ارجو المساعدة...القصة الاولى عند التسجيلIOM

[ابو فرقان]

اخواني اجاني موعد مقابلة اولى منتصف الشهر الحمد لله والشكر بعد انتضار اربع سنوات......
المشكلة انو عند التسجيل كانت الاوضاع متأزمة طائفيا وحركت الجو بالقصة لكن هسة التركيز عالتهديد بسبب العمل مع الامريكان
فاذا انطي قصة بيهة اختلاف عن اللي دزيتهة اثناء التسجيل يأثر عالملف ...اني سامع من الاخوة بالمنتدى انو القصة اللي تنطي بالمقابلة الاولى هي اليقراهة المحلف.... ارجو افادتي

[برنسو]

عيني الف مبروك المقابلة ... ولو غريبة وره 4 سنوات يله راح تقابل موعد مقابلة اولى!! حضرتك كنت موقف ملفك مثلا؟؟

بالنسبة لسؤالك ... القصة الاولى انت بقيهه وضيف عليهه اللي تريده وهذا الشي مسموحلك لكن انطيهم سبب يقنعهم انه ليش ما كلتلهم على التهديدات الجديدة والمخاوف... وبالنسبة لمقابلة المحلفين راح يعيد عليك كل النقاط اللي ثرتهه بالمقابلة الاولى ويركز على كل التفاصيل من تواريخ الى اصغر شي ... يعني مراح يعتمد على القصة اللي قدمتهه اول مرة وانما على الحجي كله اللي كلته بالمقابلة الاولى فانت اي اضافة عندك حاول تكولهه بهاي مقابلتك... ولا تنسى انه وره متطلع من المقابلة تسجل كل النقاط اللي حجيتهه حتى تراجعهه ومتنساهه بالمقابلة الثانية ..

تحياتي الك واتمنالك الموفقية


اخوك ... برنسو

[بتر فلاي2]

up انشاءالله يجاوبوك اهل الخبرة

[اسطنبولي]

اخي العزيز شي غريب صالك 4 سنين من مقدم وهسة يله نطوك مقابله اولى انته من اي بلد مقدم
اول شي  تحجي قصتك الي كلتهه الهم بل عن طريق الهاتف وبعدين تنطيهم القصه الثانيه مالتك وحول تحفض التوريخ
مال التهديد مالتك ولا تنسهه ومبروك على المقابله الاولى
بس كلي مقابلتك عشره سبعه لو غير يوم لأن عندي صديقي عنده مقابله اولى عشره سبعه وانشاء الله الفرج الى الجميع

[ابو فرقان]

اشكركم اخواني عالردود ....التقديم من بغداد والتاخير بسبب عدم تاكيد العمل ومع مساعدة ابناء المنتدى وتوجيههم قدرت اتجاوز هالعقبة
ما رديت اي قصة بالتلفون انما دزيتة بالايميل ومخربطة وانرفض بيهة فشتشورون علي انطي المضبوط بالمقابلة الاولى ؟؟؟

[اسطنبولي]

اخي الي حجيته بل يميل احجي نفسى واذا عندك شي جديد كوله هم يعني الي كتلهم عليه بل يميل كلهم عليه بل مقابله وشنو عندك جديد ضيفى من هسة تره بل مقابله الثانيه متكدر تضيف شي  وانشاء الله تمشي امورك وتصير المقابله عليكم سهله 

[ابو فرقان]

UP