دتكدرون تفوتون للموقع مال IOM

[سوسو اسو]

السلام عليكم
اني اخر مره فتت للموقع مال iom البارحه او قبله جان يشتغل عادي
بس هسه حاولت مديفتح
طبعا دتطلع الواجه الرئيسيه وداكتب الكيس نمبر والباسورد
وراها يطلعلي Server Error
انتو هم لو شووو


تحياتي للطيبين

[** AL SHAEEA **]

مرحبا اختي
ديفتح الموقع ما كو اي مشكلة

[omar870]

مرحبا

اني هسه فتحته فتح تمام

[سوسو اسو]

اوووووكي شـــــــــــــــــــــــكرا جزيــــــــلا الكم

تحياتي

[برنسو]

ما بي اي مشكلة اني هم دخلت قبل شوية ........

زين الباسوورد مالتج صار عليه اكثر من شهرين؟؟؟ لو اخاف دخلتي الباسوورد غلط اكثر من مرة وانغلق حسابج!!!

[ArUsH]

موضفيهم تعبانين 
موقعهم تعبان 

النه الله بس 

[علي النعيمي]

اي عادي قبل شوية دخلت

[Everything]

اذا اتدخلين الباسورد غلط 3 مرات على التوالي يغلق حسابج
ويبدي يكتبلج كتابة حمرة error
جربي تدوسين على forget my passoword
اذا عادي كتبلج باسورد sent
يعني ماكو مشكلة روحي اخذي الباسورد الجديد  من الاميل الي راح يوصلج راسا
 وراسا دخليه مرة لخي وسيفيه
بس اذا طلعلج كتابة حمرة وerror

ركض ركض روحي دزيلهم رسايل كوليلهم فتحوا ملفي رجاءا
لانه يطولون من 5 ايام الى اسبوع بحل هيج مشاكل



كولي اود اعادة فتح حسابي بموقعكم
وكتبي رقم ملفج
مواليدج
واميلج الي سجلتي بيه بالموقع

reactive my iom account هيج بالانكليزي

وصدك عنوان الموضوع لا تكتبين بيه رقم ملفج حتى مو عمياوي يجاوبوج عبالهم دتساليهم وين وصلت قضيتج
عنوان الموضوع كتبيه مساعدة او ساعدوني هيج شي
صارت باختي وورة 6 رسائل منا الهم يلة حلوها النا

[AbEr SbiL]

هسه دخلت ماكو اي مشكله بل الموقع

[asmar22]

 
ديفتح الموقع ما كو اي مشكلة
اطلبى باس ورد جديد وهوة يفتح اعتيادى

[alkhaldy]

اخوان خوات ممكن الموقع الله يخليكم اكون مشكور الكم

[** AL SHAEEA **]

https://www.jordan.iom.int/refinfo/Login.aspx
وبرسم الخدمة

[espero]

عادي شغال زي الفل

[alkhaldy]

اخي الشائع مشكور جزيل الشكر

[Abdullah2006]

ما يشتغل يمي

[شربوتة]

عادي ديشتغل هسه فتحته وكلشي بيه على نفس الحطه

[(COBRA)]

شغال عادي ؟؟؟؟؟؟؟؟مابي اي مشكله

[مــودي]

واني رايح جاي اختي افتح الموقع ,

[سوسو اسو]

اشكركم اخوااااني على تفاعلكم ويه الموضوع وعلى ايضاحاتكم ومساعدتكم 
فتت اليوم وفتح عادي بدون ان اسوي اي شئ
وضعهم مخربط شكله
هههههههه
تحياتي الكم جميييعا

[مــودي]

اشكركم اخوااااني على تفاعلكم ويه الموضوع وعلى ايضاحاتكم ومساعدتكم 
فتت اليوم وفتح عادي بدون ان اسوي اي شئ
وضعهم مخربط شكله
هههههههه
تحياتي الكم جميييعا

لعد اني هبطت كَلت هم سدو الموقع ابيش نلتهي 

[سوسو اسو]

هههههههههههههههه مودي لو يسدووه احسن يمكن
شكد جنه مرتاحين بذيج الفتره وكاعدين خخخخخخ

[حامل المسك]

اذا اتدخلين الباسورد غلط 3 مرات على التوالي يغلق حسابج
ويبدي يكتبلج كتابة حمرة error
جربي تدوسين على forget my passoword
اذا عادي كتبلج باسورد sent
يعني ماكو مشكلة روحي اخذي الباسورد الجديد  من الاميل الي راح يوصلج راسا
 وراسا دخليه مرة لخي وسيفيه
بس اذا طلعلج كتابة حمرة وerror

ركض ركض روحي دزيلهم رسايل كوليلهم فتحوا ملفي رجاءا
لانه يطولون من 5 ايام الى اسبوع بحل هيج مشاكل



كولي اود اعادة فتح حسابي بموقعكم
وكتبي رقم ملفج
مواليدج
واميلج الي سجلتي بيه بالموقع

reactive my iom account هيج بالانكليزي

وصدك عنوان الموضوع لا تكتبين بيه رقم ملفج حتى مو عمياوي يجاوبوج عبالهم دتساليهم وين وصلت قضيتج
عنوان الموضوع كتبيه مساعدة او ساعدوني هيج شي
صارت باختي وورة 6 رسائل منا الهم يلة حلوها النا

اخي العزيز (كل شيء)انا اعاني نفس المشكلة بالضبط ..والسؤال ماهو العنوان الذي ارسل ايميلي له ..ارجوك اكتبه لي مشكورا