ممكن مساعدتكم

[عراقية بغدادية]

السلام عليكم
احنة قدمنة على منظمة IOM سنة 2008 وتم فصل ابني ب case لوحده وتم رفض طلبنة لان زوجي كان بأحد الدوائر الامنية لكن ابني قبلوه وسافر للولايات المتحدة منذ سنة 2010 وقدمنا استئناف ورفضوه مرة ثانية..
ممكن تساعدوني وترشدوني شنو الحل؟؟؟
مع انه اني قرأت بهذا المنتدى انه الشخص اللي يتم رفضه يرفض لوحده وعائلته تسافر لان ما مرفوضة
وهل ابني اللي بامريكا يكدر يسويلنة شي من امريكا؟؟؟

[ألن في بلاد العجائب]

نجي هسه نفصلها

1-ابنج سفروه لان كيسه وحده و عابر ال 21 و معنده شي ممكن يرفضوه علموده

2- انتي مشكلتج ويا زوجج بنفس الكيس و لذلك انرفضتي وياه

3- ماطول الرفض امني و اعتبروه شخص كان يعمل بدائره امنيه سابقه مرح يفيدكم بعد شي و لا ابنكم رح يكدر يسوي شي مناك

[عراقية بغدادية]

شكرا على الرد سؤال ثاني هل يمكن ان نسافر زيارة الى امريكا

[windtalker]

نجي هسه نفصلها

1-ابنج سفروه لان كيسه وحده و عابر ال 21 و معنده شي ممكن يرفضوه علموده

2- انتي مشكلتج ويا زوجج بنفس الكيس و لذلك انرفضتي وياه

3- ماطول الرفض امني و اعتبروه شخص كان يعمل بدائره امنيه سابقه مرح يفيدكم بعد شي و لا ابنكم رح يكدر يسوي شي مناك

+1
واظيف شيئ انتي تكدرين تفصلين الكيس مالتج عن زوجج وتقدمين استئناف انتي بالبدايه راسليهم وشوفي يقبلون او لا طبعا هاي اذا انتي رايدة تسافرين وحدج يعني بدون زوجج!

[ألن في بلاد العجائب]

شكرا على الرد سؤال ثاني هل يمكن ان نسافر زيارة الى امريكا

اي ممكن زياره لكن فرصتها ضعيفه !
و تكدرين انتي تروحين لان معندج مشاكل امنيه

[عراقية بغدادية]

اعتذر على الاطالة هل يمكن ان اخذ اولادي معي اعمارهم بين 22و9سنوات مع تقديري