طبعا دا اسوي بحث عن الموضوع ولكيتك نفسك سائل السؤال قبل سنة وماكو اجابة لاسباب معروفة ، اخي اغلب المشاركين لجوئهم لامريكا وكل معلوماتهم عنها ،
ثانياً / استراليا الفرق المساعدات مستمرة لكن مو مثل متتصور مساعدات هواية ومرتاحين لا دائماً تطلع لجان وتقيم وضع اللاجئين وتشوفهم حصلوا على عمل حته تكطع المساعدات ومثل متعرف جماعتنه يتفننون بالدراما لغرض استمرار المساعدات . واصلاً المساعدات على الكد ولازم يتشغلون جوه العباية حته يعيشون . ومن يشتغلون يكدرون يعيشون لدرجة يشترون بيوت وغيرهه .
ثالثا / التغليس ماكو واحد يفيدك بمعلومة ودائما مسوين استراليا ظلمة ( الكهرباء مكطوع بيهه 24 ساعة
) طبعاً عندي اخواني هناك ومتاخذ منهم اي معلومة شافية وابسط ما بيهه التقديم اشكد حاولت وياهم وهمه على كولة المصريين ودن من طين وودن من عجين
رابعاً/ اذا بيهه مجال توصل لاستراليا اوصل بالاول وبعدين كل هاي الامور تهون استراليا بلد اهدأ من امريكا واكو شغل هوايه ، والدراسة اهون تكدر توفق بين الاثنين .
خامسا/ ربي يجعلها من نصيبك وتشوف بعينك وتنقل لنا تجربتك بكل امانه غير اللي نسمعه .
وبالتوفيق للجميع ..
ام الهنا
