المحرر موضوع: كل ما يخص جماعة سورية (زيارة 297507 مرات)

تعبان وماعرف · « **رد #3500 في:** 23:25 05/08/2013 »

مقتبس من: alnassry في 23:20 05/08/2013

حبيبي ابو الكرم
تماما كل اللي سافرو اليوم الى الولايات المتحدة والى مختلف الولايات والتقسيم في نيويورك الى مختلف الولايات
وطبعا الرقم فرحني كثيرا وهو رقم مشجع جدا حيث قبل فترة بسيطة وفي رحلة يوم 22-6 كان العدد 17 شخص فقط والباص كان فارغ تقريبا
وفي يومها كنت منزعج من العدد القليل
لكن نحمد الله ونشكره ويارب تفرجها علينا كلنا
اخوك الناصري

السلام عليكم والله اخوان اني اليوم رحت يم نادي الجلاء ودعت صديق كان العدد كلش قليل فقط خمسة عوائل عراقيه وعائلتين صوماليه

وربي يسر الخير للجميع وسافر

alnassry · « **رد #3501 في:** 23:48 05/08/2013 »

اخي العزيز تعبان
بصراحة اني اصدقائي ودعتهم البارحة لكن طول الرحلة ولحد ساعة اربعة الا ربع كنت متواصل وياهم عالموبايل والعدد مليون بالمية اكيد لأن تركتهم من اول اتصال وطلبت منهم التعرف على العوائل والعدد والولايات المقصودة .. وبالأتصال الثاني والثالث وافوني بكامل التفاصيل .. ومعلومة مهمة اخرى ان جميع المسافرين في الباصين همة من العراقيين حصرا .. لذلك كنت اليوم فرحان ومتفائل بالعدد
تحياتي لك اخي

تعبان وماعرف · « **رد #3502 في:** 23:55 05/08/2013 »

مقتبس من: alnassry في 23:48 05/08/2013

اخي العزيز تعبان
بصراحة اني اصدقائي ودعتهم البارحة لكن طول الرحلة ولحد ساعة اربعة الا ربع كنت متواصل وياهم عالموبايل والعدد مليون بالمية اكيد لأن تركتهم من اول اتصال وطلبت منهم التعرف على العوائل والعدد والولايات المقصودة .. وبالأتصال الثاني والثالث وافوني بكامل التفاصيل .. ومعلومة مهمة اخرى ان جميع المسافرين في الباصين همة من العراقيين حصرا .. لذلك كنت اليوم فرحان ومتفائل بالعدد
تحياتي لك اخي

اخي الناصري ربي يسر الخير للجميع امين
محتمل بس الي شفته 7عوائل فقط وعائليين صوماليه فقط مواكثر ربي يديم الفرح على محياك وتسافر بحق هاي الايام المباركه امين
ولعائلتين الصوماليه كان عددهم 9اشخاص يعني حساب بل بدايه اصورتهم من البصره بس وقفت يمهم وسمعت كلامهم طلعوصوماليين وربي يسر الخير للجميع

ابو الكرم · « **رد #3503 في:** 01:29 06/08/2013 »

الاخ العزيز الناصري
طبعا الرقم جدا جيد باعتبار هذه سفره واحده واحتمال بالاسبوع سفرتين فهذا العدد يعتبر جيد
الاخ تعبان حتى خمس عوائل عراقيه واثنان صوماليه يعني سبعه ملفات او قد يكون اكثر اذا كان بالعائله الواحده اكثر من ملف يعني سبعه ملفات بالسفره الواحده ايضا لاباس به
طبعا اكو عائله صوماليه هذوله كانو عدهم موعد في شهر 12 السابق ونتيجه احداث المطار في دمشق تم تاجيل سفرهم وحاليا اعطوهم موعد يوم 19 \8 وسفرهم الى فرجينيا وبالتاكيد اكو وياهم عراقين بالسفره يعني نفس الموعد
تحياتي الى جميع الاخوان وان شاء الله محد يقصر في نقل الاخبار التي تفرح الجميع

ابو سهم · « **رد #3504 في:** 12:06 06/08/2013 »

مساء الخير اخوان تم الاتصال على وجبة جديدة اليوم صباحا لسحب الصور والجوازات ومن معارفي عائلة وسنكل والحمد لله وجاي انتظر رجوعهم من الاي او ام لنقل اخر الاخبار وشكرا اخوكم ابو سهم من مول جرمانا

العجيلي33 · « **رد #3505 في:** 12:23 06/08/2013 »

السلام عليكم جميعا والله الصفحه جانت نايمه وايقضتوه باخباركم الحلوه وان شالله الفرح والسفر للجميع بجاه الشهر الكريم وشكرا للاخوه على الاخبار الجيده

هاتف حزين · « **رد #3506 في:** 12:50 06/08/2013 »

شكرااا ابو سهم ع الاخبار ممكن تعطينا بداية ارقام الكيس مالتهم وشوكت كملت الامنية

ابو سهم · « **رد #3507 في:** 13:36 06/08/2013 »

اخواني الاعزاء الامنية اكتملت الاسبوع المضى وهموا واحد سنكل والثانية عائلة وارقام ملفاتهم اثنينهم 111xxx هو اخوكم ابو سهم من مول جرمانا

الاصيل1 · « **رد #3508 في:** 01:49 07/08/2013 »

انا الى الله وانا اليه راجعو ن

الرحمة للشهداء والله يشافي ويعافي الجرحى
يعني والله الي ديصير بالشعب السوري والشعب العراقي حراااااااااااااااااااااااااااااام حرام حرام

الى متى ياربي نبقى بهذا الشكل

الف الف الف الحمد لله على سلامة ابو رامي وبقية الاصدقاء

الله يصبر اهل الميتين

والله ملينه العراق كل يوم تفجيرات وقتل وهنا تفجيرات وين نروح يا ربي

ومنظمة اليو ان ولا عبالك ولا يمهم

لا حول ولا قوة الا بالله

ابو مريم

هاتف حزين · « **رد #3509 في:** 13:55 07/08/2013 »

أخواني رجاء سؤال اني الامنية كملت نهاية الشهر السابع والملف فعال بس اليوم فتحت الموقع شفت الملف بعده فعال بس الامنية رجعت بالانتظار منو مر بهذي الحالة وماهو رأيكم اريد نصيحتكم لان كلش ضايج

واتمنى الخير والسفر القريب للجميع وكل عام وانتم بألف خيــر

UN · « **رد #3510 في:** 14:09 07/08/2013 »

اخوية جاوبتك على الخاص وتدلل واسف لانو تاخرت بالرد بس جنت بعيد عن الجهاز

هاتف حزين · « **رد #3511 في:** 14:24 07/08/2013 »

شكــرا اخــي على الرد وإنشاء الله يوم تفرحنا بموعد سفرك عن قريب

ankawa_2010 · « **رد #3512 في:** 14:52 07/08/2013 »

الرحمة لكل الشهداء والشفاء العاجل للجرحى انشا الله
هذه صورة الطفل العراقي علي عباس فاضل الذي استشهد امس بالتفجير الاجرامي بجرمانا
https://www.facebook.com/photo.php?fbid=511095718958927&set=np.33875883.100001227518939&type=1&theater&notif_t=notify_me

kyky77 · « **رد #3513 في:** 18:03 07/08/2013 »

الله يرحمه طفل مثل الورده الله ايصبر اهله يارب وينتقم من كل ضالم حسبي الله ونعم الوكيل حسبي الله ونعم الوكيل

محمد الفاتح · « **رد #3514 في:** 18:11 07/08/2013 »

الله يرحمه ويحسن له ...مثل الورده ..........وهنيئا له طير من طيور الجنه

syf · « **رد #3515 في:** 03:01 08/08/2013 »

غدا
سيأتي ذلگ الصباحَ و ستعمَ الأجواء ..
بضحكااتَ الصغآر و أصوااتَ الألعااب النآريہَ
راائحہ البخور و الحلوىَ بالسلآل !'
...
فناجين مليئہ بالقہوهَ و دعوااتَ الكباار *
ربي إجعلناا من الحااضرينَ بعيدگ
وتقَبَل منآ صآلح الآعمال والطآعآت

گل عام وانتم بخَير ~ ~

اختكم ام يوسف /سوريا

ankawa_2010 · « **رد #3516 في:** 21:36 10/08/2013 »

باجر الاحد دوام انشا الله نسمع اخبار حلوة تبشر بخير

ام راما · « **رد #3517 في:** 22:46 10/08/2013 »

يارب رحمتك وفرجك القريب ضاقت بنا الارض
وفر الصبر منا وضعفت قدرتنا على التحمل
ارحمنا يااوحم الراحمين

اختكم ام راما

UN · « **رد #3518 في:** 14:42 12/08/2013 »

اللًة يرحمة ويعين اهلة

محمد الفاتح · « **رد #3519 في:** 17:43 12/08/2013 »

اليوم كان اكو رحله وتأخر موعد الباص للساعه 10 صباحا ......المهم سافرو وصلوا لبنان بالسلامه وبعده الى القاهرة ومن ثم الى نيويورك وكان معاهم عوائل الى السويد بالسلامه انشاء الله

وفاء علي · « **رد #3520 في:** 15:46 15/08/2013 »

المشتكى الى الله
صاركم سنه ننتظر
ندعو الله ان يفرجها يارب امين

وفاءعلي/سوريا/2009

ام راما · « **رد #3521 في:** 16:47 15/08/2013 »

يارب الطف بينا وارحمنا برحمتك والله مبقى عدنا صبر
وملينا من الانتظار

يارب تفرج على الجميع وتسهل امورهم
اختكم ام راما

برنسيسة · « **رد #3522 في:** 18:10 15/08/2013 »

الله يفرجها عليكم ويسهل سفركم يارب

ابو الكرم · « **رد #3523 في:** 14:41 18/08/2013 »

خبر جديد مو خبر بايت هههههههههههه دائما قبل الحدث
الخبر مفاده يوم غدا 19\8 ان شاء الله سوف يتم سفر مجموعه اخرى الى امريكا
المجموعه اكثر من ثمان عوائل عراقيه وعائلتين من الصومالين وحيالله اخوانا الصومالين وان شاء الله يوصولون بالسلامه الذين يبثون الفرحه ويبشرون بالاخبار اكثر من ابناء جلدتنا تحت شعار (غلس واطفر ومعليك بالباقين وديربالك لاتحجي لااحد تره يسلبوك او يخطفوك ويحسدوك وحتى من تصل لاتكتب شيئ تره يحسدوك عبر الاقمار الاصطناعيه) هههههههههههه بس هايه حلوه مال العذر يسلبوك ماشاء لان الكل مليارديريه بس اشو بس تتاخر الفلوس مال اليو ان تسمع حس العياط !!!!!!!!!!!!!!!!!!!!!!!! مو لو مو مو
الله يفرج عن الجميع ويحميهم من الحسد والتسليب
تحياتي

وفاء علي · « **رد #3524 في:** 15:27 18/08/2013 »

مشكور اخ ابو الكرم وبارك الله بك

هاي صار كم سنه ننتظر التقديم2006 مخلصين كل شي 2009

ندعو الله ان يفرجها علينه وعلى جميع المنتظرين، يارب امين

وفاءعلي/سوريا/2009

ام راما · « **رد #3525 في:** 16:05 18/08/2013 »

الله يفرجها على الجميع الله يسهل لليسافرون ويوصلون بالف سلامه
ويوم 22 بالشهر اكو رحله لاامريكا ما اعرف عددهم بس اكو عائله بصحنايا نطوهم موعد
وهم من القدماء الله يسرلهم ويفرجها على كل المنتظريين

اختكم ام راما

UN · « **رد #3526 في:** 16:43 18/08/2013 »

بالتوفيق للجميع

alnors · « **رد #3527 في:** 05:57 19/08/2013 »

السلام عليكم اخوان

عندي استفسار الله يفرجها عليكم اني ملفي اتحول من امريكا لفلندا واليو ان قبل السفر بكم يوم لغو الفيزا وحولو ملفنا لكندا وقابلنا مقابله التحويل بس اريد اعرف ورا اجكد مقابله القنصل من مقابله التحويل

UN · « **رد #3528 في:** 10:07 19/08/2013 »

للرفع

ابو الكرم · « **رد #3529 في:** 13:22 19/08/2013 »

مقتبس من: وفاء علي في 15:27 18/08/2013

مشكور اخ ابو الكرم وبارك الله بك

هاي صار كم سنه ننتظر التقديم2006 مخلصين كل شي 2009

ندعو الله ان يفرجها علينه وعلى جميع المنتظرين، يارب امين

وفاءعلي/سوريا/2009

والله ياختي تقريبا الجميع نفس الشكل يعني 2009 و 2010 بس مندري شنو القصه وشنو قصه الامنيه الكشره وعلى اي اساس ديمشون يعني هنا بسوريا العدد المتبقي قليل جدا مقارنه بالدول الاخرى بس المشكله تعطل الامنيه طبعا بالمناسبه همه لاهامهم الوضع بسوريا ولا هم يحزنون على حاطين العالم على الشحن وماهامهم شي ولا للموت ولا للحيا لاهمه رافضينه وخلينا نشوف دربنا ولاهمه مسفرينه
يله نكول من ساعه لساعه فرج .الله يكون بعون الجميع لان ملينا من هذا الانتظار واخاف تالي يطلع بدون فائده مجرد سنين ضاعت من عمرنا

مسك الختام · « **رد #3530 في:** 14:03 19/08/2013 »

السلام عليكم اخواني الاعزاء

تحياتي للجميع حبيت اعقب على الخبر الجديد والمو بايت مثل ما ذكر اخونا ابو الكرم اليوم رحت ودعت احد الاصدقاء عند موعد سفرة في المزة كان العدد كبير جدا بحيث لم اصدق فقد كان عدد الذين سافروا الى مريكا 34 شخص باص كامل وتقريبا مثل هذا العدد باص ثاني الى كندا والي لفت انتباهي وخلاني اضرب اخماس باسداس انو كان في باص اخر والعدد كان مقارب الى فلندا نعم الى فلندا وباص رابع احتياط او للجنط اذكرت كلام ابو كرم البارحة خطية لا ينحسدون فحبيت انقل هذة الاخبار بلكي شوية يرجع بداخلنا شوية امل

اخوكم ابو رامي

وفاء علي · « **رد #3531 في:** 14:57 19/08/2013 »

الف شكر لك ياأخ ابو رامي وبارك الله فيك على هذه الاخبار التي تبعث الامل.

ووبعد كل هذا الانتظار والمعاناة هم اكو حسد

ندعو الله ان يفرجها علينه وعلى الجميع ونسافر وتخلص هاي المعاناة

وفاءعلي/سوريا/2009

مسك الختام · « **رد #3532 في:** 15:24 19/08/2013 »

الاخت وفاء علي الامل موجود ان شاء اللة وتفرج اللة كريم

ابو رامي

المنصوري · « **رد #3533 في:** 22:04 19/08/2013 »

السلام عليكم اخوان عندي سؤال احنه جماعة سوريا المظلومين وهو سؤال واستغراب اشو جماعة لبنان ماكو شنو القصه الله سهل عليهم وكلهم سافرو قيل نقرأ جماعة لبنان ونسمع اخبارهم لو بس واحد يكولنه بلكي رحنه لبنان لهذا ادعو الله انه هم تنتهي جماعة سوريا وكلها تسافر

ابو الكرم · « **رد #3534 في:** 23:13 19/08/2013 »

مقتبس من: مسك الختام في 14:03 19/08/2013

السلام عليكم اخواني الاعزاء

تحياتي للجميع حبيت اعقب على الخبر الجديد والمو بايت مثل ما ذكر اخونا ابو الكرم اليوم رحت ودعت احد الاصدقاء عند موعد سفرة في المزة كان العدد كبير جدا بحيث لم اصدق فقد كان عدد الذين سافروا الى مريكا 34 شخص باص كامل وتقريبا مثل هذا العدد باص ثاني الى كندا والي لفت انتباهي وخلاني اضرب اخماس باسداس انو كان في باص اخر والعدد كان مقارب الى فلندا نعم الى فلندا وباص رابع احتياط او للجنط اذكرت كلام ابو كرم البارحة خطية لا ينحسدون فحبيت انقل هذة الاخبار بلكي شوية يرجع بداخلنا شوية امل

اخوكم ابو رامي

اخويه ابو رامي اني ذكرت انه اكثر من ثمان عوائل فبالتاكيد العدد جيد
ههههههههه اخواني صلوعلى النبي ودكو الخشب حتى لانحسد
طبعا الخبر من احدى العائلتين الصوماليه همه الي ذكرو العدد مال العراقين الله يوصلهم بالسلامه وان شاء يوما للجميع

ام راما · « **رد #3535 في:** 15:24 20/08/2013 »

الف مبروك للي سافرو وان شاء الله يوصلون بالسلامه وعينا عليهم بارده ان شاء الله
بالعكس نفرحلهم خلصوا من هاي الاوضاع ويصير عدنا امل ان هم يجينا الدور ونسافر
يارب ان شاء الله لكل المنتظرين سفر سريع
اختكم ام راما

UN · « **رد #3536 في:** 21:34 20/08/2013 »

لرفع المعنويات

ابو الكرم · « **رد #3537 في:** 13:46 22/08/2013 »

مقتبس من: ام راما في 16:05 18/08/2013

الله يفرجها على الجميع الله يسهل لليسافرون ويوصلون بالف سلامه
ويوم 22 بالشهر اكو رحله لاامريكا ما اعرف عددهم بس اكو عائله بصحنايا نطوهم موعد
وهم من القدماء الله يسرلهم ويفرجها على كل المنتظريين

اختكم ام راما

اختي ام راما السلام عليكم
شنو اخبار السفره التي كانت مقرره اليوم هل سافر بالسلامه معارفك الي بصحنايا
وهل حصلتي من اخبار على العدد الي سافرو امريكا
واذا احد الاخوان لديه خبر فلا يبخل به
الله ايسر امر الجميع

ام راما · « **رد #3538 في:** 21:34 22/08/2013 »

مقتبس من: ابو الكرم في 13:46 22/08/2013

مقتبس من: ام راما في 16:05 18/08/2013
الله يفرجها على الجميع الله يسهل لليسافرون ويوصلون بالف سلامه
ويوم 22 بالشهر اكو رحله لاامريكا ما اعرف عددهم بس اكو عائله بصحنايا نطوهم موعد
وهم من القدماء الله يسرلهم ويفرجها على كل المنتظريين

اختكم ام راما
اختي ام راما السلام عليكم
شنو اخبار السفره التي كانت مقرره اليوم هل سافر بالسلامه معارفك الي بصحنايا
وهل حصلتي من اخبار على العدد الي سافرو امريكا

واذا احد الاخوان لديه خبر فلا يبخل به
الله ايسر امر الجميع

وعليكم السلام اخويا ابو الكرم
الحمد لله اليوم سافرو بالسلامه لكن لم نعرف عدد الذين سافرو
وأمس تم الاتصال بعدد من العوائل وسلمو صور
الله يسرلهم وان شاء الله السفر لكل المنتظرين

اختك ام راما

ابو الكرم · « **رد #3539 في:** 16:20 23/08/2013 »

تسلمين اختي ام راما ويوما الج ولكل المنتظرين ان شاء الله

كاردينيا امريكا · « **رد #3540 في:** 07:43 31/08/2013 »

السلام عليكم

شنو الموضوووع يا جماعة اشو ماكو احد ولا اخبار ولا شي فد مره ناشفه
ماكو فد خبر حلو شويه يفرحنه

يافارج الهم يا الله فرج همنا يا ارحم الراحمين

ابو سهم · « **رد #3541 في:** 14:23 31/08/2013 »

مساء الخير اخوان اخبار السفر ماشية ومواعيد سفر من يوم 3 و 9 و17 و22 وكلها بيها ناس اعرفهم حق المعرفة بس الاعداد كل سفرة لا يتجاوز 5 عائلة وشكرا اخوكم من مول جرمانا ابو سهم

وفاء علي · « **رد #3542 في:** 11:23 03/09/2013 »

السلام عليكم

ندعو الله ان يحفظ الجميع ويفرجها علينا كلنا يارب امين.

وفاءعلي/سوريا/2009

ابو سهم · « **رد #3543 في:** 23:15 04/09/2013 »

مساء الخير اخوان اليوم تم الاتصال على وجبة سحب جوازات وصور امريكا اخوكم ابو سهم من مول جرمانا

بصيص امل · « **رد #3544 في:** 16:34 08/09/2013 »

السلام عليكم
ان شاء الله الجميع بخير يا ريت نسمع اخباركم
بصيص امل
سوريا

مسك الختام · « **رد #3545 في:** 17:10 08/09/2013 »

السلام عليكم اخواني الاعزاء حبيت ابلغكم تم تسليم الصور والجوازات اليوم لمجموعة جديدة من اخوانة المتاخرين لرفع المعنويات

اخوكم ابو رامي

بصيص امل · « **رد #3546 في:** 17:39 08/09/2013 »

الف شكر الك اخويا مسك الختام
الله يسهل للجميع ويستر عليهم ويحفظهم

ابو سلسبيل · « **رد #3547 في:** 18:49 08/09/2013 »

الله يحفظ سوريا واهلهة ويسهل امركم اخوكم ابو سلسبيل من سوريا

UN · « **رد #3548 في:** 23:34 08/09/2013 »

اللًة يفرجها علينا ويحمي العراق وسوريا يارب

المنصوري · « **رد #3549 في:** 19:42 11/09/2013 »

السلام عليكم اخوان عندي سؤال اللي متاكد يجاوبني رجاءً هل تجديد الاقامه السنويه (الكارت) يحتاج اظافة الى سند الاقامه وعقد الايجار الى فحص الايدز وفحص الصدر لان اخوان احتاريت سالت خمس اشخاص ماكو اثنين نفس الاجابه
الاول كال لا ما يحتاجون
الثاني كال عدك استنساخ كتله لا كالي عادي ما يردون
الثالث كال على العمر
الرابع كال اذا مسافر يردون فحص ايدز
الخامس كال يردون كلشي روحو سوو فحص ايدز وفحص الصدر
رحمه لوالديكم اريد الجواب الاكيد لان راح اظطر اروح اسالهم شخصيا اذا ما لكيت الاجابه

مسك الختام · « **رد #3550 في:** 21:30 11/09/2013 »

السلام عليكم اخي العزيز

اولا سند اقامة من المختار

ثانيا الموافقة الامنية موجودة بالملف تستنسخ

ثالثا اذا كانت اقامتك دراسية يجب احضار ورقة استمرار الدوام

رايعا بالنسبة لفحص الايدز ممكن يتغاضون عتة اكيد تعرف قصدي دفعة زغيرة

خامسا ممكن تخلص بنفس اليوم

واي استفسار اني حاضر

اخوك ابو رامي

وفاء علي · « **رد #3551 في:** 16:21 14/09/2013 »

السلام عليكم

دعواتنا بالفرج ,يارب امين. لان تعبنه كلش.

وفاءعلي/سوريا/2009

ankawa_2010 · « **رد #3552 في:** 14:52 27/09/2013 »

السلام عليكم جميعا
خواتي واخواني الاعزاء في هذا المنتدى الرائع احب ان اخبركم بوصولي لاميركا وكنا بالرحلة 5 عوائل وكانت الرحلة متعبة جدا لكل الف الحمد لله والشكر على كل شيء وانشا الله تفرج على الجميع باسرع وقت ولا اريد اذكر اسماء محددة لكني اشكر الجميع بالمنتدى لتعاونهم معي
ملاحظة ليش الصفحة راجعة للصفحة ال4 ارجوكم ابقو اكتبو وسمعونا اخباركم

AUS2013 · « **رد #3553 في:** 19:19 27/09/2013 »

الف الف مبرووووووووووووك عليك اخي الغالي مؤسس الجمعية

ان شاء الله التوفيق للجميع بالسلامة والسفر القريب

نورضياء · « **رد #3554 في:** 23:32 27/09/2013 »

السلام عليكم
اخــــوان امــانـــه مــاكو اخــبارجــديـــده

حسين الجبوري · « **رد #3555 في:** 00:25 28/09/2013 »

الاخ الكريم والصديق العزيز ابو ليث الغالي الحمد لله من قبل ومن بعد على سلامة وصولكم وسلامة ابنائك من اي مرض يارب اأسل الله ان يمن عليكم بكل التوفيق في حياتكم الجديده
اخوكم حسين الجبوري

مقتبس من: ankawa_2010 في 14:52 27/09/2013

السلام عليكم جميعا
خواتي واخواني الاعزاء في هذا المنتدى الرائع احب ان اخبركم بوصولي لاميركا وكنا بالرحلة 5 عوائل وكانت الرحلة متعبة جدا لكل الف الحمد لله والشكر على كل شيء وانشا الله تفرج على الجميع باسرع وقت ولا اريد اذكر اسماء محددة لكني اشكر الجميع بالمنتدى لتعاونهم معي
ملاحظة ليش الصفحة راجعة للصفحة ال4 ارجوكم ابقو اكتبو وسمعونا اخباركم

ام راما · « **رد #3556 في:** 00:11 29/09/2013 »

مقتبس من: ankawa_2010 في 14:52 27/09/2013

السلام عليكم جميعا
خواتي واخواني الاعزاء في هذا المنتدى الرائع احب ان اخبركم بوصولي لاميركا وكنا بالرحلة 5 عوائل وكانت الرحلة متعبة جدا لكل الف الحمد لله والشكر على كل شيء وانشا الله تفرج على الجميع باسرع وقت ولا اريد اذكر اسماء محددة لكني اشكر الجميع بالمنتدى لتعاونهم معي
ملاحظة ليش الصفحة راجعة للصفحة ال4 ارجوكم ابقو اكتبو وسمعونا اخباركم

الف مبرروك الوصول اخويا ابو ليث وحمد الله على سلامتكم
موفق باذن الله
اختك ام راما

الاصيل1 · « **رد #3557 في:** 05:58 29/09/2013 »

الف الف الف مبروووووووووووووووووك للاخ الطيب ابو ليث المحترم يارب حياة جديدة سعيدة لك ولعائلتك

الف الف مبرووووووووووووووووووووووووووووووووووووووووووووووووك

يارب تيسر امر كل اهلنا في سوريا بالسفر القريب وتحفظهم وتحفظ عوائلهم
يارب

ابو مريم \\\نورث كارولاينا

um shaheen · « **رد #3558 في:** 11:01 29/09/2013 »

الف الف مبرووك لكل العوائل الي وصلت لبلد الاستقرار بسلامه ويارب بالتوفيق ان شاء الله
وربي ألهي يفرجها على البقيه ومحفوظين وان شاء الله مبقى شي يارب
تحياتي
اختكم ام شاهين

ابو سلسبيل · « **رد #3559 في:** 18:46 29/09/2013 »

الف مبروك والحمد لله على السلامة والسفر القريب للجميع اخوكم ابو سلسبيل من سوريا

ankawa_2010 · « **رد #3560 في:** 23:46 30/09/2013 »

السلام عليكم جميعا
اقدم شكري وامتناني لكل الاخوات والاخوان بدون ذكر الاسماء وبدون استثناء بهذا المنتدى لمشاعرهم ودعائهم لي ولعائلتي
وانا وعائلتي والله العظيم صحيح نحن وصلنا ببر الامان لكن قلوبنا معكم لاننا عانينا ونحس بكم ونتمنا ونصلي لاجلكم لكي تتحقق امنياتكم بعونه تعالى
وانا يوميا اتابع اخبار سوريا من خلال هذا الموقع الذي يغطي جميع الاخبار لحظة بلحظة https://www.facebook.com/dimashq.now/posts/415557761903175?ref=notif&notif_t=notify_me

UN · « **رد #3561 في:** 10:54 02/10/2013 »

الف مبروك الوصول وبارك اللة فيك لمشاعرك الطيبة تجاهنا واللًة يصبرنا ويخلصنا

UN · « **رد #3562 في:** 21:59 03/10/2013 »

اخوانا الغالين جماعت سوريا شنو سكتة شكوووو ماكوووو

um shaheen · « **رد #3563 في:** 08:35 05/10/2013 »

الى جميع الاخوه والاخوات بسوريا الصامده
ربي ألهي يصبركم ويفرجها عليكم بالقريب العاجل لا تيأسوا من رحمة الله فأن الفرج قريب ان شاء الله
رحمتك ربي الفرج بالقريب العاجل بأذن الله
تحياتي
اختكم ام شاهين

ام عبدالله كندا · « **رد #3564 في:** 23:12 05/10/2013 »

السلام عليكم

اخوتي وخواتي الاعزاء

انشاء الله نسمع الخبار الطيبه عليكم

لان كانت صفحتنه المفضله واتمنا ان

تبقى الكم لان بيه نعرف اوضاعكم

واخبارك يارب افرج على كل مهموم

اختكم \ام عبدالله كندا

العجيلي33 · « **رد #3565 في:** 07:43 06/10/2013 »

مقتبس من: um shaheen في 08:35 05/10/2013

الى جميع الاخوه والاخوات بسوريا الصامده
ربي ألهي يصبركم ويفرجها عليكم بالقريب العاجل لا تيأسوا من رحمة الله فأن الفرج قريب ان شاء الله
رحمتك ربي الفرج بالقريب العاجل بأذن الله
تحياتي
اختكم ام شاهين

اهلا اختي ام شاهين ويارب يتحقق دعائج ويكون الفرج قريب ولو ياسنا منه بس هم انكول الله كريم

ankawa_2010 · « **رد #3566 في:** 03:10 10/10/2013 »

خواتي واخواني الاعزاء
مشتاق اسمع اخباركم واتمنى ان اسمع اخبار حلوة عنكم لاني عانيت 7 سنوات واحس بالاحساس الي دتحسون بيها بس الاتكال على الله احسن حل للصبر ارجو منكم دائما ان تشكرو الله على اي شيء
ارجوكم اكتبو كل جديد
سلامي وقبلاتي وامنياتي لكم جميعا

shatha sh · « **رد #3567 في:** 15:41 10/10/2013 »

مقتبس من: ankawa_2010 في 03:10 10/10/2013

خواتي واخواني الاعزاء
مشتاق اسمع اخباركم واتمنى ان اسمع اخبار حلوة عنكم لاني عانيت 7 سنوات واحس بالاحساس الي دتحسون بيها بس الاتكال على الله احسن حل للصبر ارجو منكم دائما ان تشكرو الله على اي شيء
ارجوكم اكتبو كل جديد
سلامي وقبلاتي وامنياتي لكم جميعا

السلام عليكم
اخي نحن جماعة الكارت الاخضر فقدنا كل امل مع الاسف واخونا الشائع اختفت اخبار صفحته ومتمسكين برحمة رب العالمين ان الله لا يذل مؤمناً ان شاء الله واي جديد ماكو وصبرنا نفذ
مع الشكر لصفحاتكم انا من متابعيها دائما ان شاء الله

ankawa_2010 · « **رد #3568 في:** 05:20 11/10/2013 »

ببالغ الحزن تلقيت خبر استشهاد وجرح الكثير من اهالي جرمانا جراء قصف بالهاونات
الرحمة للشهداء والشفاء العاجل للجرحى
صلاتي ودعواتي لله ان يفرجها على كل العراقيين المهاجرين والصابرين وخصوصا جماعة سورية
لانهم عانو الكثير ورحمة الله كبيرة والفرج يكون بلحظة بعونه تعالى

ام عبدالله كندا · « **رد #3569 في:** 05:45 11/10/2013 »

السلام عليكم

اللهم ارحم كل شهيد والله ايصبر اهلهم وداخلهم جنتك يارب ياسميع ياعليم

ويارب ارحم من في الارض وكل مضايق وفتح ابواب الفرج الهم يارب

محمد الفاتح · « **رد #3570 في:** 11:06 11/10/2013 »

انا لله وانا اليه راجعون ....اللهم ارحم الشهداء وشافي المرضى اللهم امين

محمد الفاتح · « **رد #3571 في:** 11:08 11/10/2013 »

موعد سفر جديد وهو 6/11 ....وراحوا قدمو الجوازات والصور قبل اربعة ايام اللهم انا نسالك الفرج الفرج ..امين يارب

ام راما · « **رد #3572 في:** 11:53 11/10/2013 »

الرحمه للشهداء والشفاء للجرحى
يارب الطف بينا وارحمنا اجمعين
اختكم ام راما

ابومريم البغدادي · « **رد #3573 في:** 15:32 11/10/2013 »

السلام عليكم اخوتي الغاليين
الرحمة لشهدائنا الابرار ودعئنا للجرحى بالشفاء العاجل ان شاء الله ودعائونا لجماعة سوريا بالخلاص من هذا الوضع السئ
سلامنا الى جميع الاعضاء الغاليين
اخوكم ابومريم البغدادي
وستر /ماسوشستس

AUS2013 · « **رد #3574 في:** 17:26 11/10/2013 »

حسبنا الله ونعم الوكيل
يارب سترك وحفظك يا الله
اللهم ارحم وتقبل الشهداء
وشافي الجرحى

برحمتك نستغيث يارب العالمين

shatha sh · « **رد #3575 في:** 18:06 11/10/2013 »

مقتبس من: ankawa_2010 في 05:20 11/10/2013

ببالغ الحزن تلقيت خبر استشهاد وجرح الكثير من اهالي جرمانا جراء قصف بالهاونات
الرحمة للشهداء والشفاء العاجل للجرحى
صلاتي ودعواتي لله ان يفرجها على كل العراقيين المهاجرين والصابرين وخصوصا جماعة سورية
لانهم عانو الكثير ورحمة الله كبيرة والفرج يكون بلحظة بعونه تعالى

لاحول ولا قوة الا بالله العلى العظيم
اللهم ارحمهم برحمتك الواسعه وربي يفرجها على كل مهموم مضلوم

ابو سلسبيل · « **رد #3576 في:** 20:32 13/10/2013 »

حسبي الله ونعم الوكيل الله يحفظكم ويرعاكم اخوكم ابو سلسبيل من سوريا

ankawa_2010 · « **رد #3577 في:** 00:25 17/10/2013 »

كل عام والجميع بالف خير
وانشا الله الفرج للجميع والله يبعدكم من كل مكروه

ام عبدالله كندا · « **رد #3578 في:** 05:40 17/10/2013 »

كل عام وانتم بخيروانشاء الله يحميكم ونسمع كل الاخبار حلوه منكم

um shaheen · « **رد #3579 في:** 08:25 17/10/2013 »

كل عام وانتم بالف الف خير ويارب ينعاد عليكم بالصحه والاستقرار الدائم
ربي يرحم الشهداء ويشافي الجرحى ويحفظ الصامدين
يارب الفرج بالقريب العاجل بأذن الله
تحياتي
اختكم ام شاهين

العجيلي33 · « **رد #3580 في:** 08:48 17/10/2013 »

اهلا اختي ام شاهين وانت بالف خير وينعاد عيكم بالصحه والسلامه وتحقيق الاماني
وادعولنا تفرج علينا لان البارحه الهاونات الي بلقريات جانت بحارتنا والجهال تبجي من الخوف والله سترنا وكانت صدك مرعبه لان واحد بعد الثاني ومنكول غير الله الحافظ وتفرج على الجميع

ام نجم · « **رد #3581 في:** 17:44 17/10/2013 »

كل عام والجميع بالف خير ...

عيني احسن الواحد يضل بيته لايطلع ولا يعرض نفسه للخطر

قطر عبد الرحيم · « **رد #3582 في:** 20:06 19/10/2013 »

اللهم يحفظكم كن كل مكروة يسعدكم و يفرح كلوبكم واللهم السلام و الاطمئنان عليكم

اخوكم ابو قطر\كندا

ام عبدالله كندا · « **رد #3583 في:** 21:06 19/10/2013 »

مقتبس من: العجيلي33 في 08:48 17/10/2013

اهلا اختي ام شاهين وانت بالف خير وينعاد عيكم بالصحه والسلامه وتحقيق الاماني
وادعولنا تفرج علينا لان البارحه الهاونات الي بلقريات جانت بحارتنا والجهال تبجي من الخوف والله سترنا وكانت صدك مرعبه لان واحد بعد الثاني ومنكول غير الله الحافظ وتفرج على الجميع

السلام عليكم

الله يسمع دعاء كل مضلوم يارب وفرج همهم يارب وسعد كلوبهم

امنة الله ورسوله عليكم كل اهل سوريا

um shaheen · « **رد #3584 في:** 07:14 21/10/2013 »

مقتبس من: العجيلي33 في 08:48 17/10/2013

اهلا اختي ام شاهين وانت بالف خير وينعاد عيكم بالصحه والسلامه وتحقيق الاماني
وادعولنا تفرج علينا لان البارحه الهاونات الي بلقريات جانت بحارتنا والجهال تبجي من الخوف والله سترنا وكانت صدك مرعبه لان واحد بعد الثاني ومنكول غير الله الحافظ وتفرج على الجميع

اختي العزيزه العجيلي الف الحمد لله على سلامتكم محفوظين بأسم الرحمن
يارب تكونون بخير يا أختي والله الاخبار توصلني وما اعرف شسوي الله يعينكم ويصبركم
يارب ميضيع تعبكم والله صبرتوا هوايه
الله يحفظكم ويحفظ اطفالكم من كل سوء ( حاولوا تكونون حذرين وبقدر الامكان قللوا طلعاتكم يعني حتى المسواك للضروريات)
يارب الفرج بالقريب العاجل بأذن الله تبشروني بالخير يارب
تحياتي
اختج ام شاهين

العجيلي33 · « **رد #3585 في:** 22:07 21/10/2013 »

اهلا اختي ام شاهين ومشكوره على دعائج النا.....والله يا اختي الواحد لو شكد ميقلل طلعاته بس الاولاد عدهم مدارس بعني لازم يوميا ايداومون النا الله هو الحافظ وهو الساتر

محمد الفاتح · « **رد #3586 في:** 20:47 22/10/2013 »

اليوم اتصلوا على مجموعه غير قليله من العوائل المنتضرين الوفد والي مقابلين مقابله اولى في كفرسوسه وحددولهم مواعيد مقابله والله يسهل للجميع ...وعائله كانت منتضره الوفد الاسترالي تم الاتصال اليوم عليهم وعطوهم موعد جديد وتغير الوفد على وفد ثاني والله يسر للجميع ....الواضح بالموضوع صار تحرك لا نقول قوي لكن جيد والله كريم

محمد الفاتح · « **رد #3587 في:** 20:10 23/10/2013 »

السلام عليكم ..موعد سفر جديد 11/11 يارب عجل الفرج

AUS2013 · « **رد #3588 في:** 00:59 24/10/2013 »

مقتبس من: محمد الفاتح في 20:10 23/10/2013

السلام عليكم ..موعد سفر جديد 11/11 يارب عجل الفرج

يا الله يا الله

ام نجم · « **رد #3589 في:** 17:39 24/10/2013 »

السلام عليكم
اخوان بلا زحمة المواعيد الي دينطوهة لجماعة امريكا لو غير دول
الله يسهل للجميع

محمد الفاتح · « **رد #3590 في:** 19:45 24/10/2013 »

اليوم استلموا مجموعه من العوائل خط الرحله من بيروت الى دبي الى امريكا والله يسهل للجميع وتاريخ الرحله 6/11

um shaheen · « **رد #3591 في:** 07:29 25/10/2013 »

مقتبس من: محمد الفاتح في 19:45 24/10/2013

اليوم استلموا مجموعه من العوائل خط الرحله من بيروت الى دبي الى امريكا والله يسهل للجميع وتاريخ الرحله 6/11

عاشت ايدك اخونه العزيز
يارب الفرج بالقريب العاجل لكل الصامديين
سلامي للكل ويارب يفرجها عليكم
تحياتي
اختكم ام شاهين

الاصيل1 · « **رد #3592 في:** 06:18 27/10/2013 »

تحية طيبة

اللهم احفظ كل العراقيين في سوريا ويسر امورهم يارب
يارب يارب

اختي العزيزة ام شاهين بعثت لك رسالة على الخاص منذ فترة
ارجو الرد

سلامي لكل المنتظرين اصبرو فان الصبر قبل الصلاة واعضم درجة

استعينوا بالصبر و الصلاة

ابو مريم

um shaheen · « **رد #3593 في:** 06:37 29/10/2013 »

اخي العزيز ابو مريم
لم تصلني منك اي رساله على الخاص تعرفني ما اقصر
بس عرفت من اصدقاء انك تريد تلفوني والي اعرفه انك حصلته
يارب تكون بالف خير
تحياتي
اختك ام شاهين

jabar55 · « **رد #3594 في:** 03:39 04/11/2013 »

السلام عليكم
اتمنى من الاخوان المواصله ونشر الاخبار على صفحتنه اشو ماكو اي جديد لا سفر لا اكتمال امنيه شنو سوريا مابيها سفر وخاصه جماعة 2010 معقوله بقينه بس احنه

وشكرا الكم

ام نجم · « **رد #3595 في:** 22:57 04/11/2013 »

السلام عليكم
نعم نرجو التواصل واحب اطمئن الاخ انه نحن ايضا جماعة 2010 شهر 8 مقابله وفد
نرجو من كل الي ويانه وينتضرون السفر والفيزة التواصل لفائدة الجميع

shatha sh · « **رد #3596 في:** 12:20 05/11/2013 »

مقتبس من: ام نجم في 22:57 04/11/2013

السلام عليكم
نعم نرجو التواصل واحب اطمئن الاخ انه نحن ايضا جماعة 2010 شهر 8 مقابله وفد
نرجو من كل الي ويانه وينتضرون السفر والفيزة التواصل لفائدة الجميع

السلام عليكم جميعا
كل عام و الجميع بخير ان شاء الله ويارب الفرج على كل مهموم
اذا ممكن احد يساعدني بمعلومات حول كيفية نقل الملف من سوريا لبد اخر من اجل تكملة المعامله علما نحن جماعة الكارت الاخضر.
نصيحتكم اخواني "مع الشكر الجزيل مقدما"

محمد الفاتح · « **رد #3597 في:** 20:54 05/11/2013 »

السلام عليكم ...مثل ماذكرت سابقا انو غدا اكو رحله 6/11 وانشاء الله السفر للجميع ولكل المنتضرين ....واني هم من جماعة 2010 الشهر 8 والله كريم

كاردينيا امريكا · « **رد #3598 في:** 06:08 06/11/2013 »

السلام عليكم ورحمة الله وبركاته

اني هم من جماعة 2010 شهر الخامس والفحص الطبي اكسباير

ولحد هسه لا حس ولا خبر الله يفرج على كل المنتظرين يارب

jabar55 · « **رد #3599 في:** 23:11 06/11/2013 »

السلام عليكم
يعني صدك شي غريب ليش جماعة 2010 هيج مسوين بينه واحنه هم الفحص فعال مو مكتمل بلموقع بس
شنو سبب بجماعة 2010 هلتاخير الله واعلم $:-\$ $:-\$
هو اصلا بسوريا ظلينه اقل من 50 ملف مو اكثر واتمنى من كل الاخوان التواصل

العجيلي33 · « **رد #3600 في:** 17:59 07/11/2013 »

عيني جماعه 2010 اصبروا جايكم الدور ان شالله لان مابقه غير القليل حسب اعتقادي لان كل الي دنشوف من الي بقوا اكثرهم اصحاب الكارت الاخضر يعني الي امقابلين الوفد ديمشوهم وديسافرون فان شالله الدور واصلكم ومابقالكم شي لان السفر مستمر

AUS2013 · « **رد #3601 في:** 19:18 07/11/2013 »

مقتبس من: العجيلي33 في 17:59 07/11/2013

عيني جماعه 2010 اصبروا جايكم الدور ان شالله لان مابقه غير القليل حسب اعتقادي لان كل الي دنشوف من الي بقوا اكثرهم اصحاب الكارت الاخضر يعني الي امقابلين الوفد ديمشوهم وديسافرون فان شالله الدور واصلكم ومابقالكم شي لان السفر مستمر

الله يسمع منكم يارب

بالتوفيق للجميع ان شاء الله

ابو مودي · « **رد #3602 في:** 21:45 07/11/2013 »

الله بسهل عليكم ويعجل بسفركم
http://www.ankawa.com/forum/index.php/topic,709136.0.html

alnassry · « **رد #3603 في:** 22:57 07/11/2013 »

مقتبس من: jabar55 في 23:11 06/11/2013

مساء الخير اخي العزيز
انت عملت الفحص الطبي ام لحد الآن لم تعمله .. واذا عملته فمتى عملته بالضبط
لأني انا عملت اعادة فحص يوم 8-10 ولحد الآن هو فعال بالموقع ايضا
مع كل التوفيق لك وللجميع

السلام عليكم
يعني صدك شي غريب ليش جماعة 2010 هيج مسوين بينه واحنه هم الفحص فعال مو مكتمل بلموقع بس
شنو سبب بجماعة 2010 هلتاخير الله واعلم $:-\$ $:-\$
هو اصلا بسوريا ظلينه اقل من 50 ملف مو اكثر واتمنى من كل الاخوان التواصل

jabar55 · « **رد #3604 في:** 23:28 07/11/2013 »

اخي العزيز اني مستحق فحص من شهر ال1 بهاي السنه ولحد الان مافحصت ماعرف شنو المشكله والله كريم

um shaheen · « **رد #3605 في:** 08:44 08/11/2013 »

ربي ألهي يعجل بسفر كل الصامدين الصابرين ويفرجها عليكم مثل مفرجت علينه يارب
اختكم ام شاهين

slam hawk · « **رد #3606 في:** 12:20 08/11/2013 »

اخواني واخواتي الي انتم حاليا عايشين بسوريا اود ان اقول لكم الله ينصركم ويحميكم ويحفظكم ويرحمنا ويرحمكم

AUS2013 · « **رد #3607 في:** 16:48 08/11/2013 »

مقتبس من: slam hawk في 12:20 08/11/2013

اخواني واخواتي الي انتم حاليا عايشين بسوريا اود ان اقول لكم الله ينصركم ويحميكم ويحفظكم ويرحمنا ويرحمكم

الله يبارك بيك اخي العزيز سلام هووك
يارب يتقبل دعاءك الصادق

حسين الجبوري · « **رد #3608 في:** 04:57 09/11/2013 »

بسم الله الرحمن الرحيم
الاخوان الاعزاء سلام خاص الى هذا المنتدى من الاخ العزيز ابو ليث عين كاوه 2010 صاحب هذا الكروب لكل الاعضاء والادارين فيه

العجيلي33 · « **رد #3609 في:** 06:27 09/11/2013 »

مقتبس من: حسين الجبوري في 04:57 09/11/2013

بسم الله الرحمن الرحيم
الاخوان الاعزاء سلام خاص الى هذا المنتدى من الاخ العزيز ابو ليث عين كاوه 2010 صاحب هذا الكروب لكل الاعضاء والادارين فيه

اوعليكم السلام ورحمه الله وبركاته ولله ايسلمك اخي ابو ديمه ويسلم الاخ ابو ليث

AUS2013 · « **رد #3610 في:** 21:55 09/11/2013 »

وعليكم السلام ورحمة الله

ام نجم · « **رد #3611 في:** 23:52 09/11/2013 »

السلام عليكم والله اخوان ان شاء الله بعد هذا الصبر فرج قريب
احنه الفحص صارله سنة وشهرين فعال ومحد اتصل بينه مع العلم فاحصين مرتين وكلما نسألهم يكلولنه ماعدكم فحص شنو السالفة محد يعرف
الله اعلم
2010

jabar55 · « **رد #3612 في:** 02:04 10/11/2013 »

مقتبس من: ام نجم في 23:52 09/11/2013

السلام عليكم والله اخوان ان شاء الله بعد هذا الصبر فرج قريب
احنه الفحص صارله سنة وشهرين فعال ومحد اتصل بينه مع العلم فاحصين مرتين وكلما نسألهم يكلولنه ماعدكم فحص شنو السالفة محد يعرف
الله اعلم
2010

والله احنه نفس حالتكم بلضبط فاحصين مرتين وصار سنه وشهرين ننتضر فحص وهم الله كريم

AUS2013 · « **رد #3613 في:** 22:33 10/11/2013 »

مقتبس من: jabar55 في 02:04 10/11/2013

مقتبس من: ام نجم في 23:52 09/11/2013
السلام عليكم والله اخوان ان شاء الله بعد هذا الصبر فرج قريب
احنه الفحص صارله سنة وشهرين فعال ومحد اتصل بينه مع العلم فاحصين مرتين وكلما نسألهم يكلولنه ماعدكم فحص شنو السالفة محد يعرف
الله اعلم
2010

والله احنه نفس حالتكم بلضبط فاحصين مرتين وصار سنه وشهرين ننتضر فحص وهم الله كريم

احنا مقابلين وفد 5\2010 وفاحصين 3 مرات
وبانتظار الفحص الرابع منذ 4 شهور!!!

وتحياتي

jabar55 · « **رد #3614 في:** 23:30 13/11/2013 »

ضوووووووجه والدنيا عووووووووجه
والله يصبرنه

ankawa_2010 · « **رد #3615 في:** 18:39 18/11/2013 »

السلام عليكم جميعا خواتي واخواني الغالين اقدملكم اعتذاري لعدم تواصلي معكم لانني لحد هذا اليوم لم استقر ازال عند الكفيل ولا يوجد لدي انترنيت وبعون الله خلال الاسبوعين المقبلين سوف انتقل لسكني وسوف احصل على انترنيت واتواصل معكم واكون خادم للجميع ولاي استفسار واي خدمة الله يحميكم من كل مكروه ويحقق امنياتكم

محمد الفاتح · « **رد #3616 في:** 20:38 20/11/2013 »

موعد رحله جديد 24/11 وموعد ثاني هو 12 /12 والفرج العاجل لكل المنتضرين امين يارب

ankawa_2010 · « **رد #3617 في:** 01:02 25/11/2013 »

كاردينيا امريكا · « **رد #3618 في:** 22:46 30/11/2013 »

السلام عليكم
يمعودين شنو الموضوع
ماكو احد خلصت امنيته او تحديد موعد سفر او تسليم صور وجوازات بس طمنونا بأي شي

ankawa_2010 · « **رد #3619 في:** 20:00 06/12/2013 »

السلام عليكم جميعا
خواتي واخواني الطيبين والصامدين
اليوم اني طلعت من يم كفيلي وسكنت بلشقة مالتي بعد اكثر من شهرين من وصولي وصار عندي انترنيت واكدر اتابع هذا المنتدى الرائع طبعا راح اكتبلكم عن بعض المور الي حدثت معي عسى ان تستفادون واني بالخدمة عن اي استفسار
1 / بالنسبة مبلغ الولكم احنى عائلة 4 نفرات استلمنى 3700 $ بس على شكل 3 دفعات
2 / مبلغ الكاش نستلم 1000 $ بالشهر مقسم لوجبتين كل 15 يوم 500 $ وبالتفصيل اني وزوجتي ينطولنى 400 $ وابني 300 $ وبنتي 300 $
3 / الفود ستامب ديصرفولنى للعائلة كلها 400 $ تصرف للمواد الغذائية فقط بس اني دا احس هذا الرقم قليل راح اراجع واطلب زيادة المبلغ وراح اكتبلكم اذا صار تغيير
4 / طبعا احنى بولاية مشكن الي ما عندة سيارة كلشي ما يكدر يسوي ولا يكدر يشتغل لان المواصلات تقريبا معدومة
هسة نجي للمهم ارجوكم جماعة سورية ان تكتبون كل الي ديصير وياكم حتة واحدد يفيد الثاني مثل قبل هواية فادو واستفادو من خلال هاي الصفحة وبدون ذكر اسماء
وان شا الله اكون قد فدت قسم منكم وبالخدمة لاي استفسار والله يحفظكم جميعا

shatha sh · « **رد #3620 في:** 23:24 06/12/2013 »

مقتبس من: ankawa_2010 في 20:00 06/12/2013

السلام عليكم جميعا
خواتي واخواني الطيبين والصامدين
اليوم اني طلعت من يم كفيلي وسكنت بلشقة مالتي بعد اكثر من شهرين من وصولي وصار عندي انترنيت واكدر اتابع هذا المنتدى الرائع طبعا راح اكتبلكم عن بعض المور الي حدثت معي عسى ان تستفادون واني بالخدمة عن اي استفسار
1 / بالنسبة مبلغ الولكم احنى عائلة 4 نفرات استلمنى 3700 $ بس على شكل 3 دفعات
2 / مبلغ الكاش نستلم 1000 $ بالشهر مقسم لوجبتين كل 15 يوم 500 $ وبالتفصيل اني وزوجتي ينطولنى 400 $ وابني 300 $ وبنتي 300 $
3 / الفود ستامب ديصرفولنى للعائلة كلها 400 $ تصرف للمواد الغذائية فقط بس اني دا احس هذا الرقم قليل راح اراجع واطلب زيادة المبلغ وراح اكتبلكم اذا صار تغيير
4 / طبعا احنى بولاية مشكن الي ما عندة سيارة كلشي ما يكدر يسوي ولا يكدر يشتغل لان المواصلات تقريبا معدومة
هسة نجي للمهم ارجوكم جماعة سورية ان تكتبون كل الي ديصير وياكم حتة واحدد يفيد الثاني مثل قبل هواية فادو واستفادو من خلال هاي الصفحة وبدون ذكر اسماء
وان شا الله اكون قد فدت قسم منكم وبالخدمة لاي استفسار والله يحفظكم جميعا

الحمد لله على سلامتك اخي العزيز وان شاءا لله موفقين يارب
نحن جماعة سوريا منسيين من 3 سنوات كل تقدم ماكو خصوصا جماعة الكارت الاخضر والوضع ابد مو مريح والله يستر على كل العراقيين الي موجودين في سوريا واهل سوريا
تحياتي

كاردينيا امريكا · « **رد #3621 في:** 03:53 07/12/2013 »

مقتبس من: ankawa_2010 في 20:00 06/12/2013

السلام عليكم جميعا
خواتي واخواني الطيبين والصامدين
اليوم اني طلعت من يم كفيلي وسكنت بلشقة مالتي بعد اكثر من شهرين من وصولي وصار عندي انترنيت واكدر اتابع هذا المنتدى الرائع طبعا راح اكتبلكم عن بعض المور الي حدثت معي عسى ان تستفادون واني بالخدمة عن اي استفسار
1 / بالنسبة مبلغ الولكم احنى عائلة 4 نفرات استلمنى 3700 $ بس على شكل 3 دفعات
2 / مبلغ الكاش نستلم 1000 $ بالشهر مقسم لوجبتين كل 15 يوم 500 $ وبالتفصيل اني وزوجتي ينطولنى 400 $ وابني 300 $ وبنتي 300 $
3 / الفود ستامب ديصرفولنى للعائلة كلها 400 $ تصرف للمواد الغذائية فقط بس اني دا احس هذا الرقم قليل راح اراجع واطلب زيادة المبلغ وراح اكتبلكم اذا صار تغيير
4 / طبعا احنى بولاية مشكن الي ما عندة سيارة كلشي ما يكدر يسوي ولا يكدر يشتغل لان المواصلات تقريبا معدومة
هسة نجي للمهم ارجوكم جماعة سورية ان تكتبون كل الي ديصير وياكم حتة واحدد يفيد الثاني مثل قبل هواية فادو واستفادو من خلال هاي الصفحة وبدون ذكر اسماء
وان شا الله اكون قد فدت قسم منكم وبالخدمة لاي استفسار والله يحفظكم جميعا

الله سهلك يارب ويسهل امور الجميع
ياريت لو يسمعون نصيحتك ويكتبون اشو من نمشي بالشارع الناس كلها تكول سفر ماشي ومستمر بكثرة من نجي نفتح المنتدى محد كاتب شي
الله يسهل ويخلص الجميع من هاي المحنه

ام نجم · « **رد #3622 في:** 23:50 07/12/2013 »

الله يسهل للجميع
اخوان ماكو خبر منا منا على السفر ؟؟؟؟ صار هواية مسامعين بمواعيد لجماعة سوريا ...رجاءا اليعرف ليبخل علينه

ankawa_2010 · « **رد #3623 في:** 18:40 10/12/2013 »

مقتبس من: KING USA في 22:37 08/12/2013

اكو مواعيد بس الناس مدا تحجي تغلس يخافون من العين

اتمنى الناس تكتب كل جديد حتى يستفاد غيرهم

ankawa_2010 · « **رد #3624 في:** 02:18 18/12/2013 »

اعزائي اتمنالكم الخير للجميع
ارجوكم انقلو كل اخباركم بهاي الصفحة عن كل شيء يخص اللاجئين العراقيين بسورية حتى الكل يعرف الاخبار
وشكرا

العجيلي33 · « **رد #3625 في:** 15:02 18/12/2013 »

مقتبس من: ankawa_2010 في 02:18 18/12/2013

اعزائي اتمنالكم الخير للجميع
ارجوكم انقلو كل اخباركم بهاي الصفحة عن كل شيء يخص اللاجئين العراقيين بسورية حتى الكل يعرف الاخبار
وشكرا

السلام عليكم واهلا اخ ankawa_2010 والله يا اخي اخبار جديده بلنسبه لجماعه سوريه ماكو لان الاخوه الي جانت الاخبار عدهم ماكو اختفوا ااعتقد سافروا كلهم وبقه اكثر واحد عنده اخبار هو الاخ ابوديمه وهسه ايضا هو اختفه ايكولون سافر واما احنا جماعه الكارت الاخضر فايظا جماعهتنا مالهم لا حس ولا خبر

تعبان وماعرف · « **رد #3626 في:** 21:55 18/12/2013 »

السلام عليكم
ربي يسر امر الجميع وسافر موعد سفر بتاريخ 8-1-2014 الى امريكا من سوريا نزل عدهم بل موقع البارحه مع العلم لحد هاي الحظه متصلوبيهم على الفيزه مجرد سلمو صور بتاريخ 4-12 ونشاء الله السنه الجايه سنة خير على كل العراقين امين

um shaheen · « **رد #3627 في:** 09:41 19/12/2013 »

مقتبس من: تعبان وماعرف في 21:55 18/12/2013

السلام عليكم
ربي يسر امر الجميع وسافر موعد سفر بتاريخ 8-1-2014 الى امريكا من سوريا نزل عدهم بل موقع البارحه مع العلم لحد هاي الحظه متصلوبيهم على الفيزه مجرد سلمو صور بتاريخ 4-12 ونشاء الله السنه الجايه سنة خير على كل العراقين امين

بارك الله بيك اخونه العزيز ويارب طريق السلامه بأذن الله
ربي ألهي الفرج عن كل الصامدين بالقريب العاجل انك سميع مجيب
تحياتي
اختكم ام شاهين

ابو سلسبيل · « **رد #3628 في:** 10:50 19/12/2013 »

الله يحفظ الجميع وان شاء الله السفر القريب للجميع اخوكم ابو سلسبيل من سوريا

العجيلي33 · « **رد #3629 في:** 12:31 19/12/2013 »

السلام عليكم جميعا واريد اعرف شخبار الغذائيه شوكت تنزل لان كالوا 15 بلشهر وماكو ...اكو احد راح فعل وكالوله شوكت تنزل وشكد للشخص ؟

Dark...Angel · « **رد #3630 في:** 14:25 19/12/2013 »

مرحبا اخوان اشلونكم ان شاء الله بخير الاوضاع اشلونه يمكم
حبيت بس اخبركم انو في وجبة سافرت البارحة الى امريكا
وان شاء الله يوصلون بلسلامة تمنياتي لكم بلسفر العاجل والله يصبركم

تحياتي

كاردينيا امريكا · « **رد #3631 في:** 16:57 25/12/2013 »

بالخير عليهم ان شاء الله
ويوم للباقين واحنا منهم

sweet rainbow · « **رد #3632 في:** 10:03 26/12/2013 »

سالفة رومانيا شخبارهة ؟؟ بعد اكو شي اسمة رومانيا لو انلغة؟؟

UN · « **رد #3633 في:** 11:06 26/12/2013 »

واللة حبيبي ما مبين شي كلها صارت احلام والمنظمة نائمة ومغلي بن على الموضوع

um shaheen · « **رد #3634 في:** 11:25 26/12/2013 »

مقتبس من: sweet rainbow في 10:03 26/12/2013

سالفة رومانيا شخبارهة ؟؟ بعد اكو شي اسمة رومانيا لو انلغة؟؟

اخي العزيز
لديه اخبار ويارب تكون خير للجميع
توجد وجبه خروجها مقرر على رومانيا خلال شهر الواحد
ويارب الفرج لكل الصامديين
تحياتي
اختكم ام شاهين

العجيلي33 · « **رد #3635 في:** 17:38 26/12/2013 »

اهلا اختي ام شاهين وان شالله خبر رومانيا صحيح وتفرج علينا لان الامور دتسوء يوم بعد يوم وتعبنا هوايه من غير الخوف من كثير شغلات وبس انريد الله يستره علينا

زياد البنا · « **رد #3636 في:** 00:35 27/12/2013 »

توفي السيد بسام ابو رامي بتاريخ 24-12 اي بليلة عيد الكرسمس في منطقة سوق الهال اثر سقوط قذيفة بالقرب منه والشظايا اصابت صدره وفارق الحياة على اثرها فورا علما ان المغفور له كان من منتظري الفيزا لاميركا، اخواني العراقيين في سورية الرجاء توخوا الحذر حفاظا على حياتكم، نسال الله ان يحميكم من كل خطر.
زياد البنا

العجيلي33 · « **رد #3637 في:** 00:40 29/12/2013 »

الى رحمه الله والله ايصبر اهله ويارب استر علينا وعلى الجميع يارب

jabar55 · « **رد #3638 في:** 02:11 02/01/2014 »

والله ضوجه وملل
مومعقول كل ما افوت اريد خبر عن سوريا ماكو شنو هلمنتدى ياربي

AUS2013 · « **رد #3639 في:** 10:32 02/01/2014 »

مقتبس من: jabar55 في 02:11 02/01/2014

والله ضوجه وملل
مومعقول كل ما افوت اريد خبر عن سوريا ماكو شنو هلمنتدى ياربي

اي والله عزيزي

العجيلي33 · « **رد #3640 في:** 18:25 02/01/2014 »

المشكله اخبار جديده ماكو حتى الواحد يكتبه ....والاخوه الي جانو ايجيبون الاخبار سافروا الله سهل عليهم وان شالله يوم الي النا الله ايفرجه علينا ونسافر لان الحاله الي يمنا متتسولف يارب فرجه على كل مظلوم

jabar55 · « **رد #3641 في:** 19:14 02/01/2014 »

السلام عليكم
الله كريم الله يفرجها علينه يارب العالمين اني المشكله من 2010 وهسه نسينه الامنيه كمنه نفكر بلفحص الطبي صارلي سنه بلضبط المفروض افحص الفحص الرابع ولسه اني فاحص بس مرتين وبلموقع بس فعال وكلما اخابرهم يكولون متحتاجون ادري شوكت لعد نحتاج والله ماعرف هذوله شنو فلمهم بس نكول الله كريم

AUS2013 · « **رد #3642 في:** 21:11 02/01/2014 »

مقتبس من: jabar55 في 19:14 02/01/2014

السلام عليكم
الله كريم الله يفرجها علينه يارب العالمين اني المشكله من 2010 وهسه نسينه الامنيه كمنه نفكر بلفحص الطبي صارلي سنه بلضبط المفروض افحص الفحص الرابع ولسه اني فاحص بس مرتين وبلموقع بس فعال وكلما اخابرهم يكولون متحتاجون ادري شوكت لعد نحتاج والله ماعرف هذوله شنو فلمهم بس نكول الله كريم

احنا نفس حالتك على الفحص الطبي الرابع
لكنه فعال من شهر 6
يعني عبر الـ 6 شهور

وهمين من 2010 وبانتظار الامنية

والله كريم

ابو سهم · « **رد #3643 في:** 23:29 02/01/2014 »

اخواني الاعزاء السفر شغال على قدم وساق اكو طيران يوم 6 و 8 و 12 بهاذ الشهر وشكرا ارجو ان تكون هذه الاخبار سارة للجميع اخوكم ابو سهم من مول جرمانا

ام راما · « **رد #3644 في:** 23:56 02/01/2014 »

[ author=ابو سهم link==572469.msg6178385#msg6178385 date=1388701776]
اخواني الاعزاء السفر شغال على قدم وساق اكو طيران يوم 6 و 8 و 12 بهاذ الشهر وشكرا ارجو ان تكون هذه الاخبار سارة للجميع اخوكم ابو سهم من مول جرمانا
[/quote]

بارك الله بيك اخويا ابو سهم
واخيرا سمعنا خبر من جماعة سوريه
ان شاء الله السفر للجميع
اختكم ام راما

سبيس · « **رد #3645 في:** 00:11 03/01/2014 »

[ author=زياد البنا link=topic=572469.msg6174960#msg6174960 =1388100914]
توفي السيد بسام ابو رامي بتاريخ 24-12 اي بليلة عيد الكرسمس في منطقة سوق الهال اثر سقوط قذيفة بالقرب منه والشظايا اصابت صدره وفارق الحياة على اثرها فورا علما ان المغفور له كان من منتظري الفيزا لاميركا، اخواني العراقيين في سورية الرجاء توخوا الحذر حفاظا على حياتكم، نسال الله ان يحميكم من كل خطر.
زياد البنا
[/quote]

لاحول ولا قوة الا بالله

اعزي اهل المغفور ونسأل من الله ان يدخله فسيح جناته امين يارب العالمين

ولاهله الصبر

ابو الوليد

ankawa_2010 · « **رد #3646 في:** 03:46 03/01/2014 »

مقتبس من: ام راما في 23:56 02/01/2014

[ author=ابو سهم link==572469.msg6178385#msg6178385 date=1388701776]
اخواني الاعزاء السفر شغال على قدم وساق اكو طيران يوم 6 و 8 و 12 بهاذ الشهر وشكرا ارجو ان تكون هذه الاخبار سارة للجميع اخوكم ابو سهم من مول جرمانا

بارك الله بيك اخويا ابو سهم
واخيرا سمعنا خبر من جماعة سوريه
ان شاء الله السفر للجميع
اختكم ام راما
[/quote]
الله يبشرك بالخير اختي ام راما شكرا على نقل الاخبار الحلوة انشا الله السفر للجميع

sweet rainbow · « **رد #3647 في:** 10:07 03/01/2014 »

فلوس المازوت شخبارهة ؟؟ شوكت تنزل؟

لارا لولو · « **رد #3648 في:** 14:46 03/01/2014 »

مساء الخير كروب سوريا
عندي سؤال يا ريت تجاوبوني علية لان مو فاهمة السالفة

الي مقابل مقابلة اولى وعندة ورقة الاعتراف بصفة اللجوء يعني مقبول بي كلاجىء هل هذا يعني انة ملفة واصل لل iom وا لا ؟؟

تمنياتي لكم بالسفر العاجل يااااارب

jabar55 · « **رد #3649 في:** 23:47 03/01/2014 »

مقتبس من: لارا لولو في 14:46 03/01/2014

مساء الخير كروب سوريا
عندي سؤال يا ريت تجاوبوني علية لان مو فاهمة السالفة

الي مقابل مقابلة اولى وعندة ورقة الاعتراف بصفة اللجوء يعني مقبول بي كلاجىء هل هذا يعني انة ملفة واصل لل iom وا لا ؟؟

تمنياتي لكم بالسفر العاجل يااااارب

السلام عليكم
اختي اني حسب ما اعرف لازم مقابله وفد ياله تتحولين لل iom يني عندج كارت اخضر ومقابله وفد مو بس مقابله اولى وبعد ماعرف الله واعلم اتمنى من اليعرف يجاوبج

AUS2013 · « **رد #3650 في:** 19:29 04/01/2014 »

مقتبس من: لارا لولو في 14:46 03/01/2014

مساء الخير كروب سوريا
عندي سؤال يا ريت تجاوبوني علية لان مو فاهمة السالفة

الي مقابل مقابلة اولى وعندة ورقة الاعتراف بصفة اللجوء يعني مقبول بي كلاجىء هل هذا يعني انة ملفة واصل لل iom وا لا ؟؟

تمنياتي لكم بالسفر العاجل يااااارب

لا اختي مو شرط
لازم اول شي اليو ان يتصل بيكم ويسويلكم مقابلة في قسم التوطين التابع الهم
ويسموها مقابلة التوطين
خلال المقابلة هذي يبلغوكم انه مثلا امريكا طلبت ملفك , توافقون؟
انتو رح تنطون رايكم بالموافقة من عدمها وتوقعون
اذا وافقتو ورا هذا رح يحولون ملفكم الى منظمة الهجرة الدولية وتنتظرون مقابلة اولى
بالمقابلة الاولى بمنظمة الهجرة رح ينطوكم الكارت الاخضر ومسجل بي رقم الكيس الخاص بيكم
وهذا الرقم يكون مختلف عن رقم ورقة الحماية الخاص باليو أن

طبعا بعدها يبلغوكم على مقابلة الوفد (وليس كما بين الاخ العزيز جبار)
وللاسف هذي المقابلة غير متوفرة الان في سوريا بسبب الاوضاع

بس عندكم احتمال السفر الى رومانيا وهناك يقابلوكم

هذا كله في حالة كانت دولة التوطين هي امريكا
اذا غير دول مثل كندا واستراليا
اعتقد مقابلات وفودهم اتم في نفس بناية اليو ان في كفر سوسة على شاشة الكومبيوتر كما اعلم

تحياتي وبالتوفيق للجميع ان شاء الله
حمى الله جميع اهالينا في سوريا

العجيلي33 · « **رد #3651 في:** 00:51 06/01/2014 »

الكارت لاخضر تحصل عليه قبل مقابله الوفد بعد متقابل بلهجره الدوليه وتسمى المقابله الاوليه وتحصل على الكارت الاخضر وراه تنتضر رحمت الله على مقابله الوفد وخصوصا اذا جانت لامريكا

sweet rainbow · « **رد #3652 في:** 10:22 09/01/2014 »

اخي العجيلي السلام عليكم
متعرف شخبار فلوس المازوت ؟؟ شوكت ينطوهة
وبالنسبة لشهر الواحد والثاني اكو تفعيل لو لا وشوكت اذا اكو
رحم الله والديك تكولنة الاخبار الي تسمعهة اني كلشي ماعرف وبالصدفة دا اعرف الاخبار
تحياتي الك

ankawa_2010 · « **رد #3653 في:** 02:16 18/01/2014 »

العجيلي33 · « **رد #3654 في:** 12:51 19/01/2014 »

مقتبس من: sweet rainbow في 10:22 09/01/2014

اخي العجيلي السلام عليكم
متعرف شخبار فلوس المازوت ؟؟ شوكت ينطوهة
وبالنسبة لشهر الواحد والثاني اكو تفعيل لو لا وشوكت اذا اكو
رحم الله والديك تكولنة الاخبار الي تسمعهة اني كلشي ماعرف وبالصدفة دا اعرف الاخبار
تحياتي الك
[/اهلا بيك اخي والله يا اخي ماكو خبر لا عن المازوت ولاعن الغذائيه ومنعرف اذا اكو تفعيل لو لا بس هم لحدالان مادزو رسائل التفعيل

حسين الجبوري · « **رد #3655 في:** 06:02 03/02/2015 »

يرفع لعيون الغالي ابو ليث المحترم

ankawa_2010 · « **رد #3656 في:** 02:19 04/02/2015 »

مقتبس من: حسين الجبوري في 06:02 03/02/2015

يرفع لعيون الغالي ابو ليث المحترم

انت الغالي يا ذهب والله مشتاق لجرمانا واني بخدمة كل جماعة سوريا وكل اعضاء المنتدى

العجيلي33 · « **رد #3657 في:** 22:19 04/02/2015 »

السلام عليكم جميعا وجنت اتمنى الكه اخبار جديده وتفرحنا بس جماعه سوريه مختفين

المنصوري · « **رد #3658 في:** 18:12 05/02/2015 »

لسلام عليكم
انا وعائلتي كنا في سوريا و لدينا توطين لامريكا(ننتظر الوفد) غادرنا سوريا بسبب الاوضاع هناك 2013 الى جورجيا وذهبنا الى iom في جورجيا لنقل ملفنا الى جورجيا وبعد ثلاث اشهر اتصلت بنا UN وليس iom وقابلنا وقالو لديكم توطين امريكا وكندا فايهما تختارون (تحول التوطين من امريكا الى كندا من سوريا) فأخترنا كندا وقالو لنا انتظروا وكنا دائما نتصل بهم ونستفسر وكانو جادين في عملهم واعطونا امل كبير وحتى انهم اكدو علينا ان لا نسافر الى العراق وبعد انتظار عام كامل اتصلو بنا قبل اسبوع وقالو لنا لديكم مقابله معنا ذهبنا وقالو لنا ان لدينا تعليمات لا يوجد توطين خارج جورجيا وفقط التوطين في جورجيا وانتم لا تختلفون عن العراقيين الموجودين هنا فقلت لهم اننا نختلف بان لدينا توطين فوصلنا الى طريق مسدود فقلت لهم سأغادر الى تركيا او سوريا فيا اخوان في سوريا اذا رجعت الى سوريا يعيدون التوطين وتتم المقابلة او اذهب الى تركيا ارجو النصيحة

ankawa_2010 · « **رد #3659 في:** 18:26 07/02/2015 »

مقتبس من: المنصوري في 18:12 05/02/2015

لسلام عليكم
انا وعائلتي كنا في سوريا و لدينا توطين لامريكا(ننتظر الوفد) غادرنا سوريا بسبب الاوضاع هناك 2013 الى جورجيا وذهبنا الى iom في جورجيا لنقل ملفنا الى جورجيا وبعد ثلاث اشهر اتصلت بنا UN وليس iom وقابلنا وقالو لديكم توطين امريكا وكندا فايهما تختارون (تحول التوطين من امريكا الى كندا من سوريا) فأخترنا كندا وقالو لنا انتظروا وكنا دائما نتصل بهم ونستفسر وكانو جادين في عملهم واعطونا امل كبير وحتى انهم اكدو علينا ان لا نسافر الى العراق وبعد انتظار عام كامل اتصلو بنا قبل اسبوع وقالو لنا لديكم مقابله معنا ذهبنا وقالو لنا ان لدينا تعليمات لا يوجد توطين خارج جورجيا وفقط التوطين في جورجيا وانتم لا تختلفون عن العراقيين الموجودين هنا فقلت لهم اننا نختلف بان لدينا توطين فوصلنا الى طريق مسدود فقلت لهم سأغادر الى تركيا او سوريا فيا اخوان في سوريا اذا رجعت الى سوريا يعيدون التوطين وتتم المقابلة او اذهب الى تركيا ارجو النصيحة

اخي الكريم اذا ذهبت الى تركيا سوف تنتظر اكثر من سنة اقل تقدير

المنصوري · « **رد #3660 في:** 20:42 07/02/2015 »

شكرا اخي على الرد والله احنه تعبنه كلش فكرت اذهب الى لبنان ماهو رايك وسوريا قريبه

ankawa_2010 · « **رد #3661 في:** 04:28 08/02/2015 »

مقتبس من: المنصوري في 20:42 07/02/2015

شكرا اخي على الرد والله احنه تعبنه كلش فكرت اذهب الى لبنان ماهو رايك وسوريا قريبه

الله يكون بعونك اخي الكريم انا بقيت بسوريا سبع سنوات واعرف كل المعانات مال يو ان بس اني اشوف لو تحاول كل الطرق وان تراسل اي او ام عمان او تتصل بيهم وتشرح حالتك واذا ما توصلت الى اي حل وقررت ترجع فان لبنان افضل من تركيا وانشا الله تفرج عليك وعلى كل العراقيين

الأخبار:

المحرر موضوع: كل ما يخص جماعة سورية (زيارة 297507 مرات)