المنح الدراسي حق شرعي لكل انسان

[المسافر الحائر]

مرحبة اعزائي الكم كل تحية طيبة  وباقة ورد ملون ذات ريحة عطرة قوية من حدائق سدني او كاليفونيا .

اكو ناس اكثيرين ديحصلون منح دراسية (يعني من وزارة التعليم يعني على احساب الدولة ) وبشكل موطبيعي في اوربا وبريطانيا امريكا واستراليا وباقي الدول

للي عندة بكلوريوس هندسة مواد ويريد ايكمل الماجستير في اوربا وبريطانيا امريكا واستراليا  (صدكوني اكو اهواية حصلوهة وديحصلوهة بس اشلون مااعرف هذه هو سؤالي؟)

هل عن طريق التقديم العادي (وين وشلون) 

معقولة الي ايقدم ايحصله لو لازم واسطة او توريق . والي ماعندة واسطة اشلون ايحصله؟ وشلون ايحصل واسطة ؟

هذه الموضوع محد يتكلم بي مع العلم هواي استفادوا  وحصلوا منح


ياريت الي عندة اي معلومة او يندل مكان او احد ايساعدنة  ياريت ايساعدنة  وتنحل مشاكلنة وتنرفع الحواجز والعقبات الي الانسان وضعه الا واسطات وحتى الواسطة مدنحصله       اتمنالكم الموفقية

[رافت العراقي]

 اخي العزيز
 اعتقد البعثات الدراسيه لخريجي الهندسه فقط للي عندهم خدمه بالكليه يعني معيد او استاذ
  لان حسب ما سمعت ان اعداد المقدمين عالبعثات من كليه الهندسه تجاوز العدد المقرر من الوزاره وبالتالي اصبحت المنافسه فقط للمعيدين والاساتذه
اما بقيه الكليات فعدد المقدمين اقل من المقرر وبالتالي فتحوا التقديم للخريجين بدون شرط الخدمه

  طبعا هذا الكلام من احد الاساتذه اللي مقدم عالبعثات التقيت بي بالادله الجنائيه قبل فتره وسألته بالتحديد عن كليه الهندسه

 اكيد الناس اللي عدهم بكلوريوس هندسه ومقبولين عالبعثات اكيد همه اساتذه او معيدين
عالعموم  ننتظر مشاركات الاخوان اللي عنده معلومات عن هذا الموضوع وخصوصا كليه الهندسه وطريقه التقديم للبعثات
لان هاي السنه فرصه لان طالبين اعداد كبيره بمختلف الاختصاصات
  بالمناسبه الوجبه الاولى لبعثات استراليا راح تطلع هذا الشهر ان شاءالله

تحياتي

[يمتة الفرج]

اخوية العزيز اكو هواية برامج مال منح دراسات مثل برنامج فولبرايت للدراسة في الجامعات الامريكية وتكدر تشوف الرابط وتفتهم المطلوب منو
http://iraq.usembassy.gov/13-15ffsp.html

وبالنسبة ل المانيا برنامج DAAD و هذا الرابط  www.daad.org
او منا http://www.dw.de/dw/article/0,,15374717,00.html وهاي يفيدك بيها اخونا ابو ديانا لانه هوة بالمانيا والخبير مالتنا اهناك 

بالنسبة للعراق العضيم فمثل مكال اخوية رافت بس اكو اضافة واللي هية اذا جنت من المتفوقين دراسيا تكدر تقدم على برنامج رئيس الوزراء نوري المالكي وهمة يدزوك بعثة  والتقديم اونلاين بالمناسبة وهذا الرابط

http://www.hcediraq.org