شلوون الكل بتركيا
طبعا مثل ما تعرفون كان عندي مقابله اولى ICMC خلال هاي اليومين الي فاتوو
بدايه الطريق الى اسطنبول كانت رحله طويله 10 ساعات متعبه واحنا اول مره نسافر ع الطريق البري وهيجي وقت طويل
يعني وصلت متخربطه
المهم احنا ويانه مترجم ع حسابنا طبعا الروحه والرجعه والفندق والتكسي وباقي الامور لان اول مره طالعين من المحافظه بس حتى اتعلم
الطريقه مالت الروجه والرجعه شلوون
كان ويانه بالفندق 4 عوائل كلهم فحوصات ودوره تثقيفيه الصبح اجانا السايق واخذنا صرنا 5 عوائل لل ICMC
شفت القاعه مليانه كلت اي ما شاء الله خير
لكن كانت 18 عائله عراقيه بس بضمنهم الي كانو معانا بالفندق كلهم فحوصات ودوره تثقيفيه و28 عائله ايرانيه فحوصات ودوره تثقيفيه مابين عائله وسنكل
اما احنا مقابله اولى كنا 3 عوائل عراقيه بس وكلنا من جماعه سوريا واصحاب الكارت الاخضر و3 ايرانين عائله و2 سنكل
يعني الصراحه كنت اتوقع الاعداد اكثر بالنسبه للفحوصات والمقابلات بس الظاهر حسب استيعاب القاعه
كل فتره يجي المصري يصيح مجموعه من الاسماء كان للعراقيين اما الايرانين كان غير شخص ينادي الاسماء
الي عنده تثقيفيه يكوله خلي الجنطه يم الدرج وانزل للقاعه وجماعه الفحوصات ياخذوهم طبعا
اما المقابله
بنات الي قابلونه طلبو اختي راحت وطولت هوايه الصراحه بحيث العائلتين الي معانا خلصوو قبلنا واحنا بعدنا تالي نادو الوالده نفسهه الي قابلت اختي وبعدين كالو اسمي كنت ع غير موظفه
طبعا الموظفه الي تقابل ومعاها المترجمه
كالت انتو اصلا ملفكم كامل وجاهز من iom بحيث ما اخذت من عدنا اي ورقه للاستنساخ او للتأكد
لا ركمنديشنات ولا باجات ولا اوراق شرطه ولا اوراق شغلي
بس اخذت الجواز للتاكد من التواريخ لمغادره سوريا ودخول تركيا والكملك ورقم التلفون
ولا سالت شي بس ليش غادرتو سوريا وشنو كانت الاوضاع بيهه وشوكت بدت الاحداث وشنو الي تعرضتو اله هناك وشلون دخلتو تركيا
وليش ما تكدرون تبقون بالعراق وشنو الي تعرضتو اله برجعتكم للعراق ( هذا الحجي كله يشمل جماعه سوريا خصوصا اصحاب الكارت الاخضر
راح يسالون فقط عن سبب مغادره سوريا وما تعرضتو اله بالعراق اثناء العوده )
الا ان كان كل ملف يعامل شكل المهم اخذوو كل الاحتمالات
يعني اسئله بسيطه حتى خلصنا المقابله بالانكليزي والمترجمه كل شويه تعوف الغرفه لان اطمأنت انو محد يحتاج ترجمه
وقرت القصه واذا احب اضيف او احذف
غيرت الكفيل لان خارج امريكا خليت غير كفيل وغير ولايه
وتالي وقعت الاوراق طبعا كومه اوراق بس تكولي كتبي اسمج ووقعي واني اوقع يعني حتى لو اعتراف بالقتل هم كان وقعته
هي كانت اوراق القصه طبعا مطبوعه بالانكليزي وورقه الكفيل وورقه كان مكتوب عليهه تواريخ المغادره والروحه والرجعه للعراق
والاسماء المقترحه الي ينادوني بيهه
وخلصت طلعت القاعه فارغه طبعا دائما احنا نطلع اخر الناس بالمقابلات
وطلبت من الموظف ان يخابرلي ع تكسي علمود الوالده ما تكدر دقيقه وكال التكسي موجود تفضلوو وطلعنا
طبعا الجوو باسطنبول برد ومطر نص الشتا واحنا بالصيفي
فالي يروح هاي الايام ياخذ وياه ستر خصوصا الي عنده اطفال
ويمكن من الافضل واحد ياخذ وياه المخده مال السفر الي تصير ع شكل حرف يو دورت عليهه ع السريع بمدينتنه ما لكيت
تالي شفت ديبعوهه بكراج انقره تعاجزت انزل من السياره واشتري
طبعا دا احس هسه عبالك دا اكتب خط الرحله مال امريكا
المهم خلصنا هاي المرحله وهسه مرحله انتظار المحلفين رجعت الى نفس النقطه الي انتهيت يمهه
وان شاء الله التوفيق لباقي الاخوه وخصوصا الي اتاخروو وانشاء الله الاجراءات السريعه لباقي الاعضاء وان شاء الله دومنا
نظل فرحانين بكروب تركيا ....
اختكم راي
التصويت
موضوع: جــــمــــــــا عــة تـركـيــــــــــا (زيارة 755353 مرات)
