------ السلام عليكم ------
اولا- اني واهلي مقدمين ع الاي او ام سنة 2009
المقابلة الاولى بالشهر السابع 2010
والمقابلة الثانية والفحص الطبي بالتاسع 2010
وسوينة اعادة فحص طبي بالشهر العاشر 2011
فهسة بالشهر الخامس 2012 دزولنة ايميل يريدون كفيل فاطيناهم
ورة اسبوع اتصلو بالكفيل و اكدو معرفتة بينة
وبعدين ورة فترة هم بالشهر الخامس اتصلو بالكفيل وكلولة ان يختارلنة شقة علمود ياجروهة فهو راح واختار شقة ما ادري شنو يعني رايدين يحجزوهة لو شو شنو
المهم الكفيل كال ان ابو المنضمة بنفسة خابرة وكال ان السفر قريب جدا
والسفر رح يتم من الشهر الخامس الى الشهر التاسع
وجان الكلام موجه مو بس النة يعني الى كل المقدمين ان شاء الله
بحيث كفيلنة كال شتريدون بعد اكثر ابو المنضمة بنفسة اتصل وكال رح يسافرون و هم كلولةان اهلي من يوصلون لامريكا رح يطوهم راتب تقاعدي بما ان هم كبار بالعمر و ان الابو ميحتاج يشتغل فاذا اشتغل ايكطعون عليه الراتب
وهماتين الكفيل هو بتكساس وكال اعداد هائلة دتوصل لهناك ويكول بس احنة واهلة معفنين بالعراق يعني شمعنة الكل ديطلع واحنة صارلنة سنتين ماطالعين
واني ردت اسالكم سمعت ان الكفيل لازم يوقع ع اوراق شو كفيلنة ماوقع؟؟؟ شنو معناهة ضروري التوقيع ؟؟؟
ان شاء الله استفاديتو فارجو تكولولي شنو رايكم يعني رح نطلع عن قريب لان اني ايست تماما هسة احنة احنة بالشهر السابع و لا حس ولا نفس ليهسة
