السفر بعد استلام الفيزا

[Danoosha]

مرحبا اخوان ممكن سؤال
هل يأثر اذا سافرنا بعد استلام الفيزا الى دولة عربية؟ علما ان السفر لغرض العلاج ولمدة اسبوعين او اقل
اقصد هل سيسالون ليش سافرتو ووين وشلون ومنو وشنو وياخرونا ويضوجونا بالمطار؟

وشكرررررررا

[unfaithfull]

السلام عليكم
اخي الغالي لا اتسافر لا انته ولا اي واحد من عائلتك الي وياك بالفيزا دز احد غيرك احسن ترة يجيك تعليق وبعد تحلم اتشوف امريكا وتنعاد مقبلتك وغير امور ايطلبون منك فخلي الامور ماشيه عدل واتوكل بالله وسافر وخلي واحد من عائلتك هوه الي يتكفل ابهيج امور ززز
اتوكل بالله يمعود او سافر وخلي جوازك نضيف
تحياتي الك وموفقين

[kunda]

والله هو أمر غير مستحيل ....انت عندك جواز وعليه فيزة ويحقلك تسافر ...... لكن اني ابد ماانصحك تسويها ومااعتقد اي شخص بالعراق راح ينصحك بالسفر خاصة لو كنت siv ......
شغلة العلاج سهلة انت رايح الى امريكا وغالبا راح يكون عندك تامين صحي شنو العلاج الافضل  الذي راح تتلقاه بأي دولة عربية ؟؟؟

[البلدوزر]

لاتتورط لان توقع كلشي

[rmadi]

والله اني اعتقد الموضوع ما بي اي شي اني زوجتي راح تزور اهلها خارج العراق وترجع

بس يمكن اكو بعض الدول المعروفة يفضل الواحد ميروحلها بغض النظر عن جونة مهاجر او لا

[Danoosha]

مو المشكلة هذا العلاج بالذات كلش مكلف بامريكا
وبعدين احنا مسافرين لبيروت يعني اعتقد ماعليها مشاكل؟
يعني اكو قانون او نص يمنع هذا الشي؟
او اكو واحد صايرة وياه هيج حالة؟

[Danoosha]

ارجو الرد لان الموضوع عاجل وضروري وجدي
ارجووووووووووووووووووووووكم

[ArUsH]

مو المشكلة هذا العلاج بالذات كلش مكلف بامريكا
وبعدين احنا مسافرين لبيروت يعني اعتقد ماعليها مشاكل؟
يعني اكو قانون او نص يمنع هذا الشي؟
او اكو واحد صايرة وياه هيج حالة؟

وجماله لبيروت 
وبهذي الضروف والاوضاع المكركبه 

والله اختي مثل مكالو الاخوه الاعضاء
انسو الموضوع

تدفعون جم فلس زياده بامريكا
احسن من احتمال تخسرون امريكا

[Danoosha]

اخي المشكة انه العلاج هو عملية طفل الانابيب
وهذه العملية تكلف باميركا 25,000 الف دولار
بينما لا تكلف في بيروت او عمان ربع المبلغ والموضوع لا يحتمل التاجيل
ارجوكم اذا واحد سافر ومصار وياه مشكلة كولولي عفية

ماعرف شسوي النوبة حرت بالزايد

[rmadi]

والله أختي اني ما عندي سند قانوني بس تدرين بيروت ممنوع يطبوها الامريكان هية بيها اعتبارات سياسية وامنية وإنشاء الله تفتهميني
بس افضل عمان وتتبلغين الاي او ام هناك وتكولولهم للاي او ام نريد نغادر من عمان تسهل الامور عليكم شوية

[Danoosha]

زين اذا ردت اسال الجهة المسؤولة عنا منو اسال؟
الاي او ام لو السفارة؟ علما احنا اس اي في وفيزتنا طالعة بانتظار موعد سفر؟

[rmadi]

اسالي السفارة
اني ولو ما اريد اشجعج
بس اني بعد اعادة الفحص وتسليم الجوازات للسفارة سافرت لبيروت ورجعت بس خفت كلش ومن تأخرت الفيزا ٤٠ يوم كلت بس لا هاي الروحة لاصت الامور

[Danoosha]

ماشي عيني تسلم
بس هم اريد اكثر من راي بلكي يطلع واحد مسويها وماكو مشكلة

[امين عبد الله]

اختي الكريمة
حسب ما اعتقد انه انت من جماعة ال SIV ، فاذا انت من هذه الجماعة فمن حقك السفر لان معاملتك هي هجرة الى امريكا. وهذا الامر لاينطبق على ال IOM لان قضيتهم لجوء الى امريكا. لكني لا انصحك بالسفر الى الدول التي تتحسس منها امريكا سياسيا.

[Danoosha]

شكرا اخي امين عندك كعلومة عن هذا الدول؟ وهل لبنان من ضمنها؟

[hdhdhd]

مرحبه اختي العزيزة

والله اختي احنه وزوحتي مرينه بنفس الموضوع وكان عدنه نفس التفكير تجاة هذا الموضوع ...
بس صراحه اجلنه الموضوع كله ... لان احنه على باب سفر والعلاج هناك افضل من علاج الدول العربيه بس المشكله غلاء