ܡܓܫܩ ܒܪܢܫܐ ܒܗܘܢܐ ܘܕܘܢܝܐ ܒܪܝܬܐ ܠܒܪܝܢܐ
ܕܐܝܠܗܝ ܘܐܝܠܗܝ ܒܟܠ ܙܒܢܐ ܘܠܐ ܦܐܫ ܚܙܝܐ ܒܥܝܢܐ
ܒܪܘܝܐ ܕܟܠ ܒܪܝܬܐ ܘܝܗܘܘܐ ܕܟܠ ܛܒܬܐ
ܕܠܐ ܦܠܚܢܐ ܕܐܝܕܬܐ ܡܣܘܩܠܐ ܠܗ ܟܠܗ ܒܪܝܬܐ
ܚܫܝܒܠܗܘ ܒܪܐܠܗ ܒܪܢܫܐ ܡܢ ܟܠ ܒܪܝܬܐ ܦܪܝܫܐ
ܡܢ ܣܩܠܐ ܘܝܕܥܬܐ ܠܒܝܫܐ ܘܡܘܬܐ ܠܓܘ ܟܝܢܗ ܚܒܝܫܐ
ܒܪܢܫܐ ܟܡܐ ܢܙܢܐ ܒܚܝܐ ܕܙܒܢܐ ܚܕܝܢܐ
ܘܡܘܬܐ ܒܟܝܢܗ ܕܫܕܢܐ ܘܕܝܡ ܡܫܘܝܢܐ ܡܣܛܢܐ
ܣܛܢܐ ܟܡܐ ܡܘܣܠܝܐ ܦܝܫܐ ܛܪܝܕܐ ܡܢ ܡܪܝܐ
ܫܪܝܟܐ ܡܐ ܢܫܐ ܗܘܝܐ ܗܠ ܡܘܬܐ ܠܟܣܠܢ ܟܠܝܐ
ܐܦ ܣܛܢܐ ܪܘܚܢܐ ܓܘܫܡܗ ܠܐ ܡܓܝܫܢܐ
ܡܟܠ ܚܘܟܡܐ ܒܘܫ ܚܝܠܢܐ ܥܠ ܡܪܝܐ ܡܩܫܕܪܢܐ
ܕܐܟܝ ܟܠܐ ܡܣܟܢܐ ܒܪܢܫܐ ܓܒܝܠܐ ܡܛܝܢܐ
ܒܪܩܘܒܠ ܚܝܠܐ ܥܫܝܢܐ ܕܐܠܦܪܐ ܒܚܝܐ ܕܙܒܢܐ
ܐܗܐ ܕܘܢܝܐ ܥܬܝܩܬܐ ܠܝܬ ܠܗ ܩܕܡܬܐ ܘܠܐ ܚܪܬܐ
ܡܬܚܡܢ ܚܙܝ ܥܓܝܒܘܬܐ ܦܠܚܢܐ ܕܚܕܐ ܟܣܝܘܬܐ
