اخووان اصحاب الخبره بال SIV

[moon light2]

 السلام عليكم جميعا ..
 بس حابة اسالكم بخصوص الاس اي في .. اذا الاب يريد يقدم او يسحب ابنه عن طريق الاس اي في شكد المده حتى تطلعله الفيزا ؟؟؟ علما انه الابن فوك ال21 ومو متزوج بس خاطب وعايش بالاردن ..  وشنو شروط التقديم ؟  اشكركم جميعا والله يفرج على جميع العراقيين ويزيل هموهم جميعا

[moon light2]

انتو هنا متعلمين متجاوبون على اسئله الناس؟ شنو القصه ؟

[القبطان ايوب]

انتو هنا متعلمين متجاوبون على اسئله الناس؟ شنو القصه ؟

وعليكم السلام اختي
والله بالنسبه الي اني SIV بس الصدك ما عندي جواب
ان شاء الله هسه يجوك اصحاب الخبره ويجاوبوك
تحياتي
اخوك ابو علي

[ابو فراس]

السلام عليكم .

اي شخص فوق ال21 ميحق لصاحب الكيسsiv انه يسحب بي سواء كانوا اولاده او غيرهم حتى الام والاب ميكدر يسحبهم بس يكدرون يروح الولد من الاردن يقدم على iomوينتظر رحمه الله. هذا هو الحل الوحيد

اتمنالكم الموفقيه.

[امين عبد الله]

اختي الكريمة

قبل كل شئ يجب على الانسان ان يكون مهذبا ومؤدبا في تعامله مع الاخرين. وعندما تكون له حاجة عند الاخرين يجب ان ينتقي احسن الكلمات والالفاظ في مخاطبتهم لان اسلوب التخاطب يعكس اخلاق الانسان وتربيته

        ( وكلٌ يرى الناس بعين طبعه           وكل اناء بما فيه ينضح )

 يحق للمتقدم على برنامج ال SIV بسحب عائلته المكونة من الزوجة, الاطفال دون 21 سنة فقط . اما الاب, الام, الابناء بعمر 21 سنة فما فوق مع زوجاتهم والاحفاد فيحق لهم التقديم على برنامج ال IOM

[storm2000]

انتو هنا متعلمين متجاوبون على اسئله الناس؟ شنو القصه ؟

اول شي الكلمة الطيبة صدقة
ثاني شي مو من نية علينا تسأل وتهوس
اعرف وماجاوب

[ABO SARAH]

عجيب عينكاوا صاير!!!!!!!!!!!!!

[يمتة الفرج]

انتو هنا متعلمين متجاوبون على اسئله الناس؟ شنو القصه ؟

اول شي الكلمة الطيبة صدقة
ثاني شي مو من نية علينا تسأل وتهوس
اعرف وماجاوب

لا عاب حلكك والله وهاي صار خمسين مرة يسئل نفس السؤال ويجاوبوا ويرجع يسئل

[محمد ابوصبر]

 أخواني أخواتي السلام عليكم ورحمة الله وبركاتة عليكم الى الموجودين في ولاية تنسي الامركية منطقة نوشفل ياريت ياريت تتواصلون وياي بكلام انه طلعتلي هاي الولاية وماعرف احد هناك ابد بس رحمة الله وماعندي اي كفيل وصارلي سنه 3 أشهر وبعدني انتظر الموافقه الامنيه وحيل دخت واللة دخت ياريت احد منكم اقصد الموجودين بولاية تنسي ان يتواصلون وياي اقصد يعرفون اخبار عن العراقيين الموجودين بسوريا يمتى يجون الى امريكة او صامعين اي شي من هذا القبيل ترى انتو بعد الله ان ماعرف احد الله يرحم والديكم مانسالكم هذا الفضل ابد ......شكرآ لكم 

[moon light2]

اول شي اني اشكركم جميعا !!! ثاني شي يا اخ يمته الفرج اني اول مره اسال هذا السؤال؟ اوكي ؟ .. وثالث شي اقرو طريقه سؤالي وشلون سالت وبعدين ارجعو اقرو الجمله الجوة .. لان اني هوايه اسال ومحد يجاوبني ما اعرف ليش قليل الي يجاوبون وتصدف يكولون منعرف فلهذا اني كلت انتو متعودين اهنا محد يجاوب شنو القصه يعني اريد افتهم يجوز اكو خلل يمي او شي... ليش راسا ترحون على الشي الموزين والتفكير السيئ افتهمو اول شي وبعدين علقو ما اسمح للاحد هيجي يحجي عليه اوكي؟ الله يسامحكم  .. التفكير اولا قبل الكلام والاتهام ضد الاخرين .. وعالعموم ارجع اشكركم جميعا واخذت الجواب من الاي او ام وكالو عادي يكدر يسحب الابن الاكثر من ال21 بشرط انه يكون مو متزوج ويسوي جم مقابله بالاي او ام وخلص ... والله كريم بعد

[moon light2]

اشكر شكر كبير للي جابو بطريقه محترمة  وقرو السؤال الاول الي هو المطلوب .. وساعدوني بالاجابه جزاكم الله الف خير اشكركم