موعد السفر في 22-7 الى تكساس

[عمي كيل]

السلام عليكم ورحمة الله وبركاته
اخوان اني تحدد الي موعد سفر يوم 22 تموز وباقيلي 10 ايام 
حددولي موعد يوم 10 حزيران وطلبت تاجيل لان كنت مامهيء اموري وحددولي موعد جديد وكلولي الك حقيبتين لكل شخص 25 كيلو وحقيبة يد 5 كيلو ولابتوب وباجر دورة تثقيفية وما راح اروح فاللي ارجو منكم نصائحكم بخصوص السفر وشنو ناخذ ويانه والملابس والادوات والعدد المطلوبة والفلوس والعلاجات وخاصة اني مصاب بورم الغدة النخامية ومسوي عملية بالدماغ مرحلة اولى ومطلوب اسوي ثانية باشعة كاما فلاتبخلو علينا بالردود وماهو مناخ تكساس حاليا مع تحياتي للجميع

[** AL SHAEEA **]

اخي نتمنالك الشفاء العاجل ومبروك على سفرك ونصيحتي الك توكل على الله وسافر وهناك الله يسرلك انشاء الله وتسوي العملية وبالتوفيق

[alighost1970]

الف مبروك حبي  على الموعد يارب لله يسهل عليك حبي بس سوال   علمود الوزن   


 لكل شخص  حقيبتين ام 25 كيلو يعني يصير 50 كيلو+حقيبه هاند باك 5 كيلو ؟؟؟؟   لو


لو قصدك حقيبه ام 25 كيلو+حقيبه 5 كيلو هاند باك ؟؟؟؟؟؟؟؟

[اسطنبولي]

اخي نصيحه الك روح على الدورة الثقفية احسن الك واذا متريد تروح دزلهم يميل وكلهم ما اكدر اجي لأن عندي شغل
بس مو متروح ومتتصل بيهم  

[احمد النجفي]

مبروك عليك السفر
وسلامتك من المرض والله يشافيك
توكل على الله وسافر والله يوفقك

[العراقي72]

أخوية أولا أنشاءاللله الشفااااااااااء العاجل ألك وترتاح من المرض والله يعافيك .ز وثانيا ألف مبروك ألك موعد السفر ورأيي توكل على الله وروح سافر هناك الطب متقدم عدهم وأستغل الفرصة هاي .. والله يشفيك وتحقيق الأماني كلها

[عمي كيل]

الله.... هاي اول مرة اشارك بالمنتدى وماتوقعت هلكد ردود، الله يحفظكم اخوتي ويسهل اموركم ويفرح قلوبكم ، اما الاخ علي فكما تلقيت بالاتصال فان الحقائب اثنين لكل شخص بوزن 25 كغم حتى اني استغربت مع حقيبه 5 كغم لكل شخص واللابتوب وايضا لكل شخص.
تحياتي للجميع

[كوكي 2004]

اخونا العزيز عمي كيل

سلامتك ألف سلامة ومتشوف شر ولا مرض والله يشافيك ويعافيك يارب

حضرتك من اي دولة مقدم


       تحياتي وتوصلون بألف سلامة

[ALNABHAN]

مبروك ويارب توصل بالف سلامه بالنسبه لجو تكساس فهو حار جدا ونصيحه لتشتري ملابس الي عندك بس جيبه اهنا الملابس اسعارهه مناسبه وعلى طول يسوون تخفيضات يعني لتزيد بالوزن ودوخ بس الملابس الشتائيه الثكيله غاليه وبالنسبه للادويه بصوره عامه الاسبجك  وكبسول الالتهابات والبندول واذا تكدر تشتري نسخه الوندوز لان راح تفيدك بالفرمته لان اهنا هيه غاليه هاي تقريبا كل الاشياء الي اذكرهه .. تحياتي

[شنايزر]

الف مبروووووووووك وانشاء الله سلامة الوصول

ومشافى ومعافى باذن الله

[وردة الخليج]

مبرووووووووووووك وتوصلون بالسلامة

[good55]

الف مبروك وشايف كل الخير على تحديد موعد السفر وان شاء الله الشفاء والصحة والعافية

[shay.ray]

ماعندك غير الصحه اخويه ان شاء الله
وبخصوص الحقائب ماكو 25 انت حضر 23 كيلو لان يروح الوزن الزايد يشمروه بالزبل باول مطار بامريكا
وبخصوص العلاج تكدر تجيب اي شي بس مو سوائل واذا حاله اضطراريه
جيب وياك العلاج بس كون وياه الوصفه وتقرير من الدكتور يوضح هالعلاج لشنو
ولا تجيب بكميات جبيره لان ممنوع
والملابس لا تجيب بس العندك لان هناك كلشي اكو
وتوصل بالسلامه ان شاء الله

[عمي كيل]

اخوية كوكي اني مقدم من العراق بس قديم لان الشخص اللي زكاني طلع من العمل فرادو ريكومنديشن من واحد مستمر بالعمل وعلما دورت ولكيت واحد منهم عالفيسبوك ودز رسالة ثانية هواي طولت بس اني كنت متردد بس ماتركتها كلت بالاخير اقرر وفعلا قبل ست اشهر تقريبا قررت قرار نهائي ان اسافر فعلا وعندي صديق بتكساس شجعني هواي فرحت للمقابلة واستمريت
اخوية شاي ري اني استفسرت قبل لا يخابروني من اصدقاء كلولي نفس كلامك 23 كيلو بس مثل ما كلتلك بالاتصال كلي 25 وطبعا طلبت يدزلي ايميل كال لا احنه نتصل فقط ومع ذلك راح استفسر من يخابروني قبل السفر
شكرا للاخوة الباقين على ردودهم وتعاطفهم معي
الله يسهل اموركم ويوفقكم جميعا

[محمدالطائي]

الففففففففففففففففففففففففففففففففففففففففففففف مبروك اخوي توصل بالسلامه

[مس لارا]

الف مبروك توصل بالسلامة ان شاء الله وتشوف العافية .

[نداوي79]

عل الخير وان شالله توصل بالسلامة

[كوكي 2004]

اخويه العزيز عمي كيل

ربي يشافيك ويعافيك وتوصل بألف سلامة
والوزن الصحيح هو 23 كيلو لكل جنطة و5 كيلو بالهاند باك ونصيحة خلي بكل جنطة 23 كيلو حتى لتصيرلك أشكالات بالمطارات الله ليقدر
يعني اذا الموظف كلك 25 او 23 يعني مو هذاك الفرق

ومثل مكال احد الأخوه جو تكساس كلش حار ورطب مثل جو دول الخليج والعراق تقريبآ

اخذ وياك ادوية مثلآ ( بندول / حبوب للأسهال / حبوب للمغص / كبسول مضاد للألتهابات / شراب للسعال ) هاي الأدوية تفيد لأن رح يصير اختلافبالجو اول متوصل الله ليحوجك الها

اتمنالك كل التوفيق والله يجعلها ولاية الخير والرزق والأستقرار عليك يارب


                أختك كوكي / عمان

[فـلـونـا]

الف مبروك وانشاء الله توصل بالسلامة ومعافى من كل مرض

[lord.baghdad]

اخي العزيز مبروك عليك موعد السفر وان شاء الله الاستقرار والنجاح والتوفيق بحياتك الجديدة
و نصيحتي الك تروح للدورة التثقيفية او اذا مكدر تروح للدورة دزلهم ايميل اشرح بي وضعك وابلغهم بظروفك الصحية الي هي على الاساس راح تعيق حضورك للدورة التثقيفية كونك مسوي عمليه وتحتاج الى عملية ثانية واتمنالك الشفاء العاجل يارب
اما بخصوص الجنط مثل ما ذكرو كل الاخوة اخذ بالجنطة 23 كيلو تلافياً للالتباس+هاند باك5 كيلو+لابتوب
واخذ مثل ما ذكرت الاخت كوكي الادوية الي متحتاج بيها وصفة طبيه من طبيب مثل المسكنات ومضادات الالتهابات والاشياء الاخرى البسيطة بس لاتاخذ بكميات جبيرة
واخيرا وهم مثل ما كالت الاخت كوكي جو تكساس حار ومشابة لجو العراق بدرجة كبيرة جدا بس طبعا الكهرباء هناك متوفرة وهذا يعني توفر التبريد في كل مكان

توصل بالسلامة ان شاء الله


تحياتي

[ابو فرقان]

الله يسهل عليك الامور ان شاء الله واتمنى ان تكون عضو فعال بالمنتدى وتشاركنا افراحك وهمومك وشكرا

[عمي كيل]

الاخوة الكرام شكرا جزيلا على ردودكم واني جدا ممنون الكم ورحت البارحة للدورة واخذت سيرتفكيت ولكيت ناس وياي بنفس السفره ايضا مخابريهم وكايليلهم حقيبتين لكل شخص واتصور كلش كلش كافية ووافية الاربع حقائب النه كنفرين وشكرا على النصائح ، الله يوفقكم ويسهل امركم ويفتح ابواب الرحمة بوجوهكم يارب

[*Ray]

الف مبروك وتوصل بالسلامه ونتمنالك الشفاء من كل مرض ان شاء الله

[xxlm569]

مبروك موعد السفر و نتمنالك الشفاء العاجل