السلام عليكم اخوان
قبل اسبوعين اتصلوا بيه المنظمة ساعة وحدة الظهر وسأئلني عن اسمي واسم زوجتي واسماء اشقائي الي هم 3 كل واحد عنده رقم كيس ولكننا جميعا بنفس القضية . فأجبت بنعم , فقال انه باجر ساعه 7:30 صباحا عندكم موعد للمقابلة الاولى فبصراحة اني استغربت وارتبكت لان جان اثنين من اشقائي الي هم وياي بنفس القضية جان مسافرين للبصرة بالاضافة الى انو اني مكنت متهيئى بصورة جيدة للمقابلة لان مجان على بالي انو هم يخابرون لتحديد موعد مقابلة ثاني يوم . اي بألله عليكم قضية بيها 5 اشخاص ينطوهم خبر لموعد مقابلة قبل 18 ساعة من موعدها . بالله هاي صايرة ويه احد من الاخوان او الاخوات .
فكتله انو اثنين من اشقائي الي هم وياي بنفس القضية حاليا مو بغداد وهم بالبصرة وطلبت منه انو ينطيني مجال يومين فقط , فقال زين شوكت هم يرجعون فقتله باجر , فقال زين اني راح احددلكم موعد جديد وهاي صار اسبوعين وماكو اي شي لأتصال وله ايميل.
فحبيت انو اخذ رايكم لان بصراحة بديت اقلق واللوم نفسي على طلبي تاجيل المقابلة يومين
وامنياتي للجميع بالتوفيق
