السلاام عليكم اخوني الاعزاء اخواتي المحترمات
اني من زمان موجود بهذا المنتدى الساتر علينا بصراحة بالاخبار والمواضيع الحلوة وخصوصا السفر وقصص الهجرة واللجوء اللي كل انسان عراقي شريف يطمح بيها للخلاص من هذا البلد الكسيف حشا الناس الطيبة البي , بس للاسف صاروا يقودوه الحمير واسف للتعبير
اخواني اخواتي
اليوم موضوعي جدا امحيرني
ورا ما الاخوة خلوا ارقام مستشفى ابن البيطار , اخذت الارقام وخابرتهم وردت اسوي مثل ماسوى واحد هنانه خابرهم وسألهم على ملفه...
اني للعلم امقدم من عام 2009 وملفي 113 وصارللي سنتين امكمل كولشي وكلاشي ولاحس ولاخبر
الفحص الطبي مالته صارله سنة ونص من خلص وماكو لاخابروني ولاهاي
خابرتهم اليوم مااحب اطول السالفة لان احنة العراقيين وبصراحة بينا هاي الشغلة الحلوة ماادري الموحلوة وهيةنشكي بس نشكي بس اعتقد خوش حالة وصحيحة ولو اكو شي بي خير وزين ويانة جان مااشتكينا لاحد
الشكوى لغير الله مذلة
المهم خابرت الرقم مال ابن البيطار
الولد اللي رد علي حباب وصوته خشن وهاديء لدرجة يجاوب عبالك الة .. السلام عليكم ؟ وعليكم السلام . كلتله اخوية ممكن اسألك على الكيس رقم113 مااجة يمكم لاعادة الفحص ؟ كلي شكد رقمه عيده علكيفك ؟ كلتله من جديد 113 كال لحظة ابقة وياية.....وراها كلي لاوالله ماكو ماجاينة بعد .. كلتله شكرا والسلام.
هسة اني راح اتعقد او شنو اني اصلا شخطت مثل ميكولون.. لان 2009 وهسة 2013 مابقة شي 5 شهور وندخل بسنة جديدة وكولشي ماكو
هل هذا معناه ملفي بي مشكلة؟؟ لو اني راح انرفض ؟؟ لو هل مثل ميكول بعض الاخوة انو بشهر التاسع الكل راح تسافر ؟؟ وهل راح يلحكون يمشون الك .. وهل الكل تسافر ؟؟ اصمله علية وعليكم يعني مينرفض احد ؟؟ ماكو واحد شوية مثل الاخوة دزمند اللي حيل ردوده عقلانية يأكدلنا الخبر اليقين ولو على الاقل يطمأن قلوبنا .. وشكرا الكم لان قريتوا موضوعي واتاكدوا اني من زمان نايم هنانه بس وصلت مرحلة انو مااكدر اشارك لان مديصير شي وياية والله كريم
