المحرر موضوع: ꁀ قصيـــدة شـــعبيّة : أگعــد .. تعال خلّ نتعاتـــب آنـا ويـــــاكꁀ  (زيارة 1854 مرات)

0 الأعضاء و 1 ضيف يشاهدون هذا الموضوع.

غير متصل نادر البغـــدادي

  • عضو مميز متقدم
  • *******
  • مشاركة: 12144
    • مشاهدة الملف الشخصي
    • البريد الالكتروني



   بقلم / أســــير الحبّ :

 اگعد تعال وخل نتعاتب آنه وياك
 وخل الناس تحكم لتخليها سكته

 سولف كل اللّي جرى وصار
 وبعد ماتسولف هم رد سوالف انته

 وشما ما عندك سوالف طلعها يفلان
 وگلهم لآجل هالسوالف آنه عفته

 ماعندك عذر صدگني مقبول
 وزرع العشگ بلا ذنب دسته

 ولا عندك سبب وتهجرني يفلان
 وبلا عذر بنيان العشگ هدمته

 وماعندك سبب وتبتعد عني تروح
 ورد العشق ياحيف بجفاك ذبلته

 شتسولف وشتحچي بعد شتگـول
 تگـول انه الغلطان من الاول عرفته ؟

 شنهو البدر مني غلط بس گـول
 حتى تگــول لهذا السبب فارگــته

 ماعندك عذر مقنع ومقبول
 بس طبع الغدر بيك وللعهد خنته

 شو ضليت ساكت ماتحچي وك ليش
 بس ماعندك حچي وسكتت فد سكته

 خل احچــي انه لعد وخل تحكم الناس
 وتتورچ ع المرار المنك آني شفته

 چنت اسمعوني زين ياناس
 احبه وبحبي حتى العشگ جننته

 ماقصرت ابد وياه ولا فد يوم
 وبدمي العشگ يسري وبروحي صنته

 ومن نسيم الهوه جنت اخاف عليه
 وبنص الگمر مرسوم ألــه رسمته

 ياما تغزلت وكتبت بيه اشعار
 وخلصن الچلمات من كثر الشعر الأّلفته

 وان چــــنت مجنون ليلى متعجب وكاتب شكم بيت
 الاف من القصايد شعر البيه انا كتبته

 چنت اتامل جمال الكون بشفاه
 واتذكر الوردات من اشوفن وجنته

 چنت اوصف دلال البيه
 وكل چلمة تطلع وي نبض الگلب وي دگته

 ضميته بوسط الگلب ياناس
 ومو قفل واحد بقفلين گلبي قفلته

 حبيت التراب اليمشي ويدوس عليه
 وبدموع درب العشگ وردات انه زرعته

 حبيتك وك اكثر من الروح
 والعمر لجل رضاك انه نذرته

 تاليتك تقابل الزين بالشين
 وبسيف الغدر گلبي ولـك ليش گطعته

 اذا أنا عايل احچو انتو ياناس
 وخل واحد يگــول الخاين انته

 ماخنتك ابد والله ولا يوم
 انته الخنت زادي والملح خنته

 انته الگطع حبل المودة يفلان
 انته البيدك ذبحت گلبي ودفنته

 خل تحچي هل وادم ارضه بكل حكم يحچوه
 مو تطبق بيّـــــه حكمك الأصدرته

 انته الخصم وميصير تحكم يوم
 وان صار الخصم حاكم يحكم اكيد لمصلحته

 وقبل لا تحكم علينه الناس
 اريد اسمعك كلام مني ابد مسمعته

 بعد ما افكر بعشگك ولا لحظات
 ماريد اتذكر المايسوه وتذكرته

 بطلت احبك واسولف بيك
 خسرت كلشي بحياتي والسبب انته

 ومن اليوم تلگاني غير انسان
 بس مو مثلك اصير يدور بس على مصلحته

 راح اعشـگ عشـگ ثاني اكيد وارتاح
 وابقه انته وحدك بلاعشك تبقه بحسرته

 محد يحبك مثلي ويخاف عليك
 انته كسرت حبي الك وبغدرك تره ضيّعتـــــه

 ومحد يحب الخان العشره بيوم
 احصد الشوگ البيدك .. انته زرعته !!!

 المصدر / منتديات دارمــــي كــــوم .



غير متصل اسعد الزبيدي

  • عضو مميز جدا
  • *****
  • مشاركة: 3985
  • الجنس: ذكر
    • مشاهدة الملف الشخصي
عاشت ايدك  خوني

          الجمال  والنور  يأتي  من  مشكاتكم 

             فلا  تبخلو  علينا  ببصيص ضيائكم


            تحياتنا  يا  غالي
اذا تعبت من الاحسان

فأن الاحسان يبقى ويزول التعب

غير متصل نادر البغـــدادي

  • عضو مميز متقدم
  • *******
  • مشاركة: 12144
    • مشاهدة الملف الشخصي
    • البريد الالكتروني



   اخي وصديقي الغالي
     ☀أسعد لزّبيدي ☀
        اسعدني جدّاً
          ردّكم اللّطيف ؛ ومداخلتكم الزّاهيـة !
             خالص ودّي وآعتـزازي .

غير متصل nasir yako

  • اداري
  • عضو مميز متقدم
  • ***
  • مشاركة: 15894
  • الجنس: ذكر
  • حبيبي شلون حالتكم بعدنا..
    • مشاهدة الملف الشخصي
عاشت ايدك خوني بابا عابد عالكلمات  الحلوة المنقوله النا...

غير متصل نادر البغـــدادي

  • عضو مميز متقدم
  • *******
  • مشاركة: 12144
    • مشاهدة الملف الشخصي
    • البريد الالكتروني



   شكراً خوني ابو نشوان للمشاركة الحلوة !

     تحياتنـــــــا .

غير متصل MUNIR_QUTTA54

  • عضو مميز
  • ****
  • مشاركة: 1966
    • مشاهدة الملف الشخصي

   أبو المثل يكول اليحب يرضى العتب لو راد

   ألدنيه من غير الحب ماتنراد ..  

   أنا لأأهتم أن كان منقول لكن أهتم بأن

   أخي الطيب بابا عابد يأتي بما هو راقي

   وفيه المعالجه والعطاء بالأسترقاء ....

    شكري مع تحياتي لعزيزي نديم .

   سلام الرب معك

    منير قطا

غير متصل نادر البغـــدادي

  • عضو مميز متقدم
  • *******
  • مشاركة: 12144
    • مشاهدة الملف الشخصي
    • البريد الالكتروني



   اخي وصديقي الغالي
      ♧ منير قطـــــا ♧
          عندما تطلّ علي كلماتكم الزّاهيــة ..
             تنقلني الى عالم الرّومانسيّة !
               أشعر بأن الدّنيا لا زالت بخير !
                  كونَ وجود يراعكــم الذهبي
                     يشدّ من أزرنــا ..
                        ويمدّنـا بروح المحبّـــة الصّادقـة !
                          دمتُم لنا يا أعـز الحبايب ..