اعضاء SIV منو مقدم فورم DS 260 Online ارجو المساعدة

[Birch]

مساء الخير اخواني و اخواتي

اني اسف جدا لكثرة اسئلتي و خصوصا الفورم DS260 Online و اتمنى من كل شخص مقدم هذا الفورم يساعدني لانه اريد اقدمه و بدون اخطاء و مشكورين مقدما.

للسؤال الاول هو بخصوص الكفيل ,همة يقصدون عندك مثلا اقارب او اصدقاء في ولاية معينة و انته ترغب تروح يمهم ؟ لو يقصدون الكفيل يوفرلك سكن و .......... الخ.و السؤال بالانكليزي بالفورم هو :


Mailing and Permanent Address Information
Permanent Address
Q:Do you have an address in the United States where you intend to live?

--

للسؤال الثاني هو بخصوص اللقاحات .هل لديك وثائق تثبت بانه ماخذ لقاحات بموجب القانون الامريكي؟ اني بالنسبة الي سويت الفحص الطبي قبل كم يوم.هسه اكتب نعم لو لا؟ و ممكن توضيح اكثر بخصوص هاي الفقرة؟و السؤال صيغته بالانكليزي هو:


Security and Background: Medical and Health Information
Q: Do you have documentation to establish that you have received vaccinations in accordance with US law?

تقبلوا تحياتي

[SNAKE]

السؤال الاول تكتب عنوان الكفيل  الي تريد تكون يمة اقصد بنفس الولاية والسؤال الثاني ما اذكرة صراحة بس حسب ما اذكر انة الجواب يكون نعم

[killer007]

سلام عليكم

اخي العزيز السوال الاول اكتب عنوان الكفيل الي راح تروح يمه

السوال الثاني اني بالنسبه الي كتبت نعم لان اتصور انه هيه تفسها التلقيحات الي اثناء الفحص الطبي لحقوها

تقبل مروري

تحياتي وبالتوفيق

[Birch]

شكرا اخي Snake على الاجابة .افهم من جوابك على السؤال الاول مقصود بيه بانه الكفيل معنوي؟ يعني بصورة اوضح بانه انته ترغب تروح يم كفيل مثلا اقارب او اصدقاء؟ و ليس المقصود بالكفيل هو من يوفرلك السكن صح؟

[SNAKE]

اخوية العزيز الكفيل حسب المعلومات البصيطة الي عندي انة الكفيل رح يدزون علية الجرين كارت مالتك ورح يدزوك على نفس الولاية مالتة واكو حالات انة يحولوك على غير ولاية

[Birch]

شكرا اخي Killer007 على الاجابة .اكرر نفس سؤالي بخصوص السؤال الاول.اني اعرف هو يخص الكفيل الي ترغب تروح يمه.بس اريد افهم شنو المقصود بالكفيل؟

يعني هو يوفرلك سكن و الخ؟ لو بس مقصود بيه انه انته ترغب تروح يمه و مثلا يستلم الكرين كارد ؟

[Birch]

شكرا اخي Snake و متقصر يا ورد.بس اذا امكن و تذكرت شنو كتبت بخصوص اللقاحات ارجو الاجابة و بارك الله بيك و تعبتك وياية.

[killer007]

عزيزي الغالي

هوه الكفيل الي راح يدزون على عنوانه الكرين كارت ونفسه الي سالوا عنك

تحياتي

[SNAKE]

لا والله متجي بالي لان من فترة طويلة مسوي للفورم هذا

[Birch]

شكرا اخي Killer 007 على الاجابة.يعني المقصود بالكفيل الي راح يرسلون على عنوانه الكرين كارد فقط؟ ارجو المعذرة اخي العزيز Killer 007 مفهمتك شنو تقصد سالو عنك؟

[killer007]

حبي انته كل واحد من عدنه من بده بالمعامله      اذا تذكر جانوا يطلبون الكفيل وعنوانه بكثير من الفورمات  صح لو لا فهمه بدورهم يتصلون بالكفيل يكلوله يابه تعرف هذا الشخص هل هوه من اضدقائك هل هوه خوش ادمي ومن هل الاسئله وراها يحددولك مقابله فهذا المقصود من كلامي يعني نفسه كفيلك الي بديت تخلي عنوانه واسمه وتلفونه الا في حالة انته غيرت الكفيل هذا بحث اخر

تحياتي يا ورده

[امين عبد الله]

اخي الكريم Birch

ارجو ان لا تتردد بطرح اي سؤال مهما كان لان هذا هو مستقبلك واننا جميعا سألنا مرارا الى ان توفرت لدينا المعلومات ومشاركتنا في هذا المنتدى دليل باننا مستعدون لتقديم المعلومات التي نملكها بخصوص برامج الهجرة لاخواننا اللذين يحتاجونها وكذلك الاستفادة من تجارب الاخوة اللذين سبقونا.
بالنسبة للسؤال الاول فتكتب العنوان الذي تريد ان يرسل عليه الكرين كارد الخاص بك  وهو نفس العنوان الذي ذكرته في فورمات سابقة باعتبار انك ستكون على اتصال بصاحب هذا العنوان

[J.K]

اخي صاحب الموضوع بالنسبة للسؤال الاول هو يخص الكفيل الي راح يستلم الكرين كات بعد وصولك انشاء الله لاميركا
السؤال الثاني راح تكتب كلا  لان انته اصلا معايش بأميركا سابقا وسويت لقحاحات على النظام الاميركي الفحص الطبي انته سويته ميخص القاحات اذا تذكر بالفحص سحبو دم  منك لغرض عمل تحاليل لامراض عندك لا سامح الله  واشعة صدر فقط واكبر دليل انته ما اخذت اي لقاحات خلال الفحص الطبي اما بخصوص القاحات انته ممسوية على النظام الاميركي  انته بالعراق سويت لقاحات بس على النظام العراقي وهو بالسؤال ديكولك القاحات على النظام الامريكي اني هذا السويته وهذا الي فاهمة يبقة اذا اكو رأي ثاني مقنع ممكن اتكون اجابتي غلط وتقبل مروري ..... اخوك ابو ميثم

[Birch]

شكرا اخواني امين و Killer007 و JK على الاجابة

اوكي هسه افهم من كلامكم هو مقصود بيه كفيل معنوي و هو الي راح يستلم الكرين كارد.

بس بقت شغلة اللقاحات بموجب القانون الامريكي ,للاراء تضاربت و ما اعرف شنو هو الصحيح؟ اذا امكن ارجو التوضيح و يا ريت للاخوان و الاخوات الي عدهم خبرة بالموضوع يشاركوننا؟

[killer007]

والله يا عزيز قلبي اني راح احجيلك الي صار ويايه

بالنسبه الي اني سويت الفحص خارج العراق لان اني اصلا خارج العراق والسفاره دزوني على مركز صحي خاص وحيد وانطوني لقاحات تقريبا 3 مرات والمره الرابعه عندي موعد بداية شهر السادس الجاي يعني اني ماشي حسب النظام الامريكي وحتى الطبيب امريكي الي سوالي الفحوصات وكلفتني مبالغ مو قليله يعني كل لقاح يوصل للورقه تقريبا هاي ما عدا الاشعه وباقي السوالف مال الفحص اذن احنه ماشين على طريقة فحص همه رايديها والدليل جتني قائمة بالفحوصات واللقاحات الي لازم اسويها همه محدديها والمركز الي رحت عليه يعرفها وحتى بورقة الطلبات كاتبني احنه ضفنه لقاحات اخرى وبالفعل سويتها

هذا الي صار ويايه ما اعرف بعد  راي الاخوة

انشاء الله تكون استفاديت

ولكم جزيل شكري وتقديري

[Birch]

شكرا اخي العزيز Killer007 على الاجابة و التوضيح.

و الله يا اخي اني سويت للفحص قبل كم يوم بس للمشكلة ما اخذت اي لقاحات ,مجرد اشعة و فحص دم و وزن و طول و فحص نظر و فحص سريري.طبعا للتقرير بظرف مغلق و كالولي تسلمه بيوم المقابلة.

بعض للاخوان و الاخوات يكولون بانه لازم تكتب (نعم) لانه اذا تكتب (لا) راح تصير عندك  مشكلة , و البعض الاخر يكولون اكتب (لا).هسه ما اعرف شنو اكتب بالضبط؟ اتمنى من باقي الاخوان و الاخوات يشاركوننا حسب خبرتهم بالموضوع و مشكورين مقدما و الله يوفقكم.

[الطيار العراقي]

شوف حبيبي ............. بخصوص الجزء الاول من سؤالك:

مو انت تحدد الكفيل مادي لو معنوي وانما كفيلك الي راح يحدد هذا الشي بالاختيارات مال الفورمات الي يمليها وانت الي عليك بس تكتب عنوانه وهذا شي ما بيه اي نقاش

بخصوص سؤالك الثاني

اني بالنسبة الي كتبت  نعم واخوية جي كي كتب لاء :    حبيبي هي وين المشكلة ؟  اكتب الي يعجبك وبيوم المقابلة نبهم على هاي النقطة واذا ماليها غلط اكيد راح يصححوها ..............    اتوكل بالله وخلصها

[Birch]

اخي العزيز الطيار العراقي شكرا على الاجابة و التوضيح و الف رحمة على والديك على هل النصيحة و الله يوفقك يا طيب.

ان شاء الله اكتب (نعم) و الله كريم و بالمقابلة اوضحلهم هذا الشي .

شكر خاص لكل من ساهم بالموضوع و بارك الله بيكم و ممنون منكم و الله يوفقكم.

مع فائق الشكر و التقدير

[killer007]

التوفيق يا ورده وانشاء الله نسمع منك اخبار حلوة

تحياتي لكم

[Birch]

شكرا اخي العزيز Killer007  و ممنون منك و متقصر يا ورد.

[killer007]

حبيبي الغالي لا شكر على واجب

شتحتاج حاضرين نفيدك بالي نعرفه او مار بينا

تحياتي يا ورد

[الطيار العراقي]

بخدمتك يا وردة