تاجيل مواعيد التجديد

[علي العزاوي1]

ارجو ممن لديه معلومات اخباري عن سبب تاجيل مواعيد لتجديد وثيقة الun ل شهر 9 انطونا الموعد عن طريق رساله هي انتهت اصلاً بشهر 11  وانطونا موعد تجديد بشهر 4 بس قبل موعدنا بيومين ارسلولنا رساله بانه قد تم تاجيل موعد التاجيل لشهر 9 القادم!!!؟؟؟ ارجو الرد

[فارس العراق 90]

هواي ناس اجلوه شهر تاسع عندي صديق منتضر سفر اجلوه 2013 شغله عاديه من وره الزخم مال السوريين
متاثر اخويه اجراءات اضل ماشيه عليك
بتوفيق انشاء الله

[ابو مرتضى]

اني جان عندي موعد يوم 24_5 دزولي مسج واجلوني يوم 19_10 عااادي مثل مكال الاخ بسبب الزخم والسوريين

[ArUsH]

هواي اعضاء ذكرو صار عدهم تأجيل
واكو اعضاء كالو بعد التأجيل دزولنه رساله مره ثانيه قربو الموعد

طول بالك
وان شاءالله خير

[الضوء الاخضر]

اخوان اني هذا الموضوع مخوفني .....شلون؟ هسه اكول.


المنطق يكول انه بسبب الزخم ديأجلون بالمواعيد. وبما انه شغله سفرنا وملفاتنا والتاخير مالها اي علاقه بالمنطق اني خايف لا اللي دياجلون موعد تجديد وثيقته معناها شغلته مطوله او بالعكس شغلته قريبه محد يدري . يعني قصدي شغله التاجيل يكون الها علاقه بالمرحله الي واصلها الملف.............والله اعلم.

اتقبلو مروري


الضوء الاخضر

[alkhaldy]

السلام عليكم                                                                                                                                                                        يوم الخميس الماضي رحت اخذ موعد لتجديد ورقة un ونفس الحالة انطوني موعد بعد 9 اشهر بس كنت اسأل الموجودين على مواعيدهم وشفت كلهم الي منطينهم مواعيد بعيدة بأنتظار السفر واعتقد الامور تبشر بالخير يعني كل الي منتظر سفر راح يسافر بأذن الله اعتقد تجديد الورقة مو ظرورية للسفر ويارب سهل امور الجميع