ارجو النصيحة من اعضاء SIV الي قابلوا مؤخرا

[Birch]

السلام عليكم

اخواني و اخواتي الاعزاء الي تم مقابلتهم SIV  ,ارجو النصيحة بخصوص اهم النقاط الي يتم التركيز عليها اثناء المقابلة.


مع فائق الشكر و التقدير.............

[رافت العراقي]

 اخويه العزيز المقابله سهله جدا جدا وما طول اكثر من عشر دقائق

 راح يسألك الموظف عن الخدمه العسكريه وعن عملك السابق وعن التهديد

طبعا هو  كلش متفهم للامور وما راح يسألك عن التواريخ القديمه مثل قبل ,, هسه المقابله اختلفت هواي وصارت سهله كلش

وحاول تاخذ كل الاوراق والمستمسكات وياك ولا تاجل اي شي بعد المقابله

تحياتي والله يوفقك ان شاءالله

[ابو سمر]

لاتخاف ولاترتيب
كلش سهله دقايق مطول
واني قابلت بالرابع هسه استلمت فيزة

[رافت العراقي]

الف ترليون مبروك ابو سمر
انشاء الله بالتوفيق و السفر بأسرع وقت بس اذا امكن عندي يعض الاسئلة اتفيد كل الاخوة الي ينتظرون الفيزة

1- انت خادم عسكرية لو لا.
2- اشتغلت مترجم لو ويه شركات .
3- كم دولة سافرت الها لو ممسافر.
4- الكيس بس انته بيه لو عائله .

و الله هاي الاسئلة محيرتني و محيره هوايه من الاخوه في هذا المنتدى.

 يعني هاي الاسئله ممكن اتأثر على سرعة المعامله لو شنو
 يعني اللي مخادم عسكريه و مشتغل مترجم وما مسافر او وحده بالكيس الهه علاقه بتأخير وتسريع الاجراءات

تحياتي

[رافت العراقي]

لاتخاف ولاترتيب
كلش سهله دقايق مطول
واني قابلت بالرابع هسه استلمت فيزة

 الف مبروك اخويه ابو سمر
ان شاءالله بالتوفيق

[مروكي]

حبيبي حته التهديد ميركز عليه , يعني اني سألني مهدد لو لا جاوبت نعم و مسأل عله قصه او شي !

[Birch]

شكرا اخواني رافت العراقي و ابو سمر و مروكي و يسلموووووووا.

الف مبروك اخوية ابو سمر و موفق ان شاء الله.

يعني باختصار اهم النقاط الي يتم التركيز عليها هي: 1.تاريخ العمل. ,2.التهديد. ,3.الخدمة العسكرية.

شباب اذا اي واحد عندة معلومة لا يبخل عليه و الله يوفقكم مقدما .

تحياتي

[مروكي]

حبيبي هوه ميركز عله موضوع معين , مجرد يسألك اسئله مثلا تاريخ العمل , مسجون او لا , مهدد او لا ,  مسافر خارج العراق لو لا ,  حالتك الزوجيه ,  اسئله سهله وروتينيه ونادرا ما يدخل في التفاصيل لنقطه من هذه النقاط , بشكل عام المقابله متطول اكثر من 15 دقيقه الا اذا عندك مثلا نقص بالاوراق او استماره مماليهه !  ماركي

[Birch]

شكرا اخوية العزيز مروكي على الاجابة و ممنون منك حبيبي الغالي.

عندي استفسار بخصوص دفتر الخدمة العسكرية, اني طلبوا مني ان اقدم دفتر الخدمة العسكرية بالمقابلة ,لانه اني رسلت نسخة بالاميل من قدمت على البرنامج .

هل يحتاج دفتر الخدمة العسكرية الى ترجمة؟ لو لا؟ علما دفتر الخدمة العسكرية هو على شكل هوية ؟

[مروكي]

كلشي دزيته بالاميل اخذه بالمقابله حته اذا ممحتاجيه لان احسن من النقص بالمقابله الشي الزايد ميأخرك بس النقص يأخرك , اني مخادم عسكريه فما اعرف بهذا الشي بس اعتقد اذا هوه مو مترجم ترجمه لان حاله حال الجنسيه وشهاده الجنسيه !

[Birch]

شكرا اخوية مروكي و ممنون منك يا طيب.

[مروكي]

بالخدمه اخي !