اعضاء SIV : هل يحتاج ترجمة دفتر الخدمة العسكرية

[Birch]

السلام عليكم

هل يجب ترجمة دفتر الخدمة العسكرية لمعاملة ال SIV ؟

هل هو مطلوب بالمقابلات ؟ أم لا توجد ضرورة للترجمة؟

علما بأنه دفتر الخدمة العسكرية ( نوع الهوية ) .

مع فائق الشكر و التقدير

[امين عبد الله]

أخي الكريم Birch

اذا كنت من المتقدمين على برنامج ال SIV فترجمة دفتر الخدمة ضروري وهو من ضمن المستمسكات المطلوبة. اما اذاكنت من المتقدمين على برنامج ال IOM فلا علم عندي . واقترح ان تنتظر جماعة ال IOM ليعطوك الجواب

[usaforever]

طبعا اخي ضروري اترجم دفتر الخدمة لانه يطلبوه بالمقابلة

[Birch]

شكرا اخي امين عبدالله و اخي usaforever على الاجابة و التوضيح.

و الله بصراحة هذه الفقرة ما كنت منتبه اله لانه كنت متوقع ممطلوب ترجمتها .ان شاء الله ارجع للنفس المكتب الي ترجم للوثائق المطلوبة و اترجمة.

اكو احد عنده نسخة من ترجمة دفتر الخدمة ( نوع الهوية ) بس اريد اطلع عليها.

شكرا مرة ثانية و ممنون منكم.

[killer007]

حبيبي الغالي

اني اخوك اس اي في لا وديت دفتر الخدمه ولا ترجمته ولا احد سالني عليه ولا احد جاب طاريه واني مسافر بعد كم يوم

تحياتي الك يا ورده

[Birch]

شكرا اخوية Killer  على المشاركة والنصيحة.والله ما اعرف شو اني مسمعت قبل يطلبون ترجمة دفتر الخدمة العسكرية.

[رافت العراقي]

اخويه العزيز اني قابلت قبل 3 اسابيع والموظف سألني على دفتر الخدمه بس اني مخادم عسكريه ودفتر الخدمه مضيعه وكلي ما دام مخادم عسكريه مو مهم

بس اكو ولد قابل ويايه وخادم عسكريه وجان ناسي ايجيب دفتر الخدمه فطلب منه ايترجمه كله ويدزه بالبريد
يعني اذا خادم عسكريه لازم اترجم دفتر الخدمه

تحياتي وبالتوفيق ان شاءالله

[s350thebest]

السلام عليكم
اخوان بالنسبة لترجمة دفتر الخدمة العسكرية
مطلوب فقط صفحة المعلومات لو مطلوب ترجمة اي صفحة بيها كتابة
مثل صفحة السوق الى الخدمة وصفحة التسريح من الخدمة
علماً دفتر الخدمة مالتي من النوع القديم يعني مو من نوع الهوية
ومشكورين مقدماً