حظ مصخم (حيشاكم ) ضيعت جواز السفر بعد حصولي على الموافقة الامنية

[اللبلاب]

  اخواني اريد اسالكم اكو واحد مثلي حظى مصخم يوم الي يبلغو جت موافقتك الامنية ومن الفرحة يضيع  الجواز وويا 700 دولار شنو الوضع الي هة لازم اسوي مع العلم اني من قدمت اخذو صور للجواز ( s ) والجواز  ( G ) واني حظي المصخم ضيعت جواز ال ( G ) وباقي عندي جواز ال ( S ) شلون ويا حظي المصخم دلوني على اي معلومة استفاد منها ارجوكم .......................

[اللبلاب]

نسيت اكللكم اني باقي يمي كارت ال ( UN ) والاقامة مالتي بجواز ال ( G ) الي ضاع هذا كلى من حظي المصخم حيشاكم 

[alzandawi]

اخوية الفلوس فدوة سوي اعلان بلجريده عن الجواز بلكت الله وتلكاه
وكوللهم للمنظمه لانه اعرف يسفرون عادي حتة اذا الجواز اس  وحتة اذا ماعندك جواز هم يطلعولك جواز  مالت يو  ان على كد تسافر  بيه والله يسهل امرك وها نسيت اكولك لتظل تلعن الحظ  كلشي مقدر ومكتوب والي الله كاتبه يصير وهوة يسهل امورنه كلنه ان شاء الله الحمد لله على كل حال يامن لا يحمد على مكروه سواه

[فينوسيوس]

اخوية مثل ما كال اخ  بلغ اليو ان  هم يساعدوك  وبلغ السفارة العراقيه هم  واشاء الله الفرج والتساهيل من ربك بس كول  يا الله وسهلهه يا مسهل  الامور ويسرهه علينا وعليك    وهذا مو حظ هاي قسمه ونصيب من ربك

[MohdS]

جييك بالمراية مكتوب عل كصه فكرررررر لو لا الله يساعدك انشا الله تلكي وين ضيعته بالبيت لو بره دشوف وين اخر مرة شفته هس وكته هاي دز لهم إيميل بلغهم انو انت ضيعت جوازك شتسوي هم يكلولك

[*Ray]

الله يساعدك انشاء الله تلكاه

[وردة الخليج]

أن شاء الله أزمة وتعدي ويصير حل

[يمتة الفرج]

اخوية الفلوس فدوة سوي اعلان بلجريده عن الجواز بلكت الله وتلكاه
وكوللهم للمنظمه لانه اعرف يسفرون عادي حتة اذا الجواز اس  وحتة اذا ماعندك جواز هم يطلعولك جواز  مالت يو  ان على كد تسافر  بيه والله يسهل امرك وها نسيت اكولك لتظل تلعن الحظ  كلشي مقدر ومكتوب والي الله كاتبه يصير وهوة يسهل امورنه كلنه ان شاء الله الحمد لله على كل حال يامن لا يحمد على مكروه سواه

+1

[Everything]

وهمين خابر على الاذاعات كوللهم بلكت يساعدوك واعلن تطي فلوس بلكت احد يعجبه ياخذ فلوس ويطيك جوازك يا رب
ان شاء الله تلكاه حيل انقهرت ترة
 

[اللبلاب]

شكرا ل ( alzandawi - فينوسيوس - MohdS - المنتظره - وردة الخليج - يمتة الفرج ) لشعوركم وتعاطفكم معي ودورت علي هواية ومالكيتا للجواز بس اكول ماراح يسالوني بالمطار اذا سافرت على الجواز وبيا جواز راح اسافر وشنو الاجراءات والاوراق المطلوب تسليمها من قبلي لل ( IOM ) لغرض السفر  مع العلم انهم ابلغوني بالموافقة الامنية وعلي الانتظار لختم الملف بعمان وبعدها علي دخول الدورة التثقيفية حسب تبليغهم وان شاء الله صدور الموافقة لجميع المنتظرين واكول ديرو بالكم على جوازاتكم ارجوكم

[بتر فلاي2]

انشاءالله تلكاه الله يسهل امورك انشاءالله

[شنايزر]

الله يفرجها عنك

وانشاء الله ماياثر على السفر

[فارس العراق 90]

خابر على محمد الوكيل اقوى شي الناس من 7 الصبح ايسمعون بيه ومعلينه الراديو ماكو واحد ميسمعه وانشاء الله تلكاهن

[ألن في بلاد العجائب]

اذا اجاك موعد سفر قريب اكو امكانيه يطلعولك جواز مال الصليب الاحمر

[احمد سلطان]

انت بيادولة اخى اعتقد ميحتاجون الجواز من تسافر يسوولك وثيقة مال الصليب الاحمر وانشا اللة تنحل اللة كريم

[اللبلاب]

شكرا لتعاطفكم معي بس دا ادور ومدا الكي وبديت باجراءات وخابرت الشرطة وسويت محضر يمهم وراح انشرا بالجريدة  وبالنسبة لسؤالك اخويا  ( احمد سلطان ) اني بمصر القاهرة ام الدنيا وما ادراك بام الدنيا والله يفرجها للجميع

[Abnaa Al-Iraq]

أخي العزيز كول يالله ...

وصول الامنية وحدها نعمة من رب العالمين وممكن الله يختبرك تشكر لو تذمر يمعود الباقي كلها سهلة اسوي اعلان وتتصل بالسفارة وان شاء الله يكون دائماً حظك زين وحلاوة الحياة هو اذوك المرارة والحلاوة يعني مو كلها تجي مرة وحده واتمنالك التوفيق والسفر العاجل إن شاء الله

[** AL SHAEEA **]

الله يصبرك اخويه وسهل امرك وتنحل باذن الله

[محارب]

انت صدك كاعد تحجي
يابه شوف وين خليته دور زين
اسال الناس الرحت يمهم

[سوسو اسو]

الله يسهلك امرك ان شاء اللله
وبلغ المنظمه وهمه يدلوك على الطريق الصحيح

تحياتي

[اللبلاب]

شكرا لكل الاخوة الي ردو على مشكلتي اليوم رحت للسفارة وكتلهم كالولي جيب كذا وكذا اوراق ونطلعلك جواز ويطول من 3 الى 4 اشهر وكتلهم اني مستعجل وراح اروح لامريكا وتاسفت على ردهم الي لان اجابتهم جانت كلش مو حلوة وحتى كلت ويا نفسي ابد ما اتاسف اذا عفت العراق اذا بي هيج ناس وبهيج مواقع على اساس هما بعثة دبلوماسية بس اكيد اكو زينين بعد غيرهم وهاليومين ان شاء بعد ما اتاكد من ضياع الجواز واصاب بالياس اروح ابلغ المنظمة وامري الى الله ومايصير اللا ماكاتبة رب العالمين وهو ارحم الراحمين 

[بتر فلاي2]

انشاءالله ياربي يطلعلك جواز بسرعة لعد ليش احنة نريد نهج غير من ورة هالشكولات معدان وشافو كراسي بعد ميعرفون شنو يسوون والله كلما اروح لدائرة افور وكلساع اريد ارزلهم وحشا الزينين منهم

[Everything]

وصي جماعة من بغداد يطلعلوك جواز جديد وادفع فد 6 سبع اوراق
ومشي قضيتك محد يفيدك والله
والله يسهلك امرك وتروح لامريكا بدون عراقيل

[المصارع]

اخويه العزيز مثل ما معروف عن كل لاجلئ هو لما يسجل باليو ان يطو ورقة خاصة للأمنيات او مركز  الشرطة المدينة الي راح يقيم بيها اللاجئ فمن يروح لمركز الشرطة راح الشرطة يطلعوله بطاقة تعريف كلاجئ و ياخذون منه كل مستمسكاته كــ(جواز سفر , جنسية,شهادة جنسية و,و,و,و,و......الخ) وراح تبقى عنده هاي البطاقة التعريفية يكدر يمشي بيها داخل المدينة و ميحتاج الى بقية المستمسكات و يحتاجها  فقط عندما يكون لديه موعد مقابلة في منظمة اليو ان... فانت اخي العزيز اخاف يعني جوازك يكون مع مركز الشرطة اتاكد و الله كريم و يكون بعونك و بعون الجميع .

تقبل تحياتي

[fddd]

السلام عليكم اخى احنا طلعنا من مصر قبل سنتين من طلعت الموافقة الامنية واننختم الملف بعمان طلعونا جواز الصليب الاحمر ومحد طلب جوازاتنا وسافرنا بجواز الصليب الاحمر ومحتاجينا جوازاتنا