تاثير الولايه في اعطاء مواعيد سفر

[جورجيا]

تحيه طيبه لكل اعضاء عنكاوا الاعزاء
اريد اسئل سؤال هل اكو احد سافر بهل فتره على ولايه جورجيا او سمعتوا انو واحد من بعيد من قريب سافر الهاي الولايه الكشره
الي دا الاحظ اكثر السفريات على تكساس ومشكن وكاليفورنيا
الي اريد اعرفه هسه هل سبب اختيار الولايه ياثر باعطاء سرعه موعد السفر
يعني اني الي دا احسها انو التخصيصات الماليه  المخصصه للولايات دتلعب لعبتها بلنسبه بسرعه تحديد موعد السفر
ياريت انسوي احصائيه بلولايات الي ديصير عليها سفر اكثر من غيرها
تقبلوا تحياتي
جورجيا

[سهم التميمي]

والله يااختي جورجيا  اني كاليفونيا وصار اكثر من 6 اشهر متصلين  بل كفيلل ولاحس ولاخبر

[Black Ops]

ماعتقد
اني ولاية مشكن من الشهر الرابع متصلين بكفيلي ولحد هسه شحن

[مروان الجاف]

اني هم مشكن وصار 3 اشهر من اتصلوا بكفيلي وفوكاها رجعت عالتجيك الامني بعد ماجانت الامنيه مكتمل

[soranov]

اني يوتا صار شهرين و نص بعد مقابلة الثانية، لسة ما اتصلوا بكفيلي

[محارب]

جماعة تكساس نايمين

[كوكي 2004]

جوجو حبيبتي الولاية ما ألها تأثير من ناحية سرعة السفر او تأخيره والدليل حاليآ مع سرعة السفر الي ديصير صاروا يحولون اللاجئيين من ولاية الى ولاية
يعني حسب المنظمة اذا كان عليها ضغط وزخم بأستقبال اللاجيين همه من كيفهم يحولون اللاجئ الى ولاية ثانية وبدون موافقة او استشارة اللاجئ

مثل مصار ويه زميلنه بنجامينالمفروض هو على نيويورك ومضبط اموره عليها وميشوف أله يسلموا خط الرحلة على ولاية ثانية


      تحياتي ياغالية وليظل بالج يم الولاية
       بالتوفيق ان شاء الله

[جورجيا]

مشكورين علردود وعلى المشاركه
بس ابد مسمعت احد طلع الجورجيا هل ايام

[اسطنبولي]

اني عندي ولد صديقي قبل شهرين سافر ع ولاية جورجيا وهسةهوه هناك

[جورجيا]

مشكور اخويه اسطنبولي
خوش خبريه
هو هذا الي اريد اعرفه اكو احد ديروح الجورجيا لو لا

[اسطنبولي]

تدللين  اختي  وانشاء الله يوم الالج وتروحين الى جورجيا
ونفرح بوصلج يا ربي 

[جورجيا]

اني عموما مئيسه
بس اخويه اسطنبولي شيكول صديقك عن وضع الولايه بشكل عام

[اسطنبولي]

لا انشاء الله تسافرين ياربي في اقرب وقت

ولاية جورجيا اي كول عليهه حلوة وشغل بيهه والايجارات حسب المنطق الزينه والي مو زين
بس هسة هوه المنظمه منطي شقة لمدة 6 اشهر ويستلم مساعدات هم كل شهر لمدة 6 اشهر 
وعندي ولد صديقي هم راح اي سافر الى جورجيا بعد 4 ايام

[Attum Rose]

اني جزر العذراء و بعدني ما مسافرة 

[جورجيا]

انشاء الله خير

[gheed ... جـهــيـــــــد]

اني فرجينيا واعرف ناس اقاربي راح يصيرلهم تقريبا سنه ومخلصين كلشي وبعدهم ممسافرين هم عله فرجينيا

[** AL SHAEEA **]

اختي جورجيا

نعم الولاية الها دور كبير في عملية التأخير

كأن يكون اللاجئ مكمل كلشي   (كل الامنيات وموقع الكفيل اوراقة )بس الولاية الي هو اسمه عليها تكون ما عده استعدادات مالية بالوقت الحالي لاستقباله

كتحضيرات السكن والتخصيصات المالية وكافة متعلقاته

لحين استكمال الولاية وتهيئة امورها يتماعطاء موعد السفر النهائي

تحياتي لك

[alighost1970]

انا ولايه يوتا شلونه بله هاي الولايه شباب ؟؟؟


 

[مغربل]

مساء الخير

اخبار ولاية ميريلاند؟؟ ؟؟ تسلم انت اذا اكو حس هههههههههههههه

[وردة الخليج]

أني ولاية لويزيانا أصلا كلش قليل اللى تحددت اليه هذه الولاية
ومكمله كلشي ولحد الان ماكو شي لاحس ولا خبر  وتعبنه من الانتظار
الله كريم نصبر ونشوف تاليها

[برنسو]

الله يسهل امرج جورجيا ..... ويا رب يوم تبشرينه بموعد سفرج

بالتوفيق......

[hornet]

سبحان الله
جورجيا وتريد تروح لولاية جورجيا !!!! شلون صدفه 

 تمنياتي بالتوفيق والسفر القريب

 ابو مريومة
cairo

[Grey Goose]

اختي العزيزه جورجيا
اني جنت اعتقد انو كالفورنيا هي اصعب لان عدها مشاكل ماديه وهوايه عراقيين دي روحون هناك فجنت اريد اغير الولايه بلكي الملف يمشي لان صارلي سنه و8 اشهر من كملت مقابلة المحلفين
بس الضاهر مالها اي علاقه هاي السالفه لان اكو سفر هوايه لكالفورنيا بالفتره الاخيره  التاخير هو من وره الامنيه

[xxlm569]

ما اعتقد اكو علاقه
السفر القريب انشالله

[جورجيا]

منورين بردودكم
والف شكر على المرور