بديت مرحلة جديدة في الاي او ام

[فارس البغدادي]

اليوم بديت مرحلة جديدة في الاي او ام فبعد سنتين ونص من الانتظار وتضمنت مقابلة اولى وفحص طبي

 اليوم فقدت الامل وبديت بمرحلة الالم .

الالم على الايام اللي صرفتها بالانتظار والترقب واي وهسة واليوم وباجر فاكول حسبي الله ونعم الوكيل عليهم والف الف عافية على اللي هاجروا .

[نوار التميمي]

اخويه النعيمي اني هم تره صارلي سنتين ونص انتظر بعمان .. واكثر من مره فقدت الامل .. بس نتأمل بهاي التسريعات الجديده انو نسافر ونخلص .. خلي املك برب العالمين جبير وتفائل وان شاء الله يصير خير

[ابو سمر]

يفيدك بشي اذا اكلك بعدلي شهرين واقبط سنتين واني لا مقابل ولا اي شي
كلنه هيج اخويه
الله كريم

[saeedsaeed]

اذا الاي او أم يأست منهم زين هم يأست من رحمة الله
توكل على الله ولا تخاف

[طيارة ورقية]

اني اخوي بعد 3اشهر اكمل ثلاثه سنوات انتظار   واملي برب العالمين كبير  لاتيئس من رحمه ربك  هذا الحنان المنان

[فراس الصيادي]

سلام عليكم

(عسى ان تحبو شي وهوشر لكم وعسى ان تكرهو شي وهو خير لكم)

اخي النعيمي كلنا بنفس التيار اني من سنة 2009 مقابل ولحد في سوريا وتعرف الاوضاع صارت اتعس من بغداد فاراح استخار رب العلمين انشوف وين الله يسهلها نرجع للعراق لو ......... حسبي الله ونعم الوكيل

[مــودي]

مساء الخير للكل,, اخوية العزيز كَول يالله ,,وان شاء الله الايام الجاية احسن ,,تحياتي

[Ehab_Thommas]

سلام عليكم

اني نفس الفلم على لقطة جديدة من سنة 2008 مقابل ومخلص وفد وية عائلتي كامت الامم قسمت ملفي عن ملف اهلي لان همه مخلصين امنية وسافروا الاميركا واني بعدني بسوريا ما اعرف شدينتضرون مدينطوني الفيزة ... الله كريم

[فارس البغدادي]

يا الله يا رب العالمين  بعزتك وجلالتك وبحق نبيك المصطفى الهادي الكريم وبحق ليلة الاسراء والمعراج يامن رفعت السماء بغير عمد نسالك ان تفرج علينا اذا كان في هذا الامر خير لنا

بارك الله فيكم اخوتي واشكر مشاعركم ووقفتكم وياية واحنا ممكن نياس من كل شي بس من رحمة الله ابدا لم ولن نياس يوما وحقيقة اشكركم من صميم قلبي .

[kamalzakhoy]

وآني هم سنتين واربع شهور بس تجييكات امنية و لحد الآن ماكو شي وهسة حالياً د أكتب وآني احس بالخناق النفسي والله دمرنا بس اش نسوي  الله كاتبها علينا هيجي والحمد لله على كل حال ونسأله الرحمة والمغفرة وأن يفرج عنا جميعاً آمييين.



تحــياتي
كــمال زاخــوي

[ابو هفال]

سنة و4 اشهر وما عندي امل او ما اتصور اطلع

[/size][/color]