تحدد موعد سفرنا ...بس ماراح نكدر انسافر..كلشي بالقسمة

[DR.ZOMBAS]

طبعا اليوم جانه اتصال من المنظمة بالأردن وكلولنه سفركم يوم 6/6 ...العالم من يجيهه هيجي اتصال تكوم تكمز من الفرح بس احنه اويلي...مراح نكدر نسافر بسبب زوجتي حامل بشهر التاسع...اخوان لحد يكول السفر مو بالقسمة...بس حبيت افيد الأخوان بالمنتدى انه اذا امنيتكم كملت احسبوا اسبوعين ويجيكم اتصال مهلهل من المنظمة يعني كسر بجمع شهر وانتوا ابلاد العم السام...
اخوان هسه اريد اراءكم القيمه شكد تعتقدون وره ماأضيف الطفل يتحددلنه موعد سفر جديد...ممكن 6 أشهر؟ لو أكثر؟
بالمناسبة اني راسلتهم قبل يومين قبل ميخابرونه وكتلهم اريد اجل السفر..بس محد ردلي على الإيميل..واليوم خابرو زوجتي  على سفر شنو الفلم محد يدري زوجتي ارتبكت ومن الصدمه مكلتلهم اني حامل او دزينالكم ايميل...على كل ..كالولهه منا ليومين او ثلاثة حنخابركم مره ثانية...منعرف شنو فلمهم ....بلكت يكولولنه يله نقبل انسفركم ومرتك حامل بشهر التاسع....ههههههه حلم مو بله؟

[احلى مهندسة]

اذا يعرفون انه زوجتك حامل فاعتقد همة حاسبين حسابهم... الله يسهل عليكم و توصلون بالسلامة و زوجتك هناك تولد حتى ابنكم او بنتكم تستلم الجنسية واموركم تتسهل
كول يا الله وتفائلوا بالخير

[DR.ZOMBAS]

والله يدرون ومن عدنا الفحص كلتلهم زوجتي اني حامل بشهر الثامن حتى عفوهه من الأشعه واني كلت هسه يأخرون معاملتنه الى حد ميولد الطفل...بس اشو وره الفحص المعاملة ركضت ركض بعد ماجانت نايمة 3 سنين من 2009 يعني اني من المخضرمين من جان رقم المعاملات يبدي BGD1111  وتحول بعدين IZ ...بس اللي ادري بي كابتن الطيارة ميخلينه نصعد ويحول زوجتي على مستوصف المطار واذا كالت الدكتورة حامل بشهر التاسع لو يجي ماادري منو ميخلينه نصعد ...فأحترمنه نفسنه ودزيتلهم ايميل علمود منبهذل نفسنه ونأخر المسافرين بالطيارة لاين اكيد راح ننسب مليون مره...بس المشكله همه مغلسين علينه ومحد ردلي على الأيميل والله ماأعرف شنو الفلم

[Abnaa Al-Iraq]

اذا صارت بيها الخير واذا لا لتهتم تولد بالسلامة وبعدها تسافرون بإذن الله

[دزمند]

الف مبروك دكتور
هسه تأكدت كلامي صحيح؟
مبروك مرة ثانية و اتمنى كل الي بشرتهم ينزلون الاخبار الحلوة عن قريب
تحياتي

[وردة الخليج]

قل لن يصيبنا الا ماكتب الله لنا

[DR.ZOMBAS]

الف مبروك دكتور
هسه تأكدت كلامي صحيح؟
مبروك مرة ثانية و اتمنى كل الي بشرتهم ينزلون الاخبار الحلوة عن قريب
تحياتي

والله دزمند انت دولة وعلم...اشكرك على التهنئة...بس المشكله برايك راح يسفرونه لو لا؟ شتكول؟ زين اذا قبلوا ...كابتن الطيارة شكله؟ لاين طلبت التأجيل ومح يرد عليه من IOM خابرتهم اليوم محد يشيله...زين اني من بغداد وسيلتنه الوحيده للإتصال بيهم هو الإيميل...وهسه اني خليتهه على رب العالمين...من يخابرون مره ثانيه نأكدلهم على موضوع الحمل ونشوف شنو ردهم ...وانشاءالله ابلغكم بالتفاصيل اول باول...خدمة للأخوان في هذا منتدانا الرائع

[الطيار العراقي]

حبيبي راح يصير الاتي

تنتظر تولد بخير وسلامة ودزلهم البيان

بعدين ترسللهم نسخة الجنسية والجواز الجديد بالطفل الجديد

وبعدها يسولك مقابلة ويصورون الطفل وتعيدون فحص طبي

ومن ثم تنتظر الامنية الجديدة

هاي لا تخلي احد يجاملك ويطبطب عليك هاي الاجراءات والله كريم هو يسهلها

[DR.ZOMBAS]

حبيبي راح يصير الاتي

تنتظر تولد بخير وسلامة ودزلهم البيان

بعدين ترسللهم نسخة الجنسية والجواز الجديد بالطفل الجديد

وبعدها يسولك مقابلة ويصورون الطفل وتعيدون فحص طبي

ومن ثم تنتظر الامنية الجديدة

هاي لا تخلي احد يجاملك ويطبطب عليك هاي الاجراءات والله كريم هو يسهلها

اخوية العزي اني اشكرك على الرد...بس احب اوضحلك شي..اني مقدم من بغداد...ومن هسه ضبطت اموري ويه المعتمد مال المستشفى...يعني ثاني يوم اني ماخذه هو وبيان الولادة للجنسية...يعني انشاءالله اذا مشت الأمور طبيعي اني وره ولادة الطفل بإسبوعين مطلعله جنسية وجواز...برايك وراهه شكد تتأخر المعاملة. والطفل هم يدخل ضمن الأمنية؟ اني اللي أدري بي الطفل ماعليه تجييك أمني...فحضرتك انته مار بهيج مراحل لو سامع هذا الشي من أحد ؟ ارجو التوضيح رجاءا

[دزمند]

الف مبروك دكتور
هسه تأكدت كلامي صحيح؟
مبروك مرة ثانية و اتمنى كل الي بشرتهم ينزلون الاخبار الحلوة عن قريب
تحياتي

والله دزمند انت دولة وعلم...اشكرك على التهنئة...بس المشكله برايك راح يسفرونه لو لا؟ شتكول؟ زين اذا قبلوا ...كابتن الطيارة شكله؟ لاين طلبت التأجيل ومح يرد عليه من IOM خابرتهم اليوم محد يشيله...زين اني من بغداد وسيلتنه الوحيده للإتصال بيهم هو الإيميل...وهسه اني خليتهه على رب العالمين...من يخابرون مره ثانيه نأكدلهم على موضوع الحمل ونشوف شنو ردهم ...وانشاءالله ابلغكم بالتفاصيل اول باول...خدمة للأخوان في هذا منتدانا الرائع

ههههههههههه تستاهل كل خير
يعني هاي شغلة الحمل خليها عليهم اذا قبلوا يسفروها اوكي ما قبلوا انتظر بعد ولادتها و الله يسهل عليكم
تحياتي

[الروح المجروحة]

اخوية لا تخاطر زوجتك ترى بمرحله الحمل النهائية اني من كنت حامل سني ما قبلو يقلعوه لان التقلصات تصعد الطفل على قلب الام فمابالك ضغط الهواء والمطبات

انت اذا سافرت تكول المسؤليه عليك اذا صار شي بزوجتك خليها على الله وشوف شنو يجاوبوك

[DR.ZOMBAS]

اخوية لا تخاطر زوجتك ترى بمرحله الحمل النهائية اني من كنت حامل سني ما قبلو يقلعوه لان التقلصات تصعد الطفل على قلب الام فمابالك ضغط الهواء والمطبات

انت اذا سافرت تكول المسؤليه عليك اذا صار شي بزوجتك خليها على الله وشوف شنو يجاوبوك

ياأختي همه غير يجاوبوني...مو سلوني سل ...جنت ادز ايميل ورة ساعه يجاوبوني واذا رادوا يتأخرون يجاوبون ثاني يوم....هسه صار يومين وماكو شي منهم ....والصاعقة اليوم يحددون موعد سفر...والله كريم كلهه تصير سوالف

[امين عبد الله]

اخي الكريم

قبل ان تتخذ اي قرار يجب عليك التأكد من التاريخ المتوقع للولادة من الطبيبة المعالجة وكذلك موعد السفر وجدول الرحلة. فاذا كان جدول الرحلة عمان امريكا مباشر وموعد الولادة المتوقع بعد موعد السفر فتستطيع ان تاخذ تقرير من الطبيبة تذكر فيه موعد الولادة كي تستطيع السفر اذا حدث اي اشكال في المطار. ان مدة الرحلة هي 13 ساعة ومن ثم سيكون بامكان المولود الجديد الحصول على شهادة الميلاد الامريكية.
القرار قرارك 

[aljaderi11]

مبارك لكم المولد الجديد و يا رب تمام الخلقة و سلامة الاهل
عزيزي
اكو فحص طبي قبل موعد السفر .... و حسب علمي هم راح يحددون تسافرون لو لا

هذا الي اعرفه و عذرا على التقصير.

تحياتي

[سوسو اسو]

اخويه قبل السفر بفتره بسيطه روحو طبيب وخلي يحاول ان يقيم الوضع كلوله عدنه سفر وخايفين لتصير الولاده
اني من جنت بالتاسع جنت افحص كل اسبوع .. والطبيب كلي منا ل 10 ايام ماكو ولاده
فممكن التخمين .. طبعا مو بكل الحالات بس يجوز يكدر يكلك شئ
والسفر بهاي الحاله حيكون على مسؤليتك
واني بمكان مرتك اسافر حتى لو بالعاشر ههههههههه
تحياتي الك وان شاء الله ينولد بالسلامه

[غسان العبيدي]

اذا بعد ولادتها ايييييييييييييييييييييييييس يا عبيس
وتعيد محلفين واطلع اوراق المولود الجديد وتقدمها يو ان والو ان يخاطب الاي او ام

شورطك متوازي خوما متوازي

تحياتي

[الطيار العراقي]

حبيبي الطفل ما عليه تجييك امني

بس

انت راح تكمل معاملاتك وتقدمها وبين ما ينطوك فحص طبي جديد ( اكيد الام تعيد الفحص والطفل الجديد ) وبين ما تخلص مقابلة ثانية لغرض صورة وبصمات راح تصير الامنية اكسباير ..................... انت ليش شايل هم ؟ خليها على ابو خيمة الزركة هو يسهلها

[كلي امل]

انشالله خير يصيبكم بكل الاحوال اذا سافرتو واذا تأجلتو ، سلامة الام والطفل تسوه كلشي

[alzandawi]

اخوية اتوكل على الله وسافر وبلكت الولاده تصير يوم 10 بلشهر ربك رحيم ليش تتاخر بلسنه متفض تره بعدين

[ديمه بنت العراق]

اخويه العزيز اكو جماعه نعرفهم نفس مشكلتك فكالولهم ماكو سفر لحد متولد زوجتك وبعدين وراهه من ولدت ورادو صوره للطفل الجديد على شرط تكون صوره الطفل مفتوحه عيونه للتأكد من شكل الطفل وبعدين وراهه سافرو بعد تقريبا 4 اشهر بدون اي فحص للطفل بس مجرد اجراءات بسيطه ومستمسكات خاصه بيه.....ربي يكوم زوجتك بالسلامه وكل تأخيره وبيه خيره اتوكل على الله وهو يكتبلك الخير

[engineermech]

الله ارحم الراحمين

[عصفورالنار]

اخي انته تريد وانا اريد ولله يفعل مايريد بس اذا مصير زحمه عليك انته شوكت عدت الفحص الطبي

[s350thebest]

انشاء الله ما يصير الا الخير للجميع.