اخي العزيز جي جي..
الله يحفظكم من كل مكروه ..
اخوية اني قبل فترة كنت بالشمال اوطولت 3 اشهر او اعرف كردستان زين وخصوصاً اربيل، فراح اشرحلك شنو اتسوي لان اني هم فكرت اجيب العائلة او بقيت ادور او ابحوش بس بعدين انتهى شغلي او هسة اجاني السفر فما حولت العائلة الى اربيل فراح اشرحلك شنو اتسوي
1. تجي انت والعائلة او احد افراد العائلة الى اربيل او اتدور بمنطقة عينكاوا لان هي احسن مكان للجاي من بغداد وكذلك اكو منطقة ابر عينكاوا خلف "مارينا "ما أعرف اسمهم بس بس تسال راح ايكلولك عليه اهل عينكاوا لان ايعرفها بيها اهوية من اهل بغداد وسبب اختبارك لعنكاوا كونه منطقة قريب جداً اجواء بغداد وناسها اهوية طيبين او كلها تحجي عربي.
2. الايجار حوالي للعائلة بس مو كبيرة قصدي من 3 الى 4 نفرات طابق ثاني من 300 الى 500 دولار، ابرا ما تسوي العقد اتروح الى الاسايش كشتي لان ما ينطوك كهرباء قصدي ابو المولد بدون ورقة من الاسايش وكذلك لاعداد الاقامة ولا تحتاج الى اي كفيل ابداً.
3. تزركَـ الى سوق الجمعة او هرج او أسال اي كردي راح ايدليك عليه وتروح يوم الجمعة وراح تلكَـ قيامة غراض ورخيصة او احسن ما تشتري حاضر لان الحاضر بيه اهوية خسارة، اخوانا الاكراد اهوية اتحسن وضعها المعاشي لذلك راح تلكَـة اهوية غراض زينة او مو غالية.
4. او بعدين اتعيش احسن عيشة او ايروح منك القولون راساً
لان امان او بيس مو طبيعي او الحياة ترا باربيل اذا انت او عائلتك مو غالية والمسواكَـ رخيص او كلشي زين بس راح تحتاج سيارة السيارة مهمة حيل اهناك لان ما اكو "كياة"
، كل تكسيات، واذا ما عندك فدور على الكوسترات اسأل الاكراد راح ايدلوك عليها وعلى العموم التكسيات كلها من 3000 الى 5000 اقوى شي اهناك ، بس مثل ما كَتلك عينكاوا كلشي متوفر بيها فلا اتروح الى غير مكان احسنلك.
وتخياتي لك اخي وبالموفقية وتسهيل الامور واذا اكو اي استفسار اني جاهز
.
اخوك الوهاج
