((( جانو سؤالين IOM صارو 3...)))

[Sama83]

هلو عينكاويين شونكم ان شاءالله بكل خير ياااااارب
اخواني وخواتي الطيبين عندي سوالين

الاول هو انه الموقع مال IOM صار بي تغيير لان حالة الكيس كانت pending  واليوم صار  active يعني احتمال اكو مقابلة 2 بالطريق بس احد يعرف بعد شكدتقريبا تتحدد؟؟؟؟؟؟


السؤال الثاني

اذا باذن الله حددوا موعد مقابلة ثانية وشخص من احد الكيسات صار عنده ظرف معين قاهر  وما يكدر يحضر مقابلة يصير نقابل بدون هذا الشخص لو لازم نأجل لو شنو؟؟؟؟؟؟؟؟؟

الله يخليكم انتظر الردود وممنووووونة جدا  يا طيبين

اخواني الطيبين اكو سؤال همين نسيت اسأله

همين اخذ وياية مستنسخات بالمقابلة الثانية لو بس الاصليات؟؟؟

شكراااا

[الفضلي]

UP للمساعدة

[Sama83]

شكرا اخي الغنماوي للمساعدة الله يبارك بيك يا طيب

[Sama83]

هلو ابو مريومة الوردة

والله اخوية مقبطة ومغيمة والا شوية انفجر  :oههههه

شكرا للجواب السريع والله يمكن زوجة والدي رح تسوي عملية بهاي الفترة  وشوفو السعادة اللي اني بيه   

يعني اذا اجة موعد مقابلة وهية بالمستشفى شاسوي اني؟؟؟؟ماكو غير اشيلها واوديه للمقابلة وشيصير خل يصير

الله يستر وتعدي على خير

شكرا ياطيبين

[الفضلي]

العفو عزيزتي
تستطيعين ان تطلبي تاجيل المقابلة  وتحديد موعد اخر حتي يكتمل عدد الاشخاص الي بالكيس

[الناسك]

اختي اذا اجاكم موعد مقابلة ايوم لا تأجلين .... اكرر مثل ما تفضل ابو مريومة لأتأجلين ابد ترة تنامون وتنام عليكم طابوكة لا سامح الله .
اختي الاجراء كالتالي :
يتصلون بيكم او يبعثولكم اميل مقابلة .... تخبريهم انو جميع الكيسات او الاشخاص ضمن الكيس الفلاني حاضرين للمقابلة ولكن والدتي الي تحمل الكيس الفلاني او التي ضمن الكيس الفلاني يتعذر عليها الحضور لأسباب مرضية تحول دون ذلك ... وارفقي لهم نسخة من تقررير الدكتور المختص يبين بيه انها خضعت لعملية ولا تستطيع المشي .... هذا كل ما في الامر وبعد مدة راح يحددون موعد مقابلة منفرد لها ... ابد لا تأجلين تأجيل شامل مو بصالحكم ... اختي اني عندي خبرة وية الايوم هاية السنة الثالثة وعندي اكثر من 10 كيسات اديرهم لأقاربي ولأصدقائي وهذا الكلام من خبرة .... تحياتي واتمنى لها الشفاء العاجل ان شاء الله .
الناسك
اذا احتجتي اي شي راسليني على الخاص

[Sama83]

العفو عزيزتي
تستطيعين ان تطلبي تاجيل المقابلة  وتحديد موعد اخر حتي يكتمل عدد الاشخاص الي بالكيس

الله يخليك اخوية المحترم ومشكور للاهتمام وان شاء الله  تعالى منحتاج تاجيل لان احنا كلش قديمين واذا اجلنا اني اصير اكسباير  اني والكيس 

[Sama83]

الله يسهل امورك والجو يصحه يمك وماكو اي انفجار هههههههههه

 نصيحة الج ان تبعثيين ايميل لل اي او ام تشرحين الحالة الحرجة اللي انتي بيه والله كريم
ممكن ينطوك موعد بعد ان تكوم زوجة الوالد بسلامة

 الله يسهل امرك وامر الجميع

والله يا ابو مريومة احيانا لما واحد ينفعل دماغه ينشل عن التفكير  :-[صدك لو ما تكلي ادزلهم ايميل ولا جان يجي ببالي عاشت افكارك والله يبارك بيك اخوية المحترم

[الفضلي]

انشاء الله ماتحتاجون التاجيل وتحضرون المقابلة في وقتها والله يسهل امركم وتسافرون
واحب ابين شئ بالنسبة للتاجيل عادي جدا وهذا حصل معي اتصلوا على واخبروني بموعد سفر في حينها وتفاجت وكنت مامتوقع
وبنفس اللحظة طلبت تاجيل السفر من خلال الاتصال وتم التاجيل شهر واحد وبعدين اعطوني موعد اخر وسافرت  والحمد لله

[Sama83]

اختي اذا اجاكم موعد مقابلة ايوم لا تأجلين .... اكرر مثل ما تفضل ابو مريومة لأتأجلين ابد ترة تنامون وتنام عليكم طابوكة لا سامح الله .
اختي الاجراء كالتالي :
يتصلون بيكم او يبعثولكم اميل مقابلة .... تخبريهم انو جميع الكيسات او الاشخاص ضمن الكيس الفلاني حاضرين للمقابلة ولكن والدتي الي تحمل الكيس الفلاني او التي ضمن الكيس الفلاني يتعذر عليها الحضور لأسباب مرضية تحول دون ذلك ... وارفقي لهم نسخة من تقررير الدكتور المختص يبين بيه انها خضعت لعملية ولا تستطيع المشي .... هذا كل ما في الامر وبعد مدة راح يحددون موعد مقابلة منفرد لها ... ابد لا تأجلين تأجيل شامل مو بصالحكم ... اختي اني عندي خبرة وية الايوم هاية السنة الثالثة وعندي اكثر من 10 كيسات اديرهم لأقاربي ولأصدقائي وهذا الكلام من خبرة .... تحياتي واتمنى لها الشفاء العاجل ان شاء الله .
الناسك
اذا احتجتي اي شي راسليني على الخاص

يعني صدقا وعدلا وفعلا وكل ما ينتهي ب (لاً ) ;Dاذا يصير اأجل زوجة والدي وحدها وينطوها موعد مقابلة منفصل فاكون بقمة السعادة واكدر اكول (THAT'S IT)

اخوية الناسك الوردة انت رهيب

يعني اليوم اشجعها تروح تسوي العملية اللي صار شهر احاول اقنعها انو ما تسويها خاف تجي مقابلة والله هسة ضميري انبني

لان ما اعرف اكو اجراء انه ممكن تقابل وحدها

الفرج يا صاحب الفرج

الف الف الف شكر يا ناسك
الله يبارك بيك يا طيب ويكثرمن امثالك اميييين ربي

[Sama83]

انشاء الله ماتحتاجون التاجيل وتحضرون المقابلة في وقتها والله يسهل امركم وتسافرون
واحب ابين شئ بالنسبة للتاجيل عادي جدا وهذا حصل معي اتصلوا على واخبروني بموعد سفر في حينها وتفاجت وكنت مامتوقع
وبنفس اللحظة طلبت تاجيل السفر من خلال الاتصال وتم التاجيل شهر واحد وبعدين اعطوني موعد اخر وسافرت  والحمد لله

iاخوية هي لو شهر هينة بس اني ما متفاءلة بالتاجيل واريد اخلص يوم قبل
الله يسهلك امين ربي