اعضاء SIV ارجو المساعدة بملأ فورم DS260 اون لاين

[Birch]

Mailing and Permanent Address Information
Permanent Address
Q:Do you have an address in the United States where you intend to live?
P.10
--
Additional Work/Education/Training Information
Q:Were you previously employed ? بخصوص هذا السؤال اذا كنت مشتغل اكثر من عمل ,فتكتب اخر عمل اشتغلت بيه لو تكتب اخر عملين او اخر ثلاثة اعمال؟و كيف يكون الترتيب من الاحدث للاقدم لو بالعكس؟
Q:Have you attended any educational institutions at secondary level or above ?بالنسبة اليه اني درست كلية ؟هذا السؤال يخصني ؟شنو اكتب الكلية بس لو الاعدادية ؟
P.16
--
Additional Work/Education/Training Information
Q:Have you ever been a member of the Ba’ath Part?من كنت بالكلية كانوا يجبرونا على الانضمام الى حزب البعث؟هل اذكر هذا الشي؟لو لا؟و هل يؤثر على عملية الاس اي في؟علما اني متخرج قبل سنو من السقوط.
P.17
--
Security and Background: Medical and Health Information
Q: Do you have documentation to establish that you have received vaccinations in accordance with US law?
P.19
--
Security and Background : Miscellaneous Information 2
Q: Are you permanently ineligible for US citizenship?
P.25
--
Social Security Number Information
Q: Do you want the Social Security Administration to issue a Social Security number and a card?
Q:Do you authorize disclosure of information from this form to the Department of Homeland Security ,the Social agencies as may be required for the purposes of assigning you a social security number (SSN) and issuing you a Social Security card and do you authorize the Social Security Administration to share your SSN with the Department of Homeland Security ?
P.26

[Birch]

مساء الخير اخواني و اخواتي الاعزاء

ارجو ان تساعدوني  بالاجابة على الاسئلة الي كتبتها بالموضوع اعلاه لانه اريد اتجنب الخطأ و مشكورين مقدما.

ملاحضة :بعد كل سؤال مكتوب (P) و (رقم) , هذا الرقم هو رقم الصفحة حسب الفورم التوضحي الي حصلته بالمنتدى , عموما مو ذات اهمية بس اذا امكن تساعدوني اشلون اجاوب على هذه الاسئلة و ممنون منكم مقدما.

تحياتي......

[رافت العراقي]

UP

[bang]

اخوية العزيز تحية طيبة  بالنسبة لسؤالك الاول تكتب اخر شغل شتغلته تذكره  فقط  وسؤالك الثاني بالنسبة للدراسة يقصد هم درست معهد او اي  درسة ما تعادل معهد اثناء دراستك الاعداددية مو قصده على مرحلة الكلية بالعراق ماكو هيج نظام عدنه لو ندرس اعدادية لو ندرس معهد شوف انته شنو جانت دراستك بالنسبة لسؤال هل كنت منتمي الى حزب اني كلتلهم اي جنت مؤيد لان همه يعرفون هذا شئ الكل كانت مجبوره تنضم بس يبقى شئ اذا جانت عضويتك مؤيد او نصير ماتاثر بس ذا كانت اعلا من هذا شئ معناها جنت عضو فعال وحتمال تاثر على الفيزا مالتك بقت يمك تريد تكللهم اي او تريد تكللهم لا وتحياتي الك

[الطيار العراقي]

راح اجاوبك وبالتسلسل
بالنسبة p10 اذا عندك عنوان بامريكا او كفيل راح تروح يمه تذكر عنوانه الكامل واذا لاء تكتب I Dont have have an address in the United States 

بالنسبة p16 تكتب الاعمال من الاحدث للابعد وحاول ان تذكر الاعمال التي لها علاقة فقط بالاس اي في وترتبها من الاحدث ثم الاقدم (هيجي نظامهم ) اما بخصوص التعليم فتذكر فقط اخر درجة تعليم حصلت عليها

بالنسبة p 17  اكيد تذكر هذا الشي وتكوللهم وبالمقابلة يتم توضيح انه انت كنت بدرجة مؤيد او نصير تحت الاجبار

بالنسبة p 19 تحتار نعم ( ومن راح تسوي الفحص الطبي يم عيادة اور راح ينطوك جدول لقاحات مسوي يمهم ) ديربالك تختار لاء لان تلوصها على روحك

بالنسبة p25  تختار لاء

بالنسبة p26  طبعا الاختيارين تختارهم بنعم لان اذا اختاريت لاء مراح يصدرولك الكارت مال رقم ضمان الاجتماعي فلازم يكون اختيارك yes


وبخدمتك لاي استفسار

[Birch]

شكرا اخواني رافت العراقي و bang و الطيار العراقي على الاجابة و التوضيح.

اخي العزيز الطيار العراقي : بالنسبة لل P 10: بالنسبة للعنوان الي بامريكا و المقصود بيه عنوان الكفيل ,اني عندي عنوان بامريكا و هو كفيل معنوي  و هذا الشي مكتوب بالاوراق الي ارسلت الي من الNVC .
ممكن رجاءا بس توضحلي هذه النقطة ,يعني همة يقصدون بيها بأنه الكفيل يوفرلك سكن ؟ لو المقصود بيها بأنه انته تريد تختار الولاية لانه عندك بيها كفيل معنوي؟

بالنسبة لل P16: هذه النقطة تكتب بيها اخر عمل اشتغلت بيه لو تكتب اكثر من عمل؟ و سؤالي الاخ اذا كان اخر عملين اشتغلهن ليس لها علاقة بال SIV ,تكتبها لو لا؟

بالنسبة لل P17: اذا تكتب بأنه كنت نصير و مجبر على هذا الشي ؟ ليس لها علاقة بالتأثير على الفيزا؟

بالنسبة لل P19: هل انته متاكد بانه لازم اكتب نعم و من اسوي الفحص الطبي ان شاء الله يكتبولي بأنه ماخذ هذه اللقاحات بموجب القانون الامريكي؟

اتمنى من باقي الاخوان و الاخوات ان يشاركوننا و يساعدونا بخصوص هذا الفورم حسب خبرتهم و مشكورين مقدما.

تحياتي..........

[الطيار العراقي]

بخدمتك اخوية وراح ارجع اجاوبك
p10  اذا في هذه الحالة راح تكتب عنوان الكفيل كامل مع اسم الكفيل
p16 هو المفروض تكتب بيها كل الاعمال بس حتى تخلص من لغواية براءة الذمة ورسالة نهاية الخدمة اكتب ما له علاقة بالاس اي في فقط
p17  طبعا تكتب درجتك الحزبية وتكتب انه كنت مجبر مو بارادتك ....... موضوع ياثر على الفيزة راح تبقى على شطارتك وي الشخص الي راح يقابلك بس حسب ما سامعه وما مكتوب بالمنتدى انه معظم الي سافروا كانو بالحزب بدرجة مؤيد او نصير بس من تصير عضو تصير عليك صعبة مع العلم اكو ناس عضو فرقة وسافرت
p19  اني كتبت نعم .......... وتكدر تخابر عيادة الاي او ام وتشوف موضوع اللقاحات ...... وعندي صديقي اخوي j.k كتب لاء فوالله ما اكدر اجزم بهاي النقطة بس اني الي سويته كتبت نعم 

[Birch]

تسلم اخي العزيز على الاجابة و التوضيح و الله يوفقك.

[Birch]

اخواني و اخواتي الاعزاء اذا اي واحد عنده خبرة بهذا الفورم يساعدني بأي معلومة و مشكورين و الله يوفقكم.

[Birch]

للرفع و المساعدة