كروب انتظار : محلفين شهر الـ 7 , 8 , 9 , 11 ..وفحص ودوره و سفر في .. مصر 2012

[mustafa ahmad]

السلام عليكم ورحمة الله وبركاتهُ
حبيت اسوي موضوع بالنسبه للاخوان الي منتظرين قدوم المحلفين في مصر
لان القسم بي هواي مواضيع
وأكيد كل انسان هنا يحجي عن الموضوع الي يهمه
بالنسبه الي انتظر محلفين بعد مقابله اولى ب Iom  اني اعرف اكو هواي عراقيين ما زالو بمصر
وأكيد معاناتهم متختلف عن معاناتي
لذلك اتمنى منكم التواصل ويايه بهذا الموضوع
علمود نعرف منو قابل ومنو دينتظر ونعرف جيت المحلفين بأي وقت
لان با آي او ام محد دينطينا اي جواب شافي
خاصه هسه
اني قابلت بشهر ال11  2011  ولحد هالوقت انتظر محلفين
وسمعت انه جوي بنهاية الشهر الثالث
وفقط قابلوا الحالات الانسانيه :
ولحد هسه منتظرين الفرج ويه جية المحلفين
اتمنه منكم التواصل ويايه في سبيل تبادل المعلومات
وربي يوفق الجميع
اخوكم مصطفى

[حسام حبيب قلب مهند]

مشكور حبيبي اني هم منتظر المحلفين حبي يجون على شهر 6لو سبعه ان شاء الله حسب معرفت من اخوان هنا

ان شاء الله خير
تحياتي

[mustafa ahmad]

حسام ..حبيب كَلبي الله يسهلك ويسهل للجميع يارب
اني حبيت نتواصل عبر موضوع موحد علمود اذا اكو معلومه بيها فائده نعرفها
واحد يفيد الثاني
رحمه الله والديك ياغالي
وننتظر والله كريم

[mustafa ahmad]

أخواني اي احد عنده معلومات اتمنى يدخل ويفيدنه
على الاقل نتساعد واحد يهون على الثاني

[حسام حبيب قلب مهند]

حسام ..حبيب كَلبي الله يسهلك ويسهل للجميع يارب
اني حبيت نتواصل عبر موضوع موحد علمود اذا اكو معلومه بيها فائده نعرفها
واحد يفيد الثاني
رحمه الله والديك ياغالي
وننتظر والله كريم

حبيبي انته ويسهلك يارب
اي خوش موضوع ان شاء الله الكل تستفاد والي عنده معلومه يكولهة
تحياتي الك

[اخوكم العراقي]

السلام عليكم ورحمة الله وبركاته
اني قابلت محلف  بتاريخ 1/11/2011 وكان وضع الملف  بالانتظار ومقابلة المحلف مكتمل وبعد تغيرات موقع الاي او ام اصبحت مقابلة المحلف ضمن الجدول فما اعرف شنو الوضع رح كذا مرة وسالت يابة اني رافضيني جاوب الوظف وقال لا لو رفض تتبلغ وننطيك ورقة وضعك انتظار وبعد ما اعرف قسم من الاخوة يكولون رح يعيدون مقابلة المحلف الك والله كريم علما انه والدتي ووياية وملفها رابط قوي وهيه خلصت كلشي الفحص الطبي ومقابلة المحلف عدها مكتمل وهيه على قضيتي لان التهديد كان الي.....
اشكركم على هذا الكروب اللي كل واحد يفتح قلبه لاخوانه ويشرح همه وعذرا على الاطالة
وفقكم الله وسهل امر الجميع
اخوكم العراقي

[تميم العراقي]

يابه اني وياكم انتظلر المحلفين بس عندي اعادة بصمات وجانوا فعلا موجودين بس متصلوا لا على الي عنده اعاده ولا على الي عنده مقابله اولى سمعت يكولون على اساس راح يجون نهاية الشهر بس ممتاكد الله اعلم مجرد اشاعات

[ahmed_alsadiq]

اخواني الاعزاء حسب معلوماتي البسيطة ان المحلفين كانو موجودين في شهر 3/2012 ولقد كانو يراجعون الملفات القديمة والحالات الخاصة فقط واعتقد انهم سوف يأتون في شهر 5/2012 ولكن ستكون هناك عدد قليل من الملفات التي سيراجعونها  ولا تتعبون انفسكم اعتقد ان الملفات التي ستعرض جاهزة ومحضرة من منذ فترة المهم انا من الذين ينتظرون وصول المحلفين ويارب يكون ملفي من ضمن الملفات التي ستعرض عليهم واتصال المنظمة سيكون خلال 10-14 يوم الاولى من شهر 5/2012 ويارب يشمل الكل .

[احمد الربيعي]

السلام عليكم ورحمة الله وبركاته///////// ابارك لك اخي مصطفى وابارك لاخوتي جميعا على هذه الخطوه  الجميله اتمنى ان تقبلوني  صديقا لكم ..............اي معلومه جديده ان شاء الله راح اوصله الكم وان شاء الله الاخوه جميعا ما راح يقصرون بالنسبه لي اني قابلت 5/12/2011 ولحد هذه الحضه ماكو اي اتصال من عدهم اتصلت بيهم اكثر من اربع مرات اخر شي رد كتله المحلفين كانو موجودين بشهر 3  كلي لا مأجوي  كتله شوكت يجون كالي منعرف لحد الان  بس اني اكول اخاف المحلفين خايفين من هذا الوضع وعلى حضي يسويه البخت وميجون والله اني كاعد بالدور السادس اذب روحي من فوك وعلى راسي  واخلص سامخوني  على الاطاله الموفقيه لاخوتي واخواتي جميعا وان شاء الله كلنه نسافر

[موزارت]

اشكر الاخوة على هذا الموضوع المفيد والمهم جدا

اني قابلت محلفين بشهر 11
واجريت الفحص الطبي
والحمد لله رزقت بطفل
وهسة منتظر يضيفوه بالمنظمة وبعدها مقابلة محلفين
كل يوم تقريبا اخابرهم وماكو فايدة لو مقفول لو محد يرد
ودننتظر ولله كريم

[mustafa ahmad]

حسام ربي يسلمك على مرورك
واتمنى نستفاد من تواجدنا ..
الانتظار صعب  بس اكيد لمتنا حتهون علينا هواي

[mustafa ahmad]

السلام عليكم ورحمة الله وبركاته
اني قابلت محلف  بتاريخ 1/11/2011 وكان وضع الملف  بالانتظار ومقابلة المحلف مكتمل وبعد تغيرات موقع الاي او ام اصبحت مقابلة المحلف ضمن الجدول فما اعرف شنو الوضع رح كذا مرة وسالت يابة اني رافضيني جاوب الوظف وقال لا لو رفض تتبلغ وننطيك ورقة وضعك انتظار وبعد ما اعرف قسم من الاخوة يكولون رح يعيدون مقابلة المحلف الك والله كريم علما انه والدتي ووياية وملفها رابط قوي وهيه خلصت كلشي الفحص الطبي ومقابلة المحلف عدها مكتمل وهيه على قضيتي لان التهديد كان الي.....
اشكركم على هذا الكروب اللي كل واحد يفتح قلبه لاخوانه ويشرح همه وعذرا على الاطالة
وفقكم الله وسهل امر الجميع
اخوكم العراقي

وعليكم السلام ورحمة الله وبركاتهُ
صحيح اخي لو جاي رفض لا سمح الله تتبلغ مبيها مجال بس مدام كالوا وضع انتظار
معندك غير حل تظل تراجع
وربي يفرجها عليك اللهم امين
منور اخويه العراقي
وأتمنى اي عضو من اخوانه شاف كلامك اذا عنده كلام يفيدك يدرجه ويخلي الجميع يستفادون
الله كريم

[mustafa ahmad]

يابه اني وياكم انتظلر المحلفين بس عندي اعادة بصمات وجانوا فعلا موجودين بس متصلوا لا على الي عنده اعاده ولا على الي عنده مقابله اولى سمعت يكولون على اساس راح يجون نهاية الشهر بس ممتاكد الله اعلم مجرد اشاعات

منور اخويه تميم

اني اعرف جماعه قابلوا بشهر الثالث بس عدهم حاله مرضيه حرجه ..
اعتقد انه بس الحالات الانسانيه قابلوها
اما يجون بنهاية الخامس العلم يم الله بعد
لان اذا اجوي بالثالث المفروض يجون بالسابع هذا جدولهم
وربك كريم

[mustafa ahmad]

السلام عليكم ورحمة الله وبركاته///////// ابارك لك اخي مصطفى وابارك لاخوتي جميعا على هذه الخطوه  الجميله اتمنى ان تقبلوني  صديقا لكم ..............اي معلومه جديده ان شاء الله راح اوصله الكم وان شاء الله الاخوه حميعا ما راح يقصرون بالنسبه لي اني قابلت 5/12/2011 ولحد هذه الحضه ماكو اي اتصال من عدهم اتصلت بيهم اكثر من اربع مرات كتلهه المحلفين كانو موجودين بشهر 3  كلي لا مأجوي  كتله شوكت يجون كالي منعرف لحد الان  بس اني اكول اخاف المحلفين خايفين من هذا الوضع مال مصر وعلى حضي يسويه البخت وميجون والله اني كاعد بالدور السادس اذب روحي من فوك وعلى راسي  واخلص سامخوني  على الاطاله الموفقيه لاخوتي واخواتي جميعا وان شاء الله كلنه نسافر

وعليكم السلام ورحمة الله وبركاتهُ
منور اخويه احمد يزيدنا شرف وجودك بيناتنه
ان شاء الله ماكو تقصير هنا كلنه اخوه واحد يحتاج الثاني اكيد
اني قابلت مقابله اولى وثانيه بشهر ال11  وبلغوني انتظر محلفين
والمحلفين فعلاً اجوي بشهر ال3
بس الي عرفته اخذوا حالات قليله ومظلوا غير اربعة ايام
وبعدها الغت مقابلات الاستفسار يوم الاربعاء والخميس
وهسه بس على الموبايل ومثل متفضلت حضرتك مقفول لو ميشيلوا
هاي هيه اخويه
اصبر ويانه والله كريم
واي معلومات تستجد نكتبها هنا ياغالي
ربي يسهلك

[mustafa ahmad]

اخواني الاعزاء حسب معلوماتي البسيطة ان المحلفين كانو موجودين في شهر 3/2012 ولقد كانو يراجعون الملفات القديمة والحالات الخاصة فقط واعتقد انهم سوف يأتون في شهر 5/2012 ولكن ستكون هناك عدد قليل من الملفات التي سيراجعونها  ولا تتعبون انفسكم اعتقد ان الملفات التي ستعرض جاهزة ومحضرة من منذ فترة المهم انا من الذين ينتظرون وصول المحلفين ويارب يكون ملفي من ضمن الملفات التي ستعرض عليهم واتصال المنظمة سيكون خلال 10-14 يوم الاولى من شهر 5/2012 ويارب يشمل الكل .

منور اخويه احمد
وتسلم لمعلوماتك الي اكيد فدتنه بيها
مو مشكله اذا قابلوا وحضروا ملفات يعني معناها اكيد ملفاتنا هم راح تمشي
الله كريم الصبر مفناح الفرج

[mustafa ahmad]

اشكر الاخوة على هذا الموضوع المفيد والمهم جدا

اني قابلت محلفين بشهر 11
واجريت الفحص الطبي
والحمد لله رزقت بطفل
وهسة منتظر يضيفوه بالمنظمة وبعدها مقابلة محلفين
كل يوم تقريبا اخابرهم وماكو فايدة لو مقفول لو محد يرد
ودننتظر ولله كريم

مبارك ما اجاك اخويه موزارت ربي يجعله من ابناء السلامه
وان شاء الله تضيفها وتسهل باقي امورك
وبارب تكون استفاديت من الموضوع ..
وأي شي يستجد عندك ادرجه هنا ياغالي وممنون الك

[محمد اكرم]

السلام عليكم جميعا اشكركم على هالموضوع الحلو الي جميعا احنا منتظريه اني شغلتي امنيتي موجودة بس عندي اضافة طفل فقط اجاني جديد بس؟يعني شغلتي مثل اخ موزارت وان شاء الله الموفقية للجميع وخلونا نحجي اي خبر من اي احد يهون علينا ونخلص من هالمعاناه

[احمد الربيعي]

اخوان هوه الوضع الامني الحالي بمصر سيأثر على قدوم المحلفين لو عادي  ارجو الاجابه ...........الموفقيه للجميع

[pati]

UP

[وردة الخليج]

up

[محمد اكرم]

الله يسهلها عالجميع؟ظظ؟ظظظ؟ظ؟؟؟؟؟؟؟؟؟ظ

[fadimore]

السلام عليكم
احنا قابلنه مقابلة اولى وثانية في نفس اليوم بشهر الرابع 2012 وننتظر المحلفين ويارب تخلص وتصير سوالف وتفرج على الكل ويسافرون الى بلد الفرص

[mustafa ahmad]

السلام عليكم جميعا اشكركم على هالموضوع الحلو الي جميعا احنا منتظريه اني شغلتي امنيتي موجودة بس عندي اضافة طفل فقط اجاني جديد بس؟يعني شغلتي مثل اخ موزارت وان شاء الله الموفقية للجميع وخلونا نحجي اي خبر من اي احد يهون علينا ونخلص من هالمعاناه

عليكم السلام والرحمه اخويه
مبروك ما جاك ويتربي بعزك
وان شاء الله ربي يسهلك ويسهله علينه
احنه ننتظر محلفين
وان شاء الله اي اخبار جديده محد يقصر ويه الثاني
نكولها للفائده .. والتوفيق من ربك

[mustafa ahmad]

السلام عليكم جميعا

 اخوكم ابو مريومة بخدمتكم في اي سؤال او استفسااار ( سنتان من الجهاد ويه اي او ام مصر) 
ادري صار بيكم احبااط ههههههه بس تره كل واحد وتوفيقه وحظه ( اي او ام مصر اساس عمله الحظ)

 تمنياتي للجميع بالفرج القريب


 ابو مريومة
cairo

ابو مريومه الورد منورنا ياغالي
اعرف بيك متقصر وربي يعينك على صبرك
وميضيع تعبنا اللهم امين
وتشكر على موقفك الحلو .. وأكيد حنحتاجك الايام الجايه اذا ربك سهل

[mustafa ahmad]

اخوان هوه الوضع الامني الحالي بمصر سيأثر على قدوم المحلفين لو عادي  ارجو الاجابه ...........الموفقيه للجميع

والله شكَلك اخويه همه يريدوها من الله .. وبيها وبلياها التأخير صار شي اعتيادي
بس اكيد اذا اجوي حنعرف هنا لان اخر جيه الهم جانت بشهر 3  والمفروض على الشهر السابع همه هنا
وبعد ظلت يم رب العالمين ,

[mustafa ahmad]

UP

شكرا للمساعده نورتونا

[mustafa ahmad]

up

ورده شكراً للمساعده نورتونا

[mustafa ahmad]

الله يسهلها عالجميع؟ظظ؟ظظظ؟ظ؟؟؟؟؟؟؟؟؟ظ

محمد ويسهلها عليك ياغالي
ونتمنى تفيدونه بأي معلومه توصلكم حبيبي
نورتني ورده

[mustafa ahmad]

السلام عليكم
احنا قابلنه مقابلة اولى وثانية في نفس اليوم بشهر الرابع 2012 وننتظر المحلفين ويارب تخلص وتصير سوالف وتفرج على الكل ويسافرون الى بلد الفرص

عليكم السلام والرحمه
حبيبي اني قابلت بشهر ال11   2011  ولحد هسه لا حس ولا خبر
جوي مرتين وره مقابلت  بس يكولون الكيسات تاخذ سره واكو بيها مستعجله للحالات الانسانيه
والعلم عند الله .. ان شاء الله يفرجها على الجميع
نورتني ياغالي

[احمد الربيعي]

نخليهه على رب العالمين والله يسهلهه ان شاء الله علينه وعليك اخويه وعلى الجميع بس الانتضار صعب بس انشاء الله خير ا عندي صديق سافر قبل اسبوع  اكيد هذا الخبر راح يرفع من معنوياتكم ////////الموفقيه لنا ولكم وجزاكم الله خير

[حسام حبيب قلب مهند]

ربي يسهل الى الجميع يارب
ونسافر كلنه ونخلص من مصر

[الريم 2000]

امين

[وردة الخليج]

آآآآآآآآآآآآآآآمين يارب العالمين

[قيد الدراسه الى الابد 3]

اخواني اخواتي السلام عليكم
احب ان تقبلوني بهذا الكروب
وطبعا اخوكم من جماعة مقابله محلفين 2009 قيد الدراسه
يعني عتيك وهسه عندي اعادة محلفين واتصلت بلمنظمه يوم
الثلاثاء وطلعتلي ايمان وكالت ماادري اشوكت يجون وطبعا تكذب
لان همه كلشي ايعرفون بس ميكولون حتى لصير ملحه بلتلفونات
لان عندي سوابق وياهم المهم ارجو من الله بان يتصلو بيكم وسافرون
كلكم

اخوكم : قيد الدراس الى الابد

[mustafa ahmad]

نخليهه على رب العالمين والله يسهلهه ان شاء الله علينه وعليك اخويه وعلى الجميع بس الانتضار صعب بس انشاء الله خير ا عندي صديق سافر قبل اسبوع  اكيد هذا الخبر راح يرفع من معنوياتكم ////////الموفقيه لنا ولكم وجزاكم الله خير

ويسهلها للجميع اخويه العزيز احمد
هسه بس خلي نقابل محلفين
ونعبر هذا النهر والله كريم
والتساهيل من الباري
محبتي لروحك يا روده

[mustafa ahmad]

ربي يسهل الى الجميع يارب
ونسافر كلنه ونخلص من مصر

آمين يارب ..
والله يا اخويه اني اريد اخلص من هذا الانتظار
وصلت مرحله النوم صار بالقطاره ..!
التفكير اكلنا
يارب يسهل للجميع
اللهم امين
تسلم حسام الورد

[mustafa ahmad]

امين

اللهم امين
يسهلها للجميع
نورتي اختي العزيزه

[mustafa ahmad]

آآآآآآآآآآآآآآآمين يارب العالمين

امين يارب
يسهل لكل العراقيين
ويزيح عنهم الهم
اختي نورتي الموضوع

[mustafa ahmad]

اخواني اخواتي السلام عليكم
احب ان تقبلوني بهذا الكروب
وطبعا اخوكم من جماعة مقابله محلفين 2009 قيد الدراسه
يعني عتيك وهسه عندي اعادة محلفين واتصلت بلمنظمه يوم
الثلاثاء وطلعتلي ايمان وكالت ماادري اشوكت يجون وطبعا تكذب
لان همه كلشي ايعرفون بس ميكولون حتى لصير ملحه بلتلفونات
لان عندي سوابق وياهم المهم ارجو من الله بان يتصلو بيكم وسافرون
كلكم

اخوكم : قيد الدراس الى الابد

عليكم السلام وارحمه اخويه العزيز
نورتنه والله
وربي يعينك على صبرك
هذا كله اختبار من الباري عز وجل
وان شاء الله تفرج
وتغير اسمك وتصير مسافر  للابد ههههه
اللهم امين

[احمد الربيعي]

اخي العزيز ابو مريومه  انشاء الله تاخيرك هذا يكون صالح الك بس الله يعينك  ان شاء الله بقوته وبعضمته  يزيل همك وهمنا جميعا...................وماكو حمل ايضل مطروح

[mustafa ahmad]

منور اخويه احمد
اخواني اني اليوم هم خابرت على ال اي او ام
ونفس الشي ماكو جواب بالنسبه للموبايل
فقط على الارضي وكالوا لحد هسه موصولوا محلفين !!
وربي يمدنا ويمدكم بالصبر
اللهم امين

[محمد اكرم]

هلو شباب اني هاليوم خابرت طلعلي واحد مو مصري لو سوري لو اردني وكال مندري شوكت يجون كتلة منو الي يدري علمود نساله كالي من يجون احنا نخابركم هههههههههههههههههههههههه لاقيم الركاع من ديرة عفج المن نروح مندري النا الله

[احمد الربيعي]

بنورك يا غالي مصطوفي  اريد اسال سؤال اليوم اني هم خابرت نفس الشي  ما كو اي خبر جديد السؤال الاول  وهو اكو امنيه قبل المحلف اشو اني دخت  ???دكلي الامنيه مجايه وانت منتضر محلفين  ثانيا حبيت استفسر عن هذا الموضوع  من صديق كلي اني سمعت ان  السستم اتغير والامنيه تطلع مع المحلف وصديقي متاكد من الخبر هذا /////// فيا ريت اذا احد يعرف عن هذا الخبر صحيحيح ام لا  /////////واسال الله ان ياخذ بيدي ويدكم لما فيه الخير  واصبرو اخواني والله احنه تعبنه صحيح  وان شاء الله تكون الايام الجايه فيها  اخبار سعيده وانا اسف احبتي على الاطاله

[pati]

ان شاء الله يجون المحلفين و تسوون الفحص الطبي لاتقلقون اخوان احنا كلنا مرينا بهالتجربه و اتصلوا بالكل تقريبا نفس الوقت و اينا واحد يبشر الثاني

و ان شاء الله تجيكم الامنيه طايره
كتلتني هالامنيه اويليييييييييي شلعته لقلبي

اخي العزيز اكو امنيه تجي قبل مقابلة المحلف و امنيه ماقبل بالسفر تجي بعد مفابلة المحلف و هذه تطول كلش كلش الله اليستر منهه

و الامنيه محد ديعرف شنو قصتهه بس حسب تحليلات بعض الاعضاء انه اكو امنيه تجي قبل مقابلة المحلف و هذا يثبت صحة توقعاتهم

[احمد الربيعي]

اخواني اني ممنون جدا الكم بدون استثناء لكم خالص التقدير والاحترام //////  الاخ العزيز   pati  يعني اذا الامنيه ما قبل المحلف صارله 6 اشهر لعد االثانيه شوكت تجي ما ادري السالفه جنه طويله والله كريم اخويه ////وسؤالي اخواني الاعزاء اذا اجوي المحلفين والامنيه ما قبل المحلفين مموجوده هم تاثر على الكيس لو اعتمادهم الكلي على الامنيه الاخيره //////////////   ولكم مني خالص الامنيات

[mustafa ahmad]

هلو شباب اني هاليوم خابرت طلعلي واحد مو مصري لو سوري لو اردني وكال مندري شوكت يجون كتلة منو الي يدري علمود نساله كالي من يجون احنا نخابركم هههههههههههههههههههههههه لاقيم الركاع من ديرة عفج المن نروح مندري النا الله

ههههههههههه

متحصل منهم حق وباطل ..
نذب حملنا على الله وهم اكرم منهم
نورت اخويه محمد الورد

[mustafa ahmad]

بنورك يا غالي مصطوفي  اريد اسال سؤال اليوم اني هم خابرت نفس الشي  ما كو اي خبر جديد السؤال الاول  وهو اكو امنيه قبل المحلف اشو اني دخت  ???دكلي الامنيه مجايه وانت منتضر محلفين  ثانيا حبيت استفسر عن هذا الموضوع  من صديق كلي اني سمعت ان  السستم اتغير والامنيه تطلع مع المحلف وصديقي متاكد من الخبر هذا /////// فيا ريت اذا احد يعرف عن هذا الخبر صحيحيح ام لا  /////////واسال الله ان ياخذ بيدي ويدكم لما فيه الخير  واصبرو اخواني والله احنه تعبنه صحيح  وان شاء الله تكون الايام الجايه فيها  اخبار سعيده وانا اسف احبتي على الاطاله

حبيبي احمد ..
اني اخويه طلع بسنة 2010  ومن قالبلت اول مقابله بال اي اوم ام وكلولي تنتظر محلفين ونتصل بيك من يجون
اخويه كلي اكو امنيه قبل المحلف توصل الامنيه وراها يخلون الكيس على السره بانتظار محلف
بس انه الامنيه تطلع ويه المحلف بس هاي ما ادري بيها .. ؟
ويارب ياخذ بأيد الجميع ويفرج عنهم بعد هاذ الصبر
 منورنا ابو شهاب

[mustafa ahmad]

ابو مريومه حبيبي
منورنا ياغالي ..
ويارب يعوض صبرك وصبرنا كل خير
اللهم امني

[mustafa ahmad]

ان شاء الله يجون المحلفين و تسوون الفحص الطبي لاتقلقون اخوان احنا كلنا مرينا بهالتجربه و اتصلوا بالكل تقريبا نفس الوقت و اينا واحد يبشر الثاني

و ان شاء الله تجيكم الامنيه طايره
كتلتني هالامنيه اويليييييييييي شلعته لقلبي

اخي العزيز اكو امنيه تجي قبل مقابلة المحلف و امنيه ماقبل بالسفر تجي بعد مفابلة المحلف و هذه تطول كلش كلش الله اليستر منهه

و الامنيه محد ديعرف شنو قصتهه بس حسب تحليلات بعض الاعضاء انه اكو امنيه تجي قبل مقابلة المحلف و هذا يثبت صحة توقعاتهم

حبيبي بايت هاي شنسوي بعد
مكتوب علينه الصبر احنه العراقيين
كم امنيه حاطين ماعرف
عبالك سيطرات منين منعبر ويكفونه ههههههه
الحمدلله على كل حال
نورتنا اخويه الغالي

[mustafa ahmad]

اخواني اني ممنون جدا الكم بدون استثناء لكم خالص التقدير والاحترام //////  الاخ العزيز   pati  يعني اذا الامنيه ما قبل المحلف صارله 6 اشهر لعد االثانيه شوكت تجي ما ادري السالفه جنه طويله والله كريم اخويه ////وسؤالي اخواني الاعزاء اذا اجوي المحلفين والامنيه ما قبل المحلفين مموجوده هم تاثر على الكيس لو اعتمادهم الكلي على الامنيه الاخيره //////////////   ولكم مني خالص الامنيات

نتمنى من الي مروا بهاي المراحل يساعدونه بالاجوبه
لان احنه بعدنه بالبدايه ..
وهواي امور منعرفها
وكَوم الي تعاونت ما ذلت

[PlatinuM]

السلام عليكم جميعاً
أن شاء الله الكل تقابل وتسافر وتخلص
بخصوص الامنية مال قبل المحلف
الي اعرفة بعد اجراء المقابلة الاولى والثانية تبدأ رحلة الأمنية
حتى اني في وقتها بعد أن اكملت المقابلتين بفترة بسيطة
اتصلت بـ IOM استفسر عن ملفي
فقالت لي الموظفة اني في مرحلة التجييك الأمني فقلت لها أني بعدني مقابلة محلف ممسوي ومماخذين مني بصمات؟
فقالت هذه موافقات أمنية ثانية

والله كريم بعد والتساهيل من رب العالمين
بالتوفيق أن شاء الله للجميع
تحياتي

[قيد الدراسه الى الابد 3]

الاخوه الاعزاء
الاخ احمد الربيعي حول الامنيه اني اجاوبك الجواب الاكيد
لان صارت بي وجانت الامنيه موجوده كلير قبل ماقابل المحلف
وهذا النظام ماشي من سنة 2009
واكو ناس اهاويه اعرفهم حق المعرفه استلمو الظرف ويا الامنيه وسافرو على ايدي
بس اكو  كيسات تتاخر الامنيه لوجود تجيكات امنيه اضافيه وهيه SAOs
وانشاء الله تجي الامنيه مالتكم قبل المحلف وتسافرون

اخوكم قيد الدراسه الى الابد

[تميم العراقي]

السلام عليكم اخواني شنو الاخبار مسمعتوا شي على جية المحلفين




تحياتي

[mustafa ahmad]

السلام عليكم جميعاً
أن شاء الله الكل تقابل وتسافر وتخلص
بخصوص الامنية مال قبل المحلف
الي اعرفة بعد اجراء المقابلة الاولى والثانية تبدأ رحلة الأمنية
حتى اني في وقتها بعد أن اكملت المقابلتين بفترة بسيطة
اتصلت بـ IOM استفسر عن ملفي
فقالت لي الموظفة اني في مرحلة التجييك الأمني فقلت لها أني بعدني مقابلة محلف ممسوي ومماخذين مني بصمات؟
فقالت هذه موافقات أمنية ثانية

والله كريم بعد والتساهيل من رب العالمين
بالتوفيق أن شاء الله للجميع
تحياتي

كلامك سليم ميه بالميه اخويه العزيز
فعلا اكو امنيه قبل المحلف يعني بعد المقابله الاولى والثانيه
واحنه المفروض وره منقابل المحلف وناخذ الموافقه وراها نغني ابتدى المشوار هههههه
يارب منطلب منك غير الصبر
منور اخويه الغالي

[mustafa ahmad]

الاخوه الاعزاء
الاخ احمد الربيعي حول الامنيه اني اجاوبك الجواب الاكيد
لان صارت بي وجانت الامنيه موجوده كلير قبل ماقابل المحلف
وهذا النظام ماشي من سنة 2009
واكو ناس اهاويه اعرفهم حق المعرفه استلمو الظرف ويا الامنيه وسافرو على ايدي
بس اكو  كيسات تتاخر الامنيه لوجود تجيكات امنيه اضافيه وهيه SAOs
وانشاء الله تجي الامنيه مالتكم قبل المحلف وتسافرون

اخوكم قيد الدراسه الى الابد

اللهم امين ربي يسمع منك اخويه
اشو صارت سالفه كلما نعبر نهر وكالوا امنيه
الله كريم
تسلم لتواصلك حبيبي قيد الدراسه
ويارب التوفيق للجميع

[mustafa ahmad]

السلام عليكم اخواني شنو الاخبار مسمعتوا شي على جية المحلفين





تحياتي

عليكم السلام والرحمه حبيبي تميم
بالنسبه الي دخابر يوميه ويكولون ماكو بعدهم موصلوا
بس بشهر الثالث اني وصلت لهناك
ومن سالت هم جاوبوا نفس الجواب
بعدين طلعوا جايين كم يوم المحلفين ورايحيين بوقت قياسي
متعرف الصدك من الكذب
بس تخدير اعصاب
الله كريم اخويه
نصبر لان معدنه غير طريق
نورتنا ياغالي[/size][/color]

[احمد الربيعي]

شباب الله كريم الانتضار صعب جدا بس همه يجون يجون ان شاء الله

[احمد الربيعي]

اني اشكركم جدا على المواصله والمتابعه لان احنه كلنا واحد يحتاج للثاني وبارك الله فيكم

[ahmed_alsadiq]

السلام عليكم جميعا
أخوان لا اريد ان اطيل في الموضوع فقط اوصي الاخوان الي موجودين في مصر عندما يحصل على معلومة بوصول المحلفين يخبرنا وشكرا له والله يسهل على الكل انا من جانبي ادخل على هذا الموقع كل ساعة تقريبا انتظر احد يخبرنا بالاتصال به من قبل الـ IOM .
نحن بالانتظار وشكرا لكم جميعا والله يسهل علينة وعليكم يارب.

[تميم العراقي]

مشكور اخوية مصطفى وهذا نورك اكيد ماعدنا غير الصبر والله ارحم الراحمين




اخويه احمد اكيد اول منحصل خبر راح ندخل ونكتب اني او الاخوان وانشاء الله الكل متقصر

[احمد الربيعي]

اخي العزيز  ابو شهاب الورد ان شاء الله مراح احد يقصر اني كلت كلنا محتاجين اي خبر يفرحنه ويفرحك وتهون متبقه
هيج واصبر اخويه تره هذولي خلكهم طويل

[mustafa ahmad]

السلام عليكم
لحد هسه ماكو اي خبر عن المحلفين الله يجعل عاقبة صبركم خير
بس الي رجاء من الاخوه الموجودين في هذا الموضوع ان تشاركو بالرد
حته لا يتحول الموضوع  للصفحه الثانيه اكو اعضاء ويانه منتظرين محلفين
ولحد هسه ممشاركين بالموضوع لانه دخولهم قليل واذا راح للصفحه الثانيه
ميكدرون يوصلوله والله يسهله على الجميع

[ahmed_alsadiq]

سألني احد الاصدقاء عن الدوام في الـ ( IOM ) مصر وإجازتهم في الاسبوع لا اعرف هل اجازتهم يوم الجمعة فقط ام الجمعة والسبت ام هم شغالين في كل يوم وهل اذا حظر المحلفين سوف يبلغون الكيسات المشمولة قبل حضورهم ام بعد ما يحضرون  ؟
اود معرفة الاجابة انا ايضا فلم اعرف ما اجيبه لانني جديد.

                                     وشكرا لكم

[احمد الربيعي]

اخي احمد حسب توقعاتي سوف يتم  ابلاغنا عند حضورهم   لان اكيد الكيسات عدهم مترتبه وجاهزه وبالنسبه لاجازاتهم تكون يوم الجمعه والسبت  /////////////////////// ولان اني هم جديد مثلك  ان شاء الله الاخوه راح اكيد  يفيدونه  اكثر/////////// امنياتي لك ولجميع احبائي كافه بالخير والموفقيه ان شاء الله

[احمد الربيعي]

اخوان اتوقع المحلفين راح يجون بعد شهر ونص او شهرين والعلم عند الله

[احمد الربيعي]

شباب هم اكو واحد خابر من عدكم وحصل اني دكيت لحد ما مليت وماكو اي رد  زين اذا واحد راحلهم هناك يقابلو لو لا   اشو حته الي دينتضر موعد سفر ديخابر وماكو نتيجه شدكولون  تنصحوني اروح واشوف لو من الباب يكولولي (درب الجابك يردك)  ههههههههههههه
 

[ahmed_alsadiq]

والعلم عند الله لكن اخوية احمد الربيعي اني اخبروني في نهاية المقابلة الثانية ان المحلفين سيأتون في 15/5 ولكن نظرا لقرب الانتخابات عندهم ممكن انها تاجلت الى مابعد الانتخابات هسة احنة بس لو نعرف بانهم جائو ونحن غير مشمولين هاي المرة حتى نرتاح لو تاجلت الجية مالتهم لكن لا حياة لمن ينادي همة كاعدين وايديهم باردة واحنة نحترك الله كريم ترة همة ميهمهم حالنا لو يهمهم حالنا جان اقلها انطونة جواب حسبي الله ونعم الوكيل .

[fadimore]

احب ان اسال هل في مقابلات اولى وثانية لا زالت مستمرة الان في الاي او ام ولا كملوا شغلهم في انتظار المحلفين في مصر

[موزارت]

شلون الشباب ان شاء الله الكل بخير
اني خابرتهم واخيرا حصلت قبل يومين
قالو حاليا ماكو اي شي وميعرفون شوكت يجون المحلفين ومن يجون احنا نخابركم
يعني شدولي مغذي من هذا التمام
وبسلامتكم

[احمد الربيعي]

عاجل عاجل عاجل //////////اخوان اقرو هذا الخبر على البغداديه يكول ///iom المنظمه الدوليه الامريكيه تسرع اجرائتها بحسم ملفات طالبين اللجوء العراقيين بهدف اغلاق ملف العراقيين نهائي ////////////يله شباب تره هذا الموضوع مو مال سكته وسالفتنه اذا طولت مو خوش ما اعرف هذا الخبر زين النه لو مزين  ان شاء الله خير

[تميم العراقي]

والله يا اخوية المفروض يكون بصالح الكل لان راح يصير حركه بالملفات وبلكت يشملنا هذا التسريع
صارلي سنتين من سنة 2010 انتظر وماكو شي والمفروض مستحق بصمة ومعادولي ويكولولي ماكو اعادة لا فحص ولا بصمة الايرجع الاكسباير مال الامنيات الي صارلهم من شهر ال 11\2011 ولحد هسه مرجع وبعد كم شهر حتى مقابلة المحلفين تصير اكسباير وهاي الحبل على الجرار بلكت اكو امل وتتحرك الملفات مو نامت عليها طابوكه مو طبيعيه

تحياتي

[احمد الربيعي]

ان شاء الله صبرك وصبر نه ميروح هوه بس الله سبحانه وتعالى الي يعرف بمعاناتنه ونريد من الله الفرج القريب من نريد من احد /////// والله يا اخوان هذا الخبر شويه خله عندي اطمئنان ومعنوياتي مرتفعه الحمد لله اسال الله عز وجل ان يسهله علينه  يا رب  واصبر اخويه تميم العراقي  ورب العالمين معانه ///////////////////////
 مع خالص تقديري لك ولجميع اخواني

[وردة الخليج]

نصبر ماعدنا غير الصبر تفرج على الجميع بالسفر القريب
أن شاء الله سبحانه وتعالى

[ahmed_alsadiq]

سؤال مهم جدا هل توجد طريقة في المنتدى بارسال اخطار على الايميل الخاص عند اضافة موضوع جديد في هذا الموضوع مثلا ام هذا صعب ارجوا الاجابة من اصحاب الخبرة شاكرا لهم الاهتمام

[تميم العراقي]

سؤال مهم جدا هل توجد طريقة في المنتدى بارسال اخطار على الايميل الخاص عند اضافة موضوع جديد في هذا الموضوع مثلا ام هذا صعب ارجوا الاجابة من اصحاب الخبرة شاكرا لهم الاهتمام

والله اخويه ما اعتقد

[تميم العراقي]

ان شاء الله صبرك وصبر نه ميروح هوه بس الله سبحانه وتعالى الي يعرف بمعاناتنه ونريد من الله الفرج القريب من نريد من احد /////// والله يا اخوان هذا الخبر شويه خله عندي اطمئنان ومعنوياتي مرتفعه الحمد لله اسال الله عز وجل ان يسهله علينه  يا رب  واصبر اخويه تميم العراقي  ورب العالمين معانه ///////////////////////
 مع خالص تقديري لك ولجميع اخواني

والله ماعدنا غير الصبر والله يرحم بحالنا

[محمد اكرم]

اخوان يمكن تكون بشارة خير للجميع ان شاء الله سمعت انه بعد يوم 30 بشهر التاسع الجاي ان المفروض محد يبقى اي احد من المقدمين على الاي او ام اله لمة يكون بامريكا وبعد ميستقبلون اي ملف وان شاء الله السفر للجميع بس خبلوني المحلفين شوكت يجون لمصر والله طكت روحنا ههههههههههههههههههههه؟

[تميم العراقي]

هسه احنا مدنفتهم شنو الفلم   

[ahmed_alsadiq]

اخوان وصلني خبر قبل 5 دقايق فقط يكولون المحلفين جايين وديقابلون قسم من الموجودين في مصر والي وصلي الخبر متاكد من معلوماتة لان جارتة هي الي قابلت اليوم والله المستعان والي عندة معلومة يكولهة حتى نعرف بس .
                                                         
                                                      يارب فرجهة على الكل

[تميم العراقي]

مشكور اخويه احمد على الخبر

بس كون هلمرة مو بس حالات خاصه وخوش بشارة للناس الي تنتظر محلف

[تميم العراقي]

up  خلي الناس تشوف الخبر

[قيد الدراسه الى الابد 3]

اخواني اخواتي السلام عليكم
وارجو من الله ان تكونون بخير وصحه دائمه
الرجاء من الاخ احمد بان يتاكد من الخبر لانني بصراحه مصدوم
وهذا ليس تشكيك بلخبر لاسامح الله
بس اخوكم اليوم كعدت من الصبح وضايج اهوايه وكلت اروح للمنظمه وطلع ضيمي
وطبعا اخوكم قديم بلمنظمه من اربع سنين يعني اعرف اساليبهم المهم اصريت على مقابلة اي شخص مسؤول
ولحيت ويه موظف الاستعلامات حتي اتصل ببعض الموظفات ونطاه رقم الكيس وهيه طبعا تعرف هذه الرقم ومعاناته
ونزلت وقابلته وكلتله اني شنو وضعي وكالت انته اعادة محلف وطبعا همه مكلفو نفسهم وخابروني في وقتها المهم
كلتله اي اني اشوكت اقابل كالت بلحرف الواحد اكو ملفات لها اولويه طبعا اني صرت عصبي جدا
كلتله يعني اني انتظر صارلي ثلاث سنوات وماعندي اولويه كالت اكو حالات مرضيه وانته جان ملفك هولد هسه يله اتحرك
كلتله اني شنو ذنبي اذا جان هولد او اي شي ثاني المهم صارلي ثلاث سنوات كالت لا ينحسب واكف بدون اولويه
المهم اخوكم صرت عصبي وانسدت الدنيه ابوجهي
كلتله زين اشوكت يجون المحلفين كالت بلحرف يمكن بنص السادس والله على مااقول شهيد
كلتله يعني اني مو بلوجبه كالت اكو اولويه يعني بلعربي ماقابل بهل الوجبه الجايه
لهاذا استغربت من خبر الاخ احمد يمكن موجودين وكذبو علي وطبعا كلشي يطلع من عدهم
المهم ارجو من الاخ احمد التاكد من الخبر على الاقل حتى اروح مره ثانيه

اخوكم قيد الدراسه الى الابد

[احمد الربيعي]

تسلم اخويه ابو حميد على هذا الخبر التازه ان شاء الله كلنا نقابل ونخلص من هذا الموال بس يا ريت نتاكد كلنا من هذا الخبر ////////////واني اشكرك جدا على نقل هذا الخبر  المفرح

[الريم 2000]

ان شاء اللة يجون وتصير سوالف ونكوم نبارك الكم اجمعين

[niron]

ا

ني هم اتصل بيه صديق يبشني بقدوم المحلفين اكوله شلون عرفت يكولي مقابلين عائله بس حالة خاصه وهاي صارلي ساعتين ارن وماكو احد يرفع السماعه والله كريم للجميع...........

[ahmed_alsadiq]

اخواني أخواتي الاعزاء اخي الكريم (قيد الدراسه الى الابد 3)
انا للاسف لا استطيع التاكد من الخبر لان الشخص الي اتصل بي قال انه توجد امرأة في 6 أكتوبر قابلت لجنة المحلفين هذا اليوم وهذا قبل يومين تقريبا ولا يستطيع هو ان يؤكد او يكذب الخبر لانه جاء على لسان الاخت الي قابلت .
وهذا الموضوع وأنا اسف أيضا لا استطيع التاكيد ولا التكذيب .

[محمد اكرم]

ياجماعة هاي ثاني مرة يبلغوني ان المحلفين موجودين وبالنص هوة اليوم عندة اعادة فحص طبي واكو عائلة وياه كايليلة كرايبهم مقابلين محلفين والي يتصلون بيه رجاء يكولنا الموفقية للجميع

[mustafa ahmad]

مساء الخير اخواني
اشكر كلمن شاركنا هنا بمعلوماته واكيد هذا من حرصكم ..
بس يا اخوان هسه وقت انتخابات معقوله يجون بهذا الوقت
وخاصه همه اجوي بشهر الثالث وتقريبا بنهاية الثالث
وححجيلكم فد شي صار ويايه وربي يشهد عليه
اني بشهر الثالث رحت علمود عندي استفسار كلولي ماكو اي استفسار هسه
تروح وتظل تتصل بينه عن طريق الموبايل او الارضي
كتلهم واذا المحلفين اجوي شلون نعرف
كالوا نتصل بيك .. وسالتهم شوكت يجون واذا جيتهم بعيده او قريبه
كالوا منعرف وقت جيتهم  ..
وره يومين اتصلت بيهم استفسر مره ثانيه
وسالت عن جيت المحلفين
ونزل عليه الخبر مثل الصاعقه
ابو الاستعلامات جاوبني كلي سافروا المحلفين البارحه
ظلوا كم يوم واخذوا الحلات المستعجله بس
طبعا اني مصدكت وخابرت مره ومرتين ونفس الجواب اسمع
مختصر مفيد ماكو مصداقيه :
واحتمال فعلا جايين ومينطونه خبر
بس اتمنى اي عضو ويانه عنده معلومه متأكد منها يكولها ويريحنا لان تعبت اعصابنا
والله  كريم

[mustafa ahmad]

السلام عليكم
اخوان اكو  شي جديد عن المحلفين
احد وصله خبر عن تاكيد جيتهم

[احمد الربيعي]

السلام عليكم اخوان اني والله العظيم اليوم خابرت عليهم الصبح حبيت استفسر عن الكيس وين وصل كلتلي ماكو شي جديد وهم نفس القوانه (انته منتضر محلفين) وكتله وشوكت يابه يشرفون كالت منعرف من نعرف احنه نبلغك ///////////جيب ليل وخذ عتابه الله كريم احبائي بيد الله وان شاء الله ما  بقه الا القليل////////// يا رب فرج عنا فرجا عاجلا غير اجل يا رب

[احمد الربيعي]

حبيبي مصطفى مثل ما كلت انته ما اعتقد موجودين واعتقد يجون بعد الانتخابات بشهر والله اعلم بس اني متاكد راح تصير سرعه بالاجراءت لان راح يغلقون ملفات العراقيين

[احمد الربيعي]

ان  شاء الله هذا التسريع يشمل جميع العراقيين المحتاجين السفر

[وردة الخليج]

أن شاء الله السفر القريب للجميع

[ahmed_alsadiq]

معودين اشو ماكو تشجيع اني كل ساعة افوت حتى الفجر اريد اشوف اخبار حلوة يارب تفرحنة كلنة

[AKFCA]

انشاء الله يجون باقرب وقت ونسافر قبلهم..........الله كريم......

[mustafa ahmad]

لحد هسه ماكو اي خبر عن المحلفين
ان شاء الله يعوض صبركم خير وفرجه على الجميع

[محمد اكرم]

امييييييييييييييييييييييييييييييييييييييييييييييييييييييييييييييييييييييييييييييين يارررررررررررررررررررررررررررررررررررررررررررررررررب الععععععععععععععععععععالمين

[ahmed_alsadiq]

حبيبي يارسول الله ( أللهم صلي وسلم وبارك على حبيبنا المصطفى وعلى جميع الانبياء )

من فرج عن مؤمنا كربتا من كرب الدنيا فرج الله عنه كربتا من كرب الآخرة

[/color]
يارب فرج الهم والغم والكرب والشدائد عن العراق والعراقيين

[اختكم العراقية]

امييييييييييييييييييييين يارب على كل العراقيييييييييييييييين انشاء الله اخبار  حلوة نصبر والله مع الصابرين الله كريم يااااااااااااااااااااااارب

[محمد اكرم]

يالله يارب بشرو ياجماعة هل من جديد ماكو اي شي لحد الان شلون سالفة هالدورة انكلبت الدنيا هنا بمصر بسبب المحكمة يعني علكت ههههههههههههههههههههههه الله كريم والله يسهلها عالجميع الرجاء التعليق مو بس تتفرجون وتكلبون ناقشو وشوفو شحنسوي احنا جماعة مصر

[ahmed_alsadiq]

شنو رايك نطلع نرجع المتظاهرين لبيوتهم ونكلهم ورة منطلع احنة عود اطلعوا مظاهرات ترة اللجنة هم خايفة متعرف الي رح يصير لان همة مراقبين للحدث اكثر من عدنة احنة نريد جيتهم حتى نخلص وهمة خايفين يجون فماعدنة غير الصبر والله كريم .
صحيح اني تكأبت صار يومين محد مجاوب على هذا الموقع كلت لازم الكل دزو عليهم وخافوا يكتبون وضليت بس اني هههههههههههههههههههههههه بس من شفتك كتبت فرحت لا الى هسة اكو احد وياية بمصر خخخخخخخخخخخخخخخخخخ .

[حسام حبيب قلب مهند]

اول شي السلام عليكم

شلونكم يارب بخير

لا كلنه بعدنه بمصر بس السالفه شويه صار بيه ممل ومحد كام يرد


اني خابرتهم كالو بعد مجاين المحلفين كالو انته على الامنيه كتلهم ماشي يابه الله كريم

خلوني على الشحن والله كريم
تحياتي

[/color][/size]

[تميم العراقي]

كاعدين نتفرج وين راح تصفى بينا

الله يفرجها

[وردة الخليج]

الله كريم نصبر أن الله مع الصابرين

[mustafa ahmad]

يارب يفرجها على كل مؤمن صابر
معدنه غير الدعاء
احنه بمحنه واحد يشيل الثاني ويهون عليه
والكلمه الطيبه صدقه
كولوا يا الله اخوتي
وربكم ميعوف عبده بحيره
ما ضاقت الآ فُرجت
الفرج من عندك يارب مو من العبد

[ahmed_alsadiq]

بس اني بس اني بس اني بس اني بس اني
بقيت بس اني بمصر الكل اتصلوا عليهم بس اني بقيت وحدي بمصر الحكولي اشو ماكو احد يرد ولا يسولف هسة دسوولنة واهس معودين لو صدك
بس اني بقيت بمصر والكل طفرت

[mustafa ahmad]

مساء الخير اخويه احمد
لا اخويه مو بس انت ولا انت بس ههههههههه بقيت بمصر
هاي االامه العربيه كلها وياك وبمختلف الطوائف
كاعدين ينتظرون الفرج
بمصر اكو عراقيين واني منهم
لحد هسه بس مقابل مقابله اولى بالـ اي او  ام  بشهر ال11  2011
ود أنتظر محلفين ..
نخابر ونستفسر
وأي خبر جديد نسمعه ندرجه هنا
وخلي عينك بعين الله وأطبك ويانه على طريق الصبر
وان شاء الله نسمع اخبارك طيبه منك
اللهم امين

[ahmed_alsadiq]

بس اني ومصطفى بس اني ومصطفى بس اني ومصطفى باقين بمصر والباقين طفروااااااااااا
للمزاح فقط اني اعرف انه المحلفين ماجوي لمصر علمود الانتخابات وان شاء الله رح يجون ورة الانتخابات ان شاء الله

[احمد الربيعي]

الله كريم شباب ان شاء الله يجون بس هذوله الكدعان يهدئون اشو علكوهه  ما اعرف على حضنه

[mustafa ahmad]

حبيبي احمد دمك عسل ههههههههه
ومو مشكله خلي بس اني وياك بقينه ههههههه
معناها اكو امل ودتطلع العالم
الله كريم ان شاء الله الفرج قريب ياغالي

حبيبي احمد الربيعي والله صدكت على حضنه كلشي نام
بس شنسوي بعد هاي الله كاتبها
وان شاء الله خير

منورني ابو شهاب

[احمد الربيعي]

هذا نورك يا غالي مصطوفي حبيبي شنسوي ما عدنه غير الصبر ونطلب من عنده الصبر وان شاء الله اني متامل خير ان شاء الله تتمنياتي لك ولجميع الاخوان بالخير والموفقيه حبيبي

[pati]

up

[وردة الخليج]

نصبر أن الله مع الصابرين

[تميم العراقي]

ياالله افرجها

[mustafa ahmad]

اللهم إليك أشكو ضعف قوتي ، وقلةَ حيلتي ،

وهواني على الناس يا أرحم الراحمين .

أنت رب المستضعفين . وأنت ربي .. إلى من تكلني ؟

إلى بعيد يتجهمني .. أم إلى عدوٍ ملكته أمري ؟؟

إن لم يكن بك عليّ غضبٌ فلا أبالي ..

غير أن عافيتك هي أوسعُ لي...

أعوذ بنور وجهك الذي أشرقتْ له الظلمات ،

وصلحَ عليه أمر الدنيا والآخرة أن يحلّ عليّ غضبك ،

أو أن ينزلّ بي سخطك .. لك العتبى حتى ترضى ..

ولا حول ولا قوة إلا بك


يارب فرج قريب


تميم  باتي  ورده  احمد

نورتوني حبايبي
يارب تسمعون خبر يفرحكم ويفرحنا عن قر يب

[ahmed_alsadiq]

خبر جديد علي ولكنه خبر لربما يكون قديم للكثيرين فان السادة المحلفين وصلوا يوم 15/5 ولكنهم سافروا يوم 16/5 الى منطقة السلوم لمقابلة المحالين على المنظمة والموجودين في كامب السلوم الموجود على الحدود مع ليبيا وسوف يعودون الى امريكا وبعده بفترة سوف يعودون لمتابعة الكيسات الموجودة في لمنظمة نقول الحمد لله على كل حال .

[احمد الربيعي]

تسلم ايدك احمد على هذا الخبر بالنسبه الي هذا الخبر والله اول مره اسمع فيه بس هذا الخبر هل هوه صحيح انت متأكد يا ريت توضحلي واكون شاكر الك

[البلدوزر]

Up

[mustafa ahmad]

اخويه احمد
حتى لو فعلاً اجوي حسب مذكرت
مجوي سووا مقابلات ولا فتحوا اي كيس
يعني جيتهم متنحسب على مصر بالاصل
بارك الله بيك اخويه
وان شاء الله يجون عن قريب وتفرج على الجميع

[اوان الورد]

اول مشاركه الي هي خبر ان شاء الله يكون صادقين بي المحلفين يوصلون بعد اسبوعين بالمنظمه هيج كالولي اليوم

[mustafa ahmad]

الله يبشرج بالخير اختي
يارب يسمع منج ويطلع حجيهم صدك اللهم امين
تعبنه هوااااي
يارب يجازي صبرنه بالخير
بارك الله بيج اختي

[الريم 2000]

امين وانشالله يوصلون   وتصير سوالف يارب

[محمد اكرم]

ياجماعة ابشرو المحلفين موجودين في مصر بس حاليا همة بالسلوم واصلين صارلهم 3 ايام وانشاء الله يكون النة همين نصيب وهذا خبر اكيد ومن مصدر موثوق كولو يارب

[mustafa ahmad]

نتأمل خير وألله كريم
ان شاء الله انتظارنا ميضيع يم رب العالمين
اللهم آمين

[احمد الربيعي]

يا رب فرج عنا /////////////////////// شكرا اخوان على هذه الاخبار السعيده واتمنى من الله العلي القدير ان يتمم علينا وعليكم بالخير وان شاء الله يأتون المحلفين ونحلف كلنه ونسافر ونخلص من هذا الضغط واشكركم مره ثانيه وعاشت اديكم

[mustafa ahmad]

يا جماعة الخير ويا كل اهلي بهذا المنتدى الغالي
ابشركم اتصلوا عليه هسه قبل نص ساعه من الـ آي او ام
انطوني موعد  مقابلة محلفين يوم 24 \ 6  متصورون شكد فرررررررررررحت
ودعيت الكم ويارب يفرجها عليكم اجمعين اللهم آمين
وان شاء الله وره المقابله اكتب موضوع مستقل خاص بالمقابله وبشكل تفصيلي
اني هواي استفاديت من تجاربكم بهذا المنتدى واتمنى افيدكم
يارب الفرج القريب للجميع

[محمد اكرم]

مبروووووووووووووووك اخوية العزيز يوم النا للجميع ان شاء الله ونخلص ونمشي ونعوف هالانتظار والملل القاتل

[mustafa ahmad]

حبيبي حمودي الله يبارك بعمرك
والله دعيت للكل ويارب يفرجها عليكم وعلى كل العراقيين المظلومين
تسلم لردك يا غالي

[fadimore]

مبروك المقابلة اخ مصطفى ونتمنى لك يوم السفر ... والموفقية

[mustafa ahmad]

ربي يبارك بعمرك اخويه fadimore
وان شاء الله يوم السفر للجميع
اشكر وقفتكم ودعاؤكم الصادق
وان شاء الله التوفيق من الله للجميع يارب

[A.Ahmed]

مبروك اخويه مصطفى على المقابله الله اسهلهة عليك انشاء الله وعلينه كلنه يا رب
بس ممكن تكلي انت شوكت قابلت مقابله اولى وثانيه ؟

اتمنالك كل التوفيق

[mustafa ahmad]

الله يبارك بيك اخويه  احمد ويارب يوم السفر  للجميع ان شاء الله
اني قابلت بشهر الـ 11  سنة  2011 
بيومها سويت مقابله اولى وثانيه
سويت مقابله اولى مدة ساعتين تقريباً وراها استراحه ربع ساعه
وبعدها كملنا المقابله الثانيه

يعني صار  8 اشهر تقريباً من قابلت مقابله اولى وثانيه

[وردة الخليج]

مبرووووووووووك أخي مصطفى وأن شاء الله تحصل على موافقة المحلفين

[mustafa ahmad]

الله يبارك بعمرج اختي وردة الخليج
ويارب يوم السفر للجميع
وتسلمين على دعواتج ياغاليه
ربي ميحرمني منكم اعز اخوه وخوات

[ahmed_alsadiq]

الف الف الف مبروك اخوية مصطفى يارب انفكت الجبسة على وجهك يارب

[محمد اكرم]

اي عفية شباب هيجي الحركة بركة يارب سهل الامور عفيه اخ مصطفى زودونا بهالاخبار الواحد يرتاح شوية كولو ياررررررررررررب

[ahmed_alsadiq]

اخوية مصطفى الف مبروك يارب يوم اتصالنة احنة رح ندعيلك وانت هم ادعيلنة وزودنة باخبارك مو تعوفنة وتروح ترة روحتنة سوة ان شاء الله

[mustafa ahmad]

الف الف الف مبروك اخوية مصطفى يارب انفكت الجبسة على وجهك يارب

ان شاء الله على وجه الجميع تنفك الجبسه ياغالي
والله اول متصلوا بيه انتوا جيتوا على بالي وردت ابشركم
لان حالي من حالكم
ويارب الفرج للجميع
اللهم آمين

[mustafa ahmad]

اي عفية شباب هيجي الحركة بركة يارب سهل الامور عفيه اخ مصطفى زودونا بهالاخبار الواحد يرتاح شوية كولو ياررررررررررررب

يارب يسهل للجميع ابو جاسم
وان شاء الله اي جديد اسمعه ومصدر موثوق انقله الكم
ونكول يااااااااااارب وياك
والفرج قريب
اللهم آمين

[mustafa ahmad]

اخوية مصطفى الف مبروك يارب يوم اتصالنة احنة رح ندعيلك وانت هم ادعيلنة وزودنة باخبارك مو تعوفنة وتروح ترة روحتنة سوة ان شاء الله

حبيبي احمد
معاش الي ينساكم
ربي شاهد عرفتوا بالموضوع قبل اقرب الناس اليه
ودعيتلكم ولكل عراقي مظلوم
ما ضاقت الا فرجت
خالين عينه بعين الله
وان شاء الله يخابروكم كلكم ويبشروكم
كولوا آمين

[احمد الربيعي]

اقسم بالله العظيم كلش فرحتلك اخويه مصطاف العزيز الف الف مبروك حبيبي يوم السفر وان شاء الله نبقه على الاتصال مع اخوانه في هذا الكروب لكي نستفيد من اي معلومه جديده داعيا من الله العلي القدير ان يحقق مرادك ومرادنه ومبروك حبيبي مره ثانيه

[احمد الربيعي]

انت اصيل اخويه مصطفى والله يفرحك ويسهل امرك

[الريم 2000]

UP
لجماعه مصر الغاليين--انشالله الفرج القريب

[ابو هاشم]

الاعزاء اعضاء هذا الكروب المحترمين

لي الشرف ان اكون معكم احد اعضاء هذا الكروب

انا كنت في مصر وقابلت شهر 8 -2011 وكان موعد سفري في شهر 3- 2012 احببت ان اشرك معكم في هذه الجمعيه للرد والمساعده في اي معلومه لدي ممكن ان يستفاد منها احد منكم اتمنى لكم جميعا كل الخير والموفقيه ومقابله محلفين سهله وسفر سريع ان شاء الله

ابو هاشم

[محمد اكرم]

اهلا وسهلا بيك ابو هاشم اني هم وياك من جماعة الشهر الثامن وبعدني لحد الان منتظر بس اضافة طفل والله يسهلها

[mustafa ahmad]

اقسم بالله العظيم كلش فرحتلك اخويه مصطاف العزيز الف الف مبروك حبيبي يوم السفر وان شاء الله نبقه على الاتصال مع اخوانه في هذا الكروب لكي نستفيد من اي معلومه جديده داعيا من الله العلي القدير ان يحقق مرادك ومرادنه ومبروك حبيبي مره ثانيه

حبيبي احمد تسلمي يا طيب وربي يبارك بعمر
دعيت لكل اخواني هنا ويارب ينطيكم مرادكم وتسافرون اليوم قبل باجر
واني باقي وياكم بهذا الكروب ومتواصل علمود كل عراقي صابر
وان شاء الله مجرد ما اقابل ان شاء الله ادرجلكم موضوع مفصل عن المقابله
في سبيل فائدتكم
تسلملي يا غالي

[mustafa ahmad]

انت اصيل اخويه مصطفى والله يفرحك ويسهل امرك

رجعتك للموضوع خلتني افرح بكد فرحتي بالاتصال
ربي يوفقك ويجعل الفرح بعمرك طريق مينتهي
اللهم آمين

[mustafa ahmad]

UP
لجماعه مصر الغاليين--انشالله الفرج القريب

تسلمين للرفع اختي الغاليه
ربي يوفقج ويوفق كل اخوانه الصابرين

[mustafa ahmad]

الاعزاء اعضاء هذا الكروب المحترمين

لي الشرف ان اكون معكم احد اعضاء هذا الكروب

انا كنت في مصر وقابلت شهر 8 -2011 وكان موعد سفري في شهر 3- 2012 احببت ان اشرك معكم في هذه الجمعيه للرد والمساعده في اي معلومه لدي ممكن ان يستفاد منها احد منكم اتمنى لكم جميعا كل الخير والموفقيه ومقابله محلفين سهله وسفر سريع ان شاء الله

ابو هاشم

اخويه العزيز ابو هاشم
يزيدنا شرف انضمامك النه ويارب نتوفق مثل ما الله فرجها عليك وفقك بالسفر
وتسلم لوقفتك النبيله ويانه وأكيد اني وكل اخواني هنا حنكون بحاجة خبرتك بالمقابلات والاستفسارات
ربي يبارك بيك يا طيب

[mustafa ahmad]

اهلا وسهلا بيك ابو هاشم اني هم وياك من جماعة الشهر الثامن وبعدني لحد الان منتظر بس اضافة طفل والله يسهلها

ربي يسهلها عليك حبيبي محمد ويارب تصير الاضافه وتفرج عليك وتسافر
اللهم آمين

[mustafa ahmad]

اخوتي وخواتي
وصلنه للصفحه الثانيه بموضوعنا
يارب صفحة خير عليكم وعلينا
وتدرجون بيها كلشي يفرحكم من اتصال محلفين الى قبول وسفر
ربي يفرجها على الجميع
اللهم آمين

[تميم العراقي]

الف مبروك للاخوان الي تحددلهم موعد مقابلة وان شاء الله الموافقة ويارب الكل تقابل وتسافر باقرب وقت

اخوكم المعذب من سنة 2010 تميم العراقي تحياتي

[mustafa ahmad]

اخويه الغالي تميم
ربي يبعدك عن العذاب
ومتشوف غير الخير والفرح
وان شاء الله تفرج على كل العراقيين
كول آمين

[محمد اكرم]

يارب سهل عالجميع وشكرا اخ مصطفى على هاي المشاعر ونريد من الجماعة اي احد يتصلون بيه على موعد محلف يكول وندعي للجميع بالموفقية

[تميم العراقي]

امين يارب


اشكرك اخويه  موفق ان شاء الله

[احمد الربيعي]

الاخ العزيز الفاضل ابو هاشم بالنيابه عني وعن جميع الاعضاء في هذا الكروب احب ان اوجه لك كل التقدير والاحترام واني اعرفك من زمان وانا من المتابعين لك واسمحلي اقول لك انت من العراقيين الشرفاء  اقول هذا لان اكثر العراقيين الذين سافرو قد نسو ضروف اخوانهم العراقيين ولاكن اقول (الدنيه بعدهي بخير ) ووجودك معانا هوه الخير ان شاء الله ومنورنه اخويه  ويا ريت تبقه ويانه لان اكيد راح نحتاجلك في الايام القادمه وبارك الله فيك

[ابو هاشم]

الاعزاء جميعا اشكرك كلامكم الجميل وترحيبكم بي انا موجود ان شاء الله يوميا واي استقسار ارجو ان لا يتردد احد بطرحه على الخاص او على العام وانا افضل العام لتكون الفائده للجميع ودخول في نقاش يغني الموضوع اكثر.

تمنياتي للجميع السفر القريب

ابو هاشم

[اختكم العراقية]

مبروك المقابلة اخ مصطفى ونتمنى لك يوم السفر ... والموفقية

مبروك اخ مصطفى يارب يوم سفرك والفرج يارب وعلى كل الفرج  ممكن نعرف متى قابلت الاولى والثانية ممكن اخي مصطفى تسلم اخي

[اختكم العراقية]

يا جماعة الخير ويا كل اهلي بهذا المنتدى الغالي
ابشركم اتصلوا عليه هسه قبل نص ساعه من الـ آي او ام
انطوني موعد  مقابلة محلفين يوم 24 \ 6  متصورون شكد فرررررررررررحت
ودعيت الكم ويارب يفرجها عليكم اجمعين اللهم آمين
وان شاء الله وره المقابله اكتب موضوع مستقل خاص بالمقابله وبشكل تفصيلي
اني هواي استفاديت من تجاربكم بهذا المنتدى واتمنى افيدكم
يارب الفرج القريب للجميع

الف الف مبروك اخي  الموفقية يارب امين للكل اريد بس اعرف المحلفين جاين اني اختك هم منتظرة محلفين يعني ديتصلون  الله يفرحك دائما  انشاء الله تكتبلنة المقابلة بالتفصيل ونشكرك الف مبروووووووووووووك الفرج للجميع

[mustafa ahmad]

اخي ابو هاشم
بارك الله بيك وبكل عراقي غيور
وان شاء الله اي استفسار عند الاخوان يدرجوا  ربي يوفقك يا اصيل

[mustafa ahmad]

اختي العراقيه
هلا بيج ياغاليه
وربي يبارك بعمرج ويوفقج انتِ وكل اهلنه العراقيين
بالنسبه الي قابلت محلفين مقابله اولى وثانيه بنفس اليوم
بشهر ألـ 11 ــــ 2011
وان شاء الله بعد مقابلة المحلفين
حدرج موضوع بالتفاصيل
والتوفيق من رب العالمين
ويوم الي نفرح باتصالهم بيج
اللهم آمين

[fadimore]

اخواني واخواتي هل تعتقدون راح يقابلون الكل ولا قسم منهم وياجلون الباقين ..يعني من خبرتكم كل اللي منتظرين محلفين واني منهم راح يتصلون بيهم ولا مو شرط .

[محمد اكرم]

طبعا اخي لازم يقابلون الكل انتة لو تحسبها هوة احنا كم كيس موجودين لو يومية قابلو 5 كيسات يخلصونة ب3 ايام احسبنا احنا كم واحد موجودين بمصر منتظرين محلفين والي بالمنتدى يخلصونة بيوم واحد هههههههههههههه والله كريم هم كول يارب للجميع

[تميم العراقي]

المفروض يقابلون الكل مهما كان عددهم احنا بوجبتنا طبعا جنا رمضان بوكتها وبقوا عشر ايام يقابلون حسب ما اذكر ويوميه ب العشر عوائل يقابلون حتى بيوم مقابلتي جنا يمكن 17 كيس اذا مو اكثر والمحلفين لتنسون صارلهم من شهر الثامن 2011 اخر مره قابلوا والباقي جان حاللات انسانيه
اطمئنوا ان شاء الله يخابروكم وانتوا هم خابروهم لان احنا خابرناهم وانطونا الموعد مرات يخابرون قبل فتره ومرات يخابرون قبل يوم واحد


تحياتي الكم

[mustafa ahmad]

اخواني اول شي ان شاء الله يخابروكم كلكم ويبشروكم بحيل الله وصبركم ميضيع يارب
اني قبل ميتصلون بيه كرايبي هنا بمصر اتصلوا عليه
كالوا خابرونه وانطونه موعد محلف يوم عشرين بالشهر
خابرت على الـ اي او ام كتلهم وصلوا محلفين لو بعد  كالوا لا بعد
كتلهم سمعت دتنطون مواعيد كالوا لا ماكو هيج شي
 وراها بيوم اتصلوا عليه كالوا عندك موعد مقابله يوم  24
وبوقتها مباشرةً درجت رد بخصوص الاتصال
علمود الكل يعرف انه المحلفين واصلين  لمصر

ومثل مكال الاخ تميم ظلوا اتصلوا عليهم حتى لو كالولكم ماكو هيج شي

وان شاء الله تتبشرون بالخير .. اللهم آمين

[mustafa ahmad]

حبيبي محمد أكرم
اني الي اشكركم بفضل دعاؤكم وتآزركم وروحكم الطيبه
تباشير الخير بدت تهل  علينه
وان شاء الله الخير يعم الجميع يارب ويتصلون بيكم
اللهم آمين
اتمنى اي احد هنا بمصر من الاعضاء يتصلون عليه يخبرنه ويدرج رد
علمود نطمن ان الكل  حيقابلون

[محمد اكرم]

هاي هم up

[موجة بحر]

السلام عليكم اني جديده على المنتدى حبيت اشارك من اتكون عندي معلومه اتفيد الكل لان كنت ادخل اباوع وطلع .... المهم البارحه سمعت اكو عائله اتصلو بيهم ونطوهم موعد يوم 23وصار تاكيد قوي للكلام الموجود بالكروب والعائله ب6اكتوبر يارب يوم الفرحه للكل بتصال الاي او ام وهم صحيح
من كالو همه يتصلون لو قبل يوم ايكولولك تعال قابل مو شرط قبل اسبوع ونضل نتفائل بالخير ان شاء الله

[PlatinuM]

السلام عليكم
الافضل ان تتصلون بيهم بلكت ينطوكم موعد مقابلة
لان احنه في وقتها اغلبيتنه اتصلنه بيهم ونطونه موعد فلا بس تعتمدون عليهم
على الا قل اتصلو لتذكيرهم بملفكم
تحياتي

[fadimore]

ممكن اخوان اخر تلفون iom  حتى نقدر نتصل بيهم ولكم الشكر والموفقية للكل

[محمد اكرم]

اخر تلفون عيني هوة 01016255526 واهلا بيك ويانا بس للاسف هاليوم خابرت من الساعة 9 الصبح لغاية 1 الظهر محد يرد يدك ومشغول بس وخابرت عالارضي يكولي اذاتريد محلفين خابرنا عالسابع وننطيك خبر ياجماعة ترة احنا دينضحك علينة شنو السالفة همة مو موجودين لو ه1ذا الي ديكول انطونة موعد ديكذب علينا ويهدينا فنريد نعرف الخبر اليقين وين ومعذرة من كلامي للاخوة الي نطوهم مواعيد بس نريد نعرف الصدك من الجذب

[mustafa ahmad]

اخر تلفون عيني هوة 01016255526 واهلا بيك ويانا بس للاسف هاليوم خابرت من الساعة 9 الصبح لغاية 1 الظهر محد يرد يدك ومشغول بس وخابرت عالارضي يكولي اذاتريد محلفين خابرنا عالسابع وننطيك خبر ياجماعة ترة احنا دينضحك علينة شنو السالفة همة مو موجودين لو ه1ذا الي ديكول انطونة موعد ديكذب علينا ويهدينا فنريد نعرف الخبر اليقين وين ومعذرة من كلامي للاخوة الي نطوهم مواعيد بس نريد نعرف الصدك من الجذب

اخويه محمد
اني من سويت موضوع الكروب سويته لان صارلي 8 اشهر انتظر محلفين وردت اشوف منو ويانه بمصر هم دينتظر
واذا  يجون المحلفين اكيد الي ينطوهم مواعيد حيكولون لان هو مو سر
اني وره مخابروني بدقايق درجت الرد
وردت افرحكم  ويايه وابشركم انهُ المحلفين وصلوا
ومستحيل ادرج رد واكول اتصلوا عليه في سبيل اهديكم
شنو الي حستفاده من هذا كله ؟
وقبل ميتصلون بيوم اني عرفت من كرايبي انه المحلفين  جايين وانطوهم موعد
مدرجت رد اله من خابروني علمود يكون الخبر مؤكد وموثوق بي
ومقابلتي يوم 24 بالشهر
واليوم اتصلت على موبايل الاستفسار  وظليت هواي احاول الى ان حصلت ردت عليه موظفه اسمها ايمان
وأكدتلي الموعد بعد منطيتها رقم الكيس
اما بخصوص عدم اتصالهم بيكم هاي علمها يم الله ويم المنظمه
ويا مره المنظمه بخصوص السؤال والاستفسار اخي كان عدهم مصداقيه
كل مره كنت اخابر على المحلفين يكولون منعرف شوكت يجون
بالوقت الي اني بشهر الثالث كنت يمهم استفسر والمحلفين موجودين وهم كلولي بعد منعرف وقت وصولهم !!

[الريم 2000]

اخوان السلام عليكم اخ محمد للايضاح اذا كانت الاعداد كبيره فقسم من الملفات يجيها السره والقسم الاخر على جيت المحلفين الثانيه لهذا الظاهر همه مكتفين بلعدد ومديجاوبون وهاي تره داما تحصل اخي والله يكون بعون الجميع والمنتظرين معاكم هم وانشالله الاخ مصطفى ربي يوفقك بلمقابله وكل الاخوه يارب -----الريممممممم

[محمد اكرم]

اخوية العزيز مصطفى اني من داحجي اني صارلي سنتين منتظر بس المشكله هسة من داخابرهم يكولولي بعد شهر السابع يجون مع العلم همة موجودين حاليا والدليل خابرو جماعة وانطوهم مواعيد القصد من الحجي وين الصدكككككككككككككككككك؟هذا الي محير الناس والله يسهلها عالجميع

[mustafa ahmad]

اختي الريم شكراً للتوضيح ربي يديمج يا اصيله
وأحب اضيف معلومه سبق وكلتها هنا بنفس الموضوع
من اتصلوا على كرايبي انطوهم  موعد
اني اتصلت ثاني يوم الصبح على الارضي
وسألتهم على المحلفين وقت وصولهم كالوا منعرف شوكت
كتلهم سمعت دتنطون مواعيد مقابلات كالوا ماكو هيج شي هذا الخبر مو صحيح
واني هم ظليت بحيره بس متأكد من مصداقية كرايبي لان ليش انطوني خبر
وخابروني  العصر بنفس اليوم الي خابرتهم بي
كالوا عندك موعد مقابلة محلف وانطوني تأريخ الموعد
بالنسبه الي اعرف ماكو مصداقيه بالاستفسار من ال اي او ام
لان جربتهم وهواااي
اخويه الغالي محمد وكل من ينتظر اتصال
حالوا تتصلون بيهم على رقم الاستفسار مو على الارضي
هواي جماعات اخذت موعد بعد اتصالهم
الله ميضيع صبركم
ويتصلون بيكم حتى لو قبلها بيوم
اللهم آمين

[um reem]

الله يسهلها ويفرجها ع كل الاخوه المنتظرين
ويتصلون بالكل واعتقد العدد الموجود مو كبير كلش
وهوايه منهم منتظرين المحلفين لاضافة طفل وهاي متاخذ وقت طويل
ف ان شاء الله الكل تقابل وترتاح من الانتظار ....

       ام ريم

[احمد الربيعي]

يا جماعه والله شنجتونه شنو السالفه يمعودين بس ادعو  وكولو يا الله صدكوني كلنه راح انحلف ان شاء الله

[محمد اكرم]

الله يسهل عالجميع وان شاء الله الكل تسافر وترتاح كولو امين يارب العالمين

[mustafa ahmad]

اختي ام ريم صح لسانج وان شاء الله ميضيع صبرنا
حبيبي احمد شعدنه غير رحمة رب العالمين تشملنا كلنه بعون الله .. اللهم امين

محمد اكرم ربي يفرجها عليك اخويه وعلى كل اخوانه
وان شاء الله يتصلون بيك هاي الايام
اللهم آمين

[موجة بحر]

السلام عليكم اليوم رحنه للمنظمه وتكلمنه مع احد موضفيها
ايكول همه جايين على كيسات معينه همه مختاريها ومنكدر انسويلكم شي بس الي علينه انبلغ
يعني نشكر الله ونحمده على كل شئ

[niron]

دايخ بسالفه وهو انه يجون على كيسات محدده شنو يعني محدده وشلون تحددت وداعتكم السماله كولها يدخل بيها الحظ ابسط شئ اني مقابل مقابله اولى وثانيه الشهر التاسع 2010 وكل ما اتصل يكولولي ملفك جاهز لمقابلة محلفين واجوي الشهر الثالث وقدمت شكوى لان المفروض اقابل وكالوا جيتهم هيج كانت لكيسات محدده وحالات انسانيه وهسه لحد الان خابرتهم قبل يومين تكولي احنه نخابرك وانته ما مجدول على جيه المحلفين من يجون بس انته ملفك جاهز وفعال ........؟ زين اذا جاهز وفعال شنو المشكله ...............!

[محمد اكرم]

اخوية العزيز عوفها على الله ترة ربك هوة ارحم الراحمين شنسوي نصبر ونكول الله كريم

[وردة الخليج]

الله كريم

[ahmed_alsadiq]

معودين اشو صنطة اني من تختفون يضل بالي علىكم اشو ماكو شي شنو اكتفوا بالي اتصلوا عليهم لو اكو ناس ديتصلون بيهم بس طمنونة لحد ينطي الموعد الصحيح بس يكول اتصلوا عليه لو لا حتى نفهم وشكرا لهم مقدما .

[احمد الربيعي]

يا رب فرج عنا

[موزارت]

يارب التيسير والفرج لجميع المنتظرين

[fadimore]

اخواني حاولنه نتصل ب iom على الرقم مالتهم ما حصلناهم ولعدة ايام حتى الشوجر صعد والضغط واخاف من شغلة السنوات الطويلة اللي جايه ... اللي راحت مو مشكلة تحملناها بالحلوة والمرة وما كان عدنه امل اما الان فالامل موجود لكن احنا وصلنه الى مفترق طرق صعب علينه هل نكمل ونتحمل بعد سنين اضافية ومن خلال قراءاتي لبعض الاخوة الذين هم من سنة 2008 و2010 ولحد الان .. اخشى ان ادخل في دوامة الانتظار الممل والقاتل وهناك التزامات عائلية كدخول الجامعه مثلا او الانتظار لحين السفر مما يترتب عليه خسارة سنة او سنتين من عمر الاولاد .. اتمنى ان يتصلوا بينه وبكل الاصدقاء وان شاء الله قريب

[محمد اكرم]

no comment

[موجة بحر]

اخويه استاذ مصطفى بشرنه اشصار منك خير ان شاء الله ننتضر اخر اخبارك

[ahmed_alsadiq]

اخوية مصطفى ترة فوك الحر احنة كاعدين على نار وننتظر اخبارك ارجوا ان تنطينة الاخبار واًذا افتهمت شي على المقابلات مالتنة اكو بيهة امل لو نأيس ننتظرهم على الجية الخ اذا عدنة عمر وربنا يسهلهة عليك

[محمد اكرم]

اخ مصطفى ندري هاليوم تعبان انتة بس اهم شي تكون قابلت وخلصت وان شاء الله الموافقة السريعة بشرنا ليوين باقين المحلفين يعني كم يوم بعد وشخبار الي وياك اكو جماعة قابلو والله يساعدك على كل هاي الاسئلة وشكرا

[ahmed_alsadiq]

اويليييييييييييييييييييي لا الراح جانة ولا رد الخبر لينة يبووووووووووووووووووووووووووووووووو
طبعا اني كل ربع ساعة افوت انتظر رد من اخونة مصطفى الوردة !!!!!!!!!!!!!!!!!!

[mustafa ahmad]

السلام عليكم ورحمة الله وبركاتهُ
اخوتي اني كلش اسف تأخرت عليكم بالرد بس كملت  شغلة المدارس مال الاطفال علمود مقابلة السي ار اس منحة المدارس
الحمدلله والشكر قابلت البارحه حجاوب على استفساراتكم هنا  وبعدها انزل موضوع  خاص بالمقابله ان شاء الله
بالنسبه للمحلفين مااعرف اذا باقين لو لا بعد مده اطول لأن كعدونه بره بالحديقه الداخليه للمنظمه  مشفنه اي موظف
يطلع ولد يصيحنا بالاسماء
وبالاستعلامات اي شي تسألهم يكلك  ( مش عارف ) !!
بس الي عرفته انه اول المواعيد انطت من يوم 18 بالشهر يوم الاثنين بالتحديد
عراقيين مشفت بس عراقي واحد والباقي كلها عائلتين صوماليه وعائله سودانيه
بس عددهم جبير
عدد المحلفين كانوا 3  رجل جبير بالعمر حوالي بالستين عمره  وبنيه تطلع بالثلاثينات ورجل شاب هم بالثلاثينات
واني قابلني الرجل الشاب

سألت كرايبي الي قابلوا يوم عشرين بالشهر اذا اكوا عراقيين
كالوا بس عائله عراقيه وحده  شفنه .. ولد اثنين شباب اخوه
وعائلتين سودانيه وعائلتين صوماليه
وحتى معظم المقابلات البارحه كملوها بسرعه
بسبب ظروف البلد واعلان النتائج
احنه من طلعنه حدود ال2 الظهر
كانوا الموظفين اغلبهم ديطلعون من المنظمه ...
وان شاء الله حنزل موضوع بخصوص المقابله

[mustafa ahmad]

اخواني هذا مو آخر المطاف
كولوا يا الله وخلوا عينكم بعين الله
والله حاس بيكم ولو بيدي وحق الي خلقني وخلقكم كلنه نقابل بيوم واحد ولا اشوفكم هيج
اني دتشوفوني هسه من ال 2007 مقدم  على اليو ان وانرفضت ومخليت لا استئناف ولا تقارير
بكل الطرق حاولت وأخرها ب 2010 قدمت من مكتب جفري  ومشى الحال ولله الحمد
بس مأيست من رحمة الله ..
الله يفرجها عليكم وميضعي الكم صبر
اللهم آمين

[احمد الربيعي]

بالتوفيق اخي مصطفى ونتمنى ان تشرح لنا ما تم في مقابلتك ونكون شاكرين فضلك//////////////////// والموفقيه لنا ولكم بأذنه تعالى

[mustafa ahmad]

اخواني وكل اهلي هنا
اشكركم على تواصلكم بهذا الكروب
ويارب يسهل عليكم ويفرجها عن قريب للجميع
واني حافظت على وعدي الكم ودرجت موضوع خاص بالمقابله
علمود الكل يستفاد ..


http://www.ankawa.com/forum/index.php/topic,595575.0.html

دعواتكم اليه لان كلش محتاجها  هسه اخوتي
والتوفيق من الله للجميع
اللهم آمين

[وردة الخليج]

مبروووووووووك أخي مصطفى على مقابلة المحلفين ويارب تحصل على موافقتهم
أن شاء الله السفر القريب للجميع

[محمد اكرم]

الف مبروك اخوية مصطفى والله يسهل امورك وموافقتك سريعا وتخلص وتسافر وللجميع ان شاء الله

[ahmed_alsadiq]

شكرا لاخونا مصطفى ونحتاج من اخوتنا الي رح يقابلون في الايام القادمة ممكن يتاكدون بموعد سفر المحلفين واذا كانو سيقابلون الكل ولة حيتركونة الى جياتهم الجاية وشوكت يعني اسئلة عامة اذا امكن وربنا يسهل على الكل

[محمد اكرم]

ياجماعة ترة المحلفين لحيمشون يوم 1/7 سمعت من صديق ومندري الواحد شيسوي ؟؟؟؟ من الله الصبر دعوة للناس جميعا

[تميم العراقي]

ان شاء الله الكل تقابل وتفرج عليكم واكو خبر يكول راح يروحون ويجون على نص السابع حسب احد الاصدقاء مخابرهم عنده اعادة بصمه كايليه يجون على نص السابع


بس ان شاء الله يخابروكم على هاي الوجبة

[ahmed_alsadiq]

معودين شنو السالفة يبين المحلفين جايين على اخونة مصطفى وراحوا اشو صنطة لا حس ولا خبر يعني طلعوا بعدهم رح يرجعون الي عندة خبر يفيدنة

[احمد الربيعي]

شباب اني البارحه طفرت روحي وكلت لازم اروح اشوف شنو السالفه رحت و بالتواسيل طلعلي واحد  المهم ما اطول عليكم السالفه كلي على 7/1 يرحون ويرجعون نص السابع وراح يحلفون الكل ////////////////////   والله على ما اقول شهيد

[اكليل الجبل]

الله يسمع منك اخ احمد والله ملينا وبزعنا صارلنا من 2009 مقدمين وشهر ال4 2012 قابلنا بال اي او ام وهسه اجوي محلفين ومكالولنا ونخابر كومة عليهم ومدحصل زين شسوي كولولي والله حتى اهلي صارلي 4 سنين مشايفتهم كلشي مؤجلوكلشي دااحسه مبهم بحياتي من وره هالسفر الله يريحنا ويريح الجميع ياربي

[PlatinuM]

الله كريم
أن شاء الله يجون المحلفين والكل يقابلوهم ويحصلون موافقة ويسافرون
تحياتي

[mustafa ahmad]

السلام عليكم ورحمة الله بركاتهُ
شلونكم اخوتي ان شاء الله بخير
اعتذر عن انقطاعي
الفتره الفاتت دخلت من الموبايل بس تصفحت
معرفت اسوي رد 

اخوتي عندي صديق كان بالـ اي او ام  يوم الاحد  يوم 1 \ 7   
طيارته كانت البارحه يوم 2\7  سافر لاميركا
كلي المحلفين كانوا بعدهم موجودين ومشاف اي عائله عراقيه  دتقابل محلفين
لان دخل بالعشره هناك وطالع ساعه وحده الظهر كال اغلبهم صومال وسودان وميجاوزون 4 عوائل
سأل الموظف على شغلة المحلفين وكله اليوم اخر يوم يقابلون وحيرجعون 1 \ 8 
ان شاء الله يقابلوكم وتفرج عليكم اللهم امين
بس اترجاكم ظلوا خابروا  حتى لو متحصلون ظلوا حاولوا اخوتي
وربي يوفق الجميع

[اكليل الجبل]

الف شكر الك اخ مصطفى الله يسهل امورك ويوافقون عليك والله احنا هم مقدمين من 2009 وبشهر ال4 يله قابلنا اول مقابلة ودننتظ ر هسة الفرح .... ياااااااارب يجون  هالفترة ويقابلون الكل والله العالم بزعت وطكت رواحها من هالانتظار منكول بس يارب بجاه هذا الشهر الفضيل وهالايام المفترجه تفرجها علينا وعلى كلمن عنده ضيقة (( أمن يجيب المضطر اذا دعاه)) نتوكل على رب العالمين كلنا وماخاب من اتكل على الله ... شكرا لكل واحد ينقللنا خبر صحيح وصادق وشوية يريح بالناوالله ييسرله امورة

[وردة الخليج]

الله كريم تفرج وتتسهل على الجميع بأذن الله سبحانه وتعالى
أن شاء الله السفر العاجل والقريب للجميع

[niron]

حبايب المحلفين موجودين او راحو المهم صديقي اتصلوا بيه اول امبارح وانطوا موعد مقابلة محلفين يوم 14/7 والله يسهل للجميع

[ahmed_alsadiq]

وين أهل البشارة اشو ماكو احد يدخل معودين حتى صاحبنة ابو ال 14/7 هم ماكو خبر منة رغم انه ما اعتقد اكو موعد بهذا اليوم لانه يوم سبت وهمة معطلين فالاخ جان المفروض يرتب وضعة على يوم اخر ههههههههههههه المهم خلي يشوفولنة شنو الاخبار بس بلية نرفزة رجاءا والي عندة خبر مضبوط يكولة واذا جان عندة موعد يوم جمعة او سبت خلي يحتفظ بيه لنفسة .

[niron]

حبيبي ابو شهاب اثاري الاخ الجماعه جاي يدزونه لان مضوجهم بالاتصال فشمروه على هذا الموعد حتى يفك منهم شويه اخويه الخميس كنت هناك و100% المحلفين الشهر الثامن

[احمد الربيعي]

اخوان السلام عليكم اني كنت الاسبوع الماضي في iom وبأختصار المحلفين غير موجودين حاليأ في مصر وسوف يأتون في نصف شهر رمضان الكريم  ...............يا رب فرج عني وعن جميع السائلين بحق هذا شهر المبارك............

[ahmed_alsadiq]

شكرا اخوية احمد الله يبارك بيك يارب

[تميم العراقي]

السلام عليكم اخوان كولولي اكو مراجعة استفسار لو بس مقابلات يعني رجعوا يستقبلون اربعاء وخميس لو بعدهم بس بالتلفون



تحياتي

[احمد الربيعي]

اخي تميم حاول تتصل بالتلفون واذا مجاوبو  انته روح  لان المحلفين مموجودين

[احمد الربيعي]

كلنه اخوان حمودي واني بخدمتكم ان شاء الله

[naz67]

اعزائي من خلال معلوماتي القديمة 4 سنوات مع الاي او ام فان المحلفين قد جاءو العام الماضي 2011 بيوم 1/8 وبدت المنظمة تنطي مواعيد من يوم 8/8 وبعدها جاءو نهايه شهر 10 ووبدت المقابلات لغاية شهر 11
فتوقعاتي المحلفين ياتون بشهر الثامن ان شاء الله وكما تفضلوا الجماعه

[تميم العراقي]

اخي تميم حاول تتصل بالتلفون واذا مجاوبو  انته روح  لان المحلفين مموجودين

اخوية ليش هما يردون صارلي يومين ادك حسبي الله ونعمه الوكيل

[وردة الخليج]

يوم الاحد والاثنين والموبايل ماتركته من الساعة التاسعة صباحا الى الساعة الواحدة ظهرا
وكله مغلق وأعصابي تلفت وعمري مادعيت على شخص بس الصدق دعيت عليها من كل قلبي
لان ماحد حاس بينه ليش ميشيلون الموبايل ويجابون على الناس موحرام عليهم هذا حرق باأعصابنا
 حسبي الله ونعم الوكيل عليهم بس الله موجود قادر على كل شي يخلصنا منهم ونسافر ونرتاح

[تميم العراقي]

اختي وردة زين دكي على الارضي على الاقل ميشيلوه احسن من مغلق

يظل يدكككككك وماكو وبعدين كاموا يرفعون السماعه ويعوفوني على الخط حتى يخلصون رصيدي شايفين هيج خباثه شوكت اهج

[وردة الخليج]

اختي وردة زين دكي على الارضي على الاقل ميشيلوه احسن من مغلق

يظل يدكككككك وماكو وبعدين كاموا يرفعون السماعه ويعوفوني على الخط حتى يخلصون رصيدي شايفين هيج خباثه شوكت اهج

  كدعان خبثاء وحقراء

[mustafa ahmad]

السلام عليكم ورحمة الله وبركاتهُ
اخواني بالنسبه لقضية المحلفين ديأكدون الموظفين جيتهم بداية شهر الثامن والله اعلم
اما بالنسبه ليوم الاربعاء والخميس لحد هسه مرجعوا يقابلون بالنسبه للاستفسار
الاتصال يكون يوم الاحد والاثنين والثلاثاء فقط
البارحه الصبح اتصلت بيهم ويدك وماكو رد
اتصلت على رقم الاستعلامات
كالوا توقف الاستفسار بالتليفون والموبايل لحد الشهر الثامن واحتمال يستمر بعد رمضان
اذا اكو شي نبعثه الكم عبر الاميل او نتصل عليكم
هذا الي صار ويايه بالامانه نقلته
وربي ينطينا الصبر

[اختكم العراقية]

اي عفية شباب هيجي الحركة بركة يارب سهل الامور عفيه اخ مصطفى زودونا بهالاخبار الواحد يرتاح شوية كولو ياررررررررررررب

يارب يسهل للجميع ابو جاسم
وان شاء الله اي جديد اسمعه ومصدر موثوق انقله الكم
ونكول يااااااااااارب وياك
والفرج قريب
اللهم آمين

اخوية مصطفى ممكن عندك خبر اشوكت يجون المحلفين ولو هم اجو وراحو واجو بس ايكولون شهر 7 يارب الفرج للكل بلكت عندك خبر   افتح الاميل ميفتح التعريف شنو  من عدهم السبب ولا تلفونات ولا ايميل يفتح   مد اعرف  الله يوفقك

[تميم العراقي]

السلام عليكم ورحمة الله وبركاتهُ
اخواني بالنسبه لقضية المحلفين ديأكدون الموظفين جيتهم بداية شهر الثامن والله اعلم
اما بالنسبه ليوم الاربعاء والخميس لحد هسه مرجعوا يقابلون بالنسبه للاستفسار
الاتصال يكون يوم الاحد والاثنين والثلاثاء فقط
البارحه الصبح اتصلت بيهم ويدك وماكو رد
اتصلت على رقم الاستعلامات
كالوا توقف الاستفسار بالتليفون والموبايل لحد الشهر الثامن واحتمال يستمر بعد رمضان
اذا اكو شي نبعثه الكم عبر الاميل او نتصل عليكم
هذا الي صار ويايه بالامانه نقلته
وربي ينطينا الصبر

لا حول ولا قوة الا بالله يعني حتى تلفون بعد ميردون  مشكور  اخوية الله يصبرنا

[احمد الربيعي]

اخوان هذا الموضوع مو سهل ويرادله صبر وندعو من الله الصبر وكولو يا الله ما بقه شي على شهر الثامن

[تميم العراقي]

السلام عليكم

بما انه اني صرت خبره سنتين ونص من النضال اعتقد المحلفين موجودين لان هذا الفلم مال ماكو تلفونات وماكو مقابلات صارت سنتين ونص يسووه بينا ومره رحت كلولي نفس الكلام وبعدين عرفت موجودين ان شاء الله يكونون موجودين ويتصلون بالكل


تحياتي

[احمد الربيعي]

اخي تميم اني عندي ولد صديقي قبل اسبوع كان في iom  اتصل بيه كلي المحلفين مموجودين وحبيت اتاكد بنفسي رحت ثاني يوم وسالت كلولي سافرو يوم 7/1 والعلم عند الله وان شاء الله خير

[niron]

حبيبي لا تعب نفسك اني كنت داخل المنظمه قبل 10 ايام بس راح اكتبها للفائده قابلت احد مدراء الاقسام هناك والبعض يقول لي انت قابلت مدير الاي او ام وذلك لاسباب شخصيه والله العظيم على كلامي كلي ببداية الثامن يجون المحلفين وانشاء الله اسمك موجود من الذين يقابلون ومنتظرين الفرج بعد ما اعرف يكذب علي بس ما اعتقد والله يفرحكم بمقابلة المحلفين الجميع دون استثناء

[ahmed_alsadiq]

اخونة ( niron ) والله حيرتنة مرة تكول همة موجودين وصديقك عندة موعد يوم 14/7 ويوم تكول اني قابلت المدير وكلك يجون بشهر 8 احنة نشكرك لتفاعلك معنا ولكن ارجوا منك اخي ان تتاكد من المعلومات قبل ان تنشرها لاننا عندما نسمع هذه الاخبار نضل في امل وبعدين ميجون لو يطلع الخبر غير صحيح وهذا يزيد في كآآآآآآآآآآآآآبتنا فوك ما احنة متكآبين ولكن نحن شاكرين لك على هذا الخبر الحلو ويارب تكون اول من يتصلون به للمقابلة ونحن ورااااائك يارب .

[niron]

بالنسبة لصديقي فهمتك من كثر ما يلح عليهم يردون بس يسكتونه فانطوه موعد وهمي ههههههههههههه بس قسمتلك على كلامي وعن لسان الي قابلني كلي هذا الحجي والله اعلم وان شاء الله يقابل الجميع

[mustafa ahmad]

السلام عليكم ورحمة الله وبركاتهُ
اخواني الموظفين كلهم على حجايه وحده انه المحلفين يجون على بداية الثامن
ولحد هسه محد من اخوانه الي منتظرين محلف اخذ موعد ماكو حل غير ننتظر ونصدك
وبالنسبه لمقابلتي مع المحلفين اني متصلوا عليه
اني الي ظليت اتصل الى ان حصلت رقم الاستفسار وعرفت انه اني قيد الدراسه هسه
وما اعرف يعني شنو قيد الدراسه
بس المحلف سألني على فد شي وكتله اني قدمته بمستمسك بال يو ان
كلي مموجود بس مكتوب انهُ انت قدمت هذا المستمسك
على اساسها اعتبر ملفي ناقص بمعلوماته
رحت لل يو ان  وشرحتلهم الي صار
بعدها بلغوني انهم دزوا هذا المستمسك  عبر الاميل لل اي او ام  وانه مو همه السبب بهذا الي صار
المكتب الاقليمي بلبنان هو الي مدزها !!!

اتصلت على الاي او ام وبلغتهم انه المستمسك وصلهم على الاميل وكالوا اي وصلنه ورفقنا بملفك
وما اعرف هسه شنو مصيري بالضبط
رجاءً اخواني اي معلومه ممتأكدين منها لتكتبوها لان متعرفون شنو مدى تأثيرها على النفس وشنو الاحباط الي يصير وراها
يارب .. جاه هذا شهرك الفضيل تفتحها بوجهنا وبوجه كل عراقي مظلوم
اللهم آمين

[mustafa ahmad]

بس نسيت ابلغكم انه اتصلت على استعلامات الي اي او ام
وسالت على الاستفسار بالموبايل شوكت يرجعوا
الموظفه اكدتلي يوم 5 \ 8  يصادف يوم  الاحد
وبيومها حيرجع الاستفسار من الساعه تسعه للساعه  الوحده الظهر
 وايام الاستفسار 3 ايام  الاحد والاثنين والثلاثاء
ومثل مكلتلكم  مقابلات الاستفسار يوم الاربعاء والخميس لحد هسه ممرجعيها
ويارب ميصير غير الخير بعد كل هذا
اللهم آمين

[تميم العراقي]

السلام عليكم ورحمة الله وبركاتهُ
اخواني الموظفين كلهم على حجايه وحده انه المحلفين يجون على بداية الثامن
ولحد هسه محد من اخوانه الي منتظرين محلف اخذ موعد ماكو حل غير ننتظر ونصدك
وبالنسبه لمقابلتي مع المحلفين اني متصلوا عليه
اني الي ظليت اتصل الى ان حصلت رقم الاستفسار وعرفت انه اني قيد الدراسه هسه
وما اعرف يعني شنو قيد الدراسه
بس المحلف سألني على فد شي وكتله اني قدمته بمستمسك بال يو ان
كلي مموجود بس مكتوب انهُ انت قدمت هذا المستمسك
على اساسها اعتبر ملفي ناقص بمعلوماته
رحت لل يو ان  وشرحتلهم الي صار
بعدها بلغوني انهم دزوا هذا المستمسك  عبر الاميل لل اي او ام  وانه مو همه السبب بهذا الي صار
المكتب الاقليمي بلبنان هو الي مدزها !!!

اتصلت على الاي او ام وبلغتهم انه المستمسك وصلهم على الاميل وكالوا اي وصلنه ورفقنا بملفك
وما اعرف هسه شنو مصيري بالضبط
رجاءً اخواني اي معلومه ممتأكدين منها لتكتبوها لان متعرفون شنو مدى تأثيرها على النفس وشنو الاحباط الي يصير وراها
يارب .. جاه هذا شهرك الفضيل تفتحها بوجهنا وبوجه كل عراقي مظلوم
اللهم آمين

اخوية ولا يهمك حتى لو قيد الدراسه احجيلك شغلة طبعا اني من جماعة 2010 وماخذ موافقة المحلف ويايه جان اكو شخص قيد الدراسة ماشاء الله الله سهلها علية وسافر شهر الثاني 2011 واخوك لحد هسه ينتظر الفرج  هاي قيد الدراسة هم مو مشكلة يعني المحلف بعده ممتخذ قرارا ولازم تخلص الامنيه يعني ملخص الكلام هي مسالت حظ ان كانت قيد الدراسة او موافقة هو التسهيل من رب العالمين خلي املك ب الله جبير

تحياتي

[mustafa ahmad]

السلام عليكم ورحمة الله وبركاتهُ
اخويه الغالي تميم ربي يطمنك ويبشرك بالخير
اني مؤمن بالكاتبه الله وان شاء الله كل تأخيره بيها خير  للجميع يارب
وبكل الاحوال معدنا غير انهُ نصبر هذا ابتلاء من الباري عز وجل

تسلم لأجابتك يا اصيل

[احمد الربيعي]

اخي مصطفى كول يا الله واني حسب ما فهمت من كلامك ماكو  مشكله عندك  المشكله عدهم همه واني متاكد ان شاء الله من يجون المحلفين و ينضرون بالاوراق راح يوافقون بعد ما يعرفون الخطا وما اعتقد هذا السبب راح يسببلك مشاكل  لاسامح الله الموضوع بسيط ومثل مكتلك المشكله مشكلتهم همه انته ما الك بيه ولتفكر والله يفرجه عليك وعلينا بحق سيد المرسلين  وبحق هذا الشهر الكريم

[احمد الربيعي]

يا جماعة الخير اشو مصطفى هبطني وخلاني اجر صفنات اني شهادة الجنسيه مال زوجتي ضايعه بالمقابله انطيتهم المستمسكات كله ما عدا الشهاده فسالني عنه كتله انفقدت ورحت للسفاره علمود اطلعه كالولي ميصير لازم هيه تروح للعراق وتطلعه فكتله احنه منكدر نرجع للعراق///////////ما اعرف شهادة الجنسيه مهمه عدهم لو لا ////////ارجوالاجابه من فضلكم وجزاكم الله خير

[mustafa ahmad]

السلام عليكم ورحمة الله وبركاتهُ
جمعه مباركه  عليكم ورمضان كريم ويارب ينطيكم مرادكم ويحقق كل امانيكم جاه هذا الشهر الفضيل

حبيبي احمد الربيعي اعتذر اول شي اذا هبطت عزيمتك ياغالي
بس حبيت اوضح الكم حالتي بالضبط والسبب الي خلاهم يخلوني قيد الدراسه
علمود استفاد من خبرتكم وافتهم شنو  وضعي بعد هذا الي صار
بالنسبه الك اخي الملف باسمك الزوجه ميدققون عليها مثل صاحب الملف وعادي ضاعت شهادة الجنسيه
ومكدرت اطلع بمكانها بسبب الظروف الراهنه الي بالعراق
المستمسك الي احجي عليه بعيد عن الهويات وهاي الامور
ليظل بالك اخويه الغالي ويارب الفرج القريب الك ولكل العراقيين
تحياتي يا طيب

[تميم العراقي]

عادي اخوان متاثر الهويات اني ممقدم الهوية ومالها اي علاقه محد كلي تأثر وقبل فتره خابرتهم كتلهم اريد اطلع هوية لو تاثر كلولي لا مالنا علاقه
هذا الكلام عن لسان الموظفين


الله يفرجها علينا ولعى الجميع ان شاء الله بجاه شهر رمضان وكل عام وانتوا بخير

[احمد الربيعي]

شكرا يا غالين على الردود وبارك الله بيكم والله اني كنت امزح اخويه مصطفى احنه كلنا اخوان واحد محتاج للثاني وان شاء الله بهذا الشهر الفضيل  نسمع كلنا اخبارسعيده////////مشكور اخي تميم

[احمد الربيعي]

السلام عليكم /اخوان عندي سؤال الله يوفقكم ارجو الاجابه عليه هوه اني اخر مره من خابرتهم كلي انته ملفك كلير شنو يقصد من كلمة كلير وجزاكم الله الف خير

[ahmed_alsadiq]

اخواااااان وخوات تغيرت حالة الملف مقابلة المحلف الى فعال هل هذا خطأ مطبعي لو بشارة خير

[تميم العراقي]

خير ان شاء الله ابششششششششر

[احمد الربيعي]

اخي ان شاء الله خير وهذا الشي مفرح وما اعتقد خطأ هذوله يفلسوك تفلس ياله توصل الهرمحله هاي ///////////بشارة خير اخويه ليضل بالك

[niron]

ابو شهاب عالخير ويا رب السفر القريب ....... راجعت على مقابلة محلفين ودخلت جوه حسب ما شرحت كلتلي الموظفه بالحرف الواحد انه اخاف تفتح الموقع وتلكه مقابلة محلفين فعال معناتها اسمك اجدول على مقابلة محلفين والله يسهل للجميع وننتظر بس الاتصال بالتلفون من المنظمة ويسهل للجميع.......ز             

[ahmed_alsadiq]

ياااااارب ان شاء الله خير وان شاء الله تتغير للكل يارب ونخلص شكرا لكم

[موزارت]

السلام عليكم جميعا وكل عام وانتم بخير ورمضان مبارك

يوم امس كنت في المنظمة بناءا على اتصال منهم واخبروني ان المحلفين قادمين يوم 15 بالشهر ان شاء الله
حبيت انقل لكم الخبر واتمنى الخير للجميع

[حسام حبيب قلب مهند]

السلام عليكم حبايبي

رمضان كريم عليكم يارب رمضان الخير والبركه يارب

طبعا احب ابارك الى اخويه مصطفى على مقابله المحلف صح شويه جتي متخره بس والله اني نقطعت فتره شويه بسبب الامتحانات

مبروك اخويه


همه يكولون على بدايت الثامن وناس تكول على نص الثامن اشو هيه تاهت متعرف المن تصدك

الي عنده معلومه يارب تفيدنه
وشكرا الى كل من عرف معلومه وكال بارك الله بيكم

تحياتي واحترامي

[/color][/size]

[قيد الدراسه الى الابد 3]

الاخوه والاخوات السلام عليكم
طبعا اخوكم صارلي فتره مكدرت ادخل للمنتدى لضروف صحيه مع كابه
من طول انتضار
بس انشاء الله خير
لانهم بعثو رساله موعد محلفين 2\8 يعني يوم الخميس
بعد قيد دراسه لمدة ثلاث سنوات
وانشاء الله يبعثون رسائل بموعد محلفين لكل الموجودين في مصر
وادعولي تفرج على وعليكم

اخوكم قيد الدراسه الى الابد

[ahmed_alsadiq]

اخوية المتكأب اسف اني اتشاقة وياك ارود السؤال هل تم الاتصال بك ام ارسلوا رسالة لك على الايميل ام الموبايل ارجوا التوضيح مشكور ترة مو بس انت متكآب اني واصلة على طارف خشمي يارب استر علينة كلنة .

[fadimore]

الف مبروك اخي على مقابلة المحلفين وان شاء الله يعوض صبرك خير واكيد راح تعرف بعد سنين ان هذا التاخير في صالحك فلا تحزن اخي ولا تهتم لان تدبير الله اكبر واشمل من تدبير البشر ولكن الانسان خلق عجولا وهاي بركات رمضان ان شاء الله تصير سوالف

[احمد الربيعي]

مبروك اخويه صبرت والله فرجهه عليك ان شاء الله يوم السفر الك والنه ونحلص بحق هذا الشهر الكريم

[وردة الخليج]

مبروووووووووووووك أخي على مقابلة المحلفين ويارب تحصل على الموافقة
أن شاء الله السفر القريب للجميع بحق شهر رمضان الفضيل

[قيد الدراسه الى الابد 3]

اخوتي واعزائي
شكرا لكم على التهنئه والدعاء وانشاء الله ايدزون للكل موعد مقابله
جتي الرساله الساعه الثانيه وعشر دقائق ظهر يوم الخميس 26\7 عن طريق
الموبايل وانشاء الله
تجي نفس الرساله لكل العراقين الموجودين في مصر
وتفرحون بشهر رمظان المبارك
امين يارب العالمين

اخوكم قيد الدراسه الى الابد

[احمد الربيعي]

اخواني واخواتي الي يحصل موعد مقابله خلي يبشرنه جزاكم الله الف خير وان شاء الله الموفقيه للجميع

[al seef]

 

السلام عليكم ورحمة الله وبركاته ورمضان كريم ومباركم عليكم وعلى جميع العراقيين والمسلمين وكل عام وأنتم بألف خير وتقبل الله صيامكم وقيامكم وطاعاتكم ...ممكن تقبلوني صديق وأخ وعضو جديد في هذا الكروب الجميل وأتشرف بكم جميعا وشاكرا لكم مقدما 

[/color][/size]

[ahmed_alsadiq]

أهلا بك معنا ونتشرف بك يارب يكون قدومك خير علينا كلنا

[al seef]

اني اشكرك اخ احمد واشكر كل الي موجودين بالكروب وان شاءالله يكون وجودي ووجودكم خير للجميع  وان شاءالله كل العراقيين الي بمصر يسافرون ويرتاحون ويستقرون بعد عناء طويل اللهم امين

[/b]

[احمد الربيعي]

اهلا ومرحبا بيك اخي al seef احنه كلنا  اخوانك في هذا الكروب وان شاء الله تكون اضافتك خير علينه

[احمد الربيعي]

السلام عليكم ورحمة الله وبركاته/////// اخي قيد الدراسه اتمنى ان تكون بخير والموفقيه عند موعد المحلفين بس اني عندي سؤال الله يحفضك هو ثلاث سنين انت قيد الدراسه ما هو السبب ارجو توضيحه الي هل الموضوع يخص في صنوف الجيش ام لا  ولك جزيل الشكر  وتمنياتي لك بالموفقيه

[al seef]

اني اشكرك جزيل الشكر اخي العزيز احمد الربيعي واتشرف بكل الموجودين بالكروب وان شاءالله يفرج عليكم وعلينة بحق هذا الشهر الفضيل اللهم امين

[/b]

[al seef]

الاخ احمد او اي احد من الاخوة الاعزاء عندي فقط استفسار بدون زحمة عليكم شلون ادخل موقع الاي او ام هل عن طريق  الموقع الرسمي ام عن طريق الياهو الايميل اني عندي الموقعين بس مدااعرف كيفية الدخول لمعرفة نتيجة ملفي الى اين وصل لانه قرات في بعض الكروبات انه تم فتح الموقع مرة اخرى والعمل به يوم امس شاكر تعاونكم معي

[/b]

[niron]

السلام عليكم بس حبيت اكولكم انه اتصلوا بي المنظمه وحصلت موعد مقابلة محلفين وان شاء الله يتصلوا بالكل وللعلم صديقي وياي بس ما مشارك بالمنتدى هم اتصلوا بيه وانطوه موعد محلفين وان شاء الله يتصلوا بالكل .........

[/color]

[وردة الخليج]

مبروووووووووووووك اخي على موعد المحلفين ويارب تحصل على الموافقة

[niron]

شكرا والتوفيق للجميع

[/color]

[A.Ahmed]

السلام عليكم , رمضان كريم وانشاء الله ينعاد عليكم وعلينه وعلى جميع العراقيين بالخير والصحه وراحه البال ...
عندس استفسار صغير وياريت لو واحد يكدر اساعدني لان كلش دايخ بالسالفه
اني مقابل مقابله اولى بشهر الواحد وهسة دا انتضر المحلفين صارلي 7 اشهر
قبل اسبوع تغيرت حاله المحلفين بالموقع من غير فعال الى فعال
بس الى حد الان ماكو احد اتصل او دزلي رساله علمود موعد مقابله
رحتلهم مدخلوني اخابر يطلعلي ابو السكيورتي ميقبل احولني حته احجي ويه الموظفين
زين اني هسة شسوي انتضر همة اخابروني ؟ لو لازم اتحرك اكثر واسأل ؟
يا ريت لو اكو احد يكدر افيدني بش
شكرا جزيلااا ....

[al-iraqii]

الف مبروووك اخ niron موعد المقابله الك ولصديقك
بس ممكن تكلي شوكت قابلت اول مقابله؟ و صديقك شوكت قابل اول مقابله ؟
و المقابله ببداية الثامن لو بنهايته ؟
شكرررا جزيلا و الف مبرووك مره ثانيه و كل التوفيق ان شاء الله

[حسام حبيب قلب مهند]

السلام عليكم

يارب بخير


طبعا اليوم بلغوني بموعد المقابله المحلف

يارب الكل تقابل وتطلع وتخلص
تحياتي الكم

[ahmed_alsadiq]

الف الف الف مبروك للي اتصلوا عليه والله يصبرنا احنة والي دينتظرون الاتصال يارب قريب ان شاء الله

[al-iraqii]

السلام عليكم

يارب بخير


طبعا اليوم بلغوني بموعد المقابله المحلف

يارب الكل تقابل وتطلع وتخلص
تحياتي الكم

الف مبروووك اخوووية بس ممكن تكلي شوكت قابلت مقابله اولى ؟ و شوكت مقابلتك ببداية الثامن لو بنهايتهه اذا متصير زحمة و اني ممنون الك و كل التوفيق ان شاء الله

[al seef]

الف مبروووك للاخوان الي اتصلو بيهم على موعد المحلفيين وان شاءالله يتصلون بيكم على موعد السفر وتسافرون وتفرج عالجميع بأذن الله

[/b]

[قيد الدراسه الى الابد 3]

الاخوه الكرام السلام عليكم
والف مبروك لجميع الذين اعطوهم موعد محلف وانشاء الله يبلغون الكل
وبلنسبه لسؤال اخي ( احمد الربيعي)
قصتي قصه حزينه ومااتمنى لاى بشر يمر بيه
اعتقد سبب وضعي قيد الدراسه
1- لايوجد دفتر خدمه
2- يوجد خطا في جواز ابني القب يختلف عن لقبي ولقب اخواته
ذاكرين لقب امه
وتعرف انته زين اشكد عدنه اذكياء في الجوازات
وادعو من الله بان يوفق كل انسان حيقابل محلفين

اخوكم قيد الدراسه الى الابد

[حسام حبيب قلب مهند]

السلام عليكم

يارب بخير


طبعا اليوم بلغوني بموعد المقابله المحلف

يارب الكل تقابل وتطلع وتخلص
تحياتي الكم

الف مبروووك اخوووية بس ممكن تكلي شوكت قابلت مقابله اولى ؟ و شوكت مقابلتك ببداية الثامن لو بنهايتهه اذا متصير زحمة و اني ممنون الك و كل التوفيق ان شاء الله

الله يبارك بيك اخويه الغالي تسلم يا غالي يوم الي الك
نهايه شهر الرابع

لا بدايت الثامن اول عشر ايام من الشهر

تسلم من عيوني تمرني

يوم الي الك يارب
انت شوكت قابلت مقابله اولى؟

[حسام حبيب قلب مهند]

اشكر كلمن من بارك الله يبارك بيكم

يوم الي الكم تقابلون وتخلصون وتطلعون

تحياتي الكم

[niron]

اخويه بالنسبة الي قابلت اول مقابلة الشهر العاشر 2011 ...............
وبالنسبة للاخ الي تغير بالموقع مالته الى فعال انتظر ان شاء الله مقابلة محلفين واحتمال يتصلون بيك قبل يوم .............
والمقابلة مالتي بعد ان شاء الله 6 ايام

[حسام حبيب قلب مهند]

السلام عليكم , رمضان كريم وانشاء الله ينعاد عليكم وعلينه وعلى جميع العراقيين بالخير والصحه وراحه البال ...
عندس استفسار صغير وياريت لو واحد يكدر اساعدني لان كلش دايخ بالسالفه
اني مقابل مقابله اولى بشهر الواحد وهسة دا انتضر المحلفين صارلي 7 اشهر
قبل اسبوع تغيرت حاله المحلفين بالموقع من غير فعال الى فعال
بس الى حد الان ماكو احد اتصل او دزلي رساله علمود موعد مقابله
رحتلهم مدخلوني اخابر يطلعلي ابو السكيورتي ميقبل احولني حته احجي ويه الموظفين
زين اني هسة شسوي انتضر همة اخابروني ؟ لو لازم اتحرك اكثر واسأل ؟
يا ريت لو اكو احد يكدر افيدني بش
شكرا جزيلااا ....

مساء الخير اخويه اني هم مثلك تغيرت يوم 24واليوم دزولي رساله على انو عندي مقابله محلف لا تقلق مقابله المحلف قريبا

على يا ساعه يتصلون بيك ويكولولك تعال قابل
تحياتي

[احمد الربيعي]

شاكر فضلك اخويه والله يكثر من امثالك حبيبي قيد الدراسه وان شاء الله السفر القريب //////////

[احمد الربيعي]

مبروك اخوان لكل من حصل على موعد مقابله سامحوني  ولو متاخره ان شاء الله تحصلون على الموافقه ويا رب السفر للجميع //////// حسام حبيب قلب مهند   *******   niron   ********   قيد الدراسه الى الابد 3 الف الف مبروك

[حسام حبيب قلب مهند]

مبروك اخوان لكل من حصل على موعد مقابله سامحوني  ولو متاخره ان شاء الله تحصلون على الموافقه ويا رب السفر للجميع //////// حسام حبيب قلب مهند   *******   niron   ********   قيد الدراسه الى الابد 3 الف الف مبروك

تسلم حبيبي الغالي يوم سفرك يارب
تحياتي واحترامي الك

[fadimore]

اليوم بعثولنه رسالة مقابلة محلفين بعد ما اتصلو كم مرة للتاكد من ارقام التلفونات وفرحت هواية بانتظار يوم الفرج ويارب الكل يقابل ويسافر ورمضان كريم اووي مع IOM

[تميم العراقي]

موفقين ان شاء الله

[اكليل الجبل]

رمضان كريم اجمعين ان شاءالله والفرج عالجميع واحنا هم دزولنا مسجات وحددولنا مقابلة محلفين بس عفيه همه كاتبين الساعه 7 صباحا  يعني ب6 نطلع من البيت ان شاءالله زين عمي رجال كبير وصايم وطنكر يكول مااروح وتعااااال قنعه موتنا والله  ههههههههههه اريد اعرف يصير مثلا فد بال9 نروح؟؟؟ لان المقابلات ذيجي هم كلولنا ب7 تعالو وب1 الظهر يله قابلونا خاف هايه هم هيجي؟؟؟؟

[mustafa ahmad]

السلام عليكم , رمضان كريم وانشاء الله ينعاد عليكم وعلينه وعلى جميع العراقيين بالخير والصحه وراحه البال ...
عندس استفسار صغير وياريت لو واحد يكدر اساعدني لان كلش دايخ بالسالفه
اني مقابل مقابله اولى بشهر الواحد وهسة دا انتضر المحلفين صارلي 7 اشهر
قبل اسبوع تغيرت حاله المحلفين بالموقع من غير فعال الى فعال
بس الى حد الان ماكو احد اتصل او دزلي رساله علمود موعد مقابله
رحتلهم مدخلوني اخابر يطلعلي ابو السكيورتي ميقبل احولني حته احجي ويه الموظفين
زين اني هسة شسوي انتضر همة اخابروني ؟ لو لازم اتحرك اكثر واسأل ؟
يا ريت لو اكو احد يكدر افيدني بش
شكرا جزيلااا ....

وعليكم السلام والرحمه اخي الغالي
اني ما اريد اسبق الاحداث
بس اني صرت نفس حالتك
تغيرت حالة الملف مالتي وانطوني موعد بعد متغيرت الى فعال
ان شاء الله يتصلون عليك حتى لو قبل المقابله بيوم
كول يا الله وتبشر بالخير

[mustafa ahmad]

الف الف الف مبروك الكم اخواني
الله عوض صبركم بالخير
ويارب يفرحكم بالموافقه
والله فرحت من كل كَلبي الكم
بالتوفيق وخلوا عينكم بعين الله وسهله ان شاء الله مقابلاتكم

[mustafa ahmad]

اكليل الجبل :
اني نفس الحاله طلعت من الساعه سته الصبح بالسبعه وربع اني يمهم جنت
كلما رحتوا من وقت تخلصون بسرعه ..
وهسه رمضان الدوام بشكل عام ينتهي من وقت بال اي او ام
وحاولوا تسايسون الرجال الجبير الي وياكم هو يوم وربي يعينكم

[naz67]

اخواني الاعزاء الوقت مهم وبوقتها هم بلغوني الساعه 7 ولكني طلعت من البيت 7ونص ووصلت 8 ونص ودخلت على المحلف ساعه 9 وشوية وبرمضان يكون الشارع غير مزدحم مثل الايام العادية ويارب الجميع يلاقي كل التسهيلات امامه بجاه شهر رمضان المبارك

[اكليل الجبل]

اهااا شكرا عالردود اخواني وان شاءالله نروح من وكت والله يسهل  يارب الموفقه للجميع ان شاءاللللللللللله

[PlatinuM]

الف الف مبروك لكل الاخوات والاخوة الي حصلوا موعد مقابلة
وأن شاء الله يتصلون بالي بعدهم ما اخذوا موعد
تحياتي

[وردة الخليج]

الف مبروووووووووووووك وأن شاء الله سهلة أمام الجميع

[احمد الربيعي]

شباب الحمد لله اليوم اتصلو بيه ونطوني موعد وان شاء الله مثل ما فرحوني يفرحون جميع من ينتضر المقابله بحق هذا الشهر الكريم والله يسهله على الجميع

[mustafa ahmad]

احمد الربيعي الف مبروك اخويه العزيز
ويارب يوم الموافقه دعواتنه بالموفقيه الكم بيوم المقابله
ويارب يسهل امركم اجمعين

[ahmed_alsadiq]

االحمد لله اتصلوا علية وانطوني موعد يارب يفرح الكل مثل ما فرحنة وينول الكل الخير يارب

[احمد الربيعي]

السلام عليكم اخوان //////////ارجو من الاخوه الي قابلو خصوصا اخونه قيد الدراسه الذي اتمنى له الخير ولجميع الاعضاء /////اخي بشرنه شنو اخبار المقابله اتمنى انت تكون سهله عليك //////بالنسبه للمحلفين هل كانو متعاطفين ام لا وارجو ان تشرح بعض النقاط التي ياكدون عليها فنحن بامس الحاجه اليك لان مقابلتي يوم 8/6 ادعيلي    وسامحني ولو راح اكلفك اخويه

[قيد الدراسه الى الابد 3]

الاخوه والاخوات السلام عليكم
طبعا اني قابلت
وجان عدد المحلفين 6 ومن ضمنهم (سوبر فايزر) يعني المدير ومساعدته و4 يقابلوكم
المدير رجل تقريبا اكبر واحد بيهم رجل متروس الوزن طويل قليلا ابيضاني واحمراني
ودائما هو الذي ياخذ البصمات والوزن والطول واخذ الصور
مساعدته مره جبير
المهم 4 الذين سيقابلوكم
1_ فتاة صغير تقريبا عمرها 25 سنه جميله جدا رفيعه الجسم  وتحجي عربي مكسر
2_امراه سمينه سمره بعض الشيئ تلبس نضارات سوداء طبيه وشعرها اسود ودائما متنكه يعني عكره
 3_وامراه ثالثه منتبهت عليه
4_ ورجل اسود يعني زنجي وهو المرعب لدى كثير من الذين قابلوه ومنهم انا
عنيف جدا بلكلام لايعطيك فرصه بلحديث وويل لك اذا اضفت من عندك شي زايد
بس حسب خبرتي من سنوات هو افضل واحد بيهم
لانه مسلم ولابس محبس مكتوب عليه يالله
وكل المحلفين راحو للمطعم كنتاكي  قرب المنظمه الا هو  مراح لانه صائم
لانه حاسس بمعاناتنا لاكنه لايضهرها لنا واعتقد انه افضل واحد بيهم
ولو الحجي ابيناتنه جنت اتمنه اتقابلني الفتاة الصغيره هههه دشاقه وياكم
نجي للاسئله اولا لحد يخاف ويرعب ويستفز من قبل المحلف
لان هو هذا المطلوب ويتمناه المحلف حتي يربكك ويطلع منك الاخطاء وتقع فيها
يدخل كل واحد بيكم على انفراد ويساله
ويكلك مرتك كالت كذا او عكس الذي قلته حتى يتاكد من صدقك فحاول او تيقى على  نفس موقفك ونفس اجابتك
اهم شي مستمسكاتكم ودفتر الخدمه ونفس الكلام الذي قلته في المقابله الاولى بلحرف
واخيرا انني اشكر جزيل الشكر للاخت اسراء والورده لانها ساعدتني كثيرا واسال الله ان يوفقها
اخوكم قيد الدراسه الى الابد

[قيد الدراسه الى الابد 3]

وطبعا اني نسيت اهم شي بلموضوع
1_ المحلفين باقين لحد يوم 19\9 يعني شهر ونص يعني ليخافون للى ممتصلين بيهم لان ممعقول يتصلون بيهم قبل شهر ونص
2_حسب تاكيدات مديره المنظمه سيقابلون لو 1000 كيس لو 1000 فرد لان منتبهت لكلامها بس  متاكد من الرقم
3_المهم بكلام المديره للعوائل التي كانت موجوده بانه النتيجه ستظهر بعد 19\9 يعني اكثر من شهر ونص
وطبعا واحد ميكد يتحمل ويصبر هذه المده الطويله وبلذات بعد استفزاز المحلف ويضل يضرب اخماس باسداس
4_لاكنها قالت منكدر ننتظر شهر ونص وبعدها نبعث فحص طبي وستتراكم علينا الملفات
فاننا سنستغل الوقت ونقوم باعطاء الفحص الطبي في نص شهر 8 يعني بعد 15 يوم
ولاتعولون على الفحص الطبي بانه الموافقه حسب كلامها
وانا اقول لكم انها غير صادقه في كلامها هذا جتى لانخبصهم بلتلفونات والمقابلات والاستفسار
بمجرد بعث رساله بفحص طبي اعتبر نفسك مقبول
ولهاذا السبب ارجو من جميع الاخوه والاخوات اول ميبعثون لاى واحد منكم بفحص طبي بان يبشرنا
 حتى كل واحد يعرف مصيره مرفوض لاسامح الله او مقبول
اخوكم قيد الدراسه الى الابد

[ahmed_alsadiq]

وردة اخونا قيد الدراسة ان شاء الله تغير اسمك الى درست وحصلت الموافقة قبل يوم 15/8 يارب وتبشرنة بالفحص الطبي ان شاء الله .

[niron]

اني قابلت والحمد لله ولو خايف من المقابلة بس ننتظر خير ان شاء الله وسوف اكتب التفاصيل ان شاء الله اليوم واتمنى القبول للجميع

[ahmed_alsadiq]

ونحن بأنتظار موضوعك اخي الكريم من بداية ماشفت المحلفين وهمة داخلين ودخولكم واداء اليمين وطريقة الاسئلة بالطريقة المملة الله يخليك ويجعلها في ميزان حسناتك يارب

[fadimore]

مبروك الاخوات والاخوات اللي قابلو ويارب النتيجة الايجابية وتحقيق الاماني ... عندي سؤال بالنسبة لطريقة المقابلة والمكان لاني اريد ان اكتب التواريخ في ورقة صغيرة ارجعهلها عند الحاجة وما اريد المحلف ولا المترجم يشوفني فحسب وضعية الغرفة والقعدة ممكن وصف الغرفة

[karaz]

اني قابلت والحمد لله ولو خايف من المقابلة بس ننتظر خير ان شاء الله وسوف اكتب التفاصيل ان شاء الله اليوم واتمنى القبول للجميع

---------------------------------------------------------------------------------------

ان شاء الله خير واحنا نتظر منك التفاصيل  ومشكورر

[al seef]

السلام عليكم ورمضان كريم عالجميع ... مبروك للاخوة والاخوات الي قابلو محلفين وان شاءالله ربي يسهل امرهم ويسافرون جميعهم ويارب ان شاءالله يسهل امر كل الي منتظرين مقابلات محلفين والجميع يسافر ويخلص من هالقلق وشد الاعصاب والانتظار الممل والصعب بس ان شاءالله بالاخير الجميع يفرح ويسافر اللهم امين ...عندي صديق في امريكا كلمني البارحة وهو قريب جدا من دائرة استقبال اللاجئيين العراقيين في امريكا بلغني بمواعيد الرحلات الي سوف تقل العراقيين من مصر الى امريكا وبالتحديد يوم 16 /8 توجد طائرة و24 /8 توجد طائرة ثانية و30 / 8 توجد طائرة ثالثة سوف تقل العراقيين وان شاءالله الجميع يكونون على هذه الرحلات الثلاث بأذن الله واني كتبتلكم هذا الخبر كلت شوية اعطيكم امل واعصابكم تهدء لانه اني مثلكم كل دقيقة تمر عليه كأنها شهر لانه داانتظر مقابلة محلفين وان شاءالله خير للكل    

[/size][/b]

[mustafa ahmad]

الف الف مبروك لكل الاخوه الي قابلوا محلف
ويارب ان شاء الله توصلكم الموافقه وترتاحون وتنامون رغد
وشكراً لكل من قابل وذكر تفاصيل مقابلته جعلها الله في ميزان حسناتكم .. اللهم آمين
للتوضيح فقط ,, بالنسبه للغرفه الي تقابل بيها المحلف
هي غرفه صغيره
بيها ميز وأربع كراسي تقريباً
طولها 3 امتار ونص تقريبا وعرض 2 ونص مو اكثر حسب ما اتذكر
يفصل بينك وبين المحلف ميز خشب عرض متر فقط
ممسموح ادخل ورقه وياك فقط المستمسكات ..التواريخ لازم حافظها لان احتمال جبير المحلف يغلطك بالتواريخ
وهذا الشي حصل ويايه اكثر من مره ويه المحلف حاولوا تركزون
المحلف بكل الاحوال اذا وياك عائله يسألها كم سؤال جوابها نعم او لا
وراها يطلع عائلتك وتبقى وحدك ويا .. والتساهيل من الله
بحال اذا لغتك زينه متحتاج مترجم منك للمحلف
وبشكل عام اغلبنه دخل ويا مترجم
ومترجمين الـ اي او ام كلش زينين
بالتوفيق للجميع يارب

[قيد الدراسه الى الابد 3]

الاخوه والاخوات السلام عليكم
الرجاء من الاخوه الافاضل الذي قابلو
بان يخبرونا بمجرد ارسال رساله لهم بموعد الفحص الطبي انشاء الله
وايضا اي معلومه من اي صديق او شخص يعرفه استلم موعد فحص ارجو تبليغنا للاطمانان

اخوكم قيد الدراسه الى الابد

[niron]

لقد وعدتكم بان ادون مقابلتي مع المحلفين

ذهبت الى مقر الاي او ام الساعه السادسه ودخلت الساعه السابعه صباحا وكنا تقريبا 7 عوائل و2 سنكل وكنت انا اخر المقابلين وكانوا المحلفين حسب ما ذكر اخي 4 محلفين وكانت حصتي المحلفه واعتقد هي لاتينيبه وكانت اشدهم بعد اخذ البصمات اول ما وصلنا صباحا بقيت منتظر مقابلتي والتي كانت ساعة دخولي الساعه 2 ونصف ظهرا وخروجي الساعه 5 ونصف عصرا اي 3 ساعات تقريبا واعتقد طويلة بصراحة ومتعبه جدا كان اشد التركيز في الخدمه العسكريه اذ ما يقارب الساعتين عن خدمتي العسكريه بالتفصيل واني الحمد لله كولشي محهز حتى صور لوحدتي التي كنت اخدم فيها ونموذج الاجازه وكتاب تسريحي ودفتر الخدمه الاصلي وفادني هوايه وبقت تتكلم عن مكان عملي ما يقارب الساعه الى ربع الي تهددت بيه  بس الشئ الغريب والي راح تستغربون اله انه قصة تهديدي ما سألتني عنها نهائيا السبب شنو ما اعرف واخر المقابلة قالت عندك اضافات كولت للمترجمه اشو ما سالتني عن قصة التهديد وقالت لي لا تفتح باب على نفسك توكل بالله وقالت اسبوعين وانتظر النتيجة وان شاء الله القبول لجميع من قابل واي سؤال ثاني اني حاضر .........

[karaz]

شكرا للاخ niron >>>> بس انت ذكرت بعد اسبوعين النتيجة والاخ قيد الدراسة للابد قال بعد شهر ونصف وكذلك هو ذكر كل واحد يدخل على حدة وحضرتك قلت العائلة كلها تدخل وبعدين الزوجة تطلع وبيقى صاحب الكيس ؟؟؟  والله حيرة يعني كل محلف شكل على العموم مشكورين بس حبيت اعرف انا زوجي مهندس مدني وكان غير مسلح بسبب نظره بس ما عندنا دفتر خدمة شلون رح يقتنع المحلف بهذا ؟

[niron]

اني حددت عدد العوائل مو الي يدخلون ولانه اني سنكل مو عائله فلذلك دخلت بوحدي للمقابلة المهم وبالنسبة للعسكريه عادي تره دفتر الخدمه اني الي قدمته ما طلبوه مني لتاييد كلامي اولا وثانيا اذا غير مسلح ماكو بيها اي اشكال وان شاء الله مقابلة سهله تره وداعتك اني كنت قلق بالبدايه من شفت الموضوع سهل جدا صحيح انه موضوع مصيري بس الله موجود اذا مقسوم السفر لو يجتمعون 20 محلف تسافرون تسافرون والله يسهل

[يونس محمود]

الف مبروك الك اخويه niron
وان شاء الله يوم موعدالسفر وسافر
 اني اريد اعرف الي يتحول من اليوان الى اي او ام يقابل محلفين كبل لو اكو مقابله مقابلات ؟؟؟؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اني مسحت السؤال هذا لئن جان بي خطأ
 واني اشكرك على المعلومه اخويه

[niron]

واني هم مسحتلك الجواب حبيبي من تتحول من اليوان الى الاي او ام تكون عندك مقابلة اولى وبعدها تكون مقابلة المحلفين ان شاء الله

[يونس محمود]

ان شاءالله الكل ايقابل ويسافرون ونخلص ملينه من التفكير والقلق

[fadimore]

مبروك لكل من قابل محلفين ويارب الفحص الطبي والامنية والسفر والاستقرار .. ممكن اللي قابلو محلفين يكتبون عن نوع الاسئلة مثلا ليش ما ترجع للعراق ...ليش ما تروح الى مكان ثاني بالعراق او بكردستان مثل ما قرينه من السابقين ةشنو الصعوبات بالمقابلة وين نقطة الخطر محتاجين اضافات من اللي قابلو عن تفاصيل ممكن يطلبها المحلف ما مذكوره بالمقابلة الاولى وهل نضيف لو لا

[mustafa ahmad]

الف مبروك للقابلوا ويارب التوفيق
وشكرا الكم على ادراج مقابلاتكم

.. بالنسبه لنوع الاسأله تتمركز حول قصتك اكثر شي اخي العزيز
ويركزون على الخدمه العسكريه ايضاً
واذا منتسب للحزب او لا حتى اذا دافع اشتراك بالحزب هم يسألوك شكد دفعت
وشنو سبب خروجك من بلدك وشنو الي يخليك مترجع
وليش تريد تسافر  لامريكا بالذات !!
الماديات ميهتمون الها يعني العيشه صعبه بالعراق شغل ماكو هذا الحجي ميديروله بال
الوضع الامني هو الاهم بنظرهم بس لطلعون عن حيز السؤال وتتوسعون بالاجابه
لان تفتحون باب لسؤال يجوز مجان ابال المحلف اصلا
الاجابه مختصره واضحه
وركزوا على التواريخ واحفظوها .. ويارب يسهل للجميع
اللهم آمين

[fadimore]

اخي مصطفى بالنسبة للتواريخ تخص الميلاد وميلاد الاولاد وتاريخ الزواج ودخول العسكرية وتواريخ الانضمام للحزب وتواريخ التهديد وتواريخ الخروج من العراق والدخول بالنسبة اللي رجعوا للعراق كم مرة اني 3 مرات رجعت ما بقيت اول مرة 10 ايام والباقيات شهرين ... وتواريخ ميلاد اخواني واخواتي وزواج الوالد ...هواي تواريخ ..فهل هاي كلها احفظفها ؟؟؟؟؟؟؟؟؟؟؟ وشكرا اخي مصطفى على الرد السريع

[mustafa ahmad]

اخي الغالي هي هاي التواريخ بالضبط  كلها تحفظها لان الكيس بأسمك وانت المسؤول عن المقابله
واذا منتمي للحزب حيسأل شوكت انتميت وشنو الدرجه الحزبيه ومن هاي الامور
ويجوز يغلطك حتى بتاريخ خروجك من العراق او مواليد احد اخوانك او اطفالك مثل مصار ويايه
بس الحمدلله اني كنت بوقتها منتبه ومركز ومرت بخير وسلامه
بالنسبه لرجعتك للعراق يارب يكون عندك سبب مقنع لرجعتك
يعني مو مثلاً الوالده مريضه ورجعت اشوفها او فلان مات لا سمح الله وحضرت فاتحته لان حيكلك هوالوضع مو زين شلون رجعت
وخاصه اذا كنت متهدد ..
وحاول يكون كلامك مرتبط بالمقابله الاولى لتتوسع بي
الجواب على كد السؤال لتخلي اضافه وتصير كريم بالاجابه لان تفتح ابواب صعب تنسد
ويارب التوفيق للجميع .. اللهم آمين

[اكليل الجبل]

شكرا الكم اخواني على سردكم تفاصيل المقابله والله يوفقكم ويوفق الجميه زين اني رجعت للعراق ب2008 دااطلع جنسيه لبنتي وللاسف صار انفجار واستشهدو بي ابويه واخويه وراسا رجعت لمصر وراها هالشي حيعرقل قضيتنا لولا؟؟؟والله مرات ارتبك ومرات اخاف بس زوجي يكول هي سهله ومتحتاج ارتباك قابل حياكلوج هههههههههههه

[fadimore]

اخواني عندي ابني مبصم بالاردن ماخذين بصماته علمود مدد الاقامة يذكرها بالمقابلة للمحلف لو ما يقول غير بصم شهادة جنسية وجواز وهل تاثر وتاخر  اذا ذكر هذا الشي هو راح زيارة شهر ومدد شهر بالاردن ورجع لمصر

[niron]

والله يا اخي صدك لو لا اغلبية مقابلتي عالعسكرية حسب ما كولت بردي السابق وحتى سؤال ليش ما ترجع للعراق ما سالوه الي وحتى قصة التهديد ابدا ما اطرقوا الها نهائيا شنو السبب ما اعرف ودايخ بالمساله بس بالنسبه للتواريخ رادت تفصيليا وكل ما تلح على بتاريخ اني ما ذاكره اكولها ما اريد انطي تاريخ ما متاكد منه ..........

[karaz]

niron اخي العزيز اذا ممكن سؤال هو حضرتك كنت عسكري برتبة او خريج كلية عسكرية لو فقط خدمة الخدمة الالزامية بعد التخرج ؟؟ واذا انت تكول دفتر الخدمة كان وياك ليش هللاستفار الكثير عن العسكرية ؟ وشكرا وانشاءالله تبشرنا انت وكل المقابلين بموافقة المحلف امين يارب

[niron]

لا اختي العزيزة اني خدمت بوزارة الدفاع والداخلية بالدفاع كانت الزامية بس بالداخلية لا فبقى المحلف يأكد على هاي النقطة بتفرع اكثر من سؤال بس وداعتك كولشي بسيط

[قيد الدراسه الى الابد 3]

اخواني اخواتي السلام عليكم
انشاء الله الموفقيه لكل واحد حيقابل محلفين

 اخي العزيز niron الف مبورك مقابلة المحلفين
اريد اعرف منك اي شخص بلغك بان النتيجه ستعرفها بعد اسبوعين وعن اي طريق
لانني متاكد من كلامي السابق بشان وقت اعطاء النتيجه
لان مديرة القسم بلمنظمه وهي مدام (مرفت) اشتمعت بلعوائل الموجوده في الحديقه وقالت بلحرف
المحلفين سيبقون حتى 19\9 وسيقابلون 1000 كيس او 1000 شخص مركزت وياهه بس متاكد من الرقم
وسنعطي النتيجه بعد 19\9 حتي في وقتها قاطعتها في الكلام وقلت لها
اني شنو ذنب اطفالي مااعرف ادخلهم المدرسه او لا فلازم اعرف النتيجه حتي اقرر فجوابها كان كلاتي
اني لو في مكانك هم احتار مااعرف شسوي يعني جواب غير مسؤول والى ايدي بلمي مو مثل ايده بلنار
بس كالت من غير المعقول ننتظر حتي 19\9 فسنرسل فحص طبي بعد ثلاث اسابيع او اسبوعين
وارجو من جميع الاخوه الذين سيستلمون رسائل فحص الرجاء ابلاغنا
اخوكم قيد الدراسه الى الابد

[قيد الدراسه الى الابد 3]

الاخوه والاخوات السلام عليكم
اجتني فكره واريد رايكم بيه
اذا نريد بان نعرف النتيجه هل نحاول بهذه الطريقتين

اولا : عن طريق موقع المنظمه وللذين اصلا مشتركين بلموقع لان قرار المحلف
اعطي بعد انتهاء المقابله وتوقيع السوبر فايزر عليه ستكون النتيجه في الكيس الخاص يك
ويدخل السستم اوتوماتيك
يعني بلعربي اعتقد والله اعلم بان اي واحد يدخل على الموقع اذا موافقه سيكتب (كومبليت) مكتمل
فارجو من كل الذين مشتركين بموقع المنظمه بلدخول ويشوفون شنو مكتوب بفقرة المحلفين
واني بنسبه الي هسه يله اشتركت بلموقع وفي انتضار ارسال رساله تاكيد بتفعيل الحساب

ثانيا: ارسال رسائل الى منظمه الهجره في عمان للاستفسار عن ملفك  وين واصل
فساعتقد انهم سيعطون في اي مرحله انته واصل وهل مقبول ام مرفوض لاسامح الله
واني بلفعل دزيت 10 رسائل من يوم السبت للاستفسار عن ملفي ونتيجة المحلفين
وعللت ذالك بانني انتظر نتيجة المحلفين من ثلاث سنوات
ولحد الان مجاوبوني بلكت هل الايام
ليش فكرت بارسال رسائل لان عمان هو الى كلي بانني اعادة محلف وليس منظمة مصر
ورحت للمنظمه وكلتلهم يابه انتو مو تعرفون اني ادمرت من الانتظار وتجيكم النتيجه ومدكولون وتريحوني
جاوبوني احنه نتصل بيك بموعد المقابله وبس يعني ميهمهم اتعذب اموت من القهر مو ابالهم

فنحاول ونشوف بلكت يجي شي

[موزارت]

اخوان لا تشيلون هم
بعد مقابلة المحلف بحدود اسبوعين اذا اكو موافقة رح يدزولكم رسالة بيها موعد الفحص الطبي
خلوها على الله وانتظرو ولله كريم
وهذا الرابط بي تجارب من مقابلات سابقة وية المحلفين
اطلعو عليه مفيد جدا واعذروني يمكن المشاركة متأخرة لان اكثركم قابلو محلفين

http://www.ankawa.com/forum/index.php/topic,270874.0/topicseen.html

[al seef]

السلام عليكم اخواني الاعزاء وان شاءالله ربي يسهل كل اموركم وتخلصون من مقابلة المحلفين وتسافرون وتستقرون ...الحمدالله اتصلو بية وحددو موعد مقابلة محلفين ويارب تكون مقابلة سهلة للجميع ... اخوان بس عندي سؤال اذا امكن بالنسبة الى اختيار الولاية في امريكا يعني مثلا احد عندة اصدقاء او اقارب يريد يروح يمهم بولايتهم متى نخبرهم بالولاية الي نريدها اثناء مقابلة المحلفين ام متى ؟؟؟ ياريت الاخوة الموجودين بالكروب يكتبولنة مشكورين وان شاءالله كل مقابلاتكم بسهولة بحق هذا الشهر الفضيل 

[/color][/size][/b]

[fadimore]

بالمقابلة الاولى طلبو منه عنوان الكفيل واعطيناهم العنوان لكن لسه ما يتصلون بيه اعتقد بعد الفحص الطبي واكتمال الامنية

[niron]

حبيبي المحلفه بنفسها الي قابلتني كالتلي انتظر اسبوعين النتيجه

[niron]

وبالنسبة للموقع صار تغيير اليوم كان مقابلة المحلف فعال تغيرت الى مكتمل لكن حالة الملف كانت فعال اصبحت بانتظار النتيجه

[fadimore]

ممكن الرابط مال الموقع اذا ممكن حتى نتابع الامور

[niron]

https://www.jordan.iom.int/refinfo/

[niron]

up

[حسام حبيب قلب مهند]

السلام عليكم

شلونكم

طبعا اني قابلت مقابله المحلف

وكانت مقابله متعبه حيل

تخرو ويايه هوايه واول سوال على الخدمه العسكريه ودفتر الخدمه

جانت الاسئله عادي بس المقابله طويله حيل

المهم جنه تقريبا 7عوائل

كالو بعد اسبوعين تاخذون النتيجه

وهاي الموظفه المصريه كالت من تجيكم رسائل روحو فحصو يعني هل ايام تجي رسائل

وها اني حجيت ويه المحلفه كالت احنه منرد على التلفون لئن المحلفين هنا الى حد شهر اكتوبر يعني الى حد شهر العاشر

يعني الي ما مقابل ممكن يقابل
اتمنى الى الكل المقابله والسفر
اسف ما كتبت الكم
بس شويه كنت مشغول

وهسه من فضيت كتبت الكم

تحياتي الكم

[niron]

مبروك عالمقابلة وان شاء الله يوم نسمع خبر القبول يا رب

[قيد الدراسه الى الابد 3]

اخي حسام
الف مبروك انشاء الموفقيه والقبول
ارجو من الاخوه والاخوات اي واحد يدزوله موعد فحص طبي بان يبشرنه
والموفقيه للجميع

[قيد الدراسه الى الابد 3]

اخواني الطيبين
تره لتنسون ليلة القدر الدعاء فيها مستجاب ونتمنى من الله بان يستجاب دعائكم في هذا الشهر الكريم
اخواني سبق وان كلتلكم بان نعمل محاولات لمعرفة النتيجه
واني طبعا ممشترك بلموقع
فاتصلت يوم الخميس لعمان وحصلت بعد اتصالين
وطلعلي رجل
سؤال: اريد استفسر عن ملفي
جواب: اخي انته تنتظر الامنيه
سؤال: كلتله اني انتظر جواب المحلف من زمان
سؤال :انته وين قابلت
جواب : قابلت بمصر
ورد على وكال تاخذ الجواب منهم
كلتله يعني انته كدامك ممكتوب النتيجه كال لا
زين اني اتصل من ثلاث سنوات بعمان وبمصر
دائما اول شي ايكولون انته بانتضار النتيجه وملفك (قيدالدراسه) واول مره يكولون انته بانتضار الامنيه
علما الامنيه خلصانه وموجوده عندي
هذا الى صار
واني مضطر اعمل هذه المحاولات لان عندي 4 بلمدارس وامااريد ااخرهم سنه مثل قبل ثلاث سنوات من قابلت محلف
والمشكله اذا ادخلهم ادفع تقريبا 20 الف جنبه واجي بعد فتره واكللهم بطلت ميرجعون الفلوس
العذر انفتحلهم دسك يعني بلعربي نصب وانتو تعرفون الباقي
واخيرا اتمنى من الله الموفقيه للجميع

[karaz]

اخ قيد الدراسة اشترك بالموقع واعتقد الاخ iron نزل الرابط تبعه ... احنا بالامارات ما عندنا موقع نشوف به حالة الملف مع الاسف !

[ahmed_alsadiq]

تحية طيبة اخي الكريم هو اسمة موقع على الاردن ولكن يضم الكل اعتقد لان اني في مصر ومشترك على نفس الموقع وفيه جميع معلوماتي

[karaz]

احنا تابعين لمنظمة تدعى ICMC  ومقرها العام تركيا وليس الى IOM .

[قيد الدراسه الى الابد 3]

الاخوه والاخوات السلام عليكم
يعني اني دائما اجيبلكم البشاير الحلوه
اولا وليس اخرا احمد الله سبحانه وتعالى على نعمته ولطفه علينا ونشكره ونحمده بان لطف بنا برحمته والواسعه
لقد تم ارسال موعد فحص طبي لي ولمجموعة المقابلين في 2\8 ونحن ثلاث عوائل وعااعرف ابصراحه الباقين
لان ماعندي اتصال بيهم
وانشاء الله اتهل عليكم البشائر بموعد فحص طبي قبل العيد
وانتظرو منهم موعد فحص طبي من اليوم للكل حسب الاسبقيه في المقابله

اخوكم انشاء الله مو قيد الدراسه

[niron]

مبروك اخي عالموعد واحب ابشرك هم هسه كعدت من النوم ولكيت رسالة بموعد للفحص الطبي اني من جماعه 8/5 وان شاء الله يتصلون بالكل

[حسام حبيب قلب مهند]

الف مبروك الكم يا اخواني الفحص الطبي يوم السفر

تحياتي الكم

[karaz]

مبرووك لجميع الاخوة الفحص وان شالله السفر وادعولنا لا تنسونا 

[fadimore]

مبروك لكل الاخوة اللي اعطوهم موعد فحص وان شاء الله السفر القريب لان قريت بالمنتدى جماعة بغداد سافرو بعد شهرين يارب يسهل امر العراقيين ويسافرون

[niron]

الحمد لله اليوم كملنا جزء من الفحص الطبي وبعد بكره نكمله كوله والتسهيل للجميع بس بصراحة كانت عدد من العوائل جدا هوايه ربي يسترهم وتكمل امور سفرهم عن قريب

[fadimore]

الحمد لله قابلنه محلفين وكانت المقابلة طويلة طلعنا من 6 الصبح وصلنه بال7 وكانت عوائل عراقية بحدود 8 عوائل وواحد سنكل وخلصنا ب6 لان احنا 3 كيسات مقابلتي بيها تفاصيل هواي واعتمدت على مقابلتي مع un  وما اعتمدت هواي على اول مقابلة في iom بحيث اكو شغلات ناسيها او ما سالوني عليها بالمقابلة الاولى المهم التواريخ كلها مضبوطة واخذت دفتر الخدمة وخلت المترجم يترجم كل صفحة بيه وياعيني المترجم شون يقدر يقرا دفتر الخدمة مالتي لان مكتوب باللغة السومرية ( شخابيط بزون ) المهم كان دليل صحيح لاقوالي وكان اكو شوية استفزاز وتغليط لاقوالي واصريت على ما قلته وقالت مو انته قايل غير كلام المهم كان شويه اكو خربطة بالموضوع والله يستر
كانت القصة بالبداية بعدين الحزب بعدين العسكرية وطولت معاي ساعتين او اكثر وقالو اسبوعين راح توصلكم رسائل بالفحص الطبي اذا وافقو عليكم المحلفين ويارب بهذا الشهر الفضيل نخلص ونسافر وكل العراقيين يارب واي سوال اني حاضر

[mustafa ahmad]

الف مبروك الكم اخوتي
موافقة المحلفين ومواعيد الفحص الطبي
ويارب يوم ينطوكم موعد سفر وتفرج علينه اجمعين

وأن شاء الله كلمن قابل محلف يسمع بعدها الموافقه اللهم آمين
والله فرحتونا ..

[اكليل الجبل]

السلام عليكم ورحمة الله وبركاته ... ابشركم قابلنا البارحه المحلفين  وطبعا كان يوم جدددددا متعب وطويل ويه حر شهر اب اللهاب والصيام مااحجيلكم جو رهيب هههههههههه  :oوكنا تقريبا 8 عوائل وثنين سنكل وكالعادة ومثل كل الناس الساعه 6 الصبح طلعنا وبال7 وصلنا واحنا كيسات ثنين اني وزوجي واطفالي كيس واهل زوجي امه وابوه كيس ثاني اول مقابله جانت ويه اهل زوجي ويااابه 3 ساعات بقو وياهم اول نص ساعه ام زوجي طلعت واستلمو عمي 3 ساعات وشويه من ال9 ونص لل1 وشويه وراها احنا سوينا بصمات بال 11 ونص تقريبا وراها ب 12ونص تقريبا دخلنا وكان الحلف اسمه يمكن دن او دين هيجي شي اللونه غامق الزنجي  وكان مسلم المهم اني كم سؤال وطلعوني وزوجي ساعتين وشويه بقو وياه اول سؤال انتميت للحزب وشنو درجتك ومن هالحجي وراها ركز على نقاط بالقصة مالت زوجي بس شنو اذا دكول مثلا كلمة تختلف عن المقابله الاولى يحاسبك ويكولك انت مكلت هالكلمه كمثال يعني زوجي كال بمقابلته الاولى من تهددت وكانت محاولة اختطاف راسا مشيت وبسرعه دخلت بفرع وكان اكو دورية مال امريكان وراحو اللي هددوني  للمحلف كاله نفس الحجي بس بدل مشيت كله ركضت وجلللللب المحلف ليش دكول ركضت وهناك بالمقابله الاولى دكول مشيت  ::)وتعال فهم عاد كله يابه شجلبت مشيت او ركضت مجرد تغيير الحركه نفس الشي المهم حاولت باقصى ماعندي اخلص منهم والسعفني دورية امريكيه اجتي المهم هايه خلص منها  ;)ورجع عالخدمه العسكريه وزوجي كان دافع بدل بس للاسف دفتر الخدمه مجايبه وياه لان خلو الغراض بالبيت  وكومه امور مجايبها وياه لان اول طلعو لعمان راحو عبالهم كم شهر ويهده الوضع بس خطيه بيتهم انباك وكل المستمسكات وصور الطفوله كلللللللللللللها مبيوكه ويه الغراض وحجاله للمحلف وكله هيجي وهيجي السالفه اني شمدريني هيجي الامور حتبقى والغراض تنباك المهم انعقج المحلف  >:(وكاله لو كان دفتر الخدمه موجود كان اثبات احسن ومثل اللي مقتنع وشنسويله بعد واكثر شي ركز عالتهديد الشخصي يعني اهم شي يريدون التهديد شخصي جدا ومتعرض لاذى ولعنف من وره التهديد هو صح المحلف كان نوعاما معقوج بس حباب وميريد حجي هوايه ولا شرح وتفاصيل يكول اني قصتكم كدامي بس اريد حول نقاط معينه تجاوبوني فقط ماريد تشرحلي القصه كلها اريد بس عالحدث اللي اسألك عنه بس يكوله زوجي مو الحدث التسالني عنه اكو قبله حدث مسبب اله هو لا يكول ماريد شرح هوايه اريد جدا مختصر وركز عالحزب ويسال هوايه عنه المهم طلعنا ب3 وربع من المنظمهه صايرين كفتة هههههه ويانا اطفال والله انمردو مرد... طبعا كعدنا برة  ومخلونا راسا ندخل جوه الا صكعتنا الشمس زين يله دخلونا للقاعه ما يقارب الساعه  1 ونص يله دخلوكل العائلات جوة واني عندي طفلة رضيعه والثانيه عالحظ جانت فلونزة والله مرمرووووني وكل الاطفال خطيه انمردو وهلكو تعرفون العالم كلها منايمه لان لازم بال6 تطلع فكلها بقت كاعده للسحور وره السحور بساعتين طلعو فجان يوم متعب بشككككل يارب بجاه هذا الشهر الفضيل والايام المباركه هايه تسهل امر كل الناس لان متتخيلون شكد تعبنا من الحر من الجوع والعطش ونوم منايمين والاجر على كد المشقة ان شاءالله وبالاخير كلولنا من نتصل بيكم عالفحص يعني الموافقه هايه مال المحلف وكلتلنا المسؤوله انو ماكو موعد محدد للفحص هايه تبقى يم المحلفين واحنا وياهم على مد الله بس اني ماعندي امل هوايه مثل للي ايست  :(هلكد منعقج المحلف مالتنا وكل شويه يحاول يغلط زوجي بالحجي ههههههههه

[fadimore]

مبروك اكليل الجبل على المقابلة واحنا قابلتنه المكسيكية كانت صعبه جدا وما اعرف شنو تريد من السوال تساله اكثر من مرة وشفنه المحلف الاسود كان شكله حباب اما الرئيس مالتهم فهو عسل والله قمة الاخلاق وهو من كان يتناقش وي المحلفين كان يفهمهم على بعض الامور واعتقد كان ايجابي جدا ويارب يتصلون بينه واعتقد ورا العيد اذا الله راد

[اكليل الجبل]

شكرا الك مصطفى الوردة .... الله يبارك بيك فادي ومنو قصدك رئيسهم ؟؟ هذا اللي ياخذ بصمات لو منو؟؟؟والاسود اي حباب وهاديء بس على كولتك همه مدري شيريدون من السؤال يعني يلوفك 100 لوفة ويريد منك تطلع خيط انو تكدر ترجع للعراق هسه لو نكدر نرجع للعراق جان اجينا قابلناكم وتبهذلنا هيجي ههههههه .... ان شاءالله يارب يتصلون بينا كلنا وره العيد ونسوي الفحص الطبي وره شهر موعد السفر  ;Dهههههههههههههههههههههههههههه

[حسام حبيب قلب مهند]

الف مبروك اكليل على المقابله يوم الموافقه يارب

الي يكون شويه جبير وطويل كلش طويل هوه هذا المدير

[الريم 2000]

دعائي لكل الاخوة والاخوات اللي بمصر وانشالله يوم اللي تكملون وتسافرون وتستقرون بحياتكم الجديدة يارب---الريممم 2000

[اكليل الجبل]

منتبهت عليه لمديرهم احنا قابلنا الاسمر كلش  ???ومندري بعد حمامه غراب خليناها يم الله وتوكلنا عليه احسن الكل .... اشكرج الريم هذا من ذوقج واصلج حبيبتي

[موزارت]

تقريبا بعد اسبوعين من المقابلة توصلكم رسائل الفحص الطبي
الله يوفق الجميع

[al-iraqii]

اخوان صار تناقض اكو بحجي ال iom
الناس اللي قابلو باول عشر ايام تقريبا من شهر الثامن( واني من ضمنهم ) كلولهم انو الفحص الطبي حيصير للكل و مو معناها انو الكل موافقيلهم .... النتيجه مال محلفين تطلع بشهر التاسع
و الناس اللي قابلت قبل كم يوم كلولهم اللي دزله موعد فحص طبي معناتهه موافقيله المحلفين !!
بعد منعرف  الصح من الغلط ...
ياريت اللي دزو عليهم على الفحص كالولهم بالمسج نتيجة المحلف ؟ لو عرفو شي شوكت النتائج مال محلفين؟
بس حبيت اوضح هذا التناقض بحجي موظفين ال iom
و يا ريت اللي يعرف شي يكولنه

[niron]

واله ما كالو اي شئ واشبع تناقض بحجي الاي او ام

[اكليل الجبل]

صديق زوجي قابل يوم 8\8 ودزولة موعد الفحص الطبي البارحه يعني يوم 16 ليش ماادري بس يمكن  على اساس ديريد يسرعون 

[fadimore]

صحيح كلامك الموظف اللي يستلم الفايلات وياخذ عنوان الكفيل ( اقرع وحلو ) هو اللي قال من يوافقون عليكم المحلفين يدزولكم رسالة الفحص الطبي واني سمعته من يسلمنه الكارنيه اللي بيه صورتك ورقم الملف وعندي سوال للجماعة اللي فحصو شنو نوع الفحص وهل يحتاجون الكارنيه او اي مستمسكات ( جواز ...كارت اصفر )

[ahmed_alsadiq]

اخوان انتو تعرفون جماعة الـ IOM مينطون نشدة لاحد وميريدون يفرحون العراقيين بس وكعوا بلسانهم وقسم من المحلفين همة الي قالوا انه من يجيك الفحص يعني هذا موافقة المحلف هاي وحدة الشغلة الثانية تعرفون انه الفحص مو بلاش عليهم يعني يدفعون فلوس على كل عراقي يفحص وهمة مينطون فلوس لاحد الة يتأكدون بانه هناك موافقة من المحلف ياااااااااارب ان شاء الله نكون من الذين تجيهم موافقة المحلف والفحص الطبي ان شاء الله .
كذلك نحن نحتاج من الاخوة الي راحوا للفحص الطبي يشرحولنة شوية مكان الفحص وين وشناخذ ويانة وشلون نسلم الملف وشنو الاجراءات مشكورين تعرف احنة نحب نعرف كلشي كبل ما نروح حتى لنتعرض للاحراج .

[niron]

بالنسبة للفحص الطبي اخ احمد مرحلتين الاولى د ماجده توصل الصبح تصعد فوك بغرفه كاسي قليله يطلعون ملفك يكولك انزل جوه لدكتور يفحص بصرك ويستعرض تاريخك الطبي اذا كنت مسوي عمليه او تشكو من اي اصابه او تتناول اي دواء ويخلص وينطيك اللف ويكولك اصعد فوك توصل لنفس البنيه تختم ملفك وتاخذ الوزن والطول وتكواك انتظر حتى تدخل على دكتوره ماجده بعد ما تدخل تحتاج جوازك تاخذه تكتب بعض المعلومات بعدها تنزع قميصك لفحص الصدر بالسماعه الطبيه وتلبس وتطلع بعدها ياخذون عينه من دمك وخلاص انتهت دكتوه ماجده............... المرحله الثانيه د صامويل الي يكون بميدان رمسيس يحتاجون بس البطاقه الصغيره الي استلمناها من الاي او ام تنتظر الدكتور يجي وعدهم ترقيم همه ويطلع ملفك السكرتير مالتهوراح تشوفهم وتدخل ياخذون فقط اشعه للصدر وتطلع بره وره نصف ساعه يصيحون باسمك ينطوك البطاقه مالتك ويكولك روح وقبل لا تروح حضر 5 جنيه لهذا الفراش مال الدكتور لا يوكفلك بالباب ويلح عليك هههههههههههه....... وبسيطه ان شاء الله والتوفيق للجميع

[fadimore]

ممكن العنوان دكتور صمويل تعرف رمسيس كبيرة وين بالضبط اذا ممكن وشنو قريب عليها وشوكت نروح هم الصبح لو العصر وتشكر على المعلومات

[niron]

هو يكون موعده الساعه 12 الظهر تركب رمسيس اخر سيارات رمسيس يعني يم ميدان رمسيس اكو جامع الفتح جامع جدا كبيرا مقابل الجامع اكو مجمع بيه بنك هو القيصيريه تكون على يمين البنك تدخل بيها اول فرع يمين  هي هاي العماره اول من تتجه لليمين الدور الثاني بالمصعد الدور الرابع  اذا تطلع على الدرج واذا تيهت تسال اول ما تدخل القيصريه  وبالتوفيق للجميع

[اكليل الجبل]

مشكووور اخ نيرون على هالتفاصيل وطلعت دوخة شغلة الفحص عبالي بعياده وبنص ساعه تخلص الفحوصات وبس  هايه اذا طلعلنا ههههههههه وهالمرة عندي اطفال هم لازم يفحصون لولا؟؟؟ وشكرا لكل من دينطي معلومه تفيدنا 

[ahmed_alsadiq]

شكرا يالغالي ربنا يسهل عليك وعلينة وعلى الكل يارب بجاه هذا الشهر الكريم وكل عام وانتم بالف الف الف خير يارب والسنة الجاية تصومون كل واحد بولايتة ونصلي تراويح بالحرم المكي او المدني انه سميع مجيب الدعاء

[قيد الدراسه الى الابد 3]

الاخوه والاخوات السلام عليكم
الف مبروك للي فحص والي قابل محلف
بلنسبه لفحص الاطفال دون 15 سنه ميفحصون عند دكتور صومائيل يعني اشعه
وميحتاج تاخذوهم وياكم
بس يفحصون عند دكتوره ماجده ومياخذون دم منهم
بس يسولهم اختبار جلديه يعني ابره في الجلد ويعلمون عليها علامه دائريه
وياتون بعد 48 ساعه يعني بعد يومين
لمعاينه الاختبار هذا بنسبه للاعمار دون 15 سنه
والموفقيه للجميع

[قيد الدراسه الى الابد 3]

اخواني الذين عملو الفحص الطبي وانشاء الله للكل
بان يبدون يتابعون كفلائهم ويتاكدون من العناوين التي اعطوها الى المنظمه
لان المرحله الجايه بعد الفحص الطبي تبدا اجرائات الكفيل
ونريد منكم بشائر الاتصال بلكفيل
وتره مطول انشاء الله اكثر من شهر
 
اخوكم انشاء الله مو قيد الدراسه

[niron]

اخي قيد الدراسه هم كفه ووفه بالمعلومات لان بصراحه ما اعرف معلومات الاطفال لان مقدم بوحدي وبالنسبه للكفلاء قدمت بدون كفيل احسن لان باعتقادي تصير اسرع والتوفيق للجميع

[al-iraqii]

عاشت ايدكم شباب على المعلومات و ان شاء الله كل اللي يعرف شي يكولة
و ان شاء الله كليتنا نستلم الموافقه سوة و نسافر سوة يا رب

[اكليل الجبل]

شكرا عيوني يارب يسهل وتطلع الموافقه بسرعه للكل وشكرا لكل من دينطينا اي معلومه مع انو صار عندي احباط شويه لان بنتي عمرها 5 سنوات والثانيه سنه ونص ومن نوع اذا تمشي السياره بينا اكثر من نص ساعه العفو يستفرغون ويبجون ويخبصون الدنيا واحنا بعيدين عن المنظمه بس الله كريم ويسهل ان شاءالله وكل عام وانتو بالف خير ويارب يتقبل صيامكم وقيامكم وغفر كل ذنوبكم 

[niron]

تحمليها اختي الله يصبركم ويصبر الجميع

[mustafa ahmad]

السلام عليكم ورحمة الله وبركاتهُ
اخواني كلكم تعرفون تفاصيل مقابلتي مع المحلف
اني قابلت يوم 24 \ 6 \ 2012
وما استلمت موافقة محلف
بعد  شهر من المقابله تقريباً عرفت انه اني قيد الدراسه
لان اتصلوا عليه ال اي اوام وطلبوا اجي استلم قرار المحلف
وعرفت انه ممتخذ اي قرار بخصوصي وانه اني قيد الدراسه
والحمدلله على كل حال
بس ربكم ميضيع صبر .. ان الله مع الصابرين
اتصلوا عليه المنظمه يوم الاربعاء وخبروني على موافقة المحلف ..
اللهم صلي على محمد وآلِ بيت محمد
يارب يكملها علينه وعليكم بالفرج
اللهم آمين

[fadimore]

مبروك مصطفى على الموافقة ويارب السفر القريب ان شاء الله ولكل عراقي مغترب

[موجة بحر]

استاذ مصطفى هم كالولك روح فحص طبي قبل ميتصلون بيك بموافقه المحلف لو من اتصلو بيك ايبلغوك بالموافقه كالولك روح فحص طبي مع جزيل الشكر

[mustafa ahmad]

ربي يبارك بعمرك اخويه الغالي fadimore
يارب التوفيق للجميع اللهم آمين

اختي موجه
لا ..اختي اتصلوا بيه بس كلولي على موافقة المحلف وتأكدوا من رقم كفيلي
مكلولي على الفحص الطبي بعدهم
العافيه بالتداريج المهم عديت مرحلة المحلف لان عبالك جنت شايل جبل على جتفي
يارب يفرج عليكم وعلى كل عراقي صبور

[ahmed_alsadiq]

الف مبروك لاخونا مصطفى يارب يوم السفر ان شاء الله المهم سؤال مهم جدا اكو عدنة مشكلة وهي المدارس هل ندفع مصاريف السنة لو نخليهة سكتة لان اخبار التسريع اذا صدقت يعني السفر مو اكثر من شهرين بعون الله واذا طولت يعني الجهال خوما تروح عليهم السنة الدراسية ترة هاي حيرة والله الله يكون بعون الكل الي عندة حل لو مقترح لو عندة معلومات معينة على الموضوع يعلمنة وشكرااااااااااا

[موزارت]

اني هم شغلة المدارس كلش محيرتني وما اعرف ادفعلهم لو اخلي السنة تروح عليهم حرامات
المشكلة ان المدارس لا فلس ولا فلسين

[fadimore]

كل عام وانتم بخير ويارب الكل يسافر ويرتاح من الانتظار بالنسبة الى المدارس ادفعو نصف تيرم وفلوسها من المعادي تاخذوها فلا تحتارون واذا الله سهله علينا وطلعنا هاي السنة والاصعب هو التقديم للجامعه مو المدارس وان شاء الله يتصلون بينه ورا العيد على الفحص الطبي ونعبر مرحلة وحلقة مهمة من حياتنا

[mustafa ahmad]

السلام عليكم ورحمة الله وبركاتهُ
ايامكم سعيده وعيدكم مبارك
يارب ان شاء الله العيد الجبير كلنا نعيد بامريكا .. اللهم آمين
ربي يبارك بعمرك اخويه احمد تسلملي ياغالي
وبالنسبه لسؤالك سوي مثل مكال الاخ  fadimore
اني سويت هيج بالضبط دفت ترم واحد لاطفالي
واستلمت فلوس الترم الاول من السي آر اس بالمعادي
لان منعرف شوكت توصل الامنيه ويخلونه بجدولة السفر

[mustafa ahmad]

ايامكم سعيده وكل عام وانتوا بالف الف خير
ياربي يعوض صبركم بتحقيق كل امانيكم
اللهم آمين

[ahmed_alsadiq]

اني فوك ماكاعد على النار النوبة خلوا على النار بانزين وحركوني فوك وجوة .
كل يوم بحال وننتظر شي جنة ننتظر التحويل وتحولنة وننتظر المواعيد وقابلة محلف وكملنة النوبة الفحص وراها الأمنية يبووووووووووووووووووووووووووووووووووووووووووووووووووووووووووووووووووووووووووووووو عليهم يارب فرجهة على كل معسر .

                                كل عام وانتوا بالف خير وعيد سعيد يارب عيد الجاي كلنة باحسن حال

[mustafa ahmad]

ان شاء الله تفرج ابو شهاب كول يا الله راح الهواي مظل بس القليل
ربي يصبرك ويصبرنا .. اللهم آمين

[um reem]

كل عام والجميع بالف خير
ينعاد عليكم بالصحه والعافيه
ودعائي لكل الاخوات والاخوه بالتوفيق والفرج القريب
وتسهيل  وتسريع الاجراءات واهم شي اخوان حاولوا
تنسون الشغله ولو قليلا وتخلوها يم الكريم لان الانتظار
متعب ويستنزف التفكير واحسن شي تسوه هو تقوية اللغه الامريكيييييييييييييييه
لان هيه مفتاح النجاح

     ام ريم

[mustafa ahmad]

كل عام والجميع بالف خير
ينعاد عليكم بالصحه والعافيه
ودعائي لكل الاخوات والاخوه بالتوفيق والفرج القريب
وتسهيل  وتسريع الاجراءات واهم شي اخوان حاولوا
تنسون الشغله ولو قليلا وتخلوها يم الكريم لان الانتظار
متعب ويستنزف التفكير واحسن شي تسوه هو تقوية اللغه الامريكيييييييييييييييه
لان هيه مفتاح النجاح

     ام ريم

ربي يبارك بيج اختي العزيزه
وينعاد عليج بالصحه والعافيه يارب
وان شاء الله يستجاب دعائج .. اللهم آمين
وبالنسبه للغه اكيد نصيحتج بمكانها ..

[mustafa ahmad]

يارب هذا الاسبوع نسمع اخبار تريحنه
اللهم امين

[fadimore]

ايامكم سعيدة اخواني اللي عملو فحص طبي ممكن سؤال بالنسبة لسحب الدم لازم نكون صيام لو عادي مثل فحص السكر بالدم وهل نتيجة الفحص نستلمها وندزها للمنظمة لو هي تروح ويخبرونه النتيجة وان شاء الله يتصلون بكل اخواني ويفرحوهم فرحة العيد

[mustafa ahmad]

واسعد الله ايامك اخويه الغالي
اني مسويت فحص
بس حجاوب لان اخواني والدي والدتي كلهم سووا فحص وسافروا صار فتهر طويله
سحب الدم ميحتاج اي صيام
فقط اذا كان عندك طفل دون سن الخامسه عشر
يضرب ابرة اختبار تحت الجلد وثاني يوم لازم ترجعوا لنفس المكان الي فحصتوا بي علمود يشوفون نتيجة الاختبار
لاسمح الله اذا اكو تحسس او غيرها من هاي الامور
وبالنسبه للنتائج همه العيادات مسؤولين عنها احنه معلينه بأي شي

[ahmed_alsadiq]

سؤال جدا مهم لاخوانا في هذا الكروب حسب معلوماتكم مهم ناخذ من المدارس الي هنا شهادات الاطفال لو ميحتاجوهة هاي وحدة ونحتاج من كل رواد المنتدى الكرام ان يضلون ويانة حتى بعد تعدي مرحلة المحلف لغاية ما نطلع ونسوي كروب ثاني المهم يزودونة بالتغييرات الي تحصل علىيهم مثل الفحص الطبي وين وصل ياجماعة انطوهم الي قابلوا محلف في اي يوم وصلوا حتى نعرف فاتنة السرة لو بعد في امل منهم مشكورين طبعا .

[موجة بحر]

مرتبط سؤالي ابسؤال اخويه احمد ............ بالنسبه للاوراق الاصليه الموجوده بالتربيه الخاصه بالمدارس نسحبها وناخذها ويانه نحتاجها باامريكا لولا لان اذا سحبناهن للاوراق ...... متنطي المدرسه تاييد اله تاخذ افلوس سنه كامله وبهل حاله كارثه تنطي الاف الجنيهات بدون دوام .... لو تحتاجهن اهناك بالولايه يطلبوهن لولا ... اتمنى للعنده معلومه ايفيدنه بيها ولو السؤال بعد وكت عليه بس( المدارس على الابواب )

[al-iraqii]

اخوان طمنونه اكو احد استلم موعد فحص طبي وره العييييييييد ؟

[fadimore]

في موضوع بالنتدى عن الفحص الطبي وارتباطه باكتمال الامنية وتم العمل به بعد الشهر السادس .... اعتقد ان الدوام الحقيقي سيكون يوم الاحد الجاي والدليل لم يتصلو باي احد خلال هاي الفترة وبالنسبة للمدارس راح تدفعون نص ترم وتاخذوها من المنظمة crs

[موزارت]

اتمنى نسمع اخبار عن الفحص الطبي اذا احد من الجماعة اجته رسالة او تبليغ
اني عندي اعادة فحص ودا انتظر على نار
وبالنسبة للمدراس مشكلتي مشكلة لان اطفالي بالكي جي ولازم ادفع المبلغ كامل مقدما
والحمد لله اولا واخيرا
ويارب الفرج للجميع

[اكليل الجبل]

السلام عليكم اخواني ان شاءالله تككونون بخير ... للي سألو اذا اكو احد حددوله فحص طب وره العيد جوابي نعم وصديق زوجي قابل 9\8 ويوم 21 بلغو عالفحص الطبي وان شاءالله الكل يسوي فحص طبي ويسافر بسرعه ونخللص بس سؤال سمع اشاعة انو اللي مقابل محلف من شهر ال6 وبعده حتكون اجراءاته سريعه وبس يبلغو بموعد الفحص خل يهيأ نفسه للسفر خلال شهرين  تلاثه ماادري صح لو غلط هالخبر والله اعلم

[mustafa ahmad]

السلام عليم ورحمة الله وبركاتهُ
اخواني بالنسبه للمدارس كملوا اوراق اولادكم بشكل اعتيادي
اني اخويه من طلع منا كمل اوراق اولاده كلهم لان اكو احتمال يرجعوهم مرحله \ اذا ماكو اوراق تثبت المرحله الي همه بيها
اني دفعت ترم واحد لاولادي وبكل الاحوال فلوسنه مرايحه لان ناخذها من ال سي ار اس الي تنطي منحه للدراسه

وحتى الكي جي وان وكي جي تو هم مشمولين بهاي المنحه
ولدفعون فلوس كامله مال ترم واحد بس

بالنسبه للفحص الطبي ان شاء الله هذا الاسبوع نسمع اخبار طيبه وتفرحنا يارب .. كولوا آمين

اختي اكليل الجبل : ربي يسمع منج وكلنه نفحص ونسافر بوقت واحد ..
ياااااارب
وتسلمين لنقل الخبر

[موزارت]

اهلا بابو هاشم وكل الاخوة الطيبين
راسلتك عالخاص ياريت تشوف الرسالة

[اكليل الجبل]

موزات انت هم مثل حاالي اني بنتي هم كي جي 2 ولازم ادفع كل المبلغ وحاااايرة  ::)بس هسهة كلت اذا اتصلو بينا او دزولنا مال فحص طبي ولا ادفع ولا اوديها لان مدرستها ياخذون 2500 واتععععس مدرسة وسخة وماكو مسات مثل الاوادم يوميه مغيريلهم وحده ولو طبعا يعلموهم صحيح بس يوميه عاديها مرض شكل  يعني والله خدماتها زفففت اكول حرامات ادفعلهم فلس احمر وكلت اني اكعد اقريها اسأل شنو منهاجهم واقريها هي بنتي شاطرة وذكيه 

[موجة بحر]

اي عفيه اكليل شطوره وين اكو منج حليتيها وين اكو اسهل من هيجي حل  بوساتي للبنوتات ........ وان شاء الله تحقيق الاماني وبشاره الفحص الطبي تجي منج

[موزارت]

اختي اكليل الجبل كلامج سليم مية بالمية
اني هم ناوي اذا يبلغوني على اعادة فحص طبي ما اسجلهم ولا ادفع
انتي مقابلة محلفين شوكت بيا شهر؟؟
ووين واصل الملف؟

اني مقابل بشهر 10 اللي فات

[اكليل الجبل]

اي عفيه اكليل شطوره وين اكو منج حليتيها وين اكو اسهل من هيجي حل  بوساتي للبنوتات ........ وان شاء الله تحقيق الاماني وبشاره الفحص الطبي تجي منج

هههههههههههههه يعني شنو موجة دتقلدين عليه لو صدك تحجين؟؟ مو حبي شسوي هي كي جي قابل اعداديه لو كليه وبعدين والله  متتخيلين شنو من امراض جابتلي بسبب عدم نظافة المدرسة وهايه اهليه وخاصة وزينه على اساس

[اكليل الجبل]

اختي اكليل الجبل كلامج سليم مية بالمية
اني هم ناوي اذا يبلغوني على اعادة فحص طبي ما اسجلهم ولا ادفع
انتي مقابلة محلفين شوكت بيا شهر؟؟
ووين واصل الملف؟

اني مقابل بشهر 10 اللي فات

اي والله يااخويه احسن مماندفع فلوس وبعدين نعوفها وهمه كتلك كي ججي واني بعدين خريجة اداب انكليزي وافتهم بالتدريس ولو شويه خلكي صغير بس ادرسها تدريس زين واما اذا متصلو بينا لاسامح الله فادفعها وامري لالله 

[al seef]

السلام عليكم اخواني  ... حبيت شوية ارفع معنوياتكم ولو بشيء بسيط لانه احنة العراقيين الي بمصر استوينة مثل الفول والطعمية    الخبر اخوان انه عندي صديقي يعمل بالهجرة في امريكا وبمجال استقبال اللاجئيين العراقيين في امريكا قال لي انه شهر 8 توجد ثلاث طائرات قادمة من مصر متوجهه الى امريكا وفي شهر 9 القادم توجد اربع طائرات متوجهه من مصر فقط الى امريكا هذا خبر مؤكد واتمنى انه يفرحكم شوية ويقوي معنوياتكم وان شاءالله الكل يسافر على متن هذه الطائرات ونرتاح وتفرج علينا وعليكم ان شاءالله

[/b]

[موزارت]

امين يارب الله يسمع منك ونسافر كلنا لان العراقيين اللي بمصر شغلتهم جدا بطيئة ولو الحمد لله على كل حال احنا احسن من الموجودين بسوريا خطية الله يعينهم ويفرج عنهم

[موجة بحر]

اخويه موازرت ان شاء الله مو بطيئه اهل مصر...............والحمد لله اليوم اتصلوووووووووو علينه وبلغونه على الفحص الطبي يوم 30دكتوره ماجده ويوم2دكتور صموئيل............ونحمد الله ونشكره على كل حال ............. واتمنى اليوم الكل ايبشرنه بالفحص الطبي امين يارب

[اكليل الجبل]

السلام عليكم يارب تكونون بخير ابشركم دزولنا مسج عالفحص يوم 30\9 ويوم 2\9 وكلش فرحنا والحمدلله بس ممكتمله الفرحه لان اهل زوجي امه وابوه مدزولهم مااعرف ليش مع انو قابلنا بنفس اليوم احنا بس احنا قابلنا الاسمر كلش وهمه قابلتهم محلفه بس لا عمي لايصهه

[al seef]

 الف مبروك موجة بحر على موعد الفحص الطبي وان شاءالله يتصلون بيكم على موعد السفر .... بس بلا زحمة ممكن تكلنة موعد مقابلتكم مع المحلفين متى كانت بياتاريخ رحمة الله والديك ومبروك مرة ثانية ويارب الكل يتصلون بيهم ويخلصون

[/b]

[اكليل الجبل]

هايه شنو موجة انتي ويايه خل اشوفج هناك لعد ان شاءالله  

[al seef]

الف مبروك اكليل الجبل على موعد الفحص زان شاءالله موعد السفر وياريت اختي العزيزة تكلينة تاريخ مقابلتكم مع المحلفين باي تاريخ حتى الي ماوصلهم موعد فحص طبي يتاملون خير ان شاءالله ويارب الكل يسافر ويستقر ويرتاح اللهم امين

[/b]

[اكليل الجبل]

عفوااا غلطت بالتاريخ ... مو عد الفحص مالتنا 30\8 و 2\9 ان شاءالللللله

[طوطي]

اريد اسال سؤال بلة زحمة عليكم من اتكولولي شنو رقم التلفون الي الواحد يكدر يخابرر بيه المنضمة ويستفسر ؟؟ وهل الاستفسار سكون عن طريق التلفون لو شون ويا يوم من الاسبوع يحق للواحد يروح انفسة ويسال؟؟؟ شكرااااااااااااااااااا

[اكليل الجبل]

اسفه اخ السيف منتبهت اكو رد ورايه المهم احنا قابلنا يوم 13\8 \ بس اهل زوجي بنفس اليوم قابلو ويانه بس مدزولهم مدااعرف شنو الفيلم والاخ اللي سأل عالتلفون والله ولا تعب نفسك ايام وليالي نتصل وميجاوبون خصوصا هسة المحلفين موجودين مديردون على اي اتصال ابد اذا كانو اكو محلفين لان همه بالايام العاديه اذا رادو يردون على كل الف اتصال يمكن واحد وعالعموم هذي الاقامهم اللي عندي 0227365174 \\\\ 0227365 \\\  01016255526\\\\\\\\\\\\والايام مااعرف والله شنو المتواجدين بيها بلكي الاخوه يفيدوك

[اكليل الجبل]

 عفوا هذا الرقم الثاني لان كان ناقص 0227365140

[موزارت]

الف مبروك اخت موجة واخت اكليل الجبل على الفحص الطبي
ويارب القبول والسفر للجميع
اني قابلت محلف اضافة طفل يوم 15
ولحد الان ما اجاني موعد فحص طبي
بلكي الله وتجيني رسالة هالايام
وبالنسبة للتلفونات ابد ما ديردون واعطونا ورقة مكتوب بيها ان التلفونات مغلقة واي استفسار سيكون حصريا عن طريق الموقع والايميل

[fadimore]

السلام عليكم اخواني واخواتي اليوم بعثولنه مسج على موعد الفحص الطبي واتصلو بينه ايضا لتاكيد الموعد ومبروك للجماعة اللي اتصلو بيهم ويارب تكمل الاجراءات ونسافر وما اعرف بالنسبة للجروب هو اسمه انتظار المحلفين وهسه احنا قابلنه وراح نسوي فحص طبي والتواصل معاكم مهم جدا ممكن الاخ صاحب الكروب يعدل بالاسم حتى السفر ان شاء الله لان اني متفائل بهذا الجروب ... مبروووك

[اكليل الجبل]

اخ موزات ان شاءالله هاليومين تلاثه يتصلون بيك اقره 120 مرة على كعدة وحدة امن يجيب المضطر اذا دعاه واطلب طلبك وان شاءالله الله يسهلها عليك وعلى الجميع يارب ومبروووك اخ فادي يارب تتسهل اموركم ان شاءالله احنا بس دزولنا مسج متصلو :Pواني هم كلش اتفائلت بهذا الكروب وحبيته واريد ابقى بي وخلي الاخ مصطفى احمد يمكن اللي سواه يسوي تعديل مثلا يسوي كروب انتظار المحلفين والفحص الطبي والسفر هههههههههه ولو اكو كروب اسمع انتضار السفر في مصر بس مااعرف هذا الكروب احلى

[اكليل الجبل]

بس ممكن سؤال للي عدهم خبرة يعني اذا بلغونا بالفحص الطبي معناه موافقين المحلفين لو شنو؟؟ شو قبل جانو ينطون ضرف بي النتيجة مال المحلف لو تغير النظام هسه؟؟

[بهروز]

تحيه طيبه

 
الى كل الاخوا والاخوات في مصر انا من القادمين الجدد الى امريكه ولاية كنتاكي الجميله

احبيت ابشركم اليوم كان عندنا اجتماع مع مديرالمنظمة في الولايه.وشرح لنا  ضروف عملهم لستقبال الاجئين......

طلب منا الي عندة  استفسار وكان الوجودين من مصر وسورية والاردن و قعناله دق أسئله شاف الكل عدهم ناس ينتظرون وصولهم وملهوفين

عليهم.ماقصر جاوبنه واحد واحد.....وبذات لي بسوريه قال المنظمة مهتمه باناس لي بسورية وقال راح يسوون معسكر ب رومانية للاجئين العراقيين الي في سوريا
الي ما مخلصين اوراقهم.ولي مخلصين اوراقهم يودوهم بالاردن ويطيروهم مناك..ومصرقال كل المقدمين سوف يتم سفرهم بدور وحسب اكتمال

اجرائاتهم الامنية ولايشغل بالكم وبطريقه مقنعة وتفاصيل كثيره ما اريد ادوخكم بيه بس هو اكد على انهو  الكل يكملون اورقهم وبسرعه

حتى اكو مرية جايه وحدة بكت من فرحته من سمعة المسئول يتكلم بثقه وبقناعه ....واتمنى من الكل يتفائلون والله الوضع يبشر بخير


                                               تحيات  اختكم بهروز

[موزارت]

شكرا اخت بهروز على المعلومة وياريت لو تعطينا نبذة عن الكلام اللي قاله حتى الواحد شوية يرتاح ويطمئن

واخت اكليل الجبل اشكرك عالرد والنصيحة ويارب السفر للجميع

وبالنسبة للاخ اللي سال عن علاقة الفحص الطبي بموافقة المحلف نعم اخي ما دام بعثولك رسالة الفحص معناها المحلف وافق وماكو ظرف بالنسبة للي مقدمين من مصر

[mustafa ahmad]

السلام عليكم ورحمة الله وبركاتهُ
اخوتي واخواتي هنا الف الف الف مبروك استلام نتائج المحلف والاتصال بكم للفحص الطبي
مجرد اتصالهم لاعطاء موعد فحص معناه موافقة المحلف
جعل الله اعماركم افراح ومسرات اللهم آمين
وبالنسبه للكروب اراه عتبه جميله غيرت الكثير من مراحل انتظارنا
ولا اريد انتقالكم لكروب آخر
لان مواعيدنا متقاربه ..
تم تغيير العنوان الى كروب انتظار محلفين .. وفحص .. وسفر : في مصر
ليستفاد بفية الاعضاء من تجاربنا الماضيه وان شاء الله السفر القريب للجميع
دعواتكم لي ولكل من لم يتصلوا بهِ للفحص الطبي
حصلت على موافقة محلف ..بعد ان كنت قيد الدراسه ولم يتصلوا بي للان للفحص الطبي
ان الله مع الصابرين ..
دمتم بكل حب وسلام
اخيكم : مصطفى

[mustafa ahmad]

الاخت بهروز .. حمدا لله على سلامتكم
ومبروك الوصول لارض الاحلام
ان شاء الله بالتوفيق
دعواتكِ لنا اختي

[موزارت]

مبروك اخوية مصطفى ويارب نفرح بسفرك
ونشكرك على الكروب الرائع الي استفدنا منه كثير
ويارب نتواصل عالخير دائما

[mustafa ahmad]

ربي يبارك بعمرك اخ موزارت
يشهد الله افراحكم هي افراحي
.. ما ضاقت الا فُرجت .. وان شاء الله الفرج قريب.. اللهم آمين

:
نتمنى منكم ادراج كل جديد في حالة ملفاتكم  .. لنواكب بعضنا هنا اخوتي
ويبقى دعاؤنا لبعض صافي لوجه الله .. اجتمعنا في محبتهِ وسنبقى كذلك ..

[fadimore]

اخي مصطفى شكرا على تغيير اسم الكروب حتى لا نتشتت ونعرف نتواصل مع بعض وان شاء الله يتصلون بيك عن قريب لانهم بصراحة ملودين من صوت المتصلة ما تريد اطول معاي وتريد تختصر الكلام لان الظاهر عندهم شغل كثير وللعلم المتصلة سورية وزمان كانت مصرية فاكيد زاد الكادر مالتهم بسبب الملفات وعدما قابلنه كانو كلهم عراقيين ما شفنه اي جنسية ثانية وهذا يدلل ان هاي المرحلة بين قوسين للعراقييين وانته حضرتك كان ملفك قيد الدراسة وهسه تغير فان شاء الله يتصلون بيك باقرب وقت ادعو وادعو الله ان يسهل امرك ويارب كل الجروب يسافر

[mustafa ahmad]

ربي يبارك بعمرك اخويه fadimore  ويوفقك اللهم آمين
اني متفائل ان شاء الله بسبب وجودنا سوه بهذا الكروب
وأدراج كل المعلومات الصحيحه ... ربي يسهل اموركم اجمعين
والف مبروك للفحص الطبي للجميع ..
اختي اكليل الجبل.. ان شاء الله يتصلون بأهل زوجك وتكمل افراحكم ..

[اكليل الجبل]

شكرا اخ مصطفى لتغيير اسم الكروب الحلو هذا وعالدعوة الحلوة لان دعوة الاخ لاخوه بظهر الغيب مستجابة ان شاءالله  وياااااارب يدزولك مسج او يتصلون عالفحص الطبي ان شاءالله بالوقت العاجل القريب وشكرا الج اخت بهروز يارب كل الموفقية بحياتج وان شاءالله السفر للجميع ونلتقي كلنا بامريكا هههههه ولتنسون دائما ادعو ( أمن يجيب المظطر اذا دعاه ويكشف السوء ) تحياتي لاحلى كروب

[محمد اكرم]

اخوية مصطفى شونك اني الي جان عندي اضافة طفل يمكن عرفتني وقابلت وفحصت طبي بس لحد الان صار تقريبا 50 يوم وممكتمل بالوقع ولحد الان فعال فقط ولم يتصلو بكفيلي لحد الان شنو اسباب التاخير من اتصل بيهم يكولولي انتة بالمرحلة الاخيرة هاي يامرحلة يعني مع العلم لم يتصلو الى وقتنا هذا بالكفيل ممكن تجاوبني واكون شاكر الك

[mustafa ahmad]

ربي يسمع منج اختي اكليل الجبل وأجي ابشركم بأتصالهم
وان شاء الله  يفرجها للجميع ويستجاب دعاؤكم ودعائي .. اللهم آمين
وبالنسبه لنصيحتج بالدعاء والله مناسيها ودائماً  على بالي ..
ربي يحفظكم اختي

[mustafa ahmad]

اخوية مصطفى شونك اني الي جان عندي اضافة طفل يمكن عرفتني وقابلت وفحصت طبي بس لحد الان صار تقريبا 50 يوم وممكتمل بالوقع ولحد الان فعال فقط ولم يتصلو بكفيلي لحد الان شنو اسباب التاخير من اتصل بيهم يكولولي انتة بالمرحلة الاخيرة هاي يامرحلة يعني مع العلم لم يتصلو الى وقتنا هذا بالكفيل ممكن تجاوبني واكون شاكر الك

اهلاً اخويه الغالي محمد حمد لله على السلامه ومبروك المقابله والفحص الطبي
اخويه ما دام فعال لتقلق يعني كلشي ماشي بملفك  بشكل طبيعي
وحتى لو اتصلوا على كفيلك مو معناها الامنيه اكتملت
مرات يتصلون على الكفيل والامنيه وره اشهر طويله يلله توصل
كول يا الله يا ورد وربك فرجه قريب

[قيد الدراسه الى الابد 3]

الاخوه والاخوات السلام عليكم
اسف لانقطاعي عن المشاركه لظروف قاهره
والف الف مبروك لكل الذين اعطوهم موعد مقابله وموعد فحص طبي
وانشاء الله يوم اتصال بلكفيل
واني طبعا خابصهم بلرسائل لان طكت روحي
واجتني رساله اليوم وهي كلاتي

A careful review of our records indicates that your case is currently pending U.S. Government security reviews which are required for all refugees prior to departure for the United States.  We are unable to predict when the security checks might be completed, as this process is under the authority of various agencies in the United States and beyond the control of IOM.  When the results are made available to IOM, we will contact you with update accordingly
مع ان الامنيه موجوده عندي قبل مقابلة المحلف
يجوز هذه امنيه قبل السفر
 المهم ادعو من الله ان يسافر الكل هذه السنه

[fadimore]

اليوم اجرينه الفحص الطبي بمستشفى الانكلوامريكانه كان اكو هوايه عراقيين الله يكثرهم وملفات هواية بعد يدزون عليها وكان اكو زخم بالعمل كان الفحص عبارة عن فحص نظر وضغط وفحص بالسماعة واسئلة عن حالتك المرضية من يوم ما ولدت لحد الان وشنو تشكي الان وسحبو دم وعندي ابني زغير عملو فحص تحت الجلد ويوم السبت نشوف نتيجة الفحص ( ابني فقط) وبعد اكو فحص ثاني عند د صموئيل برمسيس ان شاء الله
اللي فرحني عوائل عراقية كثيرة راح يسافرون ان شاء الله قسم التقينا بيها بمقابلة المحلفين وقسم ما شفناهم واكو عائلة دزو على اولادهم الكبار فقط وهما بعدهم ما دزو عليهم .. الحلم بدا يتحقق واقتربنا من اهم نقطة وهي موافقة السفر ..  دعائي لكل العراقيين يعوض صبرهم خير

[موزارت]

الله ييسر للجميع وتمشي الامور باسرع وقت

[al seef]

السلام عليكم اخواني واخواتي مبروك لكل الذين قابلو والذين فحصو والذين اعطيت لهم مواعيد فحص وان شاءالله الذين ينتظرون يتصلون بيهم ويكملون كل اجراءاتهم ... اليوم بلغوني بموعد الفحص الطبي والحمدالله على نعمته التي انعم بها علينا وان شاءالله جميع الكروب وجميع العراقيين في مصر يسافرون ويستقرون بعد كل هذه المعاناة والمصاعب التي رافقتنا بأذن الله ومبرووووك مرة اخرى للجميع 
[/color][/size][/b]

[محمد اكرم]

الله يسهل عالجميع ان شاء الله والكل تسافر وتخلص

[موزارت]

يا الله يا الله

[mustafa ahmad]

اخويه قيد الدراسه ربي يهل امورك كلها .. وتسافر عن قريب
اخويه  fadimore الف مبروك الفحص وان شاء الله السفر العاجل
اخويه al seef مبروك اعطاءك موعد الفحص ويارب السفر القريب

.. يا الله عجل بفرجك لكل الصابرين  : اللهم آمين

[بهروز]

اشكر كل الاعضاء لي قدمولي التهنئه وانشاء الله يوم لكل اخوانه الصابرين في مصر


اخواني والله اطمئنو كلكم راح سفروكم لن العراقيين لبمصر يردون يطلعوهم من مصر لسباب تخص امن مصر


وهذا من صلح المقدمين على التوطين هذا واحد ثانيا ......راح ينفتح ملف سوريه ورح يصدر قرار بتوطين السوريين المجريد امر من حال العراقيين

لهاذا ديسرعون بملافات العراقين لن السوريين طبقو على السرهوعلى فكره هذا كلام المسئولين مو كلامي


تمنياتي بسفر القريب الى جميع الاعضاء الحبابين شالع امين ههههههههههه

[كاسـ الحنون ـبر]

السلام عليكم ورحمه الله وبركاته
شكرا جزيلا للي عمل هذه الصفحه
واتمنى النتائج الطيبه للجميع
اني قابلت محلفين يوم 15/8
ويه المحلفه الكبيره في السن البيضه
ولحد الان لم يتم تحديد موعد فحص ولم يتصلو بي
اتمنى للجميع الفرج القريب ان شاء الله

[اكليل الجبل]

السلام عليكم شلونكم ان شاءالله بخير  ... احنا سوينا فحص طبي اول بارحه وطبعا ورة مخلصنا كلولنا تكدرون تروحون لدكتور صموئيل وتسوون اشعه هم فد مرة وفعلا خلصنا الساعه 11 تقريبا من الانجلوامريكي ورحنا هناك لدكتور صموئيل لكيت قبلي 4 عوائل المهم الدكتور صموئيل هو اصلا يحتاج دكتور  ::)هلكد ما كبير وتعبااان هههههههه والاشعة بدائية من قبل الميلاد هههههههههه والعياده صغيرة وصارت ازدحام موووت وكالعاده بنتي انمردت وصارت شوربه مثل كل الاطفال الصغار واللي يقهر الطفل اللي عمره جوه السنتين ميريدون منه اي شي  لا دم ولا فحص ولا بطيخ زين ادري شكو كلتولنا نجيبهم بس شيهمهم همه وخلصنا  الاشعة والساعة فوك ال3 العصر واها ننتظر النتيجه بشوية وراها بنص ساعه كلولنا النتيجه وراسا طلعنا للبيت طيراااااااااان المهم الحمدلله على كل حال خلصنا من شغلة الفحص وبقت بس بنتي وجان لازم ارجع اوديها 1\9 علمود يشوفون مكان الابرة ووديتها اليوم الحمدلله وبس شافتها وراسا طلعنا وملكينا اي احد بالعيادة ولا تيفو  ;Dههههههههههه وراها اجينا للبيت وعاشو عيشة سعيدة  يارب يوم اللي ممستلم موعد فحص يستلم باقرب وقت ومن ضمنهم اهل زوجي ان شاءاللللللللللللله وتمنياتي بالسفر العاجل للجميع

[mustafa ahmad]

اختي بهروز شكراً لجميل امنياتج ويارب يحقق احلامكم واحلامنا ..
الاخ كاسبر  الحنون الف الف مبروك مقابلة المحلف وان شاء الله تستلم الموافقه وموعد بالفحص الطبي..
اختي اكليل الجبل الف مبروووك اكمال الفحص الطبي وميخالف التعب يهون في سبيل تحقيق الحلم وسلامة بنتج من كل شر
وان شاء الله يكملها عليكم بالفرج القريب

واني اخر اخباري لحد هسه منطوني فحص طبي ..
وأمنيتي رجعت انتظار ..!!
بعد ان كانت مكتمله ..لان موافقة المحلف كانت مشروطه بالموافقه الامنيه
الحمدلله على كل حال

[محمد اكرم]

اخ مصطفى الله يسهلها ان شاء الله وينطوك موعد فحص قريب جدا لتشيل هم بس حاول تروح عليهم احسن واني سويت فحص صارلي 50 يوم ولحد الان ماصار مكتمل ولا خابرو على كفيلي ماادري شنو هالخربطة الي عدهم وان شاء الله الكل تسافر وتخلص وتصير سوالف[/b][/b

[اكليل الجبل]

شكرا اخ مصطفى الوردة يارب يسهل كل امورك  بس اني اريد افتهم يعني انت شنو امنيتك ممكتملة ليش هي هسه من احنا سوينا فحص معناها امنيتنا مكتمله لو شنو؟؟ وانت اتصلو بيك كلولك موافقين المحلفين عليك لو شنو؟؟؟؟ زين اذا موافقين عليك ليش ممسوي فحص؟؟ ???اشو احنا متصلو بينا بس دزولنا مسج عدكم فحص طبي بفلان يوم وان شاءالله يدزون عليك بالوقت العاجل القريب ياااااااااااااااارب  زين ليش مدزلهم مسج عالاميل مالهم احسنلك

[al seef]

السلام عليكم اخواني واخواتي ان شاءالله تكونون بخير ... اخ مصطفى اشكرك على تهنئتك وان شاءالله تبشرنة يوم الي يتصلون بيك وينطوك موعد فحص طبي يارب وكل الاخوة الي دينتظرون مواعيد محلفين وفحص طبي وامنية وسفر يارب ... اخت اكليل الجبل الف مبروك انجاز الفحص الطبي والله يعينك اكيد كان ارهاق بيها وتعب بس الحمدالله وان شاءالله تبشرينة بموعد السفر بأذن الله وكل الكروب ان شاءالله يكونون بطائرة واحدة والكروة واصلة على حساب الطيار 

[/color][/size][/b]

[al seef]

اخت اكليل الجبل بدون زحمة عليك ممكن توصفيلنة موقع مستشفى انجلو امريكان وين يصير بالضبط  احنة عدنة العنوان بس نريد توصيف دقيق حتى الواحد يروح كبل عليها بدون ان يظل يلف ويدور نكون ممنونين منك حتى الي يريد يروح للمستشفى ميتيه المكان 

[PlatinuM]

الف الف مبروك لكل الاخوات والاخوة الذين اكملوا واستلموا مواعيد الفحص
وأن شاء الله يستلمون البقية مواعيد الفحص الطبي
تحياتي

[fadimore]

موقع المستشفى ما يضيع بصف برج القاهرة بالزمالك بنفس الشارع وجيب وياك الكارنية مالت الاي او ام

[mustafa ahmad]

اخ مصطفى الله يسهلها ان شاء الله وينطوك موعد فحص قريب جدا لتشيل هم بس حاول تروح عليهم احسن واني سويت فحص صارلي 50 يوم ولحد الان ماصار مكتمل ولا خابرو على كفيلي ماادري شنو هالخربطة الي عدهم وان شاء الله الكل تسافر وتخلص وتصير سوالف[/b][/b

ربي يسلمك حبيبي محمد ويسهلها عليك والله يكون بعونك ان شاء الله صبرك ميضيع
الظاهر اكو ضغط وزخم عليهم بسبب التسريع مال السفر
والحمدلله على كل حال

[mustafa ahmad]

شكرا اخ مصطفى الوردة يارب يسهل كل امورك   بس اني اريد افتهم يعني انت شنو امنيتك ممكتملة ليش هي هسه من احنا سوينا فحص معناها امنيتنا مكتمله لو شنو؟؟ وانت اتصلو بيك كلولك موافقين المحلفين عليك لو شنو؟؟؟؟ زين اذا موافقين عليك ليش ممسوي فحص؟؟ ???اشو احنا متصلو بينا بس دزولنا مسج عدكم فحص طبي بفلان يوم وان شاءالله يدزون عليك بالوقت العاجل القريب ياااااااااااااااارب  زين ليش مدزلهم مسج عالاميل مالهم احسنلك

ويسهل امورج اختي
اختي اني المحلف انطاني موافقه مشروطه بالامنيه يعني اله تكمل امنيتي واحصل موافقه يلله يوافق عليه المحلف
واكتملت امنيتي وحصلت موافقه واتصلوا عليه بلغوني بالتليفون
اما بالنسبه شلون عرفت المحلف انطاني موافقه مشروطه وره شهر من المقابله اتصلوا بيه وطلبوا مني اروح للمنظمه
ورحت وقعت على ورقه استلام قرار المحلف
كتلهم شنو القرار كالوا المحلف ممنطي قرار تجاهك اله تجي امنيتك
وجانت لحد البارحه  الصبح امنيتي مكتمله باليل دخلت جان اشوفها تحولت انتظار
والفحص الطبي متصلوا عليه لحد هسه ما اعرف ليش
بس حالة الملف فعال
اما بالنسبه الكم اختي فمجرد اتصالهم بيكم واعطاء موعد فحص معناها موافقة المحلف
وهسه انتوا بمرحله التجييك الامني
والله يفرجها على الجميع .. اللهم آمين

[mustafa ahmad]

اخويه al seef
ربي يسلمك ويوفقك..

ويوفق جميع اخوانه وخواتنه وميضيع صبرهم ..
يا الله .. يا الله

[موزارت]

ألله يعين الجميع ويصبرهم ويارب تتيسر الامور كلها ونسافر وتصير هذي المعانة سوالف
بخصوص المستشفى ابد مكانها ما يتيه بصف برج القاهرة بالزمالك
وصموئيل برمسيس مقابل جامع الفتح اكو برج هو هناك

[اكليل الجبل]

اسفة اخويه سيف هسه شفت الموضوع يله ... مثل مكالو الاخوان نفس شارع اللي برج القاهرة ... اخ مصطفى ان شاءالله خير يارب وتتسهل امور الجميع وتسافر ونسافر ونرتاح

[قيد الدراسه الى الابد 3]

اخواني اخواتي
اولا السلام عليكم
ثانيا انريد هذا الكروب نشط حتي يجعل الله البركه بي والكل اتسافر
وانريد ابشارات منكم بلاتصال بلكفيل يعني اتفرحونه
وانشاء الله الكل تفرح

اخوكم انشاء الله مو قيد الدراسه

[mustafa ahmad]

وعليكم السلام ورحمة الله وبركاتهُ
ان شاء الله هذا الاسبوع رب العالمين يطرح بي كل الاخبار المفرحه
واي جديد يصير بحالة ملفي ان شاء الله ادرجه
ويار الفرج للجميع
بارك الله بيك اخويه قيد الدراسه للابد

[قيد الدراسه الى الابد 3]

وبيك اكككككككككككككككثر

[موزارت]

ممنون رحم الله والديك

[موجة بحر]

السلام عليكم ......... بعد فتره اشكد ايكون الفحص الطبي مكتمل بالكيس والخطوه الثانيه شنو الاجراءات مع العلم احنه ما عدنه كفيل اشلون راح نعرف الولايه ووتجي موافقه الولايه قبل الامنيه لو العكس نفسي اعرف هاي المعلومات كلها

[mustafa ahmad]

اختي موجة البحر
اتمنى تنزلين سؤالج بموضوع منفصل علمود اهل الخبره يفيدوج لان اكيد هواي ناس طلعت بلا كفيل
واكو ناس هسه واصله لامريكا ونفس وضعج بالضبط اكيد يخدموج بمعلوماتهم
يارب يسهل امركم .. اللهم آمين

[موجة بحر]

اشكرك اخويه مصطفى على الرد بس صدك انت اتكمل فرحت الكروب كله من انشوف التفاؤل يرجعلك وامورك تمشي من جديد

[اكليل الجبل]

السلام عليكم شلونكم ان شاءالله بخير ... اني سؤالي هم نفس سؤال موجة حبيبتي هم يعني شكد حننشتل اوووووووو ننتظر بس احنا عدنا كفيل ... اخ مصطفى مثل مدكول موجة انت صدك تخلي بينا التفاؤل يارب نسمع اخبارك الطيبة عن قريب ان شاءالله واما احنا بخصوص اهل زوجي لحد هسة كلشي ماكو ودزينالهم رساله للمنظمة ومجاوبونا وماادري بعد يم الله عفناها

[mustafa ahmad]

اختي موجة بحر والله اني الي اتفاءل بيكم من تدرجون اخباركم وارتاح من اشوفكم فرحانين الله شاهد عليه
وبالنسبه لسؤالج حراسل اهل الخبره علمود يدخلون هنا ويردون
وميصير خاطرج اله طيب .. كولي يا الله اختي

[mustafa ahmad]

ياااااااارب .. مثل مجانت الصفحه الثالثه كلها مواعيد وفحوصات وأفراح
خلي صفحتنا الرابعه مواعيد سفر .. وباب فرج مفتوح الى ما لا نهايه .. اللهم آمين
كولوا آمين اخوتي

[mustafa ahmad]

السلام عليكم شلونكم ان شاءالله بخير ... اني سؤالي هم نفس سؤال موجة حبيبتي هم يعني شكد حننشتل اوووووووو ننتظر بس احنا عدنا كفيل ... اخ مصطفى مثل مدكول موجة انت صدك تخلي بينا التفاؤل يارب نسمع اخبارك الطيبة عن قريب ان شاءالله واما احنا بخصوص اهل زوجي لحد هسة كلشي ماكو ودزينالهم رساله للمنظمة ومجاوبونا وماادري بعد يم الله عفناها

وعليكم السلام والرحمه اختي اكليل
ربي يسهل اموركم اجمعين سبحان الله يشهد ربي استمد قوتي وصبري من بعد رب العالمين بتواجدي وياكم
وان شاء الله حراسل اهل الخبره يدخلون يساعدون اخوانهم وخواتهم هنا
وبالنسبه لاهل زوجج اختي
اني نفس الشي صار ويايه اقاربي اجاهم موعد واني لا  .. مع العلم قابلنا سوه
لهذا  السبب وحسب الي صار ويايه ويه اغلب الاخوه الي تأخروا عليهم ومتصلوا بيهم مباشرةً
اهل زوجج وافق عليهم المحلف موافقه مشروطه بموافقة الامنيه واكتمالها
لان لو جاهم رفض مستحيل يظلون لحد هسه بدون ميتبلغون .. لا سمح الله
وليظل بالج ان شاء الله  عن قريب يتصلون عليكم .. كولوا يا الله اختي

[اكليل الجبل]

الله بدينا الصفحة الرابعه بجوابي    ويااارب تكون صفحة خير  والله اخ مصطفى من كل قلبي ادعيلك وادعي لكل اخواني وخواتي هنا الله ييسر امرهم ويعينهم لان كلها الناس تعبت لا بيها تبقى وترتب وضعها شلون مجان وتعيش ولا بيها تضل معلقة ودايخة مدري تسافر مدري تبقى وعالعموم احنا هالكروب هم ارحم من غير ناس هم شويه هم عن هم بفرق واني اشكرك كللللللللش هوايه اخويه مصطفى يعني احتمال همه مثل قصتك مع انو متصلو بيهم وكلولهم موافقة مشروطة باكتمال الامنية زين والفخص شلون  ؟؟؟ ميفحصون الا تطلع الامنيةة مثلا؟؟ ان شاءالله خير بس اني افكر وخاايفة اكول بس لا يرفضوهم مع انو ماكو سبب للرفض بس همه مينحزرون بس كولتك صارلنا 21 يوم من قابلو ويانا وماكو شي ولا اتصلو لو رفض يكولون جان لازم يتصلون بيهم والعلم عند الله  ???شكرا اخويه الك ولكل من يقدملنا معلومات ومساعدة يمكن اي شخص يقدم نصيحة ومساعدة لوجه الله ويساعد بيها الغير الله يوكفله ويزيح همه ان شاءالله .. تحياتي لاحلى كروب

[hornet]

السلام عليكم ......... بعد فتره اشكد ايكون الفحص الطبي مكتمل بالكيس والخطوه الثانيه شنو الاجراءات مع العلم احنه ما عدنه كفيل اشلون راح نعرف الولايه ووتجي موافقه الولايه قبل الامنيه لو العكس نفسي اعرف هاي المعلومات كلها

السلام عليكم
اختي عند اتمام الفحص يتم ارسال اوراق الفحوصات بعد يومين من قبل د.ماجده ود.صامويل واول متوصل الفحوصات للمنظمة يقومون بادخالها للسستم مباشرة (سستم المنظمة) وخلال 15-20 يوم تقريبا يصير التغيير بحالة الفحص من ان بروسيس الى مكتمل بموقع ال اي او ام الخاص بينه
بعد ذلك
تدخلون بمرحلة انتظار التجييك الامني واللي اتم خلاله عملية تحديد الولاية واللي بالعادة تاخذ من 6-8 اسابيع ولكن فترة البدأ فيها غير معروفة بالضبط وتحصل حسب الزخم الموجود في المنظمة ولكن لا توجد فيها اي احتمال للرفض او العراقيل (شغلة روتينية) ويتم تحديد الولاية من الفرع الرئيسي لل اي او ام حسب الشواغر المتوفرة ويمكنكم معرفة الولاية باستمراركم بالسوال للمنظمة وبصورة مستمرة ومرتين بالشهر ع اقل تقدير للعلم انتو راح تعرفون بالولاية والفاينل ديستنايشن (الوجه النهائية )لمن تستلمون خط الرحلة ان شاء الله وهذا اضعف الايمااان

 تمنياتي لكم اخوتي في ام الدنيا بالتوفيق واي استفسار اني حاضر وان شاء الله ما اقصر وياكم

 اخوكم
ابو مريومة

[mustafa ahmad]

ربي يحفظك اخويه ابو مريومه
واشكرك هواي احنه بشكل عام بحاجه خبرتكم وتواجدكم ويانه
يارب يسهل امورك وامور كل من انتظر وصبر
وأي شي حنحتاجه ان شاء الله نراسلك على الخاص
واتمنى منشغلك وخاصه انت على ابواب سفر ..

[Cleopatra Cairo]

السلام عليكم على الجمييع
طبعا اول شي اكول الف مبرووووووووووك لكل الي قابلوو بالجديييد واجاهم فحص طبي وان شاءالله ياربي كلنا نسافر وتسهل امورنا وتفرج علينا يارب اني جديدة عليكم بس قديمة كلش ومتابعة عتيكة لعين كاوة حقيقة ماجان عندي واهس ابد اسجل لان كأبة الانتظار موتتنااااااااااا وبعد ماشفت الاخ ابو مريومة وخبر السفر مالته قررت اسجل واتواصل وياكم و رجعلي الامل بالسفر اني من جماعة المقابلين محلفين 2010 والمخضرمين بمصر والحمدلله على كل حال
اي خدمة واستفسار لاتبخلون بي اسئلو واني بالخدمة وان شاءالله السفر قريب علكلللللل

[mustafa ahmad]

اختي كليوباترا اهلا وسهلاً بيج بين اخوانج وخواتج
ويارب يسهل امورج ويفتح باب الفرج بوجهج
وان شاء الله اي استفسار من الكروب اكيد حنوجهه الكم اهل الخبره
والغالي ابو مريومه مشهودله بموافقه الحلوه

[mustafa ahmad]

اختي اكليل الجبل :
الفحص الطبي معليه بالامنيه
يعني انتي وزوجج قابلتوا محلف وتم الموافقه عليكم انطوكم فحص طبي
وهسه بدأ مشوار الامنيه مالتكم بمجرد مقابلتوا المحلف لانه وافق عليكم
اما بالنسبه  لاهل زوجج مدام مخابروا عليهم لحد هسه معناها المحلف وافق عليهم موافقه مشروطه بالتجييك الامني
لان مثل مكتلج من قبل لو رفض لا سمح الله يتبلغون مباشرةً مستحيل يعطلوهم
اني وره شهر من مقابلة المحلف اتصلوا عليه وطلبوا حضوري وبلغوني بقرار المحلف
وبنص رمضان تقريباً اتصلوا عليه وبلغوني انه المحلف وافق عليه بعد وصول امنيتي
وهسه انتظر موعد فحص طبي
وامنيتي رجعت انتظار .. لان الي عرفته اكو 3 امنيات
امنيه بعد المقابله الاولى وامنيه بعد مقابلة المحلف وامنيه ما قبل السفر
هسه انتوا بالامنيه الثانيه الي هيه بعد مقابلة المحلف
احتمال خلال هاي الايام يتصلون على اهل زوجج يخبروهم بقرار المحلف فليظل بالكم اختي
ويارب الفرج القريب ان شاء الله

[اكليل الجبل]

شكرا اخويه العزيز مصطفى والله تعبتك وضوجتك باٍسألتي بس لانو مجنت فاهمة شنو القصه شكرا جزيلا ان شاءالله يتصلون يك عالفحص الطبي هالاسبوع ياااارب

[قيد الدراسه الى الابد 3]

الاخوه والاخوات السلام عليكم
انشاء الله اتكون الصفحه الرابعه والاخيره والكل اتسافر
وانريد منكم اتابعون كفلائكم حتى يتواصلون مع النظمه الى باميركا
لان مرات توصل الاوراق يمهم ويهملوهه بسبب الزخم
وانشاء الله نسمع واحد واحد يبشرنه بلاتصال بلكفيله
كولو امييييييييييييين

[Cleopatra Cairo]

الاخوه والاخوات السلام عليكم
انشاء الله اتكون الصفحه الرابعه والاخيره والكل اتسافر
وانريد منكم اتابعون كفلائكم حتى يتواصلون مع النظمه الى باميركا
لان مرات توصل الاوراق يمهم ويهملوهه بسبب الزخم
وانشاء الله نسمع واحد واحد يبشرنه بلاتصال بلكفيله
كولو امييييييييييييين

حجيك كلش صح عانينا بسبب الاهمال والتأخير وحاولو اتابعون ويه كفيلكم باميركا يتصل بالمنظمة المسؤولة عن استقبال اللاجئين الي هية غاليبا ما تكون كنائس او جمعيات خيرية وطبعا محد يكدر يستفسر إلا اذا جتي موافقة الكفيل حسب علمي والله يسمع منك يارب هالصفحة خير  عالجميع

اختكم كليوباترا

[كاسـ الحنون ـبر]

السلام عليكم والف مبروك للي قابلو وفحصو والجميع يارب يسهل اموركم
اني قابلت يوم 15 ولحد الان ماكو نتيجه مردو عليه
الله يسهل للجميع بس حبيت اكون وياكم اول بأول
اخ  mustafa ahmad
الف شكر الك يابو قلب الذهب

[mustafa ahmad]

اختي اكليل.. كلنه هنا اخوانج وبالخدمه مادام شي نعرفه واحد يفيد الثاني بتبادل المعلومات والصبر من الله
اخويه مو قيد الدراسه كلامك موزون والله واني هذا الشي سويته اول معرفت المحلف وافق.. كفيلي يروح يستفسر عن ملفي فتره
ويارب الايام الجايه تطرحلنا كل الخير.. اللهم آمين
اخت كليوباترا .. اخويه كاسبر الحنون
منورينا بأنضمامكم للكروب .. ويارب على وجهكم نشوف كل الخير

[موزارت]

يارب يارب ياااااااااااااارب تكون هذي اخر صفحة والكل تسافر وبعد محد يدخل عينكاوا
شكرا اخ مصطفى على تغعيلك للصفحة والتواصل ويانا

بس عندي سؤال للي سوو فحص طبي
في حال فحص الاطفال ورمت ايديهم وصارت حمرة شنو معناها؟؟
وهل هذا الشي ياثر على السفر؟؟

[hornet]

يارب يارب ياااااااااااااارب تكون هذي اخر صفحة والكل تسافر وبعد محد يدخل عينكاوا
شكرا اخ مصطفى على تغعيلك للصفحة والتواصل ويانا

بس عندي سؤال للي سوو فحص طبي
في حال فحص الاطفال ورمت ايديهم وصارت حمرة شنو معناها؟؟
وهل هذا الشي ياثر على السفر؟؟

الاخ موزارت فحص الاطفال هو فحص ال T.B (السل الرئوي) عافاكم وعافانا الله ولحد هذا اليوم مسمعت  اني بالتحديد باناس طلع عند اطفالهم هذا المرض ولكن ان حصل لا سامح الله فمن المؤكد السفر راح يتاخر لحين علاج هذه الحالة لانه من الامراض المعدية والتي تنتقل في الهواء والشخص او الطفل المصاب بهذا المرض يمنع من دخول اراضي الولايات المتحدة الامريكية
يكوون تجييك الاطفال عن طريق حقن فايروس ضعيف تحت الجلد ومتابعة الحالة بعد يومين . اما للكبار فان الاشعة يم عمووو صامويل فهي اللي تبين لو كان الشخص مصاب بهذا المرض او لا
اتمنى السلامة والصحة للجميع وربي يعجل بسفركم جميعاااااا

 تحيااتي
ابو مريومة

[hornet]

ربي يحفظك اخويه ابو مريومه
واشكرك هواي احنه بشكل عام بحاجه خبرتكم وتواجدكم ويانه
يارب يسهل امورك وامور كل من انتظر وصبر
وأي شي حنحتاجه ان شاء الله نراسلك على الخاص
واتمنى منشغلك وخاصه انت على ابواب سفر ..

 بيكم خير وادللو يا طيبيين .... اني حاضر وبرسم الخدمة

 ابو مريومة

[A.Ahmed]

السلام عليكم ....
طبعا اني وياكم بهذا الكروب الي اتمنه كل الي بي اسافرون بأقرب وكت يا رب لان احنه عانينه كلش هوايه
اليوم صار شي غريب ويايه اتمنى اذا احد يعرفه اكلي شنو المعنى منه
اليوم فتت للموقع دا اشوف حاله الملف مالتي
لكيت حاله الملف متغيره
جانت : pending results
وهسة صارت : active
هاي شنو معناهة ؟!!! علما اني قابلت محلف يوم 13-8 وسويت فحص طبي يوم 30-8

واني اشكركم جزيل الشكر ويا رب السفر القريب لجمع الموجودين

[hornet]

السلام عليكم ....
طبعا اني وياكم بهذا الكروب الي اتمنه كل الي بي اسافرون بأقرب وكت يا رب لان احنه عانينه كلش هوايه
اليوم صار شي غريب ويايه اتمنى اذا احد يعرفه اكلي شنو المعنى منه
اليوم فتت للموقع دا اشوف حاله الملف مالتي
لكيت حاله الملف متغيره
جانت : pending results
وهسة صارت : active
هاي شنو معناهة ؟!!! علما اني قابلت محلف يوم 13-8 وسويت فحص طبي يوم 30-8

واني اشكركم جزيل الشكر ويا رب السفر القريب لجمع الموجودين

اخي الكريم ان شاء الله انته ملفك عليه متابعة وفي طور اكتمال انجاز اجرائاته والسبب كلمة اكتف
وخصوصا انته عايد فحص قريب  .
اذا الله راد انتظر الخير القادم واكتمال الامنية ومن ثم تحديد موعد السفر باذنه تعالى
تحيااتي وتقديري

ابو مريومة

[mustafa ahmad]

موزارت.. تدلل اخويه  ويااااااارب تكون هاي الصفحه الاخيره بحيل الله والكل تسافر
احمد ... ان شاء الله مثل مكلك اخونه ابو مريومه الايام الجايه راح تطرحلك كل خير .. اللهم آمين

الاخ الغالي ابو مريومه .. ما اعرف شلون اشكرك على التواصل ويانه
بارك الله بيك وكثر من امثالك .. وسهل كل امورك  .. آمين يارب العالمين

[hornet]

الاخوه والاخوات السلام عليكم
انشاء الله اتكون الصفحه الرابعه والاخيره والكل اتسافر
وانريد منكم اتابعون كفلائكم حتى يتواصلون مع النظمه الى باميركا
لان مرات توصل الاوراق يمهم ويهملوهه بسبب الزخم
وانشاء الله نسمع واحد واحد يبشرنه بلاتصال بلكفيله
كولو امييييييييييييين

تحديد الولاية والكفيل المعنوي (الكوساينر)
تبدأ المنظمة باجراءات تحديد الولاية عن طريق  عنوان الكفيل المعنوي (الكوساينر) والمقدم من اللاجئ للمنظمة بعد الابلاغ بموافقة المحلف وهي اجراء روتيني لا يوجد فيه مجال للرفض او الاستنتاج (في حالة كون الكفيل اهل للثقة وملتزم بما وعد به ) وهذه العملية محدده بمدة تتراوح من 6-8 اسابيع لاغير  وتبدأ بمخاطبة المنظمة  لحكومة الولاية المعنية وابلاغها باسم اللاجئ وعنوان وهاتف الكفيل المعنوي (الكوساينر)  وبعد هذا تقوم حكومة الولاية بالتحري عن الكفيل والتاكد من عنوانه واهليته وتحديد المنظمة الانسانية والتي ستتكفل باستقبال اللاجئ ساعة وصوله في يوم يسمى لوجستيا ب (الدي زيرو) يوم الوصول وتقوم هذه المنظمة الانسانية بالاتصال بالكفيل وطلب الحضور للتوقيع او تكتفي بالتاكد هاتفيا اذا كان معروفا لهم (تختلف من ولاية لولاية ) وبعد ان تتم هذه الاجراءات والتي لا تتعدى في احسن ضروفها الشهرين تصدر موافقة الولاية النهائية ويتم اعلام المنظمة (اي او ام) بقبول الولاية لهذا اللاجئ  وينتهي الامر عل هذا
التاخير الحاصل في هذه الاجراءات يعود لسوء سلوك الكفيل وعدم التزامه وللباد هستوري (ان وجد) لاغير.

 الكوساينر.... يشار للكفيل المعنوي بهذه الكلمة والذي يكون علامة دالة فقط لكي يتوطن اللاجئ ضمن حدود ولايته لاغير ولا يتحمل اي اعباء او اجراءات او التزمات

 تحيااتي وتقديري لكم جميعا

 ابو مريومة

[mustafa ahmad]

معلومات كلش مهمه وبحاجه انه نعرفها
خاصه ان فترة الاتصال بالكفيل وشكد تاخذ وقت مجهوله بالنسبه لاغلب كروبنا
عاشت ايدك ابو مريومه .. مقصرت الله

[اكليل الجبل]

شكرا الكم على المعلومات المفيدة والحلوة  :)ويارب الكل يستفاد منها .. اخ موزات شلون يعني ورمت؟؟؟ هي تورم بس كلش خفيييييف شون كانما الطفل عاضته بكايه وشوية اخف اذا هيجي هايه متخوف ان شاءالله واهتم وتابعها للحاله وطمناوان شاءالله ماكو الا الخير

[ahmed_alsadiq]

متألق وصاحب فضل اخوية ابو مريومة الوردة يخليلك مريومة وحمودي بالنسبة لملفك انت اول واحد يتغير بالنسبة لجماعتنة ان شاء الله تكون بشرى خير يارب وارجوا متابعة الكفيل وبشرنة بكل المستجدات .

[fadimore]

سؤال للاخ ابو مريومة احنا كملنا الفحص الطبي بشهر 9 والكفيل الان مسافر للعراق زيارة ويرجع هل ممكن يصير تاخير وعرقلة اذا اتصلو بيه وما لقوه واني اعطيت عنوانه فقط بدون تلفون

[موزارت]

اخوية ابو مريومة صاحب الخلق الرائع اشكرك على الرد والتواصل

اختي اكليل الجبل شكرا للاهتمام والتفاعل

هي بالضبط مثل ما اتفضلتي ورمت بشكل خفيف مثل عضة البكاية وان شاء الله ماكو شر

تسلمون وربي يديم المودة ويارب السفر العاجل للجميع

[mustafa ahmad]

اخويه موزارت :
احتمال مو ورم شويه انتفاخ بسيط مثل مكالت اختنا اكليل اثر الابره بس
والطفل ميتحمل بكل الاحوال
وانت بكل الاحوال حترجع للطبيبه علمود تشوف مكان اختبار الابره
طمنه الله يخليك ..

[موزارت]

اخوية مصطفى دا اسمع اكو شباب يتحدثون عن عدم المحكومية

احنا بمصر هم مطلوب من عدنا هيجي شي؟؟
اشو اول مرة اسمع اني

[hornet]

متألق وصاحب فضل اخوية ابو مريومة الوردة يخليلك مريومة وحمودي بالنسبة لملفك انت اول واحد يتغير بالنسبة لجماعتنة ان شاء الله تكون بشرى خير يارب وارجوا متابعة الكفيل وبشرنة بكل المستجدات .

 الفضل لله وحده اخي العزيز وهذا واجب علينه ....

سؤال للاخ ابو مريومة احنا كملنا الفحص الطبي بشهر 9 والكفيل الان مسافر للعراق زيارة ويرجع هل ممكن يصير تاخير وعرقلة اذا اتصلو بيه وما لقوه واني اعطيت عنوانه فقط بدون تلفون

 الاخ العزيز fadimore
مبروك الفحص اخي ... اكيد اذا اتصلو بي لكفيلك او راحوله للعنوان وماكو احد راح يصير توقف بالاجراءات لان سؤال الكفيل مهم جدا جدا للتاكد من معرفته بيك (مجرد سوال لاغير انته تعرفه لفلان راح يكلهم اي تقبل يجي لهاي الولاية هم اي ولو يطلبون منه يوقع لو لاع)

اخوية مصطفى دا اسمع اكو شباب يتحدثون عن عدم المحكومية

احنا بمصر هم مطلوب من عدنا هيجي شي؟؟
اشو اول مرة اسمع اني

 عدم المحكومية تنطلب فقط لفيزة الهجرة siv (فيزة هجرة)
اما نحن فعدم المحكومية غير مطلوبة لاننا ندخل بفيزة اللاجئين المسماة الوثيقة I-94

[موزارت]

شكرا ابو مريومة دومك سباق بالخير

بس سؤال الله يخليك شوكت عدت الفحص اخر مرة؟

[mustafa ahmad]

بالضبط ابو مريومه مثل مكلت المحكوميه يطلبوها الي على غير برنامج ..
..تسلم يا ورد لجوابك السريع

موزارت حبيبي .. لتنسه اطمنه ياغالي

[hornet]

شكرا ابو مريومة دومك سباق بالخير

بس سؤال الله يخليك شوكت عدت الفحص اخر مرة؟

 الفحص الرابع بتاريخ 19-6  
 لاتنهبطون ان شاء الله متعيدون فحص انتو (اني من وجبت 2010وهي من الوجبات المغضوب عليه بسبب احداث كنتاكي وتغيير السستم الامني الامريكي)

[موزارت]

اني البارحة عدت فحص

اخوية مصطفى ان شاء الله باجر اطمنكم وان شاء الله ماكو شي

[اكليل الجبل]

أخ مو زات انت شوكت اول مرة سويت فحص؟؟ وليش عدته؟؟؟؟

[قيد الدراسه الى الابد 3]

هله باخونه ابو مريومه الورده
وانشاء الله تحصل البركه بمشاركاتك
اخويه تره اخوك عتيك بلمنظمه مصر من 2009
وسمعت منك كلام بان المنظمه جايته تعليمات
بتسريع المعاملات القديمه
ارجو التوضيح حتى ارتاح اشويه لان تعبت من الانتضار

مع فائق شكري

[موزارت]

أخت اكليل الجبل اني مقابل محلفين بشهر 10 السنة اللي فاتت
والفحص الطبي صار اكسباير
وهسة سوينا اضافة طفل وقابلنا محلفين من جديد فاستحقينا فحص جديد

ودمتم للنضال

[كاسـ الحنون ـبر]

السلام عليكم
ياجماعه الخير سؤال احد من اللي قابلو يوم 14/8 او15/8 اجتله موافقه
او حولو على الفحص الطبي؟؟
ومشكور الكم

[mustafa ahmad]

اخويه كاسبر معناها انت قابلت بعد العيد ..
ان شاء الله اي احد مقابل بالكروب بهاي الفتره
يجاوبك ... كول يا الله

[(COBRA)]

السلام عليكم .....مبروك لكل من قابل محلفين ....وكل من اكمل الفحص الطبي ....وهاذا ان دل فيعتبر  ان الموافقه عليه كامله وينتظر فقط اكمال الاجرائات الامنيه .انشالله
وشكر موصول للاخ ابو مريومه على متابعته للاسئله وردوده والاخ مصطفى احمد  وكل الاعضاء واهل الكروب المتميزين ...
وانشالله ييتسهل اموركم وتتعجل عليكم اسفاركم باذنه تعالى

[mustafa ahmad]

منورنا اخ كوبرا ..
واتمنى نشوف تواصلكم ويانه بالكروب
انت واخونه ابو مريومه نستفاد من خبرتكم اكيد ..
ويارب يعجل بسفركم ... اللهم آمين

[hornet]

هله باخونه ابو مريومه الورده
وانشاء الله تحصل البركه بمشاركاتك
اخويه تره اخوك عتيك بلمنظمه مصر من 2009
وسمعت منك كلام بان المنظمه جايته تعليمات
بتسريع المعاملات القديمه
ارجو التوضيح حتى ارتاح اشويه لان تعبت من الانتضار

مع فائق شكري

كل الهلة بزميلي واخوي العتيك 
طلعنه صنف اخويه ....اي نعم لمن اتصلت بالاخت اللي بلغتني بتحديد السفر وحواري معاها اخبرتني بان هناك توجه لانهاء الملفات المعلقة من سنة 2009 و 2010  وقبل لا يخابروني اعرف اكثر من كيس من جماعتنه 2009 و2010 انطوهم موعد سفر واتوكلو وسافرو يعني تقريبا اللي اعرفهم شخصيا من 2009 عائلتين ومن 2010  4 عوائل وهسه اجه دوري وان شاء الله يبشروك انته همين وترتاح يا طيب
 تحياااتي

[hornet]

السلام عليكم .....مبروك لكل من قابل محلفين ....وكل من اكمل الفحص الطبي ....وهاذا ان دل فيعتبر  ان الموافقه عليه كامله وينتظر فقط اكمال الاجرائات الامنيه .انشالله
وشكر موصول للاخ ابو مريومه على متابعته للاسئله وردوده والاخ مصطفى احمد  وكل الاعضاء واهل الكروب المتميزين ...
وانشالله ييتسهل اموركم وتتعجل عليكم اسفاركم باذنه تعالى

هاي ثنوووووووووو 

ابو ارا هنا ...... يا مرحبا يامرحبا
نورت وشرفت الكروب صديقي الرائع كوبرا بلنكووو 
لازم ماكو شغل وجيت توزع بلنكووو هنااا هههههههههههههههه 

 تحيااتي للوردة كوبرا 

[كاسـ الحنون ـبر]

اخويه مصطفى اني مقابل يوم 15\8 يعني قبل 5 ايام من العيد
وحسب ماشفت اخر شي الجماعه اللي مقابلين يوم 13 همه اللي اتصلو عليهم يعني ماكو ناس وراهم كالو اتصلو علينه فحص طبي بيوم او يومين فحبيت اعرف احد متصلين عليه وهوه مقابل ويايه او قبلي بيوم
تسلم ياغالي على ردك

[mustafa ahmad]

اخويه مصطفى اني مقابل يوم 15\8 يعني قبل 5 ايام من العيد
وحسب ماشفت اخر شي الجماعه اللي مقابلين يوم 13 همه اللي اتصلو عليهم يعني ماكو ناس وراهم كالو اتصلو علينه فحص طبي بيوم او يومين فحبيت اعرف احد متصلين عليه وهوه مقابل ويايه او قبلي بيوم
تسلم ياغالي على ردك

ميخالف اخويه اصبر ان الله مع الصابرين
متشوف غير خابروك وتجي تبشرنا .. ربي يسهل امرك
اني تره هم وياك كاعد انتظر فحص طبي

[Meaning]

صباح الخير ارجو ان تقبلوني في الكروب اني من مصر تقديم 2008 كانت اعادة مقابلة المحلفين في شهر 8  2011 هل احد باقي من اللي قابلو محلفين مره ثانية في مصر ارجو المساعده علما كانت اعادة الفحص في 25-6-2012 مع الشكر

[mustafa ahmad]

كل الهلا بيك اخويه Meaning
ربي يعينك صار كم سنه تنتظر ..!
على العموم اخويه ويانه بالكروب اخونه قيد الدراسه للابد قابل محلفين مره ثانيه بس هاي السنه
ان شاء الله تفرج عليك وعلينه ونسافر اجمعين
منورنا ياغالي

[Meaning]

شكرا اخ  مصطفى  على  ردك  و ارجو  من الاخ  قيد  الدراسة  متى  كانت اعادة  مقابلة  المحلفين  مع  الشكر 

[موزارت]

صباح الخير ارجو ان تقبلوني في الكروب اني من مصر تقديم 2008 كانت اعادة مقابلة المحلفين في شهر 8  2011 هل احد باقي من اللي قابلو محلفين مره ثانية في مصر ارجو المساعده علما كانت اعادة الفحص في 25-6-2012 مع الشكر

اخوية اللي اعرفه ان ابو هاشم والاخ platinum والاخت سارة قابلو بشهر الثامن 2011
وكلهم سافرو
بامكانك ان تراسلهم وتتواصل وياهم بلكي يفيدوك بمعلومة

[اكليل الجبل]

أخ كاسبر اعتقد اخر وجبة نطوهم فحص طبي هو يوجبة القابلو محلف يوم 13\8 واني من ضمنهم ان شاءالله خير اخويه ويتصلون بيك هاليومين  ويارب التسهيل للجمييييع