شباب اني هسه ابغداد محتاج جواب سريع جماعه ال اس اي في قيد 57

[Dollar]

شباب اني هسه ابغداد محتاج جواب سريع

اليوم رحت لدائرة الجنسية اخذت فايلي دزوني لشارع الرشيد كملت من شارع الرشيد اخذت النسخ المترجمه دزوني لزيونه لدائرة تابعة للداخليه علمود التصديق... الضابط ختم و وقع و صدق و كلي هسه تروح لوزارة الخارجية.... شنو سالفة الخارجيه اشو مسامع بيه؟

جواب سريع اخوان لان باجر اني مسافر طالع من بغداد

[killer007]

سلام عليكم

اخي العزيز ما يحتاج تصديق خارجيه توكل بالله

قبل فتره كالوا الي مقدم من خارج العراق لا يصدقها الله وكيلك اني مقدم من خارج العراق وما مصدقها ومحد سالني عليها

فما يحتاج تصديق  انته من وين مقدم ؟

تحياتي ورده

[يمتة الفرج]

توصل بالسلامة اخوية وتصديق الخارجية ممطلوب من السفارة بس احنة نصدقها نكول زايد خير لا اكثر ولا اقل

[ساموراي]

بالعكس اخ killer خلي الولد يكمل الأوراق وبنهي السالفه هيه سالفه ساعتين الصبح ويخلصهة ليش يخلي لزمه على روحه او يصير عندة خلل ولو بسيط او يمكن يكون كبير بصورة القيد حتى الولد يطمأن ويرتاح قلبهة خلي يروح يصدقهة بالخارجيه وهيه ما صعبه يطلع من الخمسه ونص الصبح ويروح للبنايه الصغيرة الي صايرة على يسار بنايه الخارجيه مكتب التصديقات رح اسئل هناك وهيه معروفه توكف بالسرة يمكن رح تلكى كدامك كم شخص اذا كان اكثر من وكت يمكن تكون انته اول الناس وياخذون كل كل ورقه مصدقه 5 الاف دينار اتصور يمكن تغيرت هسه التسعيرة وينطوك رقم تكعد تنتضر وبعدين يصيحون اسمك وتاخذ صورة  القيد مصدقه مراح تتأخر ولا شي و هذا افضل الك

تحياتي ابو مريم

[الطيار العراقي]

حبيبي اذا انت SIV ميحتاج تروح للخارجية ( متاكد مليار بالمليون ) وكلنا سوينا هيجي

بس اذا انت طالع غير برنامج لو غير سفارة  فلازم تروح تصدق خارجية .

بالتوفيق

[ألن في بلاد العجائب]

متحتاج تصديق الخارجيه عزيزي

[امين عبد الله]

اخوية بعد الرشيد تروح الى زيونة وهذا هو لان مايحتاج لتصديق الخارجية

[killer007]

سلام عليكم

عمي وعيونك انته ما يحتاج والى حد هاي اللحظه محد وقف على شغلة تصديق ولا احد طلبوا منه تصديق ماكو داعي ادوخ نفسك

توكل بالله والخطيه بركبتي

تحياتي يا ورده