السلام عليكم
شلوون الجميع ... طبعا مثل ما الاغلبيه تعرف انوو اني سافرت ووصلت الحمد لله والشكر لامريكا
بالبدايه اشكر الكل بدايه بمؤسس الكروب العزيز شغيدل الي جمعنا بهاي اللمه الحلووه واني كنت دائما اسمي الكروب الراقي
لان فعلا راقي باعضائه الراقيين والطيبين واشكر الاخ احمد مالك الي ما قصر بنصائحه الي وحتى عرض ان يجي لاستقبالي بالمطار
مع العلم ان ولايته تبعد 8 ساعات عني واشكر الكل بدون استثناء لتهانيهم وامانيهم الصادقه ...
وتمنياتي للجميع بسرعه الاجراءات والسفر العاجل والخلاص من تركيا ...
هسه احجي شويه عن رحلتي من تركيا ...
بدايه ابدي بموعد السفر مثل ما الكل تعرف انوو موعد السفر نعرف بي قبل شهرين او 40 يوم او 30 يوم
سواء من خلال الاتصال او ع الموقع ... لكن بالنسبه النا كان موعد السفر خلال ايام قليله
اتصلت اني با IOM وكالت الموظفه موعد سفركم بعد ايام يمعوده صدك جذب اني انصدمت الصراحه لان
ماكو هيجي موعد سريع بحيث راسا اتمرضت من المفاجأة
خصوصا واحنا ننتظر السفر صارلي اكثر من 6 سنوات
ودخلنا بالسنه ال سابعه وهاي كلهه السنين واحنا بمقابلات واجراءات مع iom و من بعدها icmc يعني لا سنتين ولا 5
طبعا احنا عددنا 3 وبس نساء
الاخوه الي جايين من سوريا موعد السفر تعرفوو بالاتصال بمنظمه iom وع موقع اليوان الاصفر
لان احنا مو مثل الي جايين من العراق ما نكدر ندخل ع موقع iom الخاص بالطيران ولا عدنا صفحه تكلب
تعتمدون فقط ع الاتصال وع موقع اليوان
راح اكتب هووايه لا تضوجون مني بس اكو كم ملاحظه يستفادون منهه الاخوه الي منتظرين والباقي من بعدهم ان شاء الله
المهم
طيران ع الامنيات
بلغتهم وخصوصا احنا بعدنا ما مسووين مقابله الامنيات والله بنفس اليوم سووهه النه
ووعدنا الضابط التركي انوو الجكش راح يطلع قبل موعد السفر بايام وكدامي اتصلوو ع انقره حتى يطلبوون الاستعجال
طبعا بقيت اني لا اكدر اقفل المي والكهرباء وباقي الامور ولا اعرف اسوي شي الى ان اضمن صدور الجكش
وجان يطلع الجكش وكلي الضابط روحي سدي كل الامور وتعالي استلمي
طلعنا من الشقه ورحنا سكنا بفندق حتى اكدر براحتي اسد الغاز والكهرباء والمي والنت وبدون بهدله واستلمت الجكش
وطلعت من محافظتي ومشكورين الامنيات الي سهلوو امري ...
وحجزت بالسياره لكل شخص كراسي 2 حتى انام بالطريق وما نتعب قبل السفر خصوصا واحنا محافظتنا تبعد 10 ساعات
عن اسطنبول ولا بيها مطار و لا قطار
ورحنا للفندق با سطنبول وارتاحينا ومن ثم بيوم السفر اجرت سياره فان والسايق عربي ووصلني للباب الي عليه حرف D
للمنتظرين السفر ...
طبعا هو اي باب تدخلوون منه سواء A - B C وتتجهون لليسار ( من اي باب ولليسار دائما الى نهايه قاعه الانتظار )
راح تشووفون الدائره الي معلقه فوك والي مكتوب عليهه Meeting point نقطه الالتقاء
راح تكعدون يمهه ( بالدوره التثقيفيهه يؤكدون ع باب حرف D ) لكن هو مو مهم اي باب وع اليسار دائما
لكن لقرب حرف D من نهايه القاعه ومن خطوط لوفتهانزا
اني طيارتي كانت ساعه 5 الفجر لكن اني من ساعه 9 بالمطار
وزين سويت لان طريق المطار جدا ازدحام تكولون سيطره اكو
وسياره سياره تمشي .... بعد ساعه بدت العوائل تجي وكان اغلبهم معانا اما بالفحوصات والدوره او بالمقابلات يعني الاغلبيه عرف
وبقت عندي فلوس تركيه حولتهه بالمطار
تقريبا ب 25 مابين عائله وسنكل ومعانا ايرانين وانقسمنا بعد مجيء موظفي الاي او ام الى قسمين قسم كان الترانزيت مالتهم المانيا
والقسم الثاني كان الترانزيت هولندا
وبعد التاكد من الاسماء والتوقيع ع اوراق قسط الطياره ووزن الحقائب انطلقنا الى ختم المغادره
ملاحظه اكو ميزان داخل المطار لوزن الحقائب يعني حتى لا تدوخون ويصير مقابيلكم تماما ردت اخذله صوره لكن اتعاجزت هههه
وزنت بي الجنط مالتي وحتى وزنت نفسي
والنكته انو كل جنطه كان وزنهه لو 8 كيلو لو 9
واحنا اخذنا بس 4 جنط اضافه الى الهاند باك 3 ما اكدر اشيلهه وحدي كان من حقنا طبعا 6
لكن لمرض والدتي لازم وحده تلزمهه حتى تمشي واني وحدي المسؤوله عن الجنط لذلك اخذت عدد قليل
حتى الهاند باك موظف الاي او ام كال شيلي وحده بس لان تعبكم بالمطارات بسبب وضعكم واخذت بنصيحته وظميت وحده واخذت 2
وبالفعل مثل ما كال تعبت منهه همزين سمعت الكلام
ختموو من بعدهه الضباط بختم المغادره والحمد لله بدون عراقيل لاي شخص او عائله الامور كانت جدا سلسله
وصعدنا الطياره المتجهه الى المانيا وخلنا احنا بالمقدمه بسبب وضع الوالده وباقي العوائل العراقيه والايرانيه بالقسم الثاني بعدنا
وطلعوومن الباب الخلفي بالمغادره
وجبه الاكل كانت طيبه حبيتهه والمضيفات جدا محترمات واخذت وياهم صور
نزلنا بالمانيا واستقبلتنا موظفه وحده اتاكدت من اسمائنا لكن اني ما حبيتهه جدا كانت فاهيه وبارده واتعاركت وياهه
كتلهه تشوفين والدتي شلل وكاعده ع كرسي وانتي تدخلين العوائل والرياجيل قبلنا وكلهم صغار ويكدرون يمشون غير احنا اول شي ههههه
ما اكعد راحه المهم مشينا وراهه وصعدنا بمصعد كلنا ومن ثم مشي لغايه الدرج الكهربائي الي يصعد للطابق الثاني اكو متروو
ياخذنه لمكان البوابه
طبعا هي عافتنا يم المتروو وراحت وكالت انتوو كملوو ع البوابه الي احنا نعرف رقمهه ورمزهه طبعا ومشينا كلنا العوائل ورحنا وحدنا للمكان
وكعدنا اتصور كان الترانزيت شي ساعه او 2 بعدين بدوو ينادون ع الرحله الى ميامي والي كانت وجهتنا
كتلهم رحوو اسالوو شوفو هاي رحلتنا راحوو واكو بيهم شخص مترجم وع اساس متمكن رجعوو كالوو لا مو رحلتنا
بقووو ينادوون ع ميامي حتى الموظفه كالت لطفا
ما ارتاحيت رحت سالت اني وجان تطلع رحلتنا هي نفسهه الي ينادون عليهه جان فاتتنا طبعا
المهم كالوو تعالوو احنا اول شي والباقي بعدنا نفس الوضع المريض بالمقدمه واول شي يدخل الطياره وباقي المسافرين بعده
الطياره واسعه والشاشه موجوده وبيها خط الرحله والارتفاع بس مو مثل ما وصفوهه الاخوه حسيتهه مال الملاعيب ههههه
اما الافلام صح حديثه كلهه لكن كلهه شايفتهه اني للاسف
وجبات الاكل ما حبيتهه ابدا بيها طعم ما طيب بس الحلويات الي وياهه زينه جابوو وجبتين تمن ودجاج وبروكلي
والوجبه الثانيه تمن ولحم طعمه غريب ... لكن العصائر والمشروبات مستمره ع طول الرحله كل شويه ويجوون وحتى لو ردتوو اكثر تكدرون تروحون ع المطبخ للمضيفه وتطلبون عادي جدا
انصح العوائل وخصوصا الي عدهم اطفال ان ياخذون بطل مي فارغ وياهم يفيدهم بالطياره وبالمطارات لان تدرون الحمامات ما بيها مي
بعدهه وصلنا الى ميامي وبانتظارنا كانو موظفي الاي او ام وعددهم 4 جدا محترمين اخذونه وخلصوو الاجراءات بالمطار من بصمات وصور وبعدهه للفندق الي كان جدا مرتب ونظيف واسره واسعه وكوفي موجود باي وقت بالبهوو
وانطوو اوراق لوجبه العشا مجرد تنطي الورقه الي بيها الاسم لابو الكافتيريا وينطيك وجبه الاكل بعلب لكن جدا جدا ما طيب ولا اكلنا
كان تمن ودجاج مشوي بس شربنا الكوكا طبعا بدون مي انتوو لازم تشترون
وقنينه المي الزغيره ب 3 دولار واني اشتري وفرحانه بينما هي بره بالاسواق ال 40 بطل مي ب 10 دولارات
ثاني يوم توجهنا لمطار ميامي وتفتيش مع نزع الاحذيه انصح الشباب ان يلبسون التراكسود افضل الهم والاحذيه الرياضيه
لان كل تفتيش ونازعين الاحزمه
طبعا تخلون الجنط واكياس الاي او ام والجنط اليدويه والهاند باك بكونتينر بلاستيك ويدخل للتنفتيش
ومن بعدها توجهنا للطياره
طبعا اتقسموو العوائل قسم ما اجوو للفندق كانت رحلتهم نفس اليوم وقسم بقوو بالفندق لان كانت رحلتهم بعدنا بساعات وقسم بقوو بمطار ميامي والقسم الباقي الي طاروو واني من ضمنهم لمطار هيوستن وكان عدنا هناك ترانزيت لمده 7 ساعات بمطار هيوستن ضجنا وتعبنا
الى ان طرنا ووصلنا
حاليا احنا ببيت الكفيل الي هو خارج امريكا وتركلنه بيته
الى ان نشوف سكن مناسب النه وبعدني حاليا دا اكمل الاوراق المطلوبه
وسيارتي جاهزه محضرهه الكفيل الي بمجرد اطلع السوشل اروح امتحن لان شي جدا ضروري السياره
احنا بسرعه اندمجنا من كنا بالمطار لان كلنانحجي انكليزي ما عدنا مشكله وحتى مقابلتنا مع المحلف والمقابله الي قبلهه ايضا خلصنا بالانكلش ... نصيحه الي متمكن خلي يحجي بالمقابله بعد الاستئذان من المترجمه طبعا
ملاحظه بالنسبه للجنط اشكر احمد مالك الي نصحني بعدم اخذ جنط اليوان ابد
وبالفعل ما اخذتهه اخذت هاي النوعيه الي بالصوره
وجدا فادتني لان جنط اليوان كلهه اتشككت وبعدهم ما مسافرين بمطار اتاتورك
طبعا اريد اكتب بعد بس اخاف منكم ههههههه لان كتبت هواايه ... يله ميخالف كل يوم اقروو جزء
وشي ثاني حبيت اضيفه الي مشتغل مع الامريكان التجييك الامني عليه يكون اكثر من الشخص العادي لذلك يتاخرون العاملين
مع الامريكان ع الرغم من قوه القصه ا
بحيث احنا من كان الملف عند اليوان كان اكوو تجييك امني بسبب العمل من وزاره الامن القومي
للاسف ما اكدر انزل الكم الرساله لان بيها تفاصيل هواايه لكن حتى تتأكدون من هاي النقطه
لان هوايه يسالون متى يبدأ التجييك الامني
اضافه الى انوو احنا راسلنا سيناتور الولايه ودزلنه ايميل بي تفاصيل مقابلتنا ووقت الفحوصات الي سويناهه وحتى وقت وصول الملف لامريكا لغرض التجييك الامني بعد المحلفين والوقت المتوقع لوصلنا وبالفعل مثل الوقت الي حدده وصلنا
هاي معلومات جائز تفيد الي يسأل
واخيرا تحياتي للجميع واني دعيت للكل بالسفر والوصول وان شاء الله اسمع اخباركم المفرحه واني متواصله معاكم دائما
التصويت
