جماعة استلام الظرف 10/9/2011 عمااااان شنو الاخبار ؟؟

[تقوى الله]

السلام عليكم ورحمة الله وبركاته

وينكم جماعة 10/9 شو مااااكو   
منو بيكم باقي التجييك الامني عنده بالانتظار ليهسه ؟
ومنو بعده مماخذ دورة تثقيفيه وملفه باقي على نفس الحطه مثل حالي 

اول مستلمت الموافقة جنت متفائله الشغله مطول لان كالو  التجييك الامني بوقتنه صار احسن واسرع
وفعلا اكو من جماعتنه خلال شهرين و3 سافرو ولحد الان اكو ده ينطوهم مواعيد سفر وامنياتهم كملت قبل فترة

بس هسه الشغلة طولت 
والتجييك الامني  عندي من يوم مفتح الموقع ليهسه نفس الشي بالانتظار

واني كاعده بالاردن مطالعه منها صار 12 سنة وماعدنه لاعسكريه ولاشي
يعني شنو ممكن تكون الاسباب الي يتاخر بيها الملف 

لا وعلى اساس  الاولويه للنساء !!!!
والله حيرة ومنعرف شلون يفكرون


 اسفه دوختكم ويايه  بس حبيت اعرف الاخبار

تحياتي للجميع وتمنياتي لكم بالسفر العاجل

[** AL SHAEEA **]

الله كريم وانشالله مضيع تعبج ويتصلون على سفرج باذن الله

[تقوى الله]

الله كريم وانشالله مضيع تعبج ويتصلون على سفرج باذن الله

الله يحفظك اخويه العزيز للجميع ان شاء الله

[**Sally**]

شلونج تقوى
ومن جماعتكم بس اعرف عائله قيد الدراسه وبعدهم يننتظرون
 مبقه شي ان شاءالله

[تقوى الله]

شلونج تقوى
ومن جماعتكم بس اعرف عائله قيد الدراسه وبعدهم يننتظرون
 مبقه شي ان شاءالله

هلو حبيبتي سالي
ان شاء الله مبقه شي وهانحن صامدووون 
الله يكون بعون الي اقدم من عدنه

والله يفرجها عليج وعلينه امين يارب

[m.a.m]

هلو حبيبتي تقوى الله شلونج ان شاءالله بخير ويارب يحفظ اولادج والله اني من جماعة شهر التاسع وليهسه ماكو جديد والموقع بالانتظار

والله طولنا ومدنعرف ليش التأخير ؟ الله يفرجهه عليج وعلينا وع الجميع ونتوكل على الله سبحانه وتعالى فهو حسبنا ونعم الوكيل



        تحياتي ام حنين

[تقوى الله]

هلو حبيبتي تقوى الله شلونج ان شاءالله بخير ويارب يحفظ اولادج والله اني من جماعة شهر التاسع وليهسه ماكو جديد والموقع بالانتظار

والله طولنا ومدنعرف ليش التأخير ؟ الله يفرجهه عليج وعلينا وع الجميع ونتوكل على الله سبحانه وتعالى فهو حسبنا ونعم الوكيل



        تحياتي ام حنين

هلو حبيبتي ام حنين شلونج؟
اعرف انتي ويايه ... الله يفرجها علينه ان شاء الله
وشكرا لسؤالج ودعائج يااصيله
اتمنالج التوفيق

[مــودي]

up  وينكم جماعة الظروف ..سافرتوا ؟

وربي يسر اموركم اختنا تقوى

[روزة اليرموك]

مرحبا اختي العزيزة تقوى الله ان شاء الله تفرج عليج يارب العالمين ويوفقج ويسهل امرج بجاه كا من عندة جاه عند رب العالمين وان شاء الله عن قريب تبشرينا بموعد سفرج يارب

[كاتلوني الى الابد]

مساء الخير للجميع
شلونج اختي العزيزة تقوى الله وشلونها بنتج يارب تكون بالف عافية وخلي اشد حيلها للتوجيهي هانت ان شاء الله
اما اخباري فالحمدلله على كل شيئ احاول اعيش حياة طبيعية وماعطل نفسي على حجة انتظار السفر لانه صارت اضحوكة سخيفة حشاكم واني من 28- 2 انتهى الفحص الطبي ولحد الان لاتجديد فحص ولا دورة ولاحتى اتصال بالكفيل ويارب الفرج لكل الطيبين واولهم خواتنا تقوى الله وام حنين ودارين ونصيبنا نشوفه انشوفه وربنا مينسى احد سلامي لكل الطيبين

[متفائلة]

شونج حبيبتي تقوى الله شخبارج عزيزتي
اني اعرف خبر عن جماعتكم اكو عائلة اصدقائنه اول البارحة الخميس خابروهم على دورة التثقيفية يعني باجر ان شالله اول يوم الدورة مالتهم وهمه عادو الفحص الطبي الثاني قبل شهر والحمدلله خابروهم على دورة واذا انطوهم تكت عود اكوللكم وان شالله  يوم الخير الكم همين

[Attum Rose]

حبيبتي تقاوي،

يا رب تفرج عن قريب و ان شاء الله قريبا جدا يبشروج بالسفر و نسويلج حفلة تخرج من روضة الامنية امين يا ربي.

روز

[تقوى الله]

up  وينكم جماعة الظروف ..سافرتوا ؟

وربي يسر اموركم اختنا تقوى

هلو اخويه مودي
الي سافر الله ويا اني اريد الي موجودين نشوف حالنه
تسلم اخويه العزيز والله يسهل امرك

[تقوى الله]

مرحبا اختي العزيزة تقوى الله ان شاء الله تفرج عليج يارب العالمين ويوفقج ويسهل امرج بجاه كا من عندة جاه عند رب العالمين وان شاء الله عن قريب تبشرينا بموعد سفرج يارب

حبيبتي الوردة روزه تسلميلي ياغاليه
والله يشهد عليه اني ضايجه عليج
بس ماباليد حيله
طمنينه عن اخبارج عزيزتي

[تقوى الله]

مساء الخير للجميع
شلونج اختي العزيزة تقوى الله وشلونها بنتج يارب تكون بالف عافية وخلي اشد حيلها للتوجيهي هانت ان شاء الله
اما اخباري فالحمدلله على كل شيئ احاول اعيش حياة طبيعية وماعطل نفسي على حجة انتظار السفر لانه صارت اضحوكة سخيفة حشاكم واني من 28- 2 انتهى الفحص الطبي ولحد الان لاتجديد فحص ولا دورة ولاحتى اتصال بالكفيل ويارب الفرج لكل الطيبين واولهم خواتنا تقوى الله وام حنين ودارين ونصيبنا نشوفه انشوفه وربنا مينسى احد سلامي لكل الطيبين

اخويه العزيز كاتلوني كل الهلا بيك نورت والله
وبالنسبه لبنتي متوكله على رب العالمين وده تسوي الي عليها
وياااااارب يفرجها عليك وعلينه وتبشرنه باخبارك الحلوة
ماعدنه غير الدعاء ومثل مكلت اخويه العزيز هي صارت اضحوكه
الله يفرجها بس

[تقوى الله]

شونج حبيبتي تقوى الله شخبارج عزيزتي
اني اعرف خبر عن جماعتكم اكو عائلة اصدقائنه اول البارحة الخميس خابروهم على دورة التثقيفية يعني باجر ان شالله اول يوم الدورة مالتهم وهمه عادو الفحص الطبي الثاني قبل شهر والحمدلله خابروهم على دورة واذا انطوهم تكت عود اكوللكم وان شالله  يوم الخير الكم همين

حبيبتي المتفائله اني بخير اذا انتي بخير تسلمين ياورده
والف شكر ع الخبر الحلو
اني عدت الفحص قبل شهر ونص والحمد لله كل شي ماكو  ليهسه
ان شاء الله تبشرينه بسفرج القريب حبيبتي

[تقوى الله]

حبيبتي تقاوي،

يا رب تفرج عن قريب و ان شاء الله قريبا جدا يبشروج بالسفر و نسويلج حفلة تخرج من روضة الامنية امين يا ربي.

روز

روز الغاليه تسلميلي حبيبتي
ان شاء الله اني وياج فد دفعه
بس هي مو روضه بكالوريوس وعيونج 
شكرا الج ياورده

[سندريلا]

اخت تقوى الله يسهل امرج وامرنا ونسافر ونخلص من الانتظار يارب احنا من جماعه شهر ال3 وبعدنا دنعاني

[تقوى الله]

اخت تقوى الله يسهل امرج وامرنا ونسافر ونخلص من الانتظار يارب احنا من جماعه شهر ال3 وبعدنا دنعاني

حبيبتي سندريلا
الله يكون بعونكم والله اني ضايجه على نفسي واكول الله يساعد الي اقدم من عدنه
بس ان شاء الله الفرج على ساعه مثل مصارت ويه هوايه ناس
نصبر والله كريم

[وردة الخليج]

حبيبتي تقوى الله نصبر ماعدنا غير الصبر أن الله مع الصابرين
هوايه عوائل من وجبتي خابروني منطيهم موعد سفر أفرحلهم وأودعهم
بس نفس الوقت أنقهر اقول أحنا شوكت مو ملينه من الانتظار والحياة المملة
الله كريم وأرحم الراحمين نسافر ونخلص عن قريب بأذن الله سبحانه وتعالى

[دارين العراقيه]

مرحبا اختي العزيزة تقوى الله
فد سؤال انتي من صار عندج الفحص اكسباير شنو صارت حالة الملف وبعد
ماكملتي الفحص اوصل للمنضمة تغبرت حالة الملف لو بقت هاي وحده الشغلة الثانية
 من وصل الفحص كتبوا على الفحص مكتمل لو لا
والله يسهله عليج وعلينة وعلى جميع المنتضرين انشاء الله

[Abnaa Al-Iraq]

شلونج اختنا العزيزة تقوى الله وشلون بنتج إن شاء الله بخير ...

انت مؤمنة والصبر مفتاح الفرج واعرف انت وحدج والعيشة بعمان جداً صعبة والانتظار للمجهول قاتل لكن مع هذا ماطول حضرتج محصلة موافقة محلفين إن شاء الله هينة وفقط الصبر وتجيج الاخبار السارة ... آمين رب العالمين

[تقوى الله]

حبيبتي تقوى الله نصبر ماعدنا غير الصبر أن الله مع الصابرين
هوايه عوائل من وجبتي خابروني منطيهم موعد سفر أفرحلهم وأودعهم
بس نفس الوقت أنقهر اقول أحنا شوكت مو ملينه من الانتظار والحياة المملة
الله كريم وأرحم الراحمين نسافر ونخلص عن قريب بأذن الله سبحانه وتعالى

حبيبتي وردة الخليج اكيد ماعدنه غير الصبر وان شاء الله صبرنه خير
وصدقيني افرح لاي واحد يجي موعد سفر ان كان من وجبتي او من غيرها
لان احس اكو امل بالسفر
بس بنفس الوقت الانتظار صعب
ومنكول غير الله يفرجها ان شاء الله امين يارب
شكرا الج عزيزتي

[تقوى الله]

مرحبا اختي العزيزة تقوى الله
فد سؤال انتي من صار عندج الفحص اكسباير شنو صارت حالة الملف وبعد
ماكملتي الفحص اوصل للمنضمة تغبرت حالة الملف لو بقت هاي وحده الشغلة الثانية
 من وصل الفحص كتبوا على الفحص مكتمل لو لا
والله يسهله عليج وعلينة وعلى جميع المنتضرين انشاء الله

اهلا بيج حبيبتي دارين

بالنسبه لسؤالج عن الفحص

اول شي بنفس اليوم الي انتهى بي الفحص
صارت حالة الفحص مكتوب كدامها اكسباير
وبقه على هالحالة كم يوم
وحالة الملف متغيرت بقت بانتظار النتيجه
وبعدين تحولت حالة الفحص من اكسباير الى فعال
وراها بيومين اتصلوا عليه وحددولي موعد لاعادة الفحص
وكان يوم 25/3
وبعد مكملنه الفحص صرت كل يوم افتح الموقع والفحص باق فعال
بقه على هالحاله 3 اسابيع وبعدها صار كومبليتد

تحياتي الج عزيزتي وان شاء الله الفرج قريب

[تقوى الله]

شلونج اختنا العزيزة تقوى الله وشلون بنتج إن شاء الله بخير ...

انت مؤمنة والصبر مفتاح الفرج واعرف انت وحدج والعيشة بعمان جداً صعبة والانتظار للمجهول قاتل لكن مع هذا ماطول حضرتج محصلة موافقة محلفين إن شاء الله هينة وفقط الصبر وتجيج الاخبار السارة ... آمين رب العالمين

اهلا بيك اخويه العزيز Abnaa Al-Iraq 
 اني الحمد لله انت شلونك ان شاء الله تكون بخير
شكرا لسؤالك عن بنتي وهي بخير ان شاء الله
واشكرك جدا على تواجدك ودعمك
وياااارب تفرج عليك وعلينه

[فارس العراق 90]

اخت تقوى حمدلله ع سلامه وثاني شي انتو صبرتو وانشاء الله صبركم ايجيب نتيجه وهسه اكثر اصدقائي اللي سافر وراح ايسافرون مغلف شهر التاسع يعني انشاء الله قريبا والله ايسهل امركم باذن الله