اخوان والله دخت الNVC طالبين مني شهادة الميلاد وما اعرف شنو ارسل الهم ارجوكم ردوا

[Eng.Samer]

اخوان اني هجرتي عن طريق زواج I-130 والNVC طالبين مني هسه شهادة ميلاد اللي مدوخني شنو ارسل الجنسيه مترجمه لو شهادة الجنسيه مترجمه لو صورة قيد 1957 لو بيان ولادة صادر من مديرية صحة المحافظه اللي انولدت بيها والله ما اعرف شسوي

[steven_siv]

شطالبين منك دزة يعني انتة داتكول شهادة ميلاد دز شهادة ميلاد وخلص

[Eng.Samer]

شهادة ميلاد اللي صادرة من صحة المحافظة اللي انولدت بيها؟؟؟

[ابو سمر]

البيرث سرتفكيت
هيه صورة قيد ولادة
تاخذها اذا انت مواليد الرصافة تاخذها من مركز ولاداة الزوية بمنطقة الزوية قرب جامعة بغداد الجادرية وين وزارة العلوم والتكنلوجية
اذا كرخ
اعذرني ما اعرف اني مواليد كراده

الفاملي بوك
مال 57 تاخذها من الجنسية
( اذا طلبوها )

---------——•
صورة قيد ولادة تاخذها وتروح لمكتب نادر للترجمة خلف المسرح الوطني على نفس السايد علجوه
اسال اي ابو محل يدليك
تترجمها ب 40 الف
ونصيحة لاتروح تصدقها بالخارجية
ماكو داعي
اني مصدقتها وانطيتها للسفارة واستلمت فيزتي

بالتوفيق

[ابو سمر]

اخي اي شي تحتاج كول وتدلل

[Eng.Samer]

اخويه ابو سمر اني جدا جدا ممنون الك لانه ما جنت اعرف شسوي بس اريد اعرف شنو المستمسكات المطلوبه  ؟ ويحتاج اخذ ورقه من النفوس مال مدينتي لانه اني مولود بمحافظه وعايش بمحافظه ثانيه واني اشكرك جزيل الشكر مره ثانيه والله يوفقك

[امين عبد الله]

اخويه ابو سمر اني جدا جدا ممنون الك لانه ما جنت اعرف شسوي بس اريد اعرف شنو المستمسكات المطلوبه  ؟ ويحتاج اخذ ورقه من النفوس مال مدينتي لانه اني مولود بمحافظه وعايش بمحافظه ثانيه واني اشكرك جزيل الشكر مره ثانيه والله يوفقك

اخي الكريم

بدون ان تدوخ روحك، سوي مثل ما ساشرح لك. روح للدائرة اللي اصدرت لك هوية الاحوال المدنية ومن رقم السجل والصحيفة اللي مكتوبة في هوية الاحوال المدنية تستطيع الحصول على رقم وتاريخ شهادة الميلاد والجهة التي اصدرتها. تروح وتطلع بيان ولادة ومن ثم تتجرمه عند مكتب نادر وترسله.

[ابو سمر]

اخويه ابو سمر اني جدا جدا ممنون الك لانه ما جنت اعرف شسوي بس اريد اعرف شنو المستمسكات المطلوبه  ؟ ويحتاج اخذ ورقه من النفوس مال مدينتي لانه اني مولود بمحافظه وعايش بمحافظه ثانيه واني اشكرك جزيل الشكر مره ثانيه والله يوفقك

تدلل اخي العزيز
شوف الصراحة اني من امشي بمعاملة حتى ورقة الكهرباء اخذها اصلية ومستنسخه لان بلعراق كل شوية ويطلعولنه بدرب
فانت اخذ جنسية وشهادة جنسية وبطاقة سكن وتموينية و صور وتوكل على الله
راح يسالك ليشتريدها ولازم تجيبلي كتاب
كله اريده لغرض التصديق والترجمة
هسه ينطيك واحد
ومن هسه شوف مكتب ترجمة قريب منك
لان مكتب نادر ياخذها ويكلك تعال فديومين استلمها
واانت مو مال تروح وترجع صعبه

وتدلل اخي العزيز