معلومة مهمة لكل من تأخر ملفه ويود الاستمرار في قضية الهجرة من باب أخر

[yasir fakhri]

أخواني الاعزاء لدي معلومة جديدة ومهمة تخص من يبحث عن الهجرة الى اميركا ومن خلال مكتب يختص بهذا العمل مع انه لهذا المكتب اجازة رسمية للعمل ويساعد الذين ينوون الهجرة او الذين يرومون الحصول على فيزا لغرض الدراسة وهذا المكتب موجود في المدينة التي اسكنها وقد وجدته بالصدفة وعندما كنت ابحث عن مكتب اخر لاختصاص معين وبعد التحدث والجلوس مع الموظفة المختصة ومن بعدها الجلوس مع مديرة المكتب وددت ان اوصل اليكم هذه المعلومة لعل وعسى ان تفيد بعض الناس وهذه هي المعلومات الموجودة على الكارد الخاص بهم مع وجود مكاتب عدة منتشرة على طول الولايات و لنفس الغرض
Blue Angel Of TN
Immigration
Translation
Insurance
phone#
6154994520 English Line
Spanish Line 6156787062
Fax# 6155357590
Email Address
hispanicassociation@rocketmail.com
Jessica Clark
Excutive director
هذه هي المعلومات اللي عندي واي شئ ثاني تحتاجون ممكن جد ا اروح عليهم واستفسر اكثر لانهم قريبين على مكان عملي بالاضافة الى اني سالتهم ان اذا كان لديهم امكانية عمل فيزا للمواطنين من المد ايست وخصوصا من العراق اجابوا بالقبول وقالوا ايضا ان فترة الفيزا تتاخر حسب نوعها مع توفر الاولوية في منح الفيزا من خلالهم ومن خلال التعامل مع وزراة الهجرة في الولايات المتحدة الامريكية.
اسف على الاطالة وهذا ماكان من يوم امس
ياسر

[*Ray]

شكرا لحضرتك انشاالله اكو ناس تستفاد منه

[فارس العراق 90]

شكرا لنقل المعلومه لاخوانك بارك الله بيك انشاء الله الكل تستفاد منه

[ام الهنا]

مشكور اخي ياسر ،، وبارك الله بيك
وربي ييسر امورنا اجمعين وتنحل عقدة السفر قريباً بإذنه تعالى .

ام الهنا

[ساحر بغداد]

بارك الله بيك اخي العزيز والله ينطيك على كد نيتك ياغالي
‏_‏
‏_‏
اخي بالنسبه لشغلتي اتأمل منك خيرآ وارجو قدر المستطاع الأتصال بالجهة التي اعلمتك بها بأقرب وقت وانا ممنون منك لقبول الأضافات ياطيب

[** AL SHAEEA **]

مشكور اخ ياسر وبارك الله بيك

[يمتة الفرج]

مشكور اخوية ياسر وراح ادزلك رسالة عالخاص لانه جيرانا خطية محتاج هيجي سالفة

[yasir fakhri]

بارك الله بيك اخي العزيز والله ينطيك على كد نيتك ياغالي
‏_‏
‏_‏
اخي بالنسبه لشغلتي اتأمل منك خيرآ وارجو قدر المستطاع الأتصال بالجهة التي اعلمتك بها بأقرب وقت وانا ممنون منك لقبول الأضافات ياطيب

تامرني امر انت وباقي الاعضاء الطيبين بس انطيني عطوة شكم يوم واني حاضر وبخدمتك

[ساحر بغداد]

بارك الله بيك اخي العزيز والله ينطيك على كد نيتك ياغالي
‏_‏
‏_‏
اخي بالنسبه لشغلتي اتأمل منك خيرآ وارجو قدر المستطاع الأتصال بالجهة التي اعلمتك بها بأقرب وقت وانا ممنون منك لقبول الأضافات ياطيب

تامرني امر انت وباقي الاعضاء الطيبين بس انطيني عطوة شكم يوم واني حاضر وبخدمتك

اكيد اخوية العزيز عطوتك وياك يااصيل
اعرف بضروفك والله يسهل عليك واني كلي ثقه بيك وحشاك من التقصير والنعم منك ومن اصلك الطيب

[الغيثي]

كلك خير وبركه اخويه ياسر ووجودك يضيف للمنتدى الكثير ولا يهونون كل الاعضاء

الغيثي

[روزة اليرموك]

بس اذا ممكن شنو الفرق بين الهجرة واللجوء 
وهل يمكن للعراقي يقدم علهجرة لامريكا 
ونفس الشي هم اكو تجييك امني ويطول مثل حالتنة هسة 
والقبول مضمون لولا خصوصا بالنسبة للعوائل ولك جزيل الشكر اخوية واسفة علكثرة الاسئلة

[yasir fakhri]

كلك خير وبركه اخويه ياسر ووجودك يضيف للمنتدى الكثير ولا يهونون كل الاعضاء

الغيثي

تسلملي اخوية ومانقدمه ليس سوى غيض من فيض مما قدمه ويقدمه الاخوة والاخوات  الرائعين وخصوصا من سبقونا في هذا المجال ولا اريد ذكر الاسماء لئلا اقع ضحية السهو والنسيان
تحياتي لك وممنون منك ومن مرورك الطيب
ياسر

[Everything]

شكرا تسلم على هذه المعلومات

[امين عبد الله]

اخوية ياسر, احنه ننتظر الى نهاية السنة نشوف شلون تصفه وبعدين نسولف. بس كولي هذا المكتب وين صاير؟؟

[محارب]

جعلها الله في ميزان حسناتك اخ ياسر
بارك الله بيك ياورده

[(COBRA)]

اخ ياسر تسلم على جهودك الطيبه
يبارك بك الرب

[yasir fakhri]

شكرا لحضرتك انشاالله اكو ناس تستفاد منه

اشكرك اختي المتنظرة على مرورك الكريم وبارك الله بيك

شكرا لنقل المعلومه لاخوانك بارك الله بيك انشاء الله الكل تستفاد منه

ويبارك بيك اخي فارس وانا طريقي لايختلف عن طريقكم انشاءالله همي هو همكم وهدفي الوحيد هو توصيل مايمكن توصيله من معلومات وحسب التجربة الشخصية  وبدون ترتيش
تحياتي وتمنياتي لك بالتوفيق

مشكور اخي ياسر ،، وبارك الله بيك
وربي ييسر امورنا اجمعين وتنحل عقدة السفر قريباً بإذنه تعالى .

ام الهنا

اختي العزيزة ام الهنا اشكرك لمروك الكريم واسال الله انه ينطيكم على قدر نيتكم
وما الاعمال الا بالنيات
تحياتي الخالصة لكي وللاهل جميعا

مشكور اخ ياسر وبارك الله بيك

اخي وعزيز الشائع اشكرك لمرورك الطيب  وبارك الله بيك وانشاءالله الموعد بارض العم سام

مشكور اخوية ياسر وراح ادزلك رسالة عالخاص لانه جيرانا خطية محتاج هيجي سالفة

تدلل انت وجيرانك واعتقد هسة وصلك الجواب تحياتي وتمنياتي لك ولجميع الاخوة بالنجاح والتوفيق في حياتكم القادمة

كلك خير وبركه اخويه ياسر ووجودك يضيف للمنتدى الكثير ولا يهونون كل الاعضاء
الغيثي

انت الخير والبركة اخي الغيثي كما اود تقديم شكري وتقديري لك لطرح موضوعك الاخير الذي يدل عن شهامتك ونبل اخلاقك
تحياتي لك وتمنياتي بالتوفيق
وعذرا منكم اذا تاخرت بالرد على ردودكم العطرة  لانه هسة رجعت من العمل والساعة عندي بالـ 12:30 بعد منتصف الليل

[yasir fakhri]

بس اذا ممكن شنو الفرق بين الهجرة واللجوء 
وهل يمكن للعراقي يقدم علهجرة لامريكا 
ونفس الشي هم اكو تجييك امني ويطول مثل حالتنة هسة 
والقبول مضمون لولا خصوصا بالنسبة للعوائل ولك جزيل الشكر اخوية واسفة علكثرة الاسئلة

اختي روزة اليرموك ليس هناك فرق بين اللجوء والهجرة بل هناك فروقات عديدة يطول شرحها فصفة المهاجرلايمكن ان تتغير الى صفة لاجئ مهما كانت الظروف المتشابهة بين الطرفين خصوصا مايتعلق بالمساعدات الاولية التي اقرت بعد فترة من اقرار القانون الخاص بالهجرة
وبالماسبة ايضل للاجئين حقوقا لو عرفوها لما ندموا عللى سفركم فللاجئ تسهيات وسماحات لايتمتع بها المهاجر وقد بدأت الناس تدرك حقا هذه الفروقات اي بعد سنوات عدة من بداية الهجرة واللجوء للعراقيين الذين كانوا معزولين عن العالم الخارجي لسنين طوال.
نعم يمكن للعراقي ولاي شخص يعيش على بقعة من بقاع الارض ان يقدم على الهجرة خصوصا الى اميركا التي يتزايد احتياجها للايدي العامة عام بعد عام
اما سؤالك عن التجييك الامني وماشابه فانا ليس لي علم بذلك وكانت تجربتي مع الاي او ام كافيه واخذت ما اخذت من سنوات عمري
والله يا اختي العزيزة ممكن جدا تراسلين المكتب وحتى لو بالايميل وتعرفين منهم تفاصيل اكثر لانه ما اريد اضرب بالتخت رمل مث ميكلون واسوي السالفة كمرة وربيع واكتفي بالقول الله ارحم بعباده المؤمنين وهو على كل شئ قدير
اخوكم ياسر

[yasir fakhri]

شكرا تسلم على هذه المعلومات

بخدمة الطيبين اخوية واشكرك لمرورك الكريم
تحياتي وتمنياتي بالخير لكل من يبتغي الخير من عنده سبحانه وتعالى

[yasir fakhri]

اخوية ياسر, احنه ننتظر الى نهاية السنة نشوف شلون تصفه وبعدين نسولف. بس كولي هذا المكتب وين صاير؟؟

اخي وعزيزي امين عبدالله اولا اشكرك واشكر مرورك الكريم وبصراحة يسعدني من اشوف اسمك بالمنتدى
وهذا هو العنوان ممكن تستخدم الكوكل ماب للوصل الى المكتب وطبع مقدمة البناية من زجاج وتتكون من ثلاث طوابق على الاكثر
417weleshwood Drive
Suit100
Nashville TN 37211
phone#6154994520
fax 6155357590
hispanicassociation@rocketmail.com
واي شئ ثاني تحتاج اني بالخدمة اخي العزيز
وحتى اذا تحب تعرف اي عنوان هنا بتينيسي مستعد اعينك عليه
ياسر

[yasir fakhri]

جعلها الله في ميزان حسناتك اخ ياسر
بارك الله بيك ياورده

اخي وعزيزي وصديقي الغالي ابو سمسوم تحياتي لك واشكرك لموقفك الجميل اللي بالحقيقة اسعدني وخلاني افكر مرة واثنين قبل ما اسوي اي شئ ثاني
اخوك ياسر

[yasir fakhri]

اخ ياسر تسلم على جهودك الطيبه
يبارك بك الرب

الله يسلمك اخي كوبرا وشكرا لمرورك الكريم ومدام احنه اخوة واهل نظل دوم متعاونين وواحدنا يحفظ الثاني بغيابه
تحياتي لك وتمنياتي بالنجاح والتوفيق

[assaad2011]

اكيد اخ ياسر ستكون لهذا الموضوع فائدة كبيرة وقيمة للاعظاء 
شكرا لك وتسلم

[gustavo]

عاشت الايادي ياورده...

[yasir fakhri]

اكيد اخ ياسر ستكون لهذا الموضوع فائدة كبيرة وقيمة للاعظاء 
شكرا لك وتسلم

اشكرك اخي وبارك الله بيك والحمدلله من نكدر نوصل معلومة صحيحة ممكن تفيد بعض الناس اللي محتارين بايجاد طريق معين للهجرة.

[yasir fakhri]

عاشت الايادي ياورده...

وانت العايش اخي العزيز الله لايحرم المنتدى من حضوركم الكريم