اخي العزيز xxlm569
لالا ما كو زعل هوخوش سؤال ومن حقك تعرف اكيد..اخي العزيز احنا هنا القدامةبس نسمع ريحة مواعيد السفر نروح نبحبش وندور عليهاحتى نعرف شنو اللي ديصير اذا نسمع مواعيد السفر قدامة نفرح لان نكول اجانا السرة بلشو بالقدامة واذا جدد صدكوني هم نفرح بس نحس بالظلم وماكو عدالة اضن القدامة يشاطروني الراي الف مبروك عالكل وكلمن وقسمتة واكيد الجدد من حقهم السفر واحنا من كنا جدد هم كنا نتأمل نسافر من وكت.. بس احنا هنا بسد البوشرية كل ما تشوف عراقيين اثنين او اكثر سوالفهم كلها كالت المقابلة وحجا ال سي ام سي وكال السفير وحجت المواعيد فنتابع كل الاخبار ,ومن ينطون المواعيد بسرعة تنتقل الاخبار لأن هنا ومثل ما كال الاخ chris2007 كل يوم العصر يتجمعون في مكان واحد وكل الاخبار تسمعها مجانا ونشوفهم واحد يبارك الثاني ونروح نباركهم وما ادري اذا تصدك لو لا؟؟ اكو ناس ينشروها بالفيس بوك وتشوف التعليقات ونقراها ونعلق عليها..وبصراحة اني من ينطوني موعد انشرها بالمنتدى وبالفيس بوك. وانا سمعت من ذاك الاسبوع بمواعيد السفر بس ما نشرتها لأن ما كنت متأكد من الاشخاص الا اذا سمعت فلان وفلان واكون متأكد منهم كأن يكون من الأقارب او صديق او جيران او ابن منطقتي يعني تكون اكيدة حتى ما انحرج من هيجي سؤال . ارجو ان تكون قد اقتنعت من اجابتي .ولك احلى تحية
شكرا لكل التعليقات واتمنى ان ما يصير زعل بين الأصداقاء والمعلقين على الخبر .المفروض تكون المحبة والتعاون بيناتمنا وان لا تزعل بعضنا .وان شاء الله تفرج على الجميــع وكلنا نسافر ..صبرنا كثير وما بقى الا القليل .ســـلامي للجميــــع
