع هو اصبح اليوم كالاتي

العزاوي 55 · « **رد #2061 في:** 12:59 19/12/2012 »

ابو مريم البغدادي المحترم
عزيزي انته الفحص عدته لو لحد الان
لانه اني صار الفحص فعال فعدت الفحص وبقى تقريبا شهر ونص بعد الفحص فعال بعدين اصبح مكتمل
ان شاء الله خير

maraliano · « **رد #2062 في:** 14:40 19/12/2012 »

اخي ابو مريم البغدادي
ماطوا صار الفحص الطبي فعال يعني حطوا اسمكم على الجدول مال الفحص الطبي يعني من يومين الى اسبوع يخابروك حتى اتعيد الفحص الطبي
اطمئن ملفك ماشي طبيعي
اني صار الفحص الطبي فعال بعد يومين خابروني و عدت الفحص الطبي , و بعد الفحص ب 21 يوم صار الفحص الطبي مكتمل

ابومريم البغدادي · « **رد #2063 في:** 15:31 19/12/2012 »

اخي الغالي العزاوي اليوم صار هذا التغيير عندي وبعدني ما عدت الفحص واني انتظر اعتقد مثل ما كال الاخ مارالينو انو بعد يوم او اسبوع يدزون علية علة الفحص الطبي وبعدين الله كريم بلكي يصير تغيير الامنية وتكتمل ونخلص من هاي الامنية الكشرة ونسافر والله تعبنا من كثرة الانتظار والضروف من سئ الى اسوء ولا نعرف متى يحسون بينه الهجرة الدولية ويسونا حل نهائي لشغلتنه التعبانه هاي
الله كريم ومستمرين بالدعاء الله يفرج الجميع والسفر القريب انشاء الله تعالى

العجيلي33 · « **رد #2064 في:** 18:26 19/12/2012 »

السلام عليكم ااخي العزاوي اسفه على التاخير بالاجابه بس للضروف الي جنه انمر بيه واني اضطريت للرجوع للعراق بعد ما تركنا اليرموك عند قصف الطائره للمخيم ودخول الجيش الحر

العزاوي 55 · « **رد #2065 في:** 22:07 19/12/2012 »

الحمد لله على سلامتكم وربي يوفقكم ان شاء الله

العزاوي 55 · « **رد #2066 في:** 15:46 20/12/2012 »

السلام عليكم
اليوم سمعت خبر علساس خلال هذا الشهر راح الحكومه العراقيه توزع 300 دولار لكل عائله في سوريا
والله اعلم
اذا احد سامع اكو هيج شي ينورنه
تحياتي للجميع

العزاوي 55 · « **رد #2067 في:** 11:11 21/12/2012 »

هاي شنو من البارحه لليوم محد من جماعتنه بسوريا دخل للمنتدى الظاهر البرد والمطر والاصوات المرعبه ليل نهار وانقطاع الكهرباء
لم يستطع احد الدخول الله يكون بعون الجميع والحمد لله على كل حال ما بايدينا غير الدعاء ادعو الله يستجب لكم

حامل المسك · « **رد #2068 في:** 15:50 21/12/2012 »

مقتبس من: العزاوي 55 في 15:46 20/12/2012

السلام عليكم
اليوم سمعت خبر علساس خلال هذا الشهر راح الحكومه العراقيه توزع 300 دولار لكل عائله في سوريا
والله اعلم
اذا احد سامع اكو هيج شي ينورنه
تحياتي للجميع

u

والله مااعتقــــــــــــــــتد تطلع منهم ....لو من un..................معقولة

شوكار · « **رد #2069 في:** 18:02 21/12/2012 »

سلام عليكم اخواني
اكو هيج خبر على اساس اليوان منو الي يغلق ملفه يعطون االى الشخص البالغ 750دولار والطفل 500 اكو هيج خبر سمعتوا

اختكم شوكار

العزاوي 55 · « **رد #2070 في:** 20:51 21/12/2012 »

والله يا شوكار قبل شويه احد الاخوان كال سمعت الي يريد يرجع للعراق ينطوه اليوأن 2500 دولار
الحقيقه اني ما صدكت هذا الكلام لانه شنو مصلحة اليوان برجوع العراقيين للعراق والله اعلم

sniper.93 · « **رد #2071 في:** 23:08 21/12/2012 »

السلام عليكم بس سؤال اذا ممكن اجابوني عليه (دزيت رساله للموقع مال (اي او ام) و صلتني الرساله طبيعي بس اكو رمز مضيوف بالرساله ليفوك بدايت الرساله هذا الرمز (ADs-JO )شنو معنا ما عرفت اذا ممكن اتجابوني عليه

um shaheen · « **رد #2072 في:** 23:28 21/12/2012 »

اخويه محد رح يجاوبك بخصوص الرموز لان كل واحد يقراها حسب رايه
دزيتلك على الخاص الشرح الي اعرفه اتمنى اكون فدتك
تحياتي
اختك ام شاهين من سوريا

ابومريم البغدادي · « **رد #2073 في:** 07:45 22/12/2012 »

السلام عليكم اخواني اني من الناس الي رحت ويا صديق واستلم هاي الفلوس الي تكولون عليهه وهي كل الاتي كل واحد يريد يسقط ملفة من اليو ان يقبظ منحة مقابل تسقيط الملف العزابي ينطوة 750 دولار والعائلة 2500 دولار وهاي تقبظهه من كفر سوسة مباشرتا بعد ما تاخذ كتاب معنون الى دائرة الهجرة والمهجرين بالعراق واني رحت ويا صديقي وقبض 750 دولار وهو عزابي واكو عدنه هنا بالسيدة مكتب مال سفريات هو مندوب عن اليو ان ينطيك كل التعليمات واسمة ابو عبدللة وهاي هم خطوة لتصفية الملفات في سوريا
الشي المفرح الي شفته بكفر سوسة يوم الي رحت ويا صديقي لكيت ناس عدهم كارت اخضر يردون يسقطون ملفاتهم الموضفين مال يوان ما قبلو يسقطون ملفاتهم وخبروهم انو انتو الكم حلول قريبه جدا وبعد مشادات كلامية من بعض الموجودين هناك طلعلهم المدير وخبرهم كالاتي انو كل واحد يحمل كارت اخضر توجد له حلول قريبه وليس من صلاحياتنا تسقيط ملفة والي يريد يسقط ملفة نتكم يروح للهجرة الدولية ويجيب كتاب منك بالتسقيط هذا كل ما جرى امام عيني وبصراحة اني فرحت لان عرفت معلومة انو اكوا شي النه راح ينعلن عن قريب انشاء الله بس همة مكتمين علية ارجو ان لا اطيل عليكم بس هاي التفاصيل الي صارت وياية سلامي للجميع اخواني

وفاء علي · « **رد #2074 في:** 12:01 22/12/2012 »

مشكور اخ ابو مريم البغدادي على هذا التوضيح ,وان شاء الله يلكونه حل لأن كل مره يخبرونه بأنهم سوف يجدون لنا حل .

ندعو الله ان يسهل الامور ويفرجها على الجميع ونسافر ,لأن مو صعبه عليهم يخلصون العالم من هاي المعاناة.

ان شاء الله يسهلها ونسافر الكل .يارب امين.

وفاءعلي/سوريا/2009

متأمل · « **رد #2075 في:** 15:25 22/12/2012 »

اااشكرك اخي على هاي المعلومات الحلوة وانشاء الله يارب يلكولنا حل لأن كلش تعبنا وبعد منتحمل اكثر من هيج سلامي للجميع

العزاوي 55 · « **رد #2076 في:** 15:35 22/12/2012 »

الاخوه الاعزاء السلام عليكم
الحقيقه يا اخوان نحن الاجئين في سوريا ليس لدينا أي مخرج وشغلة المطار اصبحت مستديمه لا امل بتأمين الطريق
والهجره لا يوجد لديهم أي حل وعند سؤالهم عن مخرج تكون الاجابه مبهمه لا تفهم منها شي وانا اجزم حتى هم لا يفهمون ما يجري
علينا ان نتناقش علينا الاتصال بالاردن ولكن للاسف لليوم السابع احاول الاتصال بالاردن دون جدوى الرجاء من الجميع المحاوله بالاتصال
بالاردن وشرح معاناتنا والاقتراح عليهم بالطريق البري للبنان او الاردن او العراق اخواني اطلب من الجميع الاتصال حتى الذين ملفاتهم غير
مكتمله لانه اذا لم يسافر الذين على جدولة السفر الان كيف ستنجز المعاملات الاخرى وما هو مصيرهم ان اكتملت ولا يوجد سفر نحن جميعأ
في ورطه لا يعلمها الا الله
اخواتي اخوتي الكرام يجب ان نحاول بايصال صوتنا عن طريق الاتصال او عن طريق الكفلاء لشرح هذه المشكله للمنظمات الانسانيه كي يجدو لنا
حلأ ومن الله التوفيق

متأمل · « **رد #2077 في:** 15:40 22/12/2012 »

مرحباً اخي العزاوي حجيك صحيح لازم نتحرك بس حجي ابو مريم البغدادي يبين انو اكو حل النا قريباً هل هذا الكلام صحيح ام لا ارجو الرد

العزاوي 55 · « **رد #2078 في:** 15:50 22/12/2012 »

حبيبي كلام الاخ العزيز ابو مريم البغدادي صحيح بالنسبه للحلول القصد منها تحريك الملفات مثلا او المقابلات عبر الشاشه
لكن المشكله الكبرى هي كيف الخروج يجب ان يكون هناك حل لكي تستمر عمليه اكمال الملفات حسب مراحلها اما اذا يتم اكمال الملفات والسفر متوقف بسبب الطريق ما هي الفائده واتمنا ان تكون هناك حلول وقطعأ الحلول ليست بايدينا ونحن الذين بين نارين يجب علينا ان ندافع عن انفسنا بالستنجاد كي ينقذونا وان شاء الله تحل هذه العقده بخير وسلام

العجيلي33 · « **رد #2079 في:** 18:25 22/12/2012 »

مشكور اخي ابو مريم على هذا الخبر والله احنا محتاجين اخبار حلوه وان شالله يارب تفرج علجميع

ابومريم البغدادي · « **رد #2080 في:** 20:08 22/12/2012 »

السلام عليكم اخوية العزاوي الوردة والله العضيم اني امتلك اخبار كلش مفرحة هواية واني واثق انوا السنه الجاية بشهر الواحد راح تنحل مشكلتنا كلنا احنا الي ننتضر الامنية والي عندة فيزة واول ما راح يحلون مشكلتكم انتوا الي سلموكم الفيز وعندي اخبار كثيرة وصلتني من امريكا ومن اكبر منضمة موجودة بامريكا بس اخاف اصرح بيهه لان ما اريد ادخل بنقاش ويا الاعضاء وهذا يكلي جذب وهذا يكلي ليش هيج والى اخخخخخخخخ
والله يا اخي امورنة ماشية مثل الورد وعن قريب بس انت شوية انطيهه صبر كلش قليل وما شوف الا الخبر يجيك ورا واحد واحد بعد عيد راس السنه يفرحك ويفرحنه وراح اذكرك بوقتهه بس كول يا الله وانت عوفهه على الله والله كريم سلامي وتحياتي للجميع

حامل المسك · « **رد #2081 في:** 20:20 22/12/2012 »

اخي ابو مريم البغدادي............قل الحق ولاتخف ....ولايكن لديك ادنى شك في كلامك الذي سمعته في ان تنقله الى اخوانك التواقين الى سماع الاخبار المفرحة..ولاتبخل عليهم بفرحة تحيي الامل بنفوسهم المتعبة...ولاداعي لتخوفك من النقاش مع الاعضاء لانهم من حقهم ان يتاكدوا من الخبر ....لكنك اكيد لديك القدرة على مجابتهم بالحقبقة وبالمصادر الموثوقة ..
شكرا لك وتمنياتي لكم اخواني في سوريا بالامن والسلامة من كل شر ..وادعو الباري عز وجل ان يعوض صبركم خير

العزاوي 55 · « **رد #2082 في:** 21:10 22/12/2012 »

أخي الكريم ابو مريم حبيبي مثل ما كال اخي حامل المسك لماذا التردد خوفا من مناقشة الاعضاء
بالعكس الحق يعلو ولا يعلو عليه بعدين احنه جماعة سوريا بهذه الجمعيه على عدد الاصابع بالعكس
الجميع كلغرقا محتاجين القشه التي تدفع بهم للشاطئ محتاجين للاخبار التي ترفع من معنوياتهم
قبل ساعه اتصل بي اخ عزيز مثلك وكان يتكلم بفرح وقال احد الاشخاص ذهب الى الهجره واجتمعت فيهم
سيده لا اعرف ان كانت اجنبيه ام لا واخبرتهم بانه على الجميع عدم المغادره ونحن نعمل لايجاد حلول ومنها نقل من وصلت فيزهم عن طريق البر
للاردن او لبنان وننتظر وصول الفيز لباقي الاجئين ان شاء الله
وعليه ان كان هذا الخبر صحيح فهو خير على خير وان كان غير ذلك المهم الحقيقه خفف من الضغط عندي
تحياتي للجميع

um shaheen · « **رد #2083 في:** 22:11 22/12/2012 »

مقتبس من: ابومريم البغدادي في 20:08 22/12/2012

السلام عليكم اخوية العزاوي الوردة والله العضيم اني امتلك اخبار كلش مفرحة هواية واني واثق انوا السنه الجاية بشهر الواحد راح تنحل مشكلتنا كلنا احنا الي ننتضر الامنية والي عندة فيزة واول ما راح يحلون مشكلتكم انتوا الي سلموكم الفيز وعندي اخبار كثيرة وصلتني من امريكا ومن اكبر منضمة موجودة بامريكا بس اخاف اصرح بيهه لان ما اريد ادخل بنقاش ويا الاعضاء وهذا يكلي جذب وهذا يكلي ليش هيج والى اخخخخخخخخ
والله يا اخي امورنة ماشية مثل الورد وعن قريب بس انت شوية انطيهه صبر كلش قليل وما شوف الا الخبر يجيك ورا واحد واحد بعد عيد راس السنه يفرحك ويفرحنه وراح اذكرك بوقتهه بس كول يا الله وانت عوفهه على الله والله كريم سلامي وتحياتي للجميع

بارك الله بيك اخويه العزيز وكثر الله من امثالك على روحك الطيبه في بعث الامل في نفوس اهلك واني أأكد على كلامك لان ما اتوقع المنظمه تريد الشر للعراقيين من تبلغ الناس المراجعين بمثل هذا الخبر بل بالعكس للتطمين وهو الخبر صحيح يارب يسهل امرك وامرنه وبارك الله بيك اخونه العزيز
تحياتي
اختك ام شاهين من سوريا

ankawa_2010 · « **رد #2084 في:** 23:38 22/12/2012 »

مقتبس من: ابومريم البغدادي في 20:08 22/12/2012

السلام عليكم اخوية العزاوي الوردة والله العضيم اني امتلك اخبار كلش مفرحة هواية واني واثق انوا السنه الجاية بشهر الواحد راح تنحل مشكلتنا كلنا احنا الي ننتضر الامنية والي عندة فيزة واول ما راح يحلون مشكلتكم انتوا الي سلموكم الفيز وعندي اخبار كثيرة وصلتني من امريكا ومن اكبر منضمة موجودة بامريكا بس اخاف اصرح بيهه لان ما اريد ادخل بنقاش ويا الاعضاء وهذا يكلي جذب وهذا يكلي ليش هيج والى اخخخخخخخخ
والله يا اخي امورنة ماشية مثل الورد وعن قريب بس انت شوية انطيهه صبر كلش قليل وما شوف الا الخبر يجيك ورا واحد واحد بعد عيد راس السنه يفرحك ويفرحنه وراح اذكرك بوقتهه بس كول يا الله وانت عوفهه على الله والله كريم سلامي وتحياتي للجميع

اخي العزيز الله مشكور على نقل الخبر الاول
والان اريد اعاتبك عتاب الاخوة والقرار الك
ليش ما تنشر الاخبار الحلوة مثل ما كلت وتفرح اخوتك وخواتك ؟
اذا كنت متخوف من المتهجمين فهم احرار بتصديق الخبر ام لا ولا يحق لاي شخص ان يمنع الاخرين من نقل الاخبار وخوصا عندما يقول الكاتب سمعت او قيل لي
واذا اراد المترصدون انشا الله ما بقى منهم الا القليل بالمنتدى ان وجدو اذا ارادو ان يتحججو فباستطاعتهم ان يتهجمو على الخبر الاول المنقول من حظرتك لان لا يوجد اي رابط او دليل مادي بذلك بل الخبر منقول من عضو بالمنتدى واليحب يصدق او لا فهو حر لكن لا يحق له الرد بكلام مسيء
والكلام طويل فارجو منك ومن اي عضو ان يكتب ما يسمعه اذا كان الكلام معقول

متأمل · « **رد #2085 في:** 12:04 23/12/2012 »

السلام عليكم شلونكم اخواني اليوم اتصلت بل هجرة الدولية طبعاً نفس الكليشة مال امنية بس الجيد بل موضوع كتلهم انتو حتى لو تفيزولنا
شلون لح نسافر والمطار مسدود كلي لا انشاء الله اكو حلول قريبة جداً هذا الحجي اليوم وانشاء الله يارب الفرج القريب لكل اخواني واخواتي
اخوكم متأمل

بينوكيو · « **رد #2086 في:** 19:56 23/12/2012 »

يارب وفق الجميع

زرزور بغداد · « **رد #2087 في:** 23:39 23/12/2012 »

أنشاء ألله الاخبار حلوة وتبشر بالخير للجميع

القطيفيه · « **رد #2088 في:** 15:03 24/12/2012 »

السلام ع كل الصابرين

اسلم ع كل واحد بيكم ويارب يحفظكم ويسلمكم

ياناس الاشاعات هوايه بس الواقع غير واكيد لازم نوصل صوتنا والاهم ليش يعني امريكا متعرف بوضع المطار والطيران وهي الامم المتحده بأمريكا

شنو ليش وضعنا ممبين للعيان؟

نريد حل جذري تعبنا من الاشاعات وراح ينقلونا وراح يجلونا

نريد حل جذري ومنطقي وواقعي لان دنعيش بضغط مميت

ويارب منريد نسمع بعد نريد تجينا تليفونات بالطيران ويصير الطيران واقع ملموس

um shaheen · « **رد #2089 في:** 23:28 24/12/2012 »

اخواني واخوتي الاعزاء
احنه صبرنه صبرنه مبقى شي على السنه الجديده وان شاء الله يسوون حل على السنه الجديده صحيح الوضع صعب بس مابيدنه حيله ويارب الفرج القريب العاجل لكل المنتظرين
على فكره السفر وقصدي طيران التوطين متوقف بالعراق وكل دول الجوار ويفتح يوم 10بشهر الواحد ان شاء الله يكون الافتتاح بسوريا ايضا وتفرج على الكل
تحياتي لكل الصابرين
اختكم ام شاهين من سوريا

بينوكيو · « **رد #2090 في:** 09:16 25/12/2012 »

ربي سهل امور السفر ووفق الجميع

حامل المسك · « **رد #2091 في:** 16:03 25/12/2012 »

ماعتقد ان السفر والتوطين متوقف مثل ماقالت الاخت ام شاهين ....ولكنه راي لعله يعزينا بسب التاخير في سير المعاملات ..البرنامج موجود والمواعيد قد هياوها قبل راس السنة...وان شاء الله تعالى يزيل عن اخواننا في سوريا معاناتهم على خير ..ويسرع في اجراءات سفرهم
وتمنياتنا للجميع بالموفقية

أسراء الوردة · « **رد #2092 في:** 21:33 25/12/2012 »

السلام عليكم ورحمة الله وبركاته

اليوم أتصلت أقاربي من سوريا وخبرتني بالأتي ( أتصلت بهم iom سوريا وطلبوا حظورهم للمنظمة .... وأبلغوهم بأكتمال الأجرأآت الأمنية وأنهم يعملون على سفرهم خلال شهر من لبنان أن شاء الله

أتمنى لكم السلامة والتوفيق والفرج العاجل

um shaheen · « **رد #2093 في:** 08:40 26/12/2012 »

بارك الله بيج اختنه العزيزه اسراء يارب يفرجها ويسرها معاك خوش خبر وتستاهلين كل الخير يارب شهر الواحد الفرج العاجل
الف شكر اختي العزيزه
تحياتي
اختج ام شاهين من سوريا

وفاء علي · « **رد #2094 في:** 13:08 26/12/2012 »

الله يفرجها على الجميع ونخلص من هاي المعاناة.

وفاءعلي/سوريا/2009

alnassry · « **رد #2095 في:** 16:05 26/12/2012 »

يا اخي يا عزيزي ابو مريم ... تحية طيبة لك وبارك الله بيك وكثر الله من امثالك ... يا غالي اضم صوتي وطلبي لباقي الاخوة اللي قبلي وطلبوا منك ان تعلن للجميع ما تعرفه من اخبار مفرحة وسارة فالكل بحاجة لسماع اي خبر صغير مفرح ... ولما التردد او الخوف من عدم التصديق من قبل البعض... يا اخي احنا الباقين في سوريا واللي موجودين في هذه المنتدى اعدادنا معروفة وليست بالكثيرة واغلبنا يسمع من الأخبار والاشاعات الدائرة في هذه الأيام عن حلول للعراقيين ... فإذا كانت الاخبار التي عندك تؤكد ما نسمعه فمن لا يريد ان يصدق فهو حر واللي يريد يجادل انت غير مجبر على مجادلته ... فيا عيني ونور عيني اذا عندك شي خبر مفرح لا تبخل على ان تفرح اخوتك التعبانين من الظروف اللي دنعيش بيها ... والله يوفق الجميع والرب يفرجها علينا اجمعين في اقرب وقت

ام محمد و احمد · « **رد #2096 في:** 18:16 26/12/2012 »

مشكوره اختي اسراء الورده الله ابارك بيج

um shaheen · « **رد #2097 في:** 06:15 27/12/2012 »

مقتبس من: حامل المسك في 16:03 25/12/2012

ماعتقد ان السفر والتوطين متوقف مثل ماقالت الاخت ام شاهين ....ولكنه راي لعله يعزينا بسب التاخير في سير المعاملات ..البرنامج موجود والمواعيد قد هياوها قبل راس السنة...وان شاء الله تعالى يزيل عن اخواننا في سوريا معاناتهم على خير ..ويسرع في اجراءات سفرهم
وتمنياتنا للجميع بالموفقية

اخويه حامل المسك
السفر بالنسبه للتوطين متوقف من 20/12ولغاية10/1
وهذا الكل يعرف بي ولكن الاجراءات الاعتياديه ماشيه ولم تتوقف
الان بتنا نسمع خبر السفر وان شاء الله شهر الواحد يحمل بشائر الخير لكل المنتظرين يارب
تحياتي
اختك ام شاهين من سوريا

ابومريم البغدادي · « **رد #2098 في:** 06:46 27/12/2012 »

السلام عليكم اخواني الاعضاء جميعا واختي الغالية ام شاهين كلامج مضبوط مية بالمية واكو فعلا بشائر تبشر بخير
بشهر الواحد واحنا بانتظارهه وكل جماعتنا بامريكا هم من نخابرهم يخبرونه نفس الاخبار الي تيشر بالخير انشاء الله احبائي لا تياسوا من رحمة الله والاخبار الاتية في شهر الواحد هي كثيرة وامورنا ماشية انشاء الله وسوف نبدا بسنه جديدة كلها امل ومحبة وانتقال الى بلد الاحلام باذن الله ولكن عليكم بالصبر القليل جدا جدا جدا وتحية محبة وتفاؤل وتحقييق الاماني الى كل اخواننا المسيحيين بمناسبة عيدهم اعاده الله عليهم وعلينا بتحقيق الاماني العاجلة ان شاء الله سلامي الى كل اخوني الاعضاء وتحياتي لهم
اخوكم ابومريم البغدادي /سوريا

ابومريم البغدادي · « **رد #2099 في:** 13:06 27/12/2012 »

السلام عليكم اخواني اليوم من الصبح دك علية التليفون الساعة 10 صباحا وطلع الهجرة الدولية بعد السؤال عن الاسم والسكن بلغوني الاسبوع الجاي عندي فحص وهذا الفحص الثالث وانشاء الله خير واعتقد الامور دتمشي بصورة صحيحة وخاصتا للملفات القديمة علما ان الفحص الثاني كان بتاريخ 18/12/2011 والحمدلله قبل ثلاثة ايام تغير الملف مالتي الفحص الطبي من مكتمل الى فعال الله يسهل امور الجميع وانشاء الله بشائر الخير راح تبدي من شهر الواحد 2013 وسنه بدايته خير على الجميع سلامي للجميع

وفاء علي · « **رد #2100 في:** 13:22 27/12/2012 »

الاخ ابو مريم البغدادي ان شاء الله تفرج عليك وعلينه وعلى جميع منتظري السفر , والكل تسافر ان شاء الله وتتسهل الامور وتتسرع .

وفاءعلي/سوريا/2009

العزاوي 55 · « **رد #2101 في:** 13:54 27/12/2012 »

حبيبي الغالي ابو مريم والله يا اخي أملنا بالله كبير ونحمد الله على كل حال
صحيح السفر يفتح بالواحد ان شاء الله وكثير من الاخوان بالعراق وبالاردن وباقي الدول دينطوهم مواعيد على شهر الواحد
لكن سوريا لحد الان ما اتصلو على اي احد وبالاخص المؤجلين ننتظر والله ارحم الراحمين

ابونؤاس · « **رد #2102 في:** 16:39 27/12/2012 »

تحياتي للجميع

يا رب تطلع الاخبار مضبوطة على شهر الواحد والكل اتسافر

البارحة خبرو الجماعة الي ما زالو في مطار دمشق من تاريخ 29-12 بان اخر يوم الهم بالفندق يوم الاحد القادم ومنهم احد الاصدقاء وخبرني اشوفلة شقة في دويلعة او جرمانة

الله يعينهم

القطيفيه · « **رد #2103 في:** 19:28 27/12/2012 »

السلام ع كل الصابرين

ربي يحفظكم ويفرج همكم والسفر القريب وانشالله السنه الجديده تكون فاتحة الخير رغم هاي السنه لم تكن خاتمتها مسك كنا نتأمل نسافر بهالسنه بس شنسوي نصيبنا انشالله بعدها الفرج

ام محمد و احمد · « **رد #2104 في:** 16:29 28/12/2012 »

السلام عليكم

شونكم اعضاء جمعيتنا الصابرين ربي يفرجها علينا جميعاااااااااا

اخواني نحن باقيين هنا لانه مهما يحدث هنا فهو لايفارن بما حدث معنا في العراق من امور خطف وتهديد ونسال الله تعالى ان يحمي هذا البلد ويعم الامان والاستقرار

ولنبقى دائما يد واحده متحدين كل الظروف لانه افضل من ظروف العراق ويارب سنه جديده مليئه بالخير والاستقرار للجميع

والسلام عليكم

الاصيل1 · « **رد #2105 في:** 22:43 28/12/2012 »

تحية طيبة للجميع
كل عام وانتم بخير وسنة جديدة سعيدة ان شاء الله عليكم وعلى عوائلكم واهلكم
مبروووووووووك اخونا العزيز ابو مريم البغدادي وياريت تكون اعادة الفحص الثالث لكم بادرة خير
بس والله العزيز قبل سنة ونص عندما اعدنا الفحص الثاني كانت الارض لاتسعنا من الفرحة وتاملنا خيرا
ونفس الشئ انعاد مع اعادة الفحص الثالث قبل ستت اشهر تقريباالعديد من العوائل اعادوا الفحص معانا سافروا بالسلامة وبقينا نحن
نحمل امنياتنا من سنة الى سنة وهكذا دون جدوى ولا يوجد امل لا يوجد ضوء في نهاية النفق الي دخلنا فيه من عدة سنوات
هل ان امنياتنا بالسفر امنيات مسنحيلة الله اعلم.
اتمنى السفر السريع للكل
بس عن نفسي والله العظيم لا احمل اي امل في داخلي
اخوكم ابو مريم

ابومريم البغدادي · « **رد #2106 في:** 23:00 28/12/2012 »

سلام اخو ابو مريم الوردة وارجو ان يكون املك بالله قوي ان شاء الله واعلم انها خاتمة لنا بس تحتاج الى الصبر القليل حدا حدا
الامور تسير بصورة جيدة وان جميع امور سفرنا سوف تتوضح بداية شهر الواحد وكما اقول لك انشاء الله خاتمة الانتظار يا اخي الغالي ارجو منك ان تتحلى بالصبر هذة الايام والايام الاتية قريبة تحمل لنا باخبار سارة جدا لتكن معنوياتك قوية وان شاء الله خير سلامي وتحياتي
اخزك ابو مريم البغدادي /سوريا

Discovery · « **رد #2107 في:** 14:52 29/12/2012 »

اشكرك اخونا ابو مريم البغدادي على هاي المعنويات وانشالله تكون خاتمة الانتظار المرير والله يسهل عالجميع يارب .. بس ياريت توضحلنا شوية اكثر بالشي الي تعرفو ومهما يكون والله يبارك فيك وشكرا على رفع المعنويات المنسحقة

القطيفيه · « **رد #2108 في:** 18:40 29/12/2012 »

السلام ع كل الصابرين

يارب تكون السنه الجديده فاتحة خير علينا وينطونا مواعيد سفر بأقرب وقت

المعنويات جدا هابطه واحدنا صار سنتين وسنتين ونص ع القبول وبعدنا مطالعين وفحصنا فحص ثالث ونريد نتيجه ومدنحصل

يارب انت صاحب الفرج

ام محمد و احمد · « **رد #2109 في:** 20:12 29/12/2012 »

مقتبس من: القطيفيه في 18:40 29/12/2012

السلام ع كل الصابرين

يارب تكون السنه الجديده فاتحة خير علينا وينطونا مواعيد سفر بأقرب وقت

المعنويات جدا هابطه واحدنا صار سنتين وسنتين ونص ع القبول وبعدنا مطالعين وفحصنا فحص ثالث ونريد نتيجه ومدنحصل

يارب انت صاحب الفرج

السلام عليكم ياربي ان شاء الله السنه الجديده ولاسبوع القادم يحمل اخبار حلوه ومبشره وان شاء الله الفرج قريب على الجميع وان شاء الله الشهر الجاي الجميع في بلده الجديد والسلام عليكم

العزاوي 55 · « **رد #2110 في:** 21:29 30/12/2012 »

أن شاء الله
والله يا احبتي جماعة سوريا ما عدنه غير الدعاء شنو الي نكدر نسويه هذا وعد الله علينا
ماشاء الله الاخوه بالعراق لحد الان وصلت المواعيد ليوم 1/16 والهجره بسوريا من تخابرهم
الاجابه الوحيده ما بنعرف شي بلكي على السنه الجديده
الله ارحم الراحمين

um shaheen · « **رد #2111 في:** 02:44 31/12/2012 »

مقتبس من: حسين الجبوري في 02:17 31/12/2012

يارب العزه سنة خير على الكل وكل عام وانتم بالف خير الله اجعل اخواننا امرهم بين الكاف والنون اجمعين اخوكم حسين الجبوري

كل عام وانت بالف خير ويارب تحقيق الاماني لكل المنتظرين وتكون سنه خير للجميع
بارك الله بيك اخويه العزيز
تحياتي
اختك ام شاهين من سوريا

العزاوي 55 · « **رد #2112 في:** 12:43 31/12/2012 »

اخي ابو علي وانته بالف خير وسنة سعاده وخير وامان على الجميع والفرج القريب لكل المنتظرين
وسنة خير وبركه وامان وسعاده على العراق والعراقيين وعلى سوريا واهل سوريا وعلى العالم اجمعين

@المهندس@ · « **رد #2113 في:** 13:26 31/12/2012 »

الأُخت الغالية أم شاهين,ألأخ العزاوي 55 ,الأخ حسين الجبوري
وجميع أهلنا في سوريا وفي كُل مكان..كُل عام وأنتم بألف خير
وياربي تكون سنة خير وسعادة وتحقيق الأماني وإن شاء ألله جميع أعياد السنة الجديدة من عيد الفطر وعيد الأضحى وعيد الميلاد المجيد وعيد رأس السنة وعيد الأرمن وعيد ميلادي تعيدوهن جميعآ وأنتم في المكان الي تحبوه

آمــــــــــــــــــــــــــيـــــــــــــــــــــــــــــــن رب العالميـــــــــــــــــــــــــــــــــــــــن

تقبلوا تحياتي
أخوكم @المهندس@
سوريا / دمشق

العزاوي 55 · « **رد #2114 في:** 13:39 31/12/2012 »

أخي الغالي المهندس وانته بالف الف خير وعام سعيد اعاده الله عليك وعلى الجميع
بالخير واليمن والبركه ويا رب تحقيق الاماني لشخصك الكريم ولنا ولجميع العراقيين في
كل مكان تحياتي

ام محمد و احمد · « **رد #2115 في:** 14:53 31/12/2012 »

كل عام وانتو بالف خير ربي الفرج والسفر القريب وتحقيق الاماني

** AL SHAEEA ** · « **رد #2116 في:** 15:30 31/12/2012 »

الى جميع اخواني واخواتي واهلنا بسوريا

كل عام والجميع بألف خير وان شاء الله هذة السنة هي سنة السفر للجميع وتحقيق الاماني والخلاص والفرج للجميع

تحياتي لكم جميعا

اخوكم/ الشائـــــــــــــــــــع

alnassry · « **رد #2117 في:** 18:53 31/12/2012 »

كل عام وجميع الأخوة والأخوات بألف خير ... يارب تكون سنة 2013 من بدايتها خير على كل العراقيين وتحديدا نحن اللي في سوريا
ونسمع اخبار حلوة وتفرح ان شاء الله

وفاء علي · « **رد #2118 في:** 19:41 31/12/2012 »

دعائنا لله ان يكون العام الجديد عام الفرج لجميع منتظري السفر .

ان شاء الله تفرج علينه بالايام الجايه والكل يخلص من معاناة الانتظار .

وكل عام وانتم سالمين وبألف خير.

وفاءعلي/سوريا/2009

ام محمد و احمد · « **رد #2119 في:** 22:38 31/12/2012 »

مرحبا 2013

2013 كل عام وانتم بالف خير 2013

يارب عام 2013 عام جديدبكل معنى الكلمة على الجميع

ونسال رب العالمين ان يكون عام تحقيق الاماني والاستقرار للجميع في كل مكان

2013

برنسيسة · « **رد #2120 في:** 22:42 31/12/2012 »

كل عام وانتو بخير انشالله ياربي السنة الجديدة تحمل بشائر الفرح وتحقيق الاماني
يا الله يا الله

نورضياء · « **رد #2121 في:** 23:37 31/12/2012 »

كـل عـام وانتو بألف الف خـير ويــارب الموفـقـيه والصحه والسلامه وتحقيق الاماني للجميع

Dark...Angel · « **رد #2122 في:** 02:04 01/01/2013 »

كل عام وانتم بخير اخوتي في سوريا ان شاء الله بداية هذه سنة
بداية خير عليكم جميعا وتفرج عليكم والله يصبركم وينولكم مرادكم

تحياتي

um shaheen · « **رد #2123 في:** 04:49 01/01/2013 »

كل عام وانتم بالف الف خير يارب السنه الجديده كلها افراح ومسرات وسفر سريع يارب
الف شكر للاخ دارك انجل وبارك الله بيك وكل عام وانت بالف الف خير ويارب يسهل امرك وييسر طريقك والسفر العاجل لكل المنتظرين
تحياتي
اختكم ام شاهين من سوريا

على حب الله · « **رد #2124 في:** 06:55 01/01/2013 »

السلام عليكم

سنة سعيدة على جميع اخواننا العراقيين في كل بقاء الارض وان شاء الله سنة 2013 من بدايتها لنهايتها تكون سنة افراح وانفراجات واستقرار وتحقيق جميع الامنيات الى كل عراقي شريف وعندة غيرة وصابر في ضل هاي الظروف القاسية الي دنعيشهة وندعو من الله انو يحفظ اخواني العراقيين الصامدين في سوريا ويفرج همهم ويسعدهم ويفرحهم ويحقق امانيهم والى كل عاقي وين ماكان في الاردن ولبنان وفي كل مكان تحقيق الاماني والاستقرار اهم شي الاستقرار امين يارب العالمين

تقبو تحياتي اخوكم
على حب الله من بيروت

ابومريم البغدادي · « **رد #2125 في:** 07:15 01/01/2013 »

السلام عليك جميعا اخواني واحبائي في عين كاوة الغالين وكل عام وانتم بالف خير سنة مباركة وعام سعيد ملئ بالسعدة والافراح وانفراج والسفر الى بلاد الاحلام ان شاء الله بداية هذا العام ستكون بأذن الله بداية اعطاء مواعيد سفر وفيز ونهاية الامنية التي طال انتظارها والانتقال الى حياة جديدة مفرحة وسعيدة سلامي الى كل عضو في هذا المنتدى وتحياتي وكل عام وانتم بالف خير

ابومريم البغدادي/سوريا

Discovery · « **رد #2126 في:** 15:31 02/01/2013 »

happy new year وكل عام وانتم بالف خير .. سنتكم مباركة انشالله ونتمنى من الرب ان يمن علينا بفائض نعمه وان يجعل لنا جميعا ما هو لخيرنا وهو العالم بما نحتاجه ونحن راضين بحكمه علينا وهو ارحم الراحمين .. تحياتنا لكم وكل سنة وانتو سالمين

القطيفيه · « **رد #2127 في:** 15:51 02/01/2013 »

السلام ع كل الصابرين

وكل عام وانتم بخير يارب وانشالله 2013 سنة الانفراجات والسفر القريب والاستقرار

وانشالله بهالايام نسمع مواعيد للسفر جديده يارب

محمد الفاتح · « **رد #2128 في:** 18:03 02/01/2013 »

السلام عليكم بعد معاناه عظيمه واخيرا انضممت الى هذه الاسره العظيمه اشكر اسرة عين كاوه للموافقه ....طبعا اني من جماعة 2010 ومخلص كل شي وفاحص 3مرات وبعد كاعد انتظر الامنيه ويشرفني اليوم اشترك معاكم .....اليوم اتصلت على صديق اليه طبعا هو خرج من مخيم اليرموك قبل اسبوعين وراح سكن بالمدرسه الي مقابل un بكفرسوسه وهو مخلص كل شي بس باقي على التذاكر يعني فيزته جايه وكابلهم وكعد هناك وجاهم المسؤل عن السفر واكدلهم انو راح ينقلوهم لبنان الي مكمل كل شي ومناك الطيران والي عنده معارف او صديق يكدر يتاكد من الخبر لان اني متاكد من هذا الشخص انو صادق والله على ما اقول شهيد وارجو ان تتقبلوني اخ او صديق معاكم

العزاوي 55 · « **رد #2129 في:** 21:31 02/01/2013 »

اهلا وسهلا ومرحبأ بيك اخي الكريم محمد الفاتح واني من اشد المعجبين بهذا الرجل العظيم رحمه الله
يارب يكون هذا الخبر صحيح واكثر من شخص كال نفس الكلام ان شاء الله تفرج على الجميع

um shaheen · « **رد #2130 في:** 21:42 02/01/2013 »

مقتبس من: محمد الفاتح في 18:03 02/01/2013

السلام عليكم بعد معاناه عظيمه واخيرا انضممت الى هذه الاسره العظيمه اشكر اسرة عين كاوه للموافقه ....طبعا اني من جماعة 2010 ومخلص كل شي وفاحص 3مرات وبعد كاعد انتظر الامنيه ويشرفني اليوم اشترك معاكم .....اليوم اتصلت على صديق اليه طبعا هو خرج من مخيم اليرموك قبل اسبوعين وراح سكن بالمدرسه الي مقابل un بكفرسوسه وهو مخلص كل شي بس باقي على التذاكر يعني فيزته جايه وكابلهم وكعد هناك وجاهم المسؤل عن السفر واكدلهم انو راح ينقلوهم لبنان الي مكمل كل شي ومناك الطيران والي عنده معارف او صديق يكدر يتاكد من الخبر لان اني متاكد من هذا الشخص انو صادق والله على ما اقول شهيد وارجو ان تتقبلوني اخ او صديق معاكم

كل الهلا بيك اخونه العزيز

يارب تكون الاخبار صحيحه وان شاء الله يبشرونه اخوانه واخواتنه الي كانو بانتظار الطيران ويارب يكونون هم السابقون ونحن اللاحقون بأذن الله
تحياتي
اختك ام شاهين من سوريا

@المهندس@ · « **رد #2131 في:** 22:48 02/01/2013 »

مقتبس من: محمد الفاتح في 18:03 02/01/2013

السلام عليكم بعد معاناه عظيمه واخيرا انضممت الى هذه الاسره العظيمه اشكر اسرة عين كاوه للموافقه ....طبعا اني من جماعة 2010 ومخلص كل شي وفاحص 3مرات وبعد كاعد انتظر الامنيه ويشرفني اليوم اشترك معاكم .....اليوم اتصلت على صديق اليه طبعا هو خرج من مخيم اليرموك قبل اسبوعين وراح سكن بالمدرسه الي مقابل un بكفرسوسه وهو مخلص كل شي بس باقي على التذاكر يعني فيزته جايه وكابلهم وكعد هناك وجاهم المسؤل عن السفر واكدلهم انو راح ينقلوهم لبنان الي مكمل كل شي ومناك الطيران والي عنده معارف او صديق يكدر يتاكد من الخبر لان اني متاكد من هذا الشخص انو صادق والله على ما اقول شهيد وارجو ان تتقبلوني اخ او صديق معاكم

وعليكم السلام ورحمة ألله أخويه محمد الفاتح
أهلآ وسهلآ بيك بيناتنه وما شاء ألله من أول مشاركة شاركت بيهه كانت تبشر بخير
ياربي يكونون صادقين ويسافر أخوتنا العالقين منذُ أكثر من شهر
وربي يزرع الخير في طريقك وينولك الي في بالك

تقبل تحياتي
أخوك @ المهندس@
سوريا / دمشق

زياد البنا · « **رد #2132 في:** 23:00 02/01/2013 »

اليوم تم الاتصال بعائلة تسكن جرمانة وسلموهم فيزا الى استراليا وتاريخ الرحلة 12 بهذا الشهر وخط الرحلة يكون من الاردن وتم تبليغهم بالحضور في موعد معين الى مقر الاي او ام لاستلام مبلغ السفر على الطريق البري الى الاردن بالاضافة الى تسليمهم ورقة الدخول الى الاردن.
هذا كل ما وصلني اليوم ومن مصدر موثوق ورغبت ان اطلعكم عليه لترتاحوا بعض الشيء من القلق وعناء التفكير.
زياد

ankawa_2010 · « **رد #2133 في:** 23:51 02/01/2013 »

مقتبس من: محمد الفاتح في 18:03 02/01/2013

السلام عليكم بعد معاناه عظيمه واخيرا انضممت الى هذه الاسره العظيمه اشكر اسرة عين كاوه للموافقه ....طبعا اني من جماعة 2010 ومخلص كل شي وفاحص 3مرات وبعد كاعد انتظر الامنيه ويشرفني اليوم اشترك معاكم .....اليوم اتصلت على صديق اليه طبعا هو خرج من مخيم اليرموك قبل اسبوعين وراح سكن بالمدرسه الي مقابل un بكفرسوسه وهو مخلص كل شي بس باقي على التذاكر يعني فيزته جايه وكابلهم وكعد هناك وجاهم المسؤل عن السفر واكدلهم انو راح ينقلوهم لبنان الي مكمل كل شي ومناك الطيران والي عنده معارف او صديق يكدر يتاكد من الخبر لان اني متاكد من هذا الشخص انو صادق والله على ما اقول شهيد وارجو ان تتقبلوني اخ او صديق معاكم

اهلا بك اخي الكريم معانا وتسلم على هذه البداية الحلوة انشا الله تفرج علينة جميعا

مقتبس من: زياد البنا في 23:00 02/01/2013

اليوم تم الاتصال بعائلة تسكن جرمانة وسلموهم فيزا الى استراليا وتاريخ الرحلة 12 بهذا الشهر وخط الرحلة يكون من الاردن وتم تبليغهم بالحضور في موعد معين الى مقر الاي او ام لاستلام مبلغ السفر على الطريق البري الى الاردن بالاضافة الى تسليمهم ورقة الدخول الى الاردن.
هذا كل ما وصلني اليوم ومن مصدر موثوق ورغبت ان اطلعكم عليه لترتاحوا بعض الشيء من القلق وعناء التفكير.
زياد

اخبار حلوة انشا الله سنة خير للجميع

@المهندس@ · « **رد #2134 في:** 00:15 03/01/2013 »

مقتبس من: زياد البنا في 23:00 02/01/2013

اليوم تم الاتصال بعائلة تسكن جرمانة وسلموهم فيزا الى استراليا وتاريخ الرحلة 12 بهذا الشهر وخط الرحلة يكون من الاردن وتم تبليغهم بالحضور في موعد معين الى مقر الاي او ام لاستلام مبلغ السفر على الطريق البري الى الاردن بالاضافة الى تسليمهم ورقة الدخول الى الاردن.
هذا كل ما وصلني اليوم ومن مصدر موثوق ورغبت ان اطلعكم عليه لترتاحوا بعض الشيء من القلق وعناء التفكير.
زياد

بارك ألله بيك أخويه الغالي زياد البنا
يارب..إن شاء ألله بشائر الخير تهل تباعآ
مشكور أخي الكريم مرة أُخرى وياربي يسهل عليك وعلينا وعلى جميع أهلنا إينما كانوا

تقبل تحياتي
أخوك@المهندس@
سوريا / دمشق

نورضياء · « **رد #2135 في:** 00:27 03/01/2013 »

ياالله يـارب فــرجك

GMS_3 · « **رد #2136 في:** 00:51 03/01/2013 »

السلام عليكم اخواني واخواتي الاعزاء
اسف على الانقطاع عنكم هذه الفتره والسبب على مانراه ونسمعه من احداث مؤلمه ولايوجد حل قطعي لنا في سوريا وان شاء الله الايام القادمه تبشر بخير .
اخواني الاعزاء كثرت الاشاعات بالاونه الاخير حول سفر العراقيين من سوريا واخر خبر سمعته من صديق أن صديق صديقه ذهب اليوم الاربعاء الى كفرسوسه ليستفسر عن السفر علما انه مكمل وباقي على الامنيه فيقول خرج لهم موظف وقال لهم بأن الكل سوف تسافر بهذا الشهر . فرد عليه العراقي وحسب ماسمعت ( يكفي تعطونا هذا المغذي ) فقال له الموظف أن لم تصدق اذهب الى كراج العباسيين وشاهد البولمانات التي مكتوب عليها UN لكي تنقلكم برا . وذهب الشخص العراقي الى كراج العباسيين وشاهد البولمانات موجوده فعلا .... هذا ماسمعته ولكم التعليق

أخوكـــــــــــم GMS_3

** AL SHAEEA ** · « **رد #2137 في:** 01:00 03/01/2013 »

مقتبس من: GMS_3 في 00:51 03/01/2013

السلام عليكم اخواني واخواتي الاعزاء
اسف على الانقطاع عنكم هذه الفتره والسبب على مانراه ونسمعه من احداث مؤلمه ولايوجد حل قطعي لنا في سوريا وان شاء الله الايام القادمه تبشر بخير .
اخواني الاعزاء كثرت الاشاعات بالاونه الاخير حول سفر العراقيين من سوريا واخر خبر سمعته من صديق أن صديق صديقه ذهب اليوم الاربعاء الى كفرسوسه ليستفسر عن السفر علما انه مكمل وباقي على الامنيه فيقول خرج لهم موظف وقال لهم بأن الكل سوف تسافر بهذا الشهر . فرد عليه العراقي وحسب ماسمعت ( يكفي تعطونا هذا المغذي ) فقال له الموظف أن لم تصدق اذهب الى كراج العباسيين وشاهد البولمانات التي مكتوب عليها UN لكي تنقلكم برا . وذهب الشخص العراقي الى كراج العباسيين وشاهد البولمانات موجوده فعلا .... هذا ماسمعته ولكم التعليق

أخوكـــــــــــم GMS_3

مشكوووووووووور اخويه وجزاك الله خير

قطر عبد الرحيم · « **رد #2138 في:** 04:00 03/01/2013 »

اولا كل عام و انتم جميعا بالف خير و ادعو من الله عز وجل ان يفرج عنكم و يزيل همكم و يفرحكم في هذة السنة و انشاء الله يكون بشهر الاول
و يحميكم و يحمي عوائلكم قلوبنا يمكم و نتابع اخباركم

اخوكم ابو قطر\كندا

@المهندس@ · « **رد #2139 في:** 13:09 03/01/2013 »

مقتبس من: قطر عبد الرحيم في 04:00 03/01/2013

اولا كل عام و انتم جميعا بالف خير و ادعو من الله عز وجل ان يفرج عنكم و يزيل همكم و يفرحكم في هذة السنة و انشاء الله يكون بشهر الاول
و يحميكم و يحمي عوائلكم قلوبنا يمكم و نتابع اخباركم
اخوكم ابو قطر\كندا

وكُل عام وأنت بألف خير اخويه أبو قطر
ممنون من عندك لدعواتك التي إن دلت على شي فإنما تدُلُ على طبب أصلك ومعدنك الذهب
ربي يحميك ويحرسك ويحقق مُرادك وينولك الي في بالك

تحياتي لشخصك الكريم

أخوك@المهندس@
سوريا / دمشق

um shaheen · « **رد #2140 في:** 04:10 04/01/2013 »

مقتبس من: قطر عبد الرحيم في 04:00 03/01/2013

اولا كل عام و انتم جميعا بالف خير و ادعو من الله عز وجل ان يفرج عنكم و يزيل همكم و يفرحكم في هذة السنة و انشاء الله يكون بشهر الاول
و يحميكم و يحمي عوائلكم قلوبنا يمكم و نتابع اخباركم

اخوكم ابو قطر\كندا

كل عام وانت بالف الف خير ويارب موفق بكل خطوه بحياتك
الف شكر على دعائك الحنين لجماعتنه ويارب يهنيك بحياتك
تحياتي
اختك ام شاهين من سوريا

محمد الفاتح · « **رد #2141 في:** 13:03 04/01/2013 »

[/coloالr]السلام عليكم شلونكم اخواني الاعزاء .......طبعا اني اشكر الاداره ..وشكري الجزيل للاخوان العزاوي 55..والمهندس..والاخت ام شاهين ...على ترحيبهم وكلماتهم الحلوة طبعا تاكيدا للخبر الي نشرته انو المسؤول عن السفر موجود الان في لبنان للحصول على الموفقه لدخول العراقيين الى لبنان يعني الموافقه جايه من الامم المتحده فقط ينتظرون لبنان توافق على الموضوع ليتم نقل العراقيين من سوريا الى لبنان

@المهندس@ · « **رد #2142 في:** 14:34 04/01/2013 »

مقتبس من: محمد الفاتح في 13:03 04/01/2013

[/coloالr]السلام عليكم شلونكم اخواني الاعزاء .......طبعا اني اشكر الاداره ..وشكري الجزيل للاخوان العزاوي 55..والمهندس..والاخت ام شاهين ...على ترحيبهم وكلماتهم الحلوة طبعا تاكيدا للخبر الي نشرته انو المسؤول عن السفر موجود الان في لبنان للحصول على الموفقه لدخول العراقيين الى لبنان يعني الموافقه جايه من الامم المتحده فقط ينتظرون لبنان توافق على الموضوع ليتم نقل العراقيين من سوريا الى لبنان

وعليكم السلام ورحمة ألله أخويه الغالي مُحمد الفاتح
الشكر لله ولا شكر على واجب وأهلآ وسهلآ بيك بيناتنه
ربي يثلج قلبك بيوم سفرك القريب بإذنه تعالى على قدر طيبة قلبك
ممنون من عندك لنقلك الأخبار الحلوة ومساعدتك أيانا والتخفيف عما ألمَ بنا

لكَ مني كُل الأحترام

أخوك@المهندس@
سوريا / دمشق

** AL SHAEEA ** · « **رد #2143 في:** 18:54 04/01/2013 »

مقتبس من: محمد الفاتح في 13:03 04/01/2013

[/coloالr]السلام عليكم شلونكم اخواني الاعزاء .......طبعا اني اشكر الاداره ..وشكري الجزيل للاخوان العزاوي 55..والمهندس..والاخت ام شاهين ...على ترحيبهم وكلماتهم الحلوة طبعا تاكيدا للخبر الي نشرته انو المسؤول عن السفر موجود الان في لبنان للحصول على الموفقه لدخول العراقيين الى لبنان يعني الموافقه جايه من الامم المتحده فقط ينتظرون لبنان توافق على الموضوع ليتم نقل العراقيين من سوريا الى لبنان

تعيش اخي مُحمد الفاتح وان شاء الله تفرج على الجميع

العزاوي 55 · « **رد #2144 في:** 20:10 04/01/2013 »

اخي محمد الفاتح مشكور على نقل الاخبار المفلاحه بارك الله بيك
اخويه الشائع وين يمعود والله تصورتك سافرت حمدأ لله على سلامتك

** AL SHAEEA ** · « **رد #2145 في:** 20:18 04/01/2013 »

حبيبي واخوية الغالي ابو سرمد الوردة اذا انت بخير فوالله اكون بخير

ميجوز لي سفر وانت بعدك انتم السابقون ونحن اللاحقون

واني دائما اتابع اخباركم واتمنالكم التوفيق

ونسأل الله ان يفرج على جميع العراقيين بسوريا وميبقى أحد بضيق

ابومريم البغدادي · « **رد #2146 في:** 21:08 04/01/2013 »

السلام عليكم وتحية عطرة لاخواني في عين كاوة اليوم الجمعة وان شاء الله تكون مباركة عليكم
البارحة تحديدا يوم الخميس الهجرة مخابرين ناس هواي على مواعيد سفر يوم 8/1 وتم تبليغهم على لبنان والحضور والتجمع عند المقر في كفر سوسة مع جلب شنطة واحدة لكل شخص وهذاما تم تبليغهم بي واكوا من هاي الوجبة الي خابروهم عدد اثنين من اصدقائي وللعلم الكل من الوجبات الي استلمت الفيز حديثا اما وجبة يوم 29/11وما فوق لحد الان لم يتم تبليغهم على اي موعد سفر هذا كل ما وصلتني من اخبار موثوقة من جماعتي وانشاء الله الامور بدات تنفرج وانشاء الله السفر للجميع عن قريب سلامي للجميع
ابومريم البغدادي /سوريا

** AL SHAEEA ** · « **رد #2147 في:** 21:11 04/01/2013 »

شكرا اخي ابو مريم على نقل الخبر وان شاء الله تفرج على الجميع

@المهندس@ · « **رد #2148 في:** 22:36 04/01/2013 »

مقتبس من: ابومريم البغدادي في 21:08 04/01/2013

السلام عليكم وتحية عطرة لاخواني في عين كاوة اليوم الجمعة وان شاء الله تكون مباركة عليكم
البارحة تحديدا يوم الخميس الهجرة مخابرين ناس هواي على مواعيد سفر يوم 8/1 وتم تبليغهم على لبنان والحضور والتجمع عند المقر في كفر سوسة مع جلب شنطة واحدة لكل شخص وهذاما تم تبليغهم بي واكوا من هاي الوجبة الي خابروهم عدد اثنين من اصدقائي وللعلم الكل من الوجبات الي استلمت الفيز حديثا اما وجبة يوم 29/11وما فوق لحد الان لم يتم تبليغهم على اي موعد سفر هذا كل ما وصلتني من اخبار موثوقة من جماعتي وانشاء الله الامور بدات تنفرج وانشاء الله السفر للجميع عن قريب سلامي للجميع
ابومريم البغدادي /سوريا

وعليكم السلام ورحمة ألله أخويه الغالي أبو مريم البغدادي
وجمعة مباركة عليك وعلى أهلنا جميعآ...وجزيل الشكر لأخبارك المتواصلة والي تبعث الأمل بنا من جديد
بس عندي سؤالين أو ثلاثة لو سمحت:-

1-هل هؤلاء الأشخاص جميعآ على أميركا ام ماذا؟
2-أصدقائك ذوله الأثنين عوائل لو سنكل؟
3-شنو تقصد بكلامك انهم من الوجبات التي استلمت الفيز حديثآ؟ شوكت يعني أخويه بشهر 12 لو شنو؟

اسف إذا زحمتك بالأسألة بس حتى تتوضح الصورة أكثر...ونسأل من ألله التوفيق لكَ ولنا ولكُل المنتظرين

أخوك@المهندس@
سوريا / دمشق

um shaheen · « **رد #2149 في:** 01:25 05/01/2013 »

مقتبس من: محمد الفاتح في 13:03 04/01/2013

[/coloالr]السلام عليكم شلونكم اخواني الاعزاء .......طبعا اني اشكر الاداره ..وشكري الجزيل للاخوان العزاوي 55..والمهندس..والاخت ام شاهين ...على ترحيبهم وكلماتهم الحلوة طبعا تاكيدا للخبر الي نشرته انو المسؤول عن السفر موجود الان في لبنان للحصول على الموفقه لدخول العراقيين الى لبنان يعني الموافقه جايه من الامم المتحده فقط ينتظرون لبنان توافق على الموضوع ليتم نقل العراقيين من سوريا الى لبنان

يارب يبارك بيك اخونه العزيز
طلتك علينه واخبارك المفرحه يارب يوفقك ويسهل امرك
تحياتي
اختك ام شاهين من سوريا

um shaheen · « **رد #2150 في:** 01:28 05/01/2013 »

اخويه الغالي ابو مريم
يارب يبارك بيك ويسهل امرك ويوفقك
والف شكر على نقلك للاخبار المفرحه ويارب الفرج القريب والعاجل لكل المنتظرين
تحياتي
اختك ام شاهين من سوريا

ابومريم البغدادي · « **رد #2151 في:** 04:11 05/01/2013 »

السلام عكم اخواني الاعضاء وتحية وشكر الى كل اخواني جميعا بالنسبة الى سؤال اخي المهندس هو الاتي الي متصلين بيهم جميعا على امريكا اما بقية الدول استراليا وكندا امورهم ماشية مضبوط من قبل بس شغلة امريكا هي يصراحة مخربطه وهذا ما شفناة من يوم تقديمنة وقبولنة على امريكا اما بخصوص جماعتي همة عوائل وساكنين بجرامانا واعتقد الخبر مضبوط مية بالمية وراح تشوف الايام الجاية المواعيد تصير علنية بدون تكتم من بعض الاخوة الي يخافون اعلان سفرهم خوفا من الحسد وبخصوص الفيز الجديدة اقصد الي استلموا بدون خط رحلة لان بعد الاحداث مال المطار ضلوا يوزعون فيز بس بدون خط رحلة ذولة راح يطلعوهم والباقي الي انطوهم خط رحلة وخاصتا على الخطوط المصرية هم يطلعوهم تباعا اسف للاطالة خلاصة الموضوع تمت الموافقة علينا من قبل الامم المتحدة وقبل يومين توجة وفد من الامم لاخذ الموافقة من الحكومة اللبنانية وتم هذا الاتفاق والامور ماشية وراح نخلص باسرع وقت وكلمن ياخذ فيزتة يطلع الى لبنان ويطير من هناك بشكل منسق ومنظم من قبل الامم ارجوا من الجميع الصبر القليل لان الامور راح تنفرج علينه هذا الشهر ان شاء الله سلامي للجميع

اخوكم ابومريم البغدادي /سوريا

nosa87 · « **رد #2152 في:** 04:46 05/01/2013 »

مساء الخير - صباح الخير

بس حبيت اسال هذا الحجي مال عمان ولبنان يشمل جماعة الكفالات الكندية

اشو سالفة الكفالات صايرة سنطة وسكتة ومحد ديحجي شي

ام راما · « **رد #2153 في:** 09:02 05/01/2013 »

صباح الخير على كل اخواني واخواتي
بارك الله بيك اخويا ابو مريم والله يبشرك بالخير
وانشاء الله تفرج على الجميع
اختكم ام راما

وفاء علي · « **رد #2154 في:** 11:42 05/01/2013 »

الاخ ابو مريم البغدادي بالنسبه لهذا الاجراء يشمل الي ينتظرون النتيجه ايضا لأن كلما نتصل عليهم يكولون اجراءاتكم ما خالصه .

والف شكر لكم ودعائنا لرب العالمين بالفرج وتسهيل الامور .امين يارب.

وفاءعلي/سوريا/2009

** AL SHAEEA ** · « **رد #2155 في:** 15:44 05/01/2013 »

السلام عليكم

شوفوا حركة الطائرات اليوم 1/5/ 2013

لعد ليش دمروا العالم بالانتظار وفيزهم بجيوبهم صار شهر

http://thawra.alwehda.gov.sy/_View_news2.asp?FileName=84621087820130104233504

متأمل · « **رد #2156 في:** 16:06 05/01/2013 »

مشكور اخي ابو مريم البغدادي
اشكرك على نقل هاي الاخبار الحوة ويارب الله يفرجها على الجميع

@المهندس@ · « **رد #2157 في:** 16:49 05/01/2013 »

مقتبس من: ابومريم البغدادي في 04:11 05/01/2013

السلام عكم اخواني الاعضاء وتحية وشكر الى كل اخواني جميعا بالنسبة الى سؤال اخي المهندس هو الاتي الي متصلين بيهم جميعا على امريكا اما بقية الدول استراليا وكندا امورهم ماشية مضبوط من قبل بس شغلة امريكا هي يصراحة مخربطه وهذا ما شفناة من يوم تقديمنة وقبولنة على امريكا اما بخصوص جماعتي همة عوائل وساكنين بجرامانا واعتقد الخبر مضبوط مية بالمية وراح تشوف الايام الجاية المواعيد تصير علنية بدون تكتم من بعض الاخوة الي يخافون اعلان سفرهم خوفا من الحسد وبخصوص الفيز الجديدة اقصد الي استلموا بدون خط رحلة لان بعد الاحداث مال المطار ضلوا يوزعون فيز بس بدون خط رحلة ذولة راح يطلعوهم والباقي الي انطوهم خط رحلة وخاصتا على الخطوط المصرية هم يطلعوهم تباعا اسف للاطالة خلاصة الموضوع تمت الموافقة علينا من قبل الامم المتحدة وقبل يومين توجة وفد من الامم لاخذ الموافقة من الحكومة اللبنانية وتم هذا الاتفاق والامور ماشية وراح نخلص باسرع وقت وكلمن ياخذ فيزتة يطلع الى لبنان ويطير من هناك بشكل منسق ومنظم من قبل الامم ارجوا من الجميع الصبر القليل لان الامور راح تنفرج علينه هذا الشهر ان شاء الله سلامي للجميع

اخوكم ابومريم البغدادي /سوريا

وعليكم السلام ورحمة ألله اخويه الغالي أبو مريم البغدادي
وألله لساني عاجز عن الشكر..ممنون من عندك لكُل حرف كتبته وربي يوفقك ويثيبك خيراً على قدر مساعدتك لأخوانك
الف شكر على التوضيح والكلام الي يفتح النفس..ياربي يعجل بسفرك ويستر عليك وعلى ذويك

تحياتي لشخصك الكريم

أخوك@المهندس@
سوريا / دمشق

نورضياء · « **رد #2158 في:** 21:51 05/01/2013 »

يــالـلـه يـــارب رحمـتك

um shaheen · « **رد #2159 في:** 22:47 05/01/2013 »

بارك الله بيكم ويارب السفر القريب العاجل لكل اعضاء جمعيتنه الصامدين
وان شاء الله الكل توصل لبلد الاستقرار باسرع وقت
تحياتي
اختكم ام شاهين

العزاوي 55 · « **رد #2160 في:** 15:25 06/01/2013 »

حبيبي الغالي ابو مريم السلام عليكم
اليوم خابرت جاوبني محمد وكلكم تعرفون محمد
كال بالحرف من وين بتجيبو هل الاخبار مافي اي مواعيد سفر حاليا
وحتى تكونو بالصوره موظفي الاردن وامريكا يباشرون دوامهم من تاريخ 1/10
ومن يداومون راح تبدأ الاجراءات وحسب التعليمات الجديده الي على ضوءها يتم تسفيركم

والله ما نعرف وين الصدق يا اخي ذوله ديتلاعبون بمشاعرنا ما نكول غير حسبنا الله ونعم الوكيل

ORCA · « **رد #2161 في:** 16:24 06/01/2013 »

السلام عليكم

تحياتي الى كل اهلي العراقين الصابرين في سوريا الله يخفظكم من كل شره ومكروه لاسامح الله ويسهل امركم وسفركم بااسرع وقت ممكن انشاء الله وتخلصون من هاي المحنه
اخي العزيز ابو سرمد والله ماعرف شكولك بس الله يكون بعونك على هذا الوقت العصيب الله يسهلك امرك ويسرعلك سفرك انشاء الله ويحفطك انته والعائله الكريمه

سلامي للجميع
اخوكم ابو خالد

اسعد الزبيدي · « **رد #2162 في:** 17:33 06/01/2013 »

السلام عليكم اخواتي واخواني الصابرين

سنة خير عليكم وعلينة ان شاء الله

اخواني تأكيدا لكلام اخوية ابو سرمد تم اجابتي من موضف الهجرة الدولية بنفس الكلام

ولم يتم تبليغ اي شخص على موعد سفر الى امريكا من سورية لا عن طريق لبنان او اي مكان

وان شاء الله يطلع الخبر صحيح ويتنفذ وتفرج علينة وعليكم

تحياتي للجميع ]

القطيفيه · « **رد #2163 في:** 18:55 06/01/2013 »

مساء الخير ع كل الصابرين

انشالله ربي يحفظكم من كل شر وسوء يارب ويفرج همنا والسفر القريب

القطيفيه · « **رد #2164 في:** 18:59 06/01/2013 »

maraliano · « **رد #2165 في:** 20:32 06/01/2013 »

مساء الخير
و اني أأكد كلام الاخ العزاوي اني هم هليوم الصبح خابرت استاذ محمد و كلي لي هلا ما في اي شئ عن السفر
و حتى سألته ما نكدر احنة نطلع على لبنان و مناك اتسفرونة , كال لا ما بيصير
وحتى الي كان سفرهم على كندا يوم 4-12 لي هسة ماكو اي شئ
خالتي من امريكا هم كالت هنا الاسبوع الجاي يلا يداومون لان يكونون مسافرين غير ولايات
انشاء الله يباشرون ب العمل و يسفرونا

** AL SHAEEA ** · « **رد #2166 في:** 20:53 06/01/2013 »

الله يسهل امور الجميع ونتأمل انشوف حلول واقعية للمنتظرين في سوريا

العزاوي 55 · « **رد #2167 في:** 11:11 07/01/2013 »

مقتبس من: ORCA في 16:24 06/01/2013

السلام عليكم

تحياتي الى كل اهلي العراقين الصابرين في سوريا الله يخفظكم من كل شره ومكروه لاسامح الله ويسهل امركم وسفركم بااسرع وقت ممكن انشاء الله وتخلصون من هاي المحنه
اخي العزيز ابو سرمد والله ماعرف شكولك بس الله يكون بعونك على هذا الوقت العصيب الله يسهلك امرك ويسرعلك سفرك انشاء الله ويحفطك انته والعائله الكريمه

سلامي للجميع
اخوكم ابو خالد

كل الهله بالغالي ابو خالد نحمد الله ونشكر فضله أكيد فيها صالح لنا تحياتي لحضرتك حبيبي

الاصيل1 · « **رد #2168 في:** 21:35 07/01/2013 »

تحية طيبة

اعتذر عن قلة مشاركاتي بسبب النت سامحوني

ندعوا من الله ان تتيسر امور السفر للجميع وان تتحقق توقعات الجميع بالسفر القريب باذن الله
تحية للاخ ابو سرمد العزاوي والاخ ابو خالد والاخ ابو مريم البغدادي و الاخ اسعد الزبيدي والشائع وابو ليث و المهندس والاخ حسين الجبوري
وتحية لاخواتنا ام شاهين وام محمد وام راما ومرليانو ونور ضياء
ويارب .... يارب .....يارب
تتحقق امنيات الجميع وتتيسر امور السفر
حفظنا الله من كل مكروه وتعدي هذه الايام ونطلع سالمين الكل دون استثناء
انا بالنسبة لي
ملفي الى الان بانتظار النتيجة والامنية بالانتظار
والله كريم
المخلص
ابو مريم

الاصيل1 · « **رد #2169 في:** 21:39 07/01/2013 »

تحية طيبة

اعتذر عن قلة مشاركاتي بسبب النت سامحوني

ندعوا من الله ان تتيسر امور السفر للجميع وان تتحقق توقعات الجميع بالسفر القريب باذن الله
تحية للاخ ابو سرمد العزاوي والاخ ابو خالد والاخ ابو مريم البغدادي و الاخ اسعد الزبيدي والشائع وابو ليث و المهندس والاخ حسين الجبوري
وتحية لاخواتنا ام شاهين وام محمد وام راما ومرليانو ونور ضياء
ويارب .... يارب .....يارب
تتحقق امنيات الجميع وتتيسر امور السفر
حفظنا الله من كل مكروه وتعدي هذه الايام ونطلع سالمين الكل دون استثناء
انا بالنسبة لي
ملفي الى الان بانتظار النتيجة والامنية بالانتظار
والله كريم
المخلص
ابو مريم

العزاوي 55 · « **رد #2170 في:** 21:49 07/01/2013 »

الف هله ومية مرحبا بالعزيز ابو مريم المحترم
حبيبي الحمد لله على السلامه وربي يحفظك ويحفظ عائلتك ويحفظ العراقيين والسوريين
نحن ننتظر الفرج جميعأ وحشى لله ان ينسى عبيده ستنتهي هذه المحنه وتبقى بس للذكرى
ان شاء الله هذا الشهر يكون فيه الفرج فنتوكل على الله ولن يخيب من توكل على الله
تحياتي لحضرتك ولجميع الاخوات والاخوه

** AL SHAEEA ** · « **رد #2171 في:** 23:56 07/01/2013 »

مقتبس من: الاصيل1 في 21:39 07/01/2013

تحية طيبة

اعتذر عن قلة مشاركاتي بسبب النت سامحوني

ندعوا من الله ان تتيسر امور السفر للجميع وان تتحقق توقعات الجميع بالسفر القريب باذن الله
تحية للاخ ابو سرمد العزاوي والاخ ابو خالد والاخ ابو مريم البغدادي و الاخ اسعد الزبيدي والشائع وابو ليث و المهندس والاخ حسين الجبوري
وتحية لاخواتنا ام شاهين وام محمد وام راما ومرليانو ونور ضياء
ويارب .... يارب .....يارب
تتحقق امنيات الجميع وتتيسر امور السفر
حفظنا الله من كل مكروه وتعدي هذه الايام ونطلع سالمين الكل دون استثناء
انا بالنسبة لي
ملفي الى الان بانتظار النتيجة والامنية بالانتظار
والله كريم
المخلص
ابو مريم

الله محييك اخوية الغالي الاصيل ابو مريم المحترم

ان شاء الله شدة وتزول وتفرج و يأتينا الله بواسع رحمته وفرجه ويخلصنا من هذة المحنة ويرفع البلاء عنا وعن عوائلنا

واتمنالك ياطيب الخير والتوفيق والظفر بالسفر لان ان شاء الله ماتظل هشكل لازم اكو لكل بداية نهاية و ان شاء الله نهاية صبرك وصبرنا خير وفرج بأذن الله

وتحياتي لجميع الاخوة والاخوات تمنياتي لكم بالسفر والتوفيق

ابومريم البغدادي · « **رد #2172 في:** 00:54 08/01/2013 »

السلام عليكم اخواني واشكر ردودكم الكريمة وتحياتي لكم

اليوم من الصباح الباكر اجاني تلفون من الهجرة الدولية عمان والرقم دولي من عمان تاكدت منه المهم سالتني عن اسمي اولا وبعدها مكان سكني واخبرتني انه انا قد ارسلت اميلا الى عمان وعلى اساس هذا الاميل تم الاتصال بي اخبرتها اني في سوريا ونعاني من اوضاع سيئة جدا واموري على غير ما يرام اخبرتني ان ملفي لسة علية تجييك امني وهي غير قادرة على المساعدة في تسريع الملف لانه في امريكا وهي غير قادرة على ذلك واكدت على مكان سكني واكدت ان سكني في سوريا قمت بشكرها فورا واعطتني عدة حلول اما الذهاب الى احدى البلدان الامنة هي الاردن ومصر ولبنان ويتم اكمال قضيتي من احدى هاي الدول ولاكني اخبرتها باني غير قادر على الذهاب الى احدى هاي البلدان فاخبرتني يجب عليك الانتظار لحين استكمال الاجراءات الامنية التي طال انتظارها علما اني من جماعة 2010 ومخلص كلشي وعايد الفحص الطبي ثلاث مرات ؟
هل بأعتقادكم اخواني ان هذا الاتصال اعتبره تحريك مللفي والسؤال عن سكني هل من فائدة في هذا الاتصال هل من تفسير لهذا الاتصال ارجو من اصحاب الخبرة الجواب وتحياتي لكم

اخوكم ابومريم البغدادي/سوريا

الخديدي 2008 · « **رد #2173 في:** 00:56 08/01/2013 »

السلام عليكم
اخويه العزاوي اتمنالك كل الخير وان شاءالله تفرحنا بيوم السفر للمره الثالثه والاخيره بعون الله
نحن جماعه سوريا منعرف بشنو نحير بالامنيه لو بالوفد لو بالسفر منا مااعرف اضحك لو ابجي على حالنا
ان شاءالله خير
تحياتي للجميع

قطر عبد الرحيم · « **رد #2174 في:** 03:32 08/01/2013 »

اللهم يحفظ كل اخوانا و اهلنا و اعزانا في سوريا وياربي يسر اموركم و تسافرون من شهر الاول
و يا ربي يزيل همكم و يفرحكم

همام الدليمي · « **رد #2175 في:** 03:40 08/01/2013 »

السلام عليكم كل اهلنا بعين كاوه تحيه طيبه

نسال الله ان يفرج الامور وتكونون بصحة وعافيه ونسال الله ان يحفظكم جميعا وندعو الله لكم بالثبات والصبر وان تتيسر جميع اموركم وتسافرون باسرع وقت ممكن وقلوبنا معلقه معكم ونسمع اخباركم الطيبه وان شاء الله الجميع تسافروون ونفرح بيكم

تحياتي لكم بالموفقيه

ابومريم البغدادي · « **رد #2176 في:** 08:29 08/01/2013 »

السلام عليكم اخويه حسين الجبوري وكل الشكر على ردك وبارك الله بيك والله يوفقك ويسهل امورك باذن الله بالنسبة الي صارلي هواي ما مراسلهم اقصد الاي او ام عمان وقبل من نراسلهم يجينة الرد بالاميل بجواب هاي المرة بمكالمة هاتفية ما اعرف غيروا طريقتهم لو شنوا على اي حال اشكرك كل الشكر على ردك وانشاء الله السفر القريب للجميع سلامي

اخوك ابومريم البغدادي /سوريا

ام راما · « **رد #2177 في:** 10:52 08/01/2013 »

صباح الخير عليكم اخوان
انشاء الله الجميع بخير وسلامة
يارب تمر هاي الايام بردا وسلاما علينا
وتخلص هاي المحنة باذن الله
شكرا الك اخويا الاصيل الله ايبارك بيك ويفرج عنك ويزيح همك
اختكم ام راما

maraliano · « **رد #2178 في:** 18:16 08/01/2013 »

السلام عليكم
بارك الله بيك اخي الاصيل الله يحفظكم من كل شر و يوم السفر
اي والله ام راما انشاء الله اتعدي هل ايام و الكل اتسافر

اخي ابو مريم البغدادي ماطول اتصلوا بيك يعني رح يصير تغيير ب ملفك , لان اني مرتين مخابريني من عمان و كل ما يخابروني بعد كم يوم جان يصير تغيير
انشاء الله نهاية هل شهر الكل اتسافر

ابومريم البغدادي · « **رد #2179 في:** 19:52 08/01/2013 »

السلام عليكم اختي الغالية بارك الله بيج اختي على هذا الرد وان شاء الله خير واكوا هواي ناس متصلين بيهم البارحة وكايليلهم جهزوا اموركم
ودكوا خروجية على اسبوع الجاي السفر على لبنان وعلى مطار الحريري واكثر الناس خابروني وبلوغوني هذا الكلام وصادقين بكلامهم اما من ناحية محمد ابو الفيز والجماعة يكولون ان محمد يكول انو هاي دعايات انتوا اطلعوهه احب اخبر كل الاعضاء وبصراحة ان الهجرة الدولية في سوريا غير صادقة من اول تاسيسها ولحد الان هم طول حياتهم يكذبون علينا ولدينا قصص كثيرة على هذا الموضوع لا نريد ندخل في تفاصيله
لماذا الان نصدق محمد ابو الفيز ولا نصدق اصدقاءنا الذين تم ابلاغهم من قبل الهجرة الدولية لماذا ؟ على اي حال الاسبوع القادم راح يشهد سفر هواية ان شاء الله وتم توزيع فيز كثيرة البارحة واليوم وان شاء الله الامور راح تنحل بس يرادلنه شوية صبر سلامي وتحياتي للجميع

ابومريم البغدادي /سوريا

محمد الفاتح · « **رد #2180 في:** 21:55 08/01/2013 »

السلام عليكم اخواني اخواتي ..........
ضاع الصحيح الهجره الدوليه تكول ماكو سفر اليوم اني حجيت وياهم وكان هذا جوابهم لكن الي صار ويه اصدقائنه ايكولون اكو سفر وعن طريق لبنان وعن طريق مطار الحريري وبيمن انصدك والله حيره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

maraliano · « **رد #2181 في:** 22:24 08/01/2013 »

اي ابو مريم هي الظاهر من الاسبوع الجاي انشاء الله رح يبدون يسفرون
اكو ناس مطلعين اشاعات انه قبل يومين اتحركت اول باص مال يو ان الى لبنان
استاذ محمد الي يقصده انه لي هسة ما مسفرين اي واحد
و الظاهر ديتصلون حتى يكونون جاهزين لان احتمال قبل يومين يتصلون و يكولون بعد يومين سفركم
الله يسمعها منك انشاء الله الاسبوع الجاي يكون اسبوع السفر

maraliano · « **رد #2182 في:** 01:03 09/01/2013 »

اخي حسين الجبوري لا تهتم ب حجيهم
اني بتاريخ 19-11-2012 اكتملت الامنية ب الموقع و ثاني يوم خابرت المنظمة ب سوريا كلي انتي الامنية مالتج قيد الدراسة
و ب 21-11 خابرنوني من قسم السفر و سال جاهزين للسفر و اخذ ارقام الجوازات

العزاوي 55 · « **رد #2183 في:** 09:26 10/01/2013 »

شلون الحبايب ان شاء الله بخير
الجمعيه نايمه بالصفحه الثانيه لكيته لازم خلصت كل الاخبار
يوم امس شفت احد الاصدقاء وكان موعد سفره 12/3 وتاجل مخبريه يحضر نفسه للسفر عن طريق لبنان
بس بعد ما استلم الفيزا كال من استلم الفيزا راح امر عليك واحجيلك التفاصيل حول الطريق والحقائب
ان شاء الله خير يا رب تحياتي للجميع

maraliano · « **رد #2184 في:** 09:42 10/01/2013 »

صباح الخير
اخي العزاوي شكرا على نقل الخبر و انشاء الله اتبلغنا ب يوم سفرك
انشاء الله نزلة الثلوج اتجيب الخير النا والكل اتسافر

اخي حسين تدلل وانشاء الله عن قريب تكمل الامنية و اتسافر

محمد الفاتح · « **رد #2185 في:** 21:35 10/01/2013 »

السلام عليكم ...جميعا ...العزاوي والمهندس والاخت ام شاهين وكل عائلة هذا المنتدى.....اما بعد طبعا تسمعون الاخبار الي كاعد ادور بيناتنه انو اكو سفر عن طريق لبنان وعندي صديق وجيتلكم عنه الي كاعد بالمدرسه مقابل un بكفرسوسه اخر خبر كالوله راح ايسفرون كل الي عنده كارت اخضر عن طريق لبنان .......لكن اني مليت وعصابي تعبت اليوم اريد استشيركم اريد اروح للعراق شهر وارجع ....هل هذا ايضر الملف لو لا ام انتضر هذا الشهر شنو رايكم ايهمني جدا رايكم ارجو الرد باسرع وقت ........اخوكم للابد.........

um shaheen · « **رد #2186 في:** 21:47 10/01/2013 »

الف شكر للاخ العزاوي ابو سرمد والاخ محمد الفاتح لتبشيرنا بما يجدد الامل فينا ويارب السفر القريب العاجل لكل المنتظرين
بالنسبه لسؤالك اخويه محمد الفاتح رح احجيلك الي صار ويايه
اني قبل فتره والدتي سوت عمليه بعيد عنك بالشمال وخابرت على الهجره وطلبت الذهاب مع احدى بناتي فأجابت الموظفه انصحج اذا تروحين لا تتاخرين لان احتمال الطريق يسكر وبعدين لا انتي تكدرين ترجعين ولا زوجج وباقي اطفالج يكدرون يسافرون اذا شغلتكم خلصت وكلتلها مو اشوف الموقع فكالت الموقع مرات يتاخر بالتحديث ولهذا اني بقيت على النت ويه اهلي الى ان امي الحمد لله كامت بالسلامه ورجعوا بغداد والف الحمد لله والشكر
فنصيحتي اخي انه تتحمل وهي صح صعبه بس اني بالنسبه الي اشوف احنه تحملنه هوايه وان شاء الله مبقى شي
واذا كنت حاب اتروح فلا تتاخر بالرجوع
هاي بالنسبه ألي وشوف بقيه الاعضاء يارب تكدر تتحمل اكثر
والقرار اكيد راجع ألك
تحياتي
اختك ام شاهين من سوريا

زرزور بغداد · « **رد #2187 في:** 22:03 10/01/2013 »

بارك الله بيج اختي أم شاهين

دائما سباقة للخير والنصيحة ألله يسهل أمرج ونسافرون ,,,,

um shaheen · « **رد #2188 في:** 22:14 10/01/2013 »

بارك الله بيك اخويه العزيز زرزور بغداد
وان شاء الله الفرج قريب على الكل
تحياتي
اختك ام شاهين

محمد الفاتح · « **رد #2189 في:** 22:23 10/01/2013 »

والله والنعم من اختي ام شاهين جوابك مثل البرق ماتتاخرين عن المحتاج الله يقضي حوائجنه يارب ويوم سفرج بالسلامه انشاء الله

زرزور بغداد · « **رد #2190 في:** 22:35 10/01/2013 »

تحياتي الى الاخت العزيزة MARALIANO

شنو الاخبار ,,,,,, ماخابروكم صديقي خابرو البارحة وكالولة حضر نفسك راح تطلع عن طريق لبنان هو من جماعة 3\12

العزاوي 55 · « **رد #2191 في:** 22:45 10/01/2013 »

حبيبي محمد انتظر هذا الشهر واذا لا سامح الله الوضع ساء باستطاعتك الخروج بس الله كريم ان شاء الله هذا الشهر نهاية كل الاحزان والانتظار

maraliano · « **رد #2192 في:** 01:44 11/01/2013 »

وتحياتي يا اخ زرزور بغداد , لا بعد ما خابروني
المهم بدوا يخابرون انشاء الله لي نهاية الشهر الكل اتسافر
والله يسهل اموركم و اتسافرون

محمد الفاتح · « **رد #2193 في:** 02:27 11/01/2013 »

مع فائق الشكر والتقدير والاحترام للاخ العزاوي والاخ حسين الجبوري والاخت ام شاهين كلامكم كان بلسم الي واني اشكركم يارب تفرج علينه جميعا يارب

ابو مودي · « **رد #2194 في:** 13:29 11/01/2013 »

السلام عليكم جميعا
الحمد لله والشكر اليوم الله انقذني من قذيفة سقطت على الجامع في صلاة الجمعة في جرمانا (الجامع القريب على مخفر الشرطة والبلدية).. علما انني سكنت جرمانا مضطرا منذ اسبوع بعد خروجنا من مخيم اليرموك .. والقذائف من سكنا لحد اليوم ماندري وين تسقط ومستمرة .. لا حول ولا قوة الا بالله العلي العظيم ..نتمنى للمصابين الشفاء العاجل .. والله يحفظ الجميع في كل مكان ..

um shaheen · « **رد #2195 في:** 13:40 11/01/2013 »

الف الحمد لله على سلامتك اخي العزيز ويارب يشافي كل المصابين
سمعنا بسقوط القذيفه ويارب رحمتك
اخويه العزيز قبل يومين تقريبا سقطت قذيفه ايضا بالقرب من الفرن الالي
الواحد ميعرف بعد وين يروح صدوووك تعب نفسي
ما اعرف شكول
بس نصيحه يا اخون اي مكان يصير بي تجمع حاولوا تبتعدون عليه شنسوي الله ارحم الراحمين
ويارب الفرج القريب العاجل ان شاء الله

ابو مودي · « **رد #2196 في:** 14:42 11/01/2013 »

الله يسلمك ام شاهين ويسلم الجميع .. اعصابنا تعبت وصبرنا نفذ ..الله كريم

** AL SHAEEA ** · « **رد #2197 في:** 14:45 11/01/2013 »

الحمد لله على سلامتك اخي ابو مودي ونسأل الله ان يحفظ الجميع

ابو مودي · « **رد #2198 في:** 15:01 11/01/2013 »

الله ايسلمك اخي الشائع ويبارك بيك ويحفظ الجميع

ام راما · « **رد #2199 في:** 15:28 11/01/2013 »

مرحبا اخوان انشاء الله الجميع بخير وسلامة
انشاء الله يكون صحيح هذا الشهر اخر شهر ويخلصونا
لان الاوضاع كلش دتتعب والقذائف دتستهدف حتى الي كاعد بيتة
قبل يومين الله سترنا قذيفة وكعت يم الفرن الالي والجام كليتا وكع
والاولاد والله مدا ينامون من الخوف واليوم القصف مو طبيعي
الله يسترنا ويحفظنا كليتنا
يارب فرج علينا وسهل امرنا
اختكم ام راما

الأخبار:

المحرر موضوع: كل ما يخص جماعة سورية (زيارة 297509 مرات)