ارجو من جميع اخواني ابداء ارائهم بحالتي رجاءا

[Sam Jay]

اخواني الاعزاء اطلب الاستشارة منكم

قبل يومين طبعا اني صار فترة مافاتح الموقع المهم البارحة فتحت لكيت حالة الملف فعال والفحص الطبي فعال والتشييك الامني مكتمل والسفر غير فعال طبعا فرحت كولش هواية وكنت كولش مشغول واليوم فتحت الموقع لكيت حالة الملف انتظار النتيجة والفحص الطبي فعال علما اني عدت الفحص الطبي يوم 2-5-2012 ولحد الان فعال مااعرف ليش والتشييك الامني بيندك مااعرف ليش والسفر غير فعال يعني ارجو من جميع اخواني الاعزاء ابداء ارائهم وهل سبق ان حدث مثل هذا الموضوع ارجو تفسير الحالة

لكم جميعا فائق التقدير والاحترام

Sam Jay

[salam83a]

خلصانة شغلتك اخي معليك بالموقع المهم الامنية كملت والفحص الطبي عدتة يعني هاي هية انتظر موعد سفر اخوية والف مبروك

[ابو المازن السامرائي]

باعتقادي اخي الحبيب ان الموقع ديخربط عدهم والله اعلم
تقبل تحياتي

[دزمند]

اخي العزيز سام لا تقلق راح ترجع كاملة عندك مثل ما صار وي الاخ صلاح و هسه انا هم جاوبتك عالخاص على رسالتك
لا تخاف و راح اكلك مثل ما كلت لصلاح
روح نام رغد و الف مبروك عليك اكتمال التجييك الامني بالموقع و لو انا كلتلك قبل فترة طويلة انه مكتمل و الموافقة النهائية كاملة عندك لكن التجييك بالموقع شي روتيني
تحياتي و بالتوفيق

[Sam Jay]

اخواني الاعزاء سلام وابو المازن والاخ العزيز دزمند شكرا لردودكم
اخي العزيز دزمند شكرا للايضاح والتطمين لكي اريد مشاركة الاخوة البقية الذين لديهم حالات مشابهة

لكم التقدير جميعا


Sam Jay

[ArUsH]

خلصانة شغلتك اخي معليك بالموقع المهم الامنية كملت والفحص الطبي عدتة يعني هاي هية انتظر موعد سفر اخوية والف مبروك

+1

[Sam Jay]

خلصانة شغلتك اخي معليك بالموقع المهم الامنية كملت والفحص الطبي عدتة يعني هاي هية انتظر موعد سفر اخوية والف مبروك

+1

شكرا عزيزي لمرورك الكريم

[gustavo]

UP

[Sam Jay]

والله اخواني شغلة كولش غريبة يعني اني جيكت الموقع البارحة الساعة 12 ليلا وكانت الامور اوكي يعني الامنية مكتملة لكن اليوم فتحت الصبح الساعة 7 الصبح لكيت الموقع متغير والامنية بالانتظار شنو الموضوع معقولة الموظفين سهرانين حتى يحدثون لو الموقع مخربط ويخربط

تحياتي

Sam Jay

[ألن في بلاد العجائب]

والله اخواني شغلة كولش غريبة يعني اني جيكت الموقع البارحة الساعة 12 ليلا وكانت الامور اوكي يعني الامنية مكتملة لكن اليوم فتحت الصبح الساعة 7 الصبح لكيت الموقع متغير والامنية بالانتظار شنو الموضوع معقولة الموظفين سهرانين حتى يحدثون لو الموقع مخربط ويخربط

تحياتي

Sam Jay

التحديث يصير من امريكا مو من عمان

كولش طبيعي تنسحب الامنيه يسوون عليك تجييك سريع و ترجع بعد فتره ان شاء الله

[وردة الخليج]

الله كريم وأرحم الراحمين

[jumbo]

up