اين عدالتكم يامنظمة IOM باصحاب الملفات القديمة واين التسريع الذي اقام الدنيا واقعدها

[mrwan2]

السلام عليكم ورحمة الله وبركاته
طبعا كتبت هذا الموضوع وذلك للالم والحرقة التي تعتلي صدري فلااعرف اصدق من او اكذب من ... لدي اصدقاء كثير ومعارف كثيرة تعرفت عليهم يوم استلام الظرف ولااعرف هل هذا اليوم مشئوم ام ماذا ... لحد الان ارى واقرا الكثير من الاخبار حول تسريع الملفات , نعم التسريع موجود لكن وللاسف اغلبه على الملفات الجديدة لعام 2011 و عام 2012 لكنني لاانكر انك هناك سفر للملفات القديمة لكن ليس بحركة الملفات الجديدة ... هنا انا لااحسد او احقد على اصحاب الملفات الجديدة لكن اقول هم كلهم اخواني واحبتي وابناء بلدي وما اصابهم اصابني واتمنى لهم كل الخير والموفقية ... لكن من خلال تصفحي للموقع ومن خلال اتصالاتي باصحابي خارج الموقع لاحظت اننا اصحاب الملفات القديمة مظلومين واصبحنا من المنسيين ولم تقع علينا عدالة الـ IOM في عملية التسريع واقول ان اغلب اعضاء هذه الجمعية قد حطمت نفسيتهم وتعبت عقولهم من التفكير وضاقت سبل العيش بهم وخاصة ان اغلبهم بدون عمل والهم والغم اخذ كل اوقاتهم ...
والذي يزيد الطين بله عند الاتصال بهم للاستفسار عن الملف فاننا لاناخذ حق ولا باطل منهم ... يعني اين نذهب الى من نلجا ... اظن انه من حقنا الشرعي ان نعرف الان اين ذهبت ملفاتنا ومن الذي يتابع قضيتنا ... كلنا عزاب واصحاب عوائل وكلنا نتحمل مسئولية التي اصبحت اكثر فاكثر عبئا علينا ... نعم اقول الان يجب ان ينظر الى قضيتنا والى كل الملفات القديمة التي ينتظر اصحابها بامل ولهفة لمعرفة نتيجتهم ...اقول ثم اقول حسبية الله ونعم الوكيل ... فاين انتم منا يا IOM بعيدين ام قريبين ومتى تقع علينا عدالتكم  ورحمتكم يا IOM بعد عدالة ورحمة الله رب العالمين .
اتمنى من الاخوان ان يشاطرونني رايهم وهل هناك حل نستطيع ان نقوم به من اجل جعل الاخرين ينظرون الينا كوننا من اصحاب الملفات القديمة .
والله خير الراحمين بعباده .

تاريخ التقديم من 2007
واستلام المغلف في 4/9/2010
الدورة التثقيفية قبل سنه و شهرين
البصمات منتهية لااكثر من سنتين
الفحص الطبي منتهي لااكثر من سنه وست اشهر

اخوكم مروان

[s350thebest]

اي والله ماكو عدالة
الجدد ديسافرون ما شاء الله والله ويفقهم 
بينما العتك 2008 و 2009 نايمة عليهم دبل طابوك 
ليش  ميصير والله تعبنة من الانتضار 
يعني قابل التجيك الامني يحتاج سنوات حتى يكمل 
لا حول ولا قوة الا بالله وحسبي الله ونعم الوكيل.

يا الله  .

[ملت روحي]

هذا اللغز محد ديكدر يجاوب عليه ليش ملفاتنة مدتتحرك شبينة احنة جررررررررررررررررررررب ؟؟؟؟؟؟؟؟؟؟؟؟؟؟؟

ميريدونة احنة جماعة 2008 خلي يرفضونة ويفضوهة دنخلص من هالعذاب ...

مع اعتزازي الشديد باهلي واخوتي الجدد واتمنالهم الموفقية والسعادة ... والموضوع مو يمهم همة مو صوجهم ولا الهم دخل بي .

[MARK edward]

الله يكون بعونكم وعون الجميع ياربي وانشالله نسمع اخبار حلوة عن الجميع ولتخلون اليأس يحاول يسيطر عليكم

صدقوني عندي احد من اقربائي مقدم بال2009 من بغداد بعدين نقل ملفة لعمان وضل هناك ومجان متصور يسافر لان

كلش تأخر وماكو لا حس ولا خبر بس اليوم خابرني كال حددولي موعد سفر وهسة راح اسوي الفحوصات

يعني الامل موجود وانشالله ياربي كلها تسافر محد يبقى وتحياتي الكم وللجميع

[aden]

السلام عليكم
نعم اخي العزيز انا اتفق معك بخصوص هذا الموضوع فالملفات الخاصة بسنوات 2008 و  2009 و  2010 لم تتلق ذلك الاهتمام بحجة انها مازالت تحت نظام التجييك الامني القديم والتي لايمكن الانتهاء منها الا بعد التاكد من الملفات بالكامل اما اصحاب الملفات الجديدة فيقال انهم غير مشمولين بالنظام الامني القديم وهذا هو سبب تحركها بسرعه والله اعلم .
وتقبل تحياتي

[تميم العراقي]

حسبي الله ونعمه الوكيل

[ابومريومة]

موضوع التفاوت بانتهاء التجييك الامني يعتمد على صاحب الملف نفسه
لا اعتقد ان التمييز موجود بين الملفات سواء كان بالسنوات او التمييز العرقي او الديني وانما من خلال الشروط الاساسية التي قد تساعد في تسريع الملفات
وضع امني وصحي فقط

اما غير ذلك يعتبر وضع عام وهذا ما اخبرني به موظف الاي او ام والافضل يكون اقناع الاي او ام اولا بتوفر احد الشروط ومن ثم يأتيك الفرج بأقرب وقت ممكن

علما تقديمي من 2009 والفحص اكسباير من 6 أشهر ولحد الان انتظر

تحياتي
ابومريومة البغدادي

[xxlm569]

iom مالهم علاقه بشي اسمه عداله .

و الموضوع مو لغز الشغله بكل بساطه ناس حظهم بالسماء و ناس حظهم بالكاع

لو اني مقدم بال 2010 ما احسب نفسي قديم , احسب من تاريخ استلام نتيجة المحلف .

و 80% من التسريع على الملفات الجديده

[الطيار العراقي]

ديمشون تحت شعار : من ياتي اخيرا يفرح كثيرا

[ORCA]

ديمشون تحت شعار : من ياتي اخيرا يفرح كثيرا

هذا الكلام اللي على الجرح

[بدر العراقي]

السلام عليكم جميعا

اخوان ترة الامنية شي صار قديم يعني مثل حايط انصيص

بس اريد اكول شي  الاخ ابو مريونة يعني الي ماعندا تهديد او مرض ينشتل اخوش شتلة
اعرف اناس اهواية عز المعرفة سافرو بدون تهديد ولا مرض عدهم عسكرية وماقدمو دفتر الخدمة كالو ضايع

مع احترامي الى لاخ ابو مريونة

تحياتي اللجميع

[الصابر76]

انا لله وانا اليه راجعون مع الاسف والله السنه الخامسه دخلت وشاب راسي والله

[فارس البغدادي]

مساء الخير

اخوية العزيز صديقي بال 2009 قدم وطلعتله وقدم تغيير ولاية واخروا بعدين سافر تدري شكد طولت هاي العملية والله ستة شهور واما اني فمقدم من شهر الواحد 2010 تدري اني بس مقابلة اولى مسوي فحص طبي وصديقي الثاني بيني وبينه 100 رقم بس البارحة وصل لاميركا وارقمانا 116&&&&  بغداد فعدالة ماكو يمهم بس رب العالمين هو اساس العدل اني حتى قبل فترة كلت انروح نعتصم يم المنظمة بعدين فكرت انه احنا بلاشي صوفة حمرة وهالدورة نعتصم
وما اريد اطول عليك بس اريد اخفف عنك لان اني مشكلتي اكبر
طلبت من بت خالتي اللي هي مقيمة هناك من سنة 69 وهي الكفيلة اسمع
طلبت ان تروح للمنظمة وتسالي المراة راحت وكاولها بعدها بالهوم لاند سيكيورتي يعني بعدها بغداد تكلي ترى وراك حصبة وجدري هاي شلونك بيها فكول يا الله واصبر

اخوك النعيمي

[النسيم المهاجر]

[hrhgالتسريع كذبه ضحكو بيها علينه كل 30 كيس من الجدد ديمشون كيس قديم هاي مو عداله ولا شغل عملي ولا اجراءات حلوة عيب عيب تتعامل المنظمه بهالاسلوب عيب ومليون عيب .]

[ابومريومة]

السلام عليكم جميعا

اخوان ترة الامنية شي صار قديم يعني مثل حايط انصيص

بس اريد اكول شي  الاخ ابو مريونة يعني الي ماعندا تهديد او مرض ينشتل اخوش شتلة
اعرف اناس اهواية عز المعرفة سافرو بدون تهديد ولا مرض عدهم عسكرية وماقدمو دفتر الخدمة كالو ضايع

مع احترامي الى لاخ ابو مريونة

تحياتي اللجميع

اخي العزيز شكرا لردك
بالفعل اكو هواية ناس ماعدهم احد الشروط وسافروا بسرعة لكن روايتهم اثناء المقابلة كانت مبنية على ادلة منطقية تعجل من سفرهم

هذا بناءا على تجربة من اخوتنا هنا

لكن ارجع واكول هي حسب قناعة الاي او ام لانهم يعتبرون عيون الحكومة الامريكية بالنسبة للاجئين

تحياتي
ابومريومة البغدادي

[سهم التميمي]

حسبي  الله  ونعم   الوكيل

[ORCA]

النا الله

[*Ray]

ان شاء الله الكل تسافر كولشي اله نهايه

[ORCA]

بالفعل

[بدر العراقي]

تحية طيبة جميعا

كلامك منطقي ومضبوط اخوية ابو مريونة

اللة كريم

تحياتي اللجميع


بدر العراقي

بغداد

[aden]

السلام عليكم طيب اخوان شنو رايكم هذا اقتباس من موضوع نزله الاخ فارس العراق 90

البارحه اتصل بيه احد الاصدقاء وبلغني انو اكو سفر جيرانه يوم 12\7 والاخ عائله من مستلمين مغلف 24\3\2012
بتوفيق انشاء الله للجميع

وهذا دليل على ان الملفات الجديدة صحيح ديشملها التسريع  والدليل انه الاخ استلم الامنية بعد 3 شهور من استلام المغلف اللي كان بتاريخ 24/3/2012 ... خوش لعد ليش اكثر الملفات القديمة واللي اعدادها كثيرة دتنتظر اكثر من سنتين او اكثر من بعد استلام المغلف ,, ليش التجييك الامني عليها مطول وماخذ كل هذه الفترة .
يعني اني براي انه التجييك الامني على الملفات الجديدة ميطول ومياخذ وقت اكثر من شهر بس الملفات القديمة خطية نايمة عليها الطابوكة وتصيح ياليل ياعين يعني القصد من كلامي انه الملفات القديمة لازالت خاضعة تحت نظام التجييك الامني القديم الذي توقف العمل به على الملفات الحديثة .

[ORCA]

عدالة الله موجوده