الصابرين على الاي او ام

[فارس البغدادي]

http://
مساء الخير اخوان اتمنى ترحبون بيا بهذا المنتدى الراقي اذا كان مرحب بيا اني عضو جديد ومتابع صارلي سنتين ونص قدمت على الاي او ام من شهر الواحد 2010 ولحد الان بس مقابلة اولى مسوي وفحص وكثرة الانتظار تعبني وبديت افقد الامل بس حبيت اشكر ادارة الموقع لان فد متنفس النا كلنا احنا الصابرين على مسالة اللجؤ فاكيد حالي حال الاف مثلي بس اكو واحد قدم وياية بنفس هذا التاريخ
صراحة اريد فد جرعة مسكنة راح نبقى العمر كله ننتظر لو شنو لان حياتنا كلها متوقفة نخاف نشتري باكيت كلينكس نكول ورانا سفر وما انريد نحرم الفلوس فالحل يا اخواني هل اكو حل لو الموضوع هيج للضحك وسلامي للجميع اخوكم النعيمي

[windtalker]

يااهلا وسهلا بحضرتك اخويه كل الهلا بيك بين اهلك انشاالله

[مــودي]

شرفتنا اخوية بالمنتدى ,,وان شاء الله الاخبار راح تكون احسن الايام الجاية ,,تحياتي

[سهم التميمي]

ان الله مع الصابرين

[عذاب]

حبيب كلبي عالراس عالراس كل الهلة بيك عين غطة و عين فراش بالمناسبة اني قبلك ب شهر مقدم بس اني مخلص كلشي هاي شعجب هيج انتة وللة عجيبة هذولة الاي او ام ولله اني شفت العجب بهذولة الناس خرقو قوانين مو بس الفيزياء خرقو كل القوانين تحياتي الك والسفر العاجل اخوي العزيز
اخوك المخضرم عذاب

[السفر املي]

حبيبي اخوية نورت بتواجدك ويانة
اخوية العزيز اني مقدم في الشهر 10  2009 يعني قبلك تقريبا ب3 اشهر وهم نفس الحالة بس مقابلة اولى وفحص طبي وربك يسهلها ويستر علينة

[Eveleen]

مثلك
تقديم 2010 مقابلة اولى وفحص طبي الشهر السابع 2011 وصار سنه ماكو شي

[ابو سمر]

اهلا وسهلا بيك ويانه
وان شاء الله منبقه هيج
كلشي اله نهاية

[safa_t]

سلام عليكم
اخوي العزيز اني مقدم قبلك وقبل اغلب الاخوة الي كتبولك اني مقدم بشهر 9 سنة 2009 ولحد الان بس مقابلة اولى وفحص طبي صار اكسباير وما شكلهم راح يسفرونا بصراحة لان ما مهتمين بينا وهوايا كيسات بعدنا بكثير سافرو وهسة عايشين والله مسهللهم بس احنا من المغضوب عليهم بالدنيا وبالاخرة اكيد وبالعراق وبغير العراق.
تحياتي