الرجاء الكل تدخل موضوع يهم الجميع

[علي النعيمي]

شفت بالفترة الاخيرة كثير من الاعظاء يشكون عدم السفر من قبل الاي او ام بس اكللهم شي واحد اول وتالي كلشي قسمة احتمال رب العالمين مكاتبلكم تسافرون ذاك الوكت شتسوون خلي نحجيهه بصراحة بالنسبة الي سلمت امري بيد الله لانو هوة قاسملي كلشي واخوية سهم التميمي يكول الجدد والجدد يمعود اخوية هاي اني كبالك مستلم مغلف يوم 24\3\2012 والله وكيلك كلشي ماكو اسمع اكو سفر من وجبتي واعرف ناس بس اني واخوتي بالمنتدى الي من وجبتي مدااسمع بيهم مسافرين ليش مااعرف كلشي قسمة وبالنسبة الي اني من سنة 2009 بعمان وظل ملفي سنة بالتوطين وقابلت 3 مرات توطين يلة تحول ملفي للاي او ام وهسة يلة كملت وبعدني انتظر واكول الحمدلله على كل حال واخوية الن وكرادي مغترب ويندتالكر رفاق الدرب يعرفون قصة حياتي خخخخخخخخخخخ واكول كلشي قسمة خلو ايمانكم بالله ولاتفكرون بيهة لانو اني سويت هيج ملتهي بحياتي الى ان الله يأمر بش ثاني كولو يالله
تحياتي للجميع

[البغدادية2]

بس اذا تجي للواقع هووو ديحجي صح بس همى ديراوسون منى ومنى  بس عندي صديقتي والله اني مقدمه من 2009 الى حد مكملين كلشي  وكاعدين ننتظر رحمة الله وهي ورانا يمكن بنص 2010 وحاليا هي بتكساس لا والاظبط انووووو زوجها كان عقيد بالجيش السابق والجيش الحالي  ( بخت لو مووو بخت ) واحنا لا بالأول ولا بالتالي

[علي النعيمي]

بس اذا تجي للواقع هووو ديحجي صح بس همى ديراوسون منى ومنى  بس عندي صديقتي والله اني مقدمه من 2009 الى حد مكملين كلشي  وكاعدين ننتظر رحمة الله وهي ورانا يمكن بنص 2010 وحاليا هي بتكساس لا والاظبط انووووو زوجها كان عقيد بالجيش السابق والجيش الحالي  ( بخت لو مووو بخت ) واحنا لا بالأول ولا بالتالي

اتوقع الشغلة شغلة حظ للاكثر ولااقل وشوكت يمشي الحظ مااعرف

[سهم التميمي]

اخوية  علي النعيمي انت غير معني اني دااحجي حالة داشوفها  كدامي ودتتكرر انت غير مقصود  اخوية العزيز

[سندريلا]

شكرا اخ علي عالموضوع والشغله كلها قسمه ونصيب ربنا شكاتب يصير احنا من 2007 مقدمين وقبل سنه و3 اشهر استلمنا المغلف وصابرين ولله الحمد

[علي النعيمي]

اخوية  علي النعيمي انت غير معني اني دااحجي حالة داشوفها  كدامي ودتتكرر انت غير مقصود  اخوية العزيز

اعرف والله غير مقصود بس صدكني اني هم مدااعرف شديصير منو ديمشون مااعرف بحيث كل اسبوع ادزلهم ايمل الة اخبلهم  

[سهم التميمي]

اخوية  علي النعيمي انت غير معني اني دااحجي حالة داشوفها  كدامي ودتتكرر انت غير مقصود  اخوية العزيز

اعرف والله غير مقصود بس صدكني اني هم مدااعرف شديصير منو ديمشون مااعرف بحيث كل اسبوع ادزلهم ايمل الة اخبلهم  

هههههههههههههههههههه   شنو كل اسبوع  اني بين يوم يوم  راح  اهججهم   

[ArUsH]

عمي احنه مخضرمين قولاً وفعلاً 

اعضاء هلمنتدى 

سبحان الله يمكن مكتوبلنه نبقه آخر ناس 

[kh_basrawy]

اخوانييييييييييييييييييييييييييييييي   الصبر مفتاح الفرج

[البلدوزر]

اخوانييييييييييييييييييييييييييييييي   الصبر مفتاح الفرج

صح لسانك بس منين انجيب صبر

[الريم 2000]

انشالله يارب الكل تسافر وربكم مايخلي بعبده لا ولله دعائي الكم بلخير للجميع يارب-----الريم

[alomaree]

السلام عليكم
اخوان اني مو كلش جديد ولا قديم اجيت سنة 2010 واستلمت مغلف 12/9 /2011 ( تعليق ) ولحد هسة كلشي ماكو بس من خلال الناس اللي اعرفهم ما شفت ولا واحد طلع منهم لا قديم ولا جديد يعني اعرف تقريبا 10 كيسات 2 منهم صار مستلم مغلف من سنة 2008 ومكمل كلشي والبقية مشكل جديد وقديم والخلاصة باعتقادي انه التسريع للي مشتغل ويه الجيش الامريكي سواء هنا مقدم او من بغداد واللي يخليني اعتقد هذا الشي انه صارت عملية التسريع بعد ما صار ضغط على الحكومة الامريكية وهذا الشي تناولتة الاخبار قبل كم شهر وكالوا سيتم حسم ملفات اللاجئين العراقين والمقصود العاملين مع القوات الامريكية واعرف عائلة مسيحية تحددلهم موعد سفر يوم 12/6 وهمة الوحيدين من اللي اعرفهم اجاهم موعد سفر وللعلم همة مستلمين مغلف وياي بتاريخ 12/9/2011 ومقدمين من اي او ام مباشرة واجو شهر 6 سنة 2011  وياريت كل واحد منكم خلي يجيك يعرف  كم واحد منهم  مستلم مغلف واجا موعد سفر وشنو قضيتة من اليو ان لو اي او ام لو اس اي في .
سلامي للجميع

[روزة اليرموك]

والله بالنسبة اني من جماعة الاخ علي النعيمي يعني مستلمة الظرف 24-3 يمكن تعتبروني جديدة بس بالحقيقة لا مو جديدة لان اني من 2007 مقدمة عليوان وكان زوجي مسافر ومن اجة بال 2009 انضفنة سوة بالورقة وبال 2010 طلعلنة التوطين وهسة قبل هرين يلة استلمنة الموافقة المبدئية الي هية موافقة المحلف وبعدنا دنتظر الامنية الحبابة ومن اخر اتصال الي بالمنظمة كلي انتوا انعادت الامنية عليكم مع الاسف وهسة انتوا بالمرحلة الاولى منها الي هية الclass وطبعا مثل متعرفون مخطط الامنية وراهة يدخل ال sao وبعد اجراءات ميعلم بيهة غير بس رب العالمين فبعد ياتسريع ياجدد الله يخليكم مواحنة موبس طرشي موحتى الطرشي حشاكم حمض 

[charles williams]

بس اذا تجي للواقع هووو ديحجي صح بس همى ديراوسون منى ومنى  بس عندي صديقتي والله اني مقدمه من 2009 الى حد مكملين كلشي  وكاعدين ننتظر رحمة الله وهي ورانا يمكن بنص 2010 وحاليا هي بتكساس لا والاظبط انووووو زوجها كان عقيد بالجيش السابق والجيش الحالي  ( بخت لو مووو بخت ) واحنا لا بالأول ولا بالتالي

اتوقع الشغلة شغلة حظ للاكثر ولااقل وشوكت يمشي الحظ مااعرف

السلام عليكم ....

ولعل الذي أبطأ عني هو خير لي لعلمك بعاقبة الامور


أخويه والله ما كو شي أسمه حظ ......

بسم الله الرحمن الرحيم ( وما تدرى نفس ماذا تكسب غدا وما تدرى نفس باى ارض تموت )


عمي والله مو بكيفنا ..... و أسأل الله جل جلاله أن ييسر أمور عباده

[علي حمدي احمد]

مرحبا اخوان ارجو تقبل مروري
اخ علي النعيمي شلونك والله كلامك ذهب اني هم من وجبة 24/3 /2012  واتصلوا بكفيلي وراح وقع ومكمل كل شي بس بصراحه محد مسافر من وجبيتنا غير قليل جدا مايتجاوز الخمسه هسه اكثر شي جماعة شهر 12 وشهر 9 /2011  وبصراحه وبعد التعليقات اللي دا اسمعها من بعض الاخوه وتذمرهم من سفر بعض الناس اللي اجدد منهم والله اذا صار اي تطور بملفي او ينطوني خط رحله راح اخاف احجي مو خوفا من حسد ولكن خوفا وحرصا على مشاعرهم
اخوان كل انسان ياخذ نصيبه وكل ملف له خصوصيته لان يجوز واحد جديد مقدم ولكن حالته تتطلب السفر اكثر من غيره من القدماء
وسبحان الله كل انسان يتفائل ويفوض امره الى الله ومايباوع على غيره الله يسهل امره
تمنياتي للجميع السفر القديم

[كرادي مغترب]

حبيبي علوش

والله انت ورده واخ عزيز علية والله يشهد وان شاء الله يسهل امرنا بأسرع وقت امين يارب

وفعلآ اذا الله قاسملنا انسافر  نسافر ان شاء الله والي الك ميصير الغير مهما كان السبب

بس اهم شي واحد يصبر نفسة فانه الله مع الصابرين والحمد الله على كل حال

تحياتي الك ورده 

[unfaithfull]

السلام عليكم
والله يا اخواني اتمنى الله ايعينكم على ما بلاكم واتمنى من كل كلبي اتحصلون متتمنوه انتوه وعوائلكم يعني احنه اهناه بالعراق واليوم علينه ابسنه اشلون انتوه اهناك وغربه وشغل ماكو وتعب نفسي وقهر والله صعبه ورسول الله ايكول احبب لاخيك ما تحبه لنفسك واتمنى من كل كلبي الي اتمناه ال نفسي ايصيبكم ودعائي خالص لله سبحانه وتعالى انه ايفرحكم قريبا بالسفر وانشاء الله تستقرون انتو وعوائلكم .... يا رب التوفيق سلامي